عجزت اصارع الفكره
بعيدٍ
والمنال اضحى قريبٍ أرتجي أمره
أبي اروي بتحناني مداين شوق مهجوره
أبي أرسم خيولٍ سابحه في لوحةٍ خضره
واحرر قيد أنفاسٍ باقصى الروح مقهوره
وأشعل من خيال الأمس خيالٍ عاش في أسره
أشكلها على كيفي حروفٍ في ألف صوره
بقلبي غاربه شمسٍ وشمسٍ ترتجي بكره
وشمسٍ بين آمال وأماني وروح محفوره
أواسي شوق محبوسٍ وقلبٍ للهوى دره
وأصبر نفس أضناها الفراق تبات مكسوره
قدرت أطوع القاسي وعجزت اصارع الفكره
تعبت وما ني بمهزوم من أفكار مسطوره
ولكن للحقايق صوت تعدى بالمدى سره
ومن ينظر لعين الشمس مسيره يفتقد نوره
أنا غايتي اكسرخطوطِ بالفكر حمره
وأغير من خرايط جايره بالكذب مستوره
حقايق ملت التزييف والتحريف والعثره
حقايق رافضة التحوير وبالتاريخ محصوره
ترى دنيا العرب وحده فلا عشرين ولا عشره
وأن كانت على التنكيل والتفريق مجبوره
رفضت الواقع ولكن تجرعت بأسى مره
تقبلته ورفضته وعشت على واحات منثوره