OOR BAIRN. When mither’s life was sair oppressed, And a’ her nerves were strained and stressed, Wha’ cam’ along wi’ virtues blest?                - oor bairn Wha’ fills us a’ wi’ joys unseen? (The best wee lamb there’s ever been) By this, of coorse, ye’ll ken I mean                - oor bairn Wha’ delves in Auntie’s sweetie poke?, Wha’s aye aboot tae share the joke?. Wha’ mony a time the tension broke?                - oor bairn T’ hae the wain aboot the hoose, Is no like haein’ a timrous moose, For, he’s never quiet; no! never doose                - oor bairn o’ a’ the folk wha’s life’s no gay, Hoo mony, tae cheer a worthless day, Must aften wish that they could hae                - oor bairn Nae frankincense, or gold, or myrrh, We offered him, at his first stir, But wha’d we gie oor hert’s life for                - oor bairn