بدقايق خذتْ قلبي!!
(1)
بعدة دقايق خذت قلبي
وْثقت حبك فالضماير
وانا بشوقي جيت ألبي
داعي غرامك والبشاير
من قبل شوفك كنت اكذّبْ
قوس الهوى بلحظه يصوبْ
يالين عانقتك بحبي
وبعدة دقايق خذتْ قلبي
يا قدرة المولى بدقايق
(2)
يسري غرامك في دمايا
بحساس خذ (م) الشهد حاليه
وان مر طيفك (ف) الروايا
يزداد قلبي لك توليه
ما كنت اظن من قبل اشوفك
سيف الهوى لمحة طيوفك
يا لين عانقتك بحبي
وبعدة دقايق خذتْ قلبي
يا قدرة المولى بدقايق
(3)
والله قبلك ما خطر لي
حب ايتْبلور في دقايق
يا لين شفت اللي حصل لي
بعيوني وقلبي حقايق
رجواي في اخر مقالي
اتجاوب بلطفك سؤالي
كيف بدقايق صرت حبي
وبكل رضايه خذتْ قلبي ؟!