LA INVENTO DI ARTIFICALA MUZIKO  
 (daktiloza hexametro)
Tempo e loko : Grekia pre-Homera.
 
 
 
 Pastora Puero :
 
Venez ho askoltar, rurani, nova muziko, dansez ye mes kano tretizita, nun esas tante belega vetero vivar, nun omnalatere preske la blua somiti atingas granda Olimpo; dansez ye mea fluto e l’inventita muziko.
 
 Rurani :
 
Dicez tamen a ni, audacem pastora puero, qua tra la Parnasala, la multherboza prateti venas pasturigar tua trupo de bel ge-mutoni, ka ne suficas a tu ke la ucelala muziko sonas melodioze e ta di la yun puerini? Tante nam antiquega ci esas quante homaro. Qua do bezonas havar tua nuna novacha muziko ek tua kano sonanta, ed inventita per arto?
 
Dicez a ni nun, Saji tra Grekia omn honorata vere kad esus o, ne pensebla ed anke posibla muzifikar per kano truetizita ed arto?
 
 
 
*
Longe e parhonorinde la Saji parmeditadis, ofte itere karezis li sua barbi longa e blankeskinta e fine li kune proklamis :
 
 
 Saji :
 
Existis nultempe, do existiva ne esas tal artala muziko, ol esus ne-naturala; yel puerinetala e l’ucelala muziko multe min harmonioz, olu esus ne-tolerebla.
 
 Rurani :
 
Cesigez vua soni sonar, pastora puero, multe min harmonioz, oli esas ne-tolerebla.
 
 Pastora puero :
 
Ma ne minime me do sonifados melodioze; mem se vi nun dansema ne esas, fine vi dansos. Olim aparis a me sonjante bel viziono marveloza vidar pri kozi fore future apta ad injeniita esor, genitota per arto : vice la lign habiteyi deal marmora aparis, homi atingis aero-vehar per aero-vehili, e per fingri mem parolar, audar per okuli, ne, se me langin sis, ed bokin sis se me havus, esus pri-parolebla tal astonegant aparati.
 
Quankam sola me do muzifikos, fine vi dansos.
 
 
Gilbert H. RICHARDSON 1925