ENVER IDRIZI KARATISTI SHQIPTAR

Enver Idrizi eshte nje nga karateistet me te medhenj te botes, njekohesisht edhe kampion boteror ne kick-boxing, nje tjeter art marcial. I lindur ne Shkup, me baba nje shqiptar nga ish-RFJ e Maqedonise dhe nene, shqiptare nga Kosova, Idrizi ka garuar vazhdimisht per Kroacine, por qe nga viti 2001 ka dale kampion i botes per Kosoven, ndersa pergatitet te hape veprimtari biznesi ne Tirane. Per kete arsye, ai ka qene ne Tirane keto dite dhe sqaron se do te hape nje qender biznesi ne qender te Tiranes (prane vendit ku eshte gropa e Ajdin Sejdise), ne te cilen ka merak te hape edhe nje palester te madhe sportive dhe te ngreje nje ekip karateje apo kick-boxing, me synim per te qene nga me te miret ne bote. Qe nga mosha 16-vjecare kur doli kampion i ish-Jugosllavise e deri me sot (38 vjec), kur eshte kampion i botes ne kick-boxing, Idrizi mbetet nje nga sportistet me te shquar te te gjitha koheve per vazhdimesine e fitoreve. Kampioni vlereson se Tirana dhe Shqiperia kane ecur shume keto vite, madje nuk harron te theksoj se “ketu kam pare vajza aq te bukura sa ne asnje vend tjeter te botes”.

Kampioni botëror i karatesë tregon sekretet me Van Damin

Enver Idrizi është ndër shqiptarët, që padyshim e meriton të futet ndër më të shquarit sportistë të racës tonë. Jo vetëm pse është kampion në karate, por edhe pse është një shqiptar i mirë, që ka luftuar dhe me mjete të tjera për dinjitetin e kombit. Emrin, kampionit të Evropës dhe të Botës ia kisha dëgjuar shpesh, ndërsa nga afër e takova në zyrë, ku ai erdhi për të na vizituar. Më pas u takuam përsëri, derisa siguruam një intervistë për të cilën Enveri, shprehu respekt të veçantë. Rruga nëpër të cilën ka kaluar karriera sportive e karatistit të shquar është e gjatë. Imagjinoni dhe merrni me mend një djalosh që ndjek me vëmendje stërvitjen e vëllait të tij të madh dhe i qeshej fytyra kur ai e lejonte t’i mbante çantën sportive. E pikërisht ky djalosh, kur nuk kishte mbushur ende 16 vjeç, do të përfaqësonte Maqedoninë për të rritur dhe do të fitonte titullin kampion në ish Jugosllavinë e atehershme. Karrierën e ka nisur në Shkup. Pas kësaj kampioni do të kishte gjithandej kërkesa nga klubet sportive. Ndër ofertat e paraqitura ai do të zgjidhte atë të Mostarit.

Anila Kullafi