E: ¿Qué son las fontes Truetype?

R: Las fontes TrueType son, por dicilo d´alguna manera, unos elementos gráficos qu´aparecen na pantalla l´ ordenador cuando pulsamos nel tecláu´l signu correspuendiente (fontes de pantalla). Pa poder emplegalas deben tar instaladas (reconocías pol sistema operativu). Amás, tienen la propiedá de caltener tolos rasgos a la hora la impresión (entós tamién son fontes d´ impresora).
Podemos camudar el tamañu las fontes ensin perder calidá (fontes escalables).
La so estensión ye .ttf.

 Lóxicamente empléganse con programas que las pueden soportar.

E: ¿Qué tienen que ver col Asturianu?

R: Nel tecláu l´ordenador nun aparecen los grafismos correspuendientes a la "ch" vaqueira ya la "h" aspirada; pero si facemos nós unos símbolos con un editor de fontes TrueType, ya sustituimos (meyor esborriamos) col mesmu editor el símbolu, por exemplu, del dollar, cada vegada que pulsemos la tecla del dollar nel nuesu tecláu tendremos el grafismu sustituyente na pantalla del ordenador (podría ser la "l" con un puntu embaxu).

Nel Word ya n´outros programas que soportan esti tipu fontes, éstas deben seleicionase nel recuadru correspuendiente. Sí, ehí onde suel poner Times New Roman, Arial,...Cuando ten las fontes istaladas seleicionaríamos Times Astur, Arial Astur o Courier Astur.

E: Entós, ¿ya nun podría plumiar el dollar?

R: Sí, namás tendrías que seleicionar outra fonte col símbolu sin camudar nel recuadru de fontes. Por exemplu, la Times New Roman.

E: ¿Ónde sacamos los nuesos símbolos?

R: Coxemos una "l", una "L", una "h" ya una "H" ya pegámos-ys un puntu embaxu a una distancia prudente (ye copiar y pegar). Llueu esborriamos los símbolos "$", "&", "|" ya "#" ya pegamos los nuevos nel su llugar.

Por supuesto que esto faise col editor de fontes TrueType.

E: ¿Qu´editor emplegamos?

R: El que quieras demientras furrule. Yo empleguei uno Shareware nomáu Softy, propiedá de D.W.Emmett y que puedes atopar n´ http://users.iclway.co.uk/l.emmett.