Fyret


Storm og storhav.
Uling i riggen.
Trollskap i lufta.
Sjøsprøit piskar.
Og stamnen nedi
so havet
velt yver dekket.
Brått yver brått.
Og skip skjelver
skjelv i bølgjom.
Og det er natt.
Og myrkt

Gufs
frå Helvite
gjennom myrkret.
Smådjevlar kror seg
og gliser.
Hå - å! Hå - å!
Tiskring
og kviskring.
Hjartans ynskje
frå tusund kantar:
Ferdig!
Endeleg!

Står han på brua
mundug og sterk
i blink frå fyret

Står dei på stranda
og glåmer
utyver havna.
Kjem det fleir?
Vinden bles
og leikar
med fattig kropp.
og bulder frå hav.
Og natt.
Langt ut
mot veret.
Mot dei
som strir.

Trygt i hamn.
Sleten av veret.
Men i hamn
enno eingong.

I blink frå fyret