Ek weet nie van jou nie, maar ek kom uit 'n goeie Afrikaner huis (my pa is 'n boer en my ma 'n huisvrou) en ek is 2 keer elke Sondag NG kerkdienste toe gesleep. Nou kyk voor almal kruise in die lig maak en "Antichris!" skreeu, ek het niks teen godsdiens nie en almal het 'n behoefte om in iets groter as onsself te glo, maar ek het dit vreeslik teen die reëls en rituele van meeste "organised religions". Maar een goeie ding het uit hierdie gedwonge getroue kerkbywoning gekom en dit is dat ek die bybel baie goed leer ken het en sê wat jy wil, die bybel is 'n goeie stukkie literatuur (baie interessant stories en amazing poetry). So hier is 2 poems met soort van 'n bybelse agtergrond:

o

Erfsonde

Daar was 'n slang in die gras
reeds van die heel eerste dag
eden was 'n droom
wat geval het uit 'n boom

Wie gaan die skuld dan dra
vir die dinge wat pla
iemand sal die blaam moet kry
want jy moet my bevry
van my verlede
in hierdie hede

Daar was 'n vlieg in die salf
en jou beker was half
en jy moes leer om te veg
krummels gooi langs jou weg

So word jy gestraf tot in die 3de geslag
en evolusie bly die kondisie
in die stryd

Wie gaan die skuld dan dra
vir die dinge wat pla
iemand sal die blaam moet kry
want jy moet my bevry
van my verlede
in hierdie hede

o

Hoe lank dan nog?

Kyk,
in die vlak poele van die lewe
is plastiek klippe volgens range uitgepak
wat dobber en bots
en plastiek klanke klots
hoe lank dan nog?

Op die breë lewens paaie is daar vele afrdraaie
na wie weet waar
en by elke stop
stamp ek harder my kop
Hoe lank dan nog?

Die wysheid roep hardop daarbuite
sy verhef haar stem op die pleine
hoe lank dan nog
sal die eenvoudiges
die eenvoudigheid liefhê
en spotters bly spot

Hoe lank dan nog kan jy dit als ignoreer
die dae net om jouself sentreer
en niemand anders toelaat
Hoe lank dan nog?

o

Bostaande deur Anna S

o