Me zumas, me plaudas, me kuras,
Blu rivereto.
Adavan, sus! hop! sus! adavan!
Me haltas, me flugas plu fore,
Sempre plu fore,
Til maro spumoza, adavan!
Me venas del pinti glaciera,
Sunodazlanta,
Me balnis foresti durstanta,
Viteyi, orea frumenti,
Olda kasteli,
Di "olda landeto" Valezia.
La maro imensa devoris
Blu rivereto.
Ho nubi en cielo vaganta,
Riprenez, riportez al monti
Suodazlanta,
Me mikra, ke ibe me kantez.
J. Gross 1928