STRANJA POSKONGRESA PSIKOLOGIAL FENOMENI  
Me esas kurioza, ka anke altra kongresinti travivis lo sama, kam me e Horovitz.
 
Pos departir le Praha en la treno ni audis parolar la kunvoyajanti stranjera, la bruiso dil veho e nia dispartigita atenco efektigis, ke ni havis l’iluziono audar Ido-parolo.
 
Forsan on dicis en altra kupeo (angulo) Germane :"Der est es ja " ; ni audis : il esas ya. La voci, vokali audita forsan automate komplementesas en nia mento per kelka (nekoncie) Ido-finali, probable ni facis sama senkoncia procedo, kande ni audis Idisto ne sat klare pronuncanta Ido e nia mento kustumeskis ica psikala procedo.
 
Ta akustika eroro havas certe anke sentimental origino. Ni ya tante prizis askoltar Ido, ke ni senkoncie Idigas Idatre sonanta paroli. Same, ni vidas stranjeri sur la strado e kelki tante similesas a kelka Idisti, ke ni esas inklinita sentar ke omnaloke ni vidas mult Idisti.
 
Me kredas, ke plura ssikologiema Idisti reflektos a mea supra remarki.
 
Me travivis sama interesa iluzioni anke pos kongreso en Wien e Cassel.