'di skad bdag-gis thos-pa dus gcig na|
bcom-ldan-'das rgyal-po'i khab bya-rgod-phung-po'i-ri-la dge-slong-gi
dge-'dun chen-po dang|
byang-chub-sems-dpa'i dge-'dun chen-po dang-thabs gcig-du bzhugs-te|
de'i tshe bcom-ldan-'das zab-mo snang-ba zhes-bya-ba'i
chos-kyi-rnam-grangs-kyi ting-nge-'dzin-la snyoms-par
bzhugs-so||
yang de'i-tshe byang-chub-sems-dpa' sems-dpa'-chen-po 'phags-pa
spyan-ras-gzigs-dbang-phyug
shes-rab-kyi-pha-rol-tu
phyin-pa zab-mo'i spyod-pa-nyid-la rnam-par-blta-zhing|
phung-po-lnga de-dag-la yang
rang-bzhin-gyis-stong-par rnam-par-blta'o||
de-nas sangs-rgyas-kyi mthus|
tshe-dang ldan-pa shaa-ri'i-bus byang-chub sems-dpa' sems-dpa'
chen-po 'phags-pa spyan-ras-gzigs dbang-phyug-la 'di skad ces
smras-so||
rigs-kyi-bu gang-la la
shes-rab-kyi pha-rol-tu-phyin-pa zab-mo'i
spyad-pa
spyod-par 'dod-pa des ci ltar bslab-par bya|
de skad ces smras-pa dang|
byang-chub sems-dpa' sems-dpa' chen-po 'phags-pa spyan-ras-gzigs
dbang-phyug-gis tshe dang ldan-pa shaa-ri'i-bu-la 'di skad ces
smras-so||
shaa-ri'i-bu rigs-kyi-bu-'am rigs-kyi-bu-mo gang-la la
shes-rab-kyi pha-rol-tu
phyin-pa zab-mo'i spyad-pa spyod-par 'dod-pa des
'di ltar rnam-par blta-bar bya-ste|
phung-po lnga de-dag kyang rang-bzhin-gyis stong-par
yang dag-par dze-su blta'o||
gzugs stong-par|
stong-pa-nyid-kyang gzugs-so|
gzugs-las-kyang stong-pa-nyid gzhan-ma yin-no|
stong-pa-nyid-las-kyang gzugs gzhan-ma yin-no|
de-bzhin-du tshor-ba-dang|
'du shes-dang|
'du byed-dang|
rnam-par shes-pa rnams-stong-pa'o||
shaa-ri'i-bu de-lta-bas-na chos thams-cad stong-pa-nyid-de|
mtshan-ma med-pa| ma-skyes-pa| ma-'gags-pa| dri-ma-dang bral-pa med-pa|
bri-ba med-pa| gang-ba med-pa'o||
shaa-ri'i-bu de-lta-bas-na stong-pa-nyid-la gzugs med|
tshor-ba med| 'du-shes med| 'du-byed med| rnam-par shes-pa med|
mig med| rna-ba med| sna med| lce med| lus med| yid med| gzugs med|
sgra med| dri med| ro med| reg-bya med| chos med-do||
mig-gi khams med-pa-nas rga-shi med| rga-shi zad-pa'i bar-du yang
med-do||
de-bzhin-du sdug bsngal-ba-dang| kun-'byung-ba-dang| 'gog-pa-dang|
lam med| ye-shes med| thob-pa med| ma thob-pa yang med-do||
shaa-ri'i-bu de-ltar-bas-na| byang-chub sems-dpa'-rnams thob-pa
med-pa' phyir|
shes-rab-kyi pha-rol-tu phyin-pa-la brten-cing gnas-te|
sems-la sgrib-pa med-cing|
phyin-ci-log-pa shin-tu 'das-nas|
mya-ngan-las 'das-chen-po'i mthar-phyin-no||
dus-gsum-du rnam-par bzhags-pa'i sangs-rgyas thams-cad-kyang
shes-rab-kyi pha-rol-tu phyin-pa-la brten-nas|
bla-na med-pa-yang dag-par rdzogs-pa'i byang-chub-tu mngon-par
rdzogs-par sangs-rgyas-so||
de-lta bas-na shes-rab-kyi pha-rol-tu phyin-pa'i sngags|
rig-pa chen-po'i sngags|
bla-na med-pa'i sngags|
mi-mnyam-pa-dang mnyam-pa'i sngags|
sdug-bsngal thams-cad rab-tu zhi-bar byed-pa'i sngags|
mi-brdzun-pas-na bden-par shes-par bye-ste|
shes-rab-kyi pha-rol-tu phyin-pa'i sngags smras-pa|
ta dya thaa| .o ga te ga te paa ra ga te| paa ra sa.m ga te|
bo dhi swaa haa|
shaa-ri'i-bu byang-chub sems-dpa' sems-dpa' chen-pos de-ltar
shes-rab-kyi pha-rol-tu phyin-pa zab-mo-la bslab-par bya'o||
de-nas bcom-ldan-'das ting-nge 'dzin-de-las bzhengs-te|
byang-chub sems-dpa' sems-dpa' chen-po 'phags-pa spyan-ras-gzigs
dbang-phyug-la legs-so shes-bya-ba byin-nas| legs-so legs-so||
rigs-kyi-bu de de bzhin-no||
rigs-kyi-bu de de bzhin-de| ji-ltar khyod-kyis bstan-pa de
bzhin-du shes rab-kyi pha-rol-tu phyin-pa zab-mo-la spyad-par bya ste|
de bzhin gshegs-pa rnams-kyang dzes-su yi-rang-ngo||
bcom-ldan-'das-kyis de-skad-ces bka'-stsal-nas|
tshe-dang ldan-pa shaa-ri'i-bu-dang|
byang-chub sems-dpa' sems-dpa' chen-po 'phags-pa sbyan-ras-gzigs
dbang-phyug-dang|
thams-cad-dang ldan-pa'i 'khor-de-dang|
lha-dang| mi-dang| lha ma yin dang|
dri-zar bcas-pa'i 'jig-rten-yi rangs-de|
bcom-ldan-'das-kyis gsungs-pa-la mngon-par bstod-do||
bcom-ldan-'das ma shes-rab-kyi pha-rol-tu phyin-pa'i snying-po
shes bya-ba theg-pa chen-po'i mdo-rdzogs-so||
(
geocities.com/potalasw)