Un foyo kavalo e hundo konversis unu kun l'altru, e la kavalo dicis: "Me ne komprenas nia sinioro!  Me, kavalo, laboras la tota jornedo,e tu, hundo, vigilas la tota noktedo, e malgre to ni esas mi-saturita, kontre ke nia porko qua nek laboras nek gardas esas manjigita til krevar.  Ka to esas yusta?"

    - "Tu eroras, kamarado" respondis la hundo, " la porko fakte facas nulo, ma vartez!  Balde la sionioro buchas lu por facar shinko e socisi.  Me recevos la intestini e tu havos bona brosilo ek lua pili".

    De ica parabolo rezultas ke Ahasveros destinesis por determinita skopo, e fakte, pos la konocata eventi en Persia, la gardistestro Artaban asasinis il.

    Se la forti dil mondo pensas naskir por su ipsa e por exekutar sua propra intenci, li eroras.  Porko konsideras su kom exekutero di sua grava projeti, ma li existas nur por divenar shinko e socisi.