OPERETO MORTE – NASKINTA
Komedio
pleita en la teatro internaciona
en Szombathely
Teobald : Me komposas opereto
Nun me ruptas la kapeto.
Klara : Teobald, venez en vizito,
Onklulo sufras pro artrito.
Teobald : Me ne iros, spozineto,
Me ya skribas opereto.
Helpez solvar la problemo,
Nam me havas nula temo.
Klara : Ho, tu fola nulfacemo,
Esez ipsa tu la temo.
Teobald (furioze) :
Ta chambron tu quik livos,
Altre tu ne longe vivos.
(el fugas)
Deo donez ideeto,
Por parturar opereto.
Ma qua trublas me itere?
Esas Katarina, vere –
Katarina : Me volas nur facar ordino,
Imperis to la siorino.
Teobald : Stop! Solvita la problemo!
Deo sendis elu e la temo.
Me nun duktos la parolo,
Quale se ol esus rolo.
Katarina, primadono,
En qua brilas la amoro,
Katarina dicez do a me
Ka sentas tu solitare?
Katarina: Ho, me sentas certe nulo,
Ne parolez, siorulo.
Teobald: Yunino, la bona centi
Ne celas la sentimenti.
Katarina: Me ne havas ul celendo,
Esas me sincera ento.
Teobald: Kun tu me volas nun dansar,
Tua kordion amansar.
Katarina: Sioro, me mustas ridar,
Vu volas per nazo me guidar.
Teobald: Kantez, tu havas bela voco,
Me volas sentar emoco.
Katarina: Me ne esas kanto-merlo,
Ma vu esas briska kerlo.
Teobald: Tu esas l'acendanto
Di mea kordiokanto,
Sentez tu, kolombo, same
Por ne amorar tu vane.
Katarina: Vi dicis gaya frazo,
Ne posibla tala kazo.
(il titilas el)
Ne titilezs mea nazo,
Me quik ruptos ica vazo.
Teobald: Satisfacez mea volo,
Plear me volas tala rolo,
Qua esas mea modelo
En opereto, la zelo.
Katarina: Omno ico a me plezas,
Mea kordion ne lezas.
Me askoltos la konfesi,
Naracez do vua qualesi.
Teobald: Ho, ne facezmala joko,
Me de tu deziras poko.
Grantez kisar tua boko,
De kisi me ya havas stoko.
Mea kordio tre sufras,
Amorante vers tu suflas.
Bel respondon tu susurez,
E de me tu ne forkurez.
Katarina: Haha, Haha, Siorulo,
(ridas) Vu recevos de me nulo.
Teobald: Kison dolca tu nun donez,
Men tu kelke nur amorez.
Me ya esas por tu folo,
(Klara eniras)
Ha, ve yen la karambolo!!!
Klara: Ho, tu esas amuzanta,
Ni balde esos divorcanta.
Teobald: Ho, tu esez kontre me klementa,
Me ya esas inocenta.
Co nur esis mikra joko,
Ne esez tante harda roko.
Klara: Pardonon tu ne dezirez,
Aden la inferno irez!
Teobald: Bela urbo esas Kairo,
(kun patoso)
Nultempe ludos me kun fairo!!!
Klara: A tu me nur pardonos,
Se tu a me kison donos.
Teobald: Ho sublima sentimento,
El havas benigna mento.
Katarina (desprizeme):
Amorala ftiziiko,
Aceptez mea benediko.
J. CSATKAI 1926