Tabi bala kaban,

Lama ga aku enda enggau kita berandau ba ruai tu ketegal ti bisi limpang ka pengawa bukai. Bisi ga aku
meda postings bala kita tang semina macha enggau ngelansa aja.

Hmmmm........ Posting aku sekali tu mai bala kitai sekaban bejurai ka topic baka ti di baroh tu:

"Siko Apai-Indai ulih nupi sampai bebelas bala anak, tang bedau/apin/empai temu bebelas anak nya tadi ulih nupi semina siko aja Apai-Indai"

OK. Aram kitai bejurai ka pekara tu ba scope bansa kitai Iban aja kelebih agi scenario di rural areas baka Rumah Panjai alai kitai selalu meda 'ignored'tauka 'neglected' parents. Pekara tu amat nyadi, ba menoa aku empu, aku selalu meda pekara tu. Aku enda nemu ga ba menoa bukai. Tang sebedau nya pesan ari aku ngagai bala kitai, Pekara tu ukai utai ti bangat ngasoh kitai bansa tusah ati begau ka iya, semina tuju aku arise ka topic tu, deka meda ni penyauh(to what extent) pekara tu bisi nyadi ba menoa bukai, or Sarawak in general.

Maioh Apai-Indai ba menoa pesisir belandik deka beranak maioh sampai bebelas, enggau ading ati enti udah tuai ila maioh bala anak nupi sida in return. Sekeda nya beranak maioh ketegal nadai 'family planning' Tang pekara ka nyadi maioh lain ari ti diading sida nya. Sekeda anak iya ti indu belaki nguai ka laki iya alu enda nemuai betaun-taun. Iya ka lelaki bebini ba menoa urang,nguai ka indu lalu enda pulai betaun-taun. Sida ti kereja nyau maioh enda iboh ka penusah Apai-Indai ba menoa ketagal rindang enggau pengerami ba nengeri. Enti bisi ngirum belanja udah kira manah ga. Sekeda nadai lalu. Kasih.

Sekeda angka ngasai ka diri udah kereja perintah nyamai, gaji besai, pemakai chukop,kereta bisi enggau nyau ka semua perengka chukop magang ka lalu ngikat ati ari ti ingat ka menoa asal. Nyau tuai amat Apai-Indai tu tadi, sekeda nya udah 'sulai pulai ke batang mandai' ko jako tuai nya baru ka nemuai ngabas. Tang udah kelalu laun. It was too late.

****Exemption******
Enggai ka salah tangkap ba runding bala, ukai semua deh kitai Iban baka nya. Bisi ka amat baka nya enda maioh. Tang enti ba menoa siti campur enggau menoa siti kada enda nyadi maioh enti di total?

Semua kitai tau mansut ka penemu 'pros and cons' pasal pekara tu. Semua comments deka didinga magang asal meh patut alai mansut.

Nya aja , minta jurai ari kita bukai ka sama berintai duduk nyanggah ba ruai kitai tu.

Terima kasih

p/s Arap ka Tanong mentas nupi aku maia tuai ila.

Apai Tanong

In Reply to : Ni Pengamat jako tu? posted by Apai Tanong on May 06, 1999 at 05:24:12:

Ngibun apai-indai.
Manah berita ke dipansut ke kita nya, pasal ngintu ngibun apai-indai. Endang patut bendar kitai nabur ke penemu nya ditu. Ngambi ke sekeda kitai ke macha berita nya tau manah agi enggau apai-indai kitai.

Beri Maia Sida Agi Idup
Indai aku nadai, 9 ari pengudah aku ngenatai ke diri ari US udah bekau ke tembu sekula. Agi aku ingat, maia aku mai bungai leboh ke nemuai ngagai kubur Indai aku, dia kaling aku bejako, "It is funny that we gave flower to her only when she was no more living. How wonderful would it be could the flower be given to her when they was still alive, when she knew how to appreciate it?" Amat bendar utai ko iya nya. Aku ngasai ke diri enda kala meri bungai ke indai aku.

Apai Aku
I tried my best to show how much I love my father. Gave him whatever food he could think of. Mai iya bejalai raun sebelah Sarawak & Brunei. Could not bring him further than that due to his health problem. Enti bisi fun fair, bai aku meda. Laban ke nadai urang ngintu iya maia aku kereja, di giga ke aku orang gaji (amah) kena nyaga iya di rumah. Takut ke iya tak luput ngapa maia aku nadai di rumah. Diau enggau aku dua tiga empat bulan, udah nya enggau menyadi aku ke bukai sebulan dua. Pulai ke rumah panjai sebulan dua. That was his life cycle.

Enda Tebalas Ke Pemanah
One day, when I was in India, I got a call telling me that my father passed away. That was the worst and saddest moment of my life. Immediately I flew back for the funeral. When my father was alive, I thought I had done enough to please him or to pay back what he has given me. I thought I was a good son. When he died, I regret because I realized that I could have done more to my father. I could have given him more money. I could have been giving him more present. I realized that no matter how much you try to please or to give your parent, that can never pay back what they have given us. But at least it reduces your regret.

Pengerindu Apai-Indai
Diatu aku bisi anak and I love them so much that no word can describe. And I believe that was how much my parent loved me. We can conclude – how much you love your children and that is how much your father & mother love you. Keru semengat, if my children that I love so much, ever kick me aside, that is going to be a very very sad ending. I saw interview on TV one day when a mother describe how her son treated her, said, "Kaki yang saya cium dahulu itulah yang menendang saya".

Rumah Pengandai Tuai
I was in UK not long ago, lalu bisi berandau enggau urang putih ti dikelala aku, nanya ke dini endor apai indai iya. Iya madah ke apai indai iya be rumah pengandai tuai (Old Folk Home). Aku madah ke iya, ba menua kami, enti nuan nganjong apai indai ngagai rumah urang tuai, nya enda tentu manah. Iya madah ke aku, the situation does not allow them to do so. Seduai melaki bini bela kereja. Urang gaji nadai alai ngiga. No one to look after their parent at home when they are working. Nya aku meda, the situation will also happen here in my own country, sooner or later. Diatu deh udah baka nya – bini kereja, laki kereja, anak ba day-care center. In such case, who will take care of our parent enti sida diau enggau kitai? So I guess we have to prepare for such situation.

Pulai Maia Gawai
Pulai ke rumah panjai maia Gawai Dayak, is almost a must, ba aku. Asai aku, empai kala aku enda pulai, semadi meh maia di menua urang. Kelimpah ari ke nyengok sida bala kaban belayan di menua, diatu aku pulai ngabas sereta meresi kubur apai aku. Pia mega kena kitai meransang sereta nabur ke jako ajar seleka dua ngagai sida nembiak sekula di menua din. Pia mega kena kitai mandang ke menua asal kitai ba bala anak, ngambi sida nemu ari ni penatai sida. Bala anak aku, udah niap ari deka pulai nemuai ke rumah panjai.

Naka tu dulo. Selamat Gawai Dayak.
//tuai..

In Reply to : Ni Pengamat jako tu? posted by Apai Tanong on May 06, 1999 at 05:24:12:

Dudi ari ila semua kitai deka nyadi orang tuai. Bakani ko asai ba ati kitai empu? Ka diau enggau anak tauka kediri? Laban Topik tu bisi bakait enggau kitai dudi ari nyadi orang tuai nya alai ia manah endar ikerandau ka kitai.

Aku tu ukai nyukong culture (adat) menoa barat semua manah tauka semuanya jai. Tang pelaba aku ba tengah (moderate). Ukai semua adat/western value di barat jai lalu ukai semuanya manah. Utai tu sama enggau kitai di timor. Ambi ia ke manah lalu buai ia ke jai. Tu polisi orang Jepun. Western value ke manah di ambi nyadi teladan lalu ia ke jai nyadi sempadan. Aku enda iboh nerang enggau selik.

Laban randau tu bakait enggau tanggungpengawa anak enggau apai-indai lalu vice-versa. Enggau peluang tu aku ka ngenang chara orangputih nerima problem utai dikenang kitai ditu ngena jalai sida ia empu. Diatu phenomena ia ke nyadi di menoa orangputih bedau nyadi di menoa kitai. Tang dalam abad ke 21 ia enda olih dikeenggai ka kitai. Maioh bala udah nyebut anak enda peduli ka apaiindai ke udah tuai. Kapa ka ngentu enggau nyaga nyengok pan udah enggai nyau keji. Utai tu endang nyadi dini-dini endor.

Uji aku cherita ke utai tu lapa orang putih enda begulai enggau apaiindai ke udah tuai. Aku olih cherita ka utai tu chimit laban ke udah sekula di menoa ribai di U.K enggau di Amerika.
Cherita tu dibagi dua.

Penemu orang-putih ke tuai.

Responsibility sida ia ngagai anak bermula ari anak ada sampai bebini/belaki lalu bisi kerja. Udahnya ia madah ka diri retired lalu ka relax. Laban menoa kaya ia enda begantong ba anak meri makai. Sida ia bisi penchen kena idup. Pia mega sida ke tuai enda kiroh nyaga uchu laban anak bisi kerja lalu pia mega anakmit bisi allowance kena meli makai enggai nyaga sida ke nembiak diberi perintah. Tu dikumbai orang welfare state.

Idup kelalu senang pelaba aku nya alai sida ia enda tentu begantong atas pangan diri. Bisi maya free sida ia begalumu enggau diri sebilik/kaban belayan sekali seminggu/sebulan. Enti leboh susah sama-sama betolong enggau pangan diri. Kedua enti apai enggau indai agi idup seduai ketuai segi enggai begulai enggau bala anak laban ka independent & privacy. Ukai anak seduai ia muai enda pia. Udah tuai nyau enggai nitih ka anak diau di negeri enti sida tu orang datai ari luarbandar laban enggar noisy nadai pangan dikelala. Enda betah kampong. Anang saru maioh orang putih diau di luarbandar.

Enti orang ketuai sigo aja ke agi idup ia masih enggai begulai enggau bala anak ia sampai ka ia nyau enda olih nyaga diri empu nya baru ia minta anjung anak ia ngagai ukai Old People's Home tang ngagai Nursing Home.Sida ia rindu diau ba Nursing home laban maioh orang dia sama umor enggau sida ia. Kelempah ari maioh orang enggau bejako/bemain bisi nurse nyaga bisi lutor agi meri ngubat. Sida ia nyau baka anakmit dijaga orang ba Nursery. Utai tu nadai di rumah anak ia. Sapa mayar belanja tu. Perintah magang. Laban sida bisi allowance tiap-tiap minggu. Ari allowance duit nya di bayar ngagai Nursing Home. Maioh orang kaya ka diau ba Nursing Home. Taja pan sida olih mayar private nurse enggau lutor tang nadai pangan enggau berandau/bemain. Siti agi sida ia enda ngiroh bala anak sida.

Penemu ari bala anak orangputih:

Sebaka enggau kitai ditu. Kitai nitih ka periok asi dia meh endor kitai diau. Bala anak ukai semua enggai endor apaiindai diau tang ketegal pengawa/endor diau ke jauh. Sida ia pan nemu tanggungpengawa ngagai apaiindai. Ia bermula ari sida bisi boleh kerja sampai orang tuai nadai. Nya meh maya paying back period start.

Leboh nurun kerja enti endor kerja jauh nadai jalai tua olih pulai ka rumah tiap-tiap jam. Menoa orang putih kitai semua nemu leboh maya winter ia kelalu chelap. Malam panjai agi ari siang. Pukol 11 pagi agi petang pukol 2 lemai petang baru. Utai tu bakanya selama nyau ka 6 bulan. Orang ketuai nadai jalai ia olih meli barang makai ka diri dalam chelap enggau gelap. Maioh ke tuai ia ke stubborn/bingkeng ditemu mati ka diri dalam rumah laban enda olih pansut meli barang makai masang heater sida ia leboh maya winter. For safety and security reason anak sida ia enti enda olih ngaja apaiindai ia ke udah tuai is duty bound to send their aging parents to Nursing Home. Enti kena temu perintah apaiindai sida mati merinsa sida ia olih kena charge dalam court for causing death by negligence.

Anak sida datai tiap ujong minggu mai apai/indai sida pansut keluar lalu anjong leboh malam nya tauka next day.

Cherita tu ukai digaga aku. Cherita tu utai amai ari tusoi orangputih empu enggau experience aku ke udah bekerja ba Nursing Home di England leboh bekerja part-time ngiga belanja kena idup kediri maya my student days di U.K.

Enggau tu I am not encouraging bala kitai nitih ka penemu tu tang meri penerang ngagai bala chara/kebuah orangputih nganjong apaiindai ngagai Nursing Home.

manah kitai kempen sayau ka apaiindai.

nya aja berita enggau ngelansa..

mupok aku..

In Reply to : Ni Pengamat jako tu? posted by Apai Tanong on May 06, 1999 at 05:24:12:

Apai Tanong,

Jako tau ke topic ke dibai nuan perjurai ke tu sigi amat maioh nyadi ba menoa kami. Jako ti madah ke enti beranak maioh awak ke tau nyangkong lalu nupi sida leboh udah tuai, tang udah apai indai tu tuai anang ke anak ka nupi nyengok sida ke menoa pan enda meh laban runding sida anak nya tadi apai indai enda penting tang penting agi ga pengawa.

Nama ga salah kitai minta cuti sekali-sekala pulai ke rumah diri empu nemuai mai bala anak diri empu awak ke nemu asal usul diri. Pelaba aku maioh anembiak diatu enda nemu penatai asal diri empu laban enda dibai apai indai sida ia nemuai pulai ngabas aki ini sida di menoa din.

Di menoa kami ia ke diau ba rumah panjai tebal agi nya semina dua iko diri sebilik ia nya aki enggau ini ke udah tuai. Tu amat nyadi ba menoa kami wai. Aki enggau ini tu diau kediri, suba bisi seduai nitih ke anak seduai ke udah bekerja nyadi Pengetua Sekolah laban anak ia tu graduate ari Universiti Malaya suba tang lalu ngambi Diploma pendidikan laban minat ngajar.

Ini tu sakit stroke lalu enda ulih bejalai. Menantu ia tu nadai kerja diau ba rumah aja tang laban ti kelalu ka sibuk enggau orang serakup indu lalu enda tibun ke ini tu tadi, sampai ke nadai ari ka nyengok ini ke sakit tu tadi. Ini enggau aki tu tadi di asoh sida diau ba bilik kediri baka reti jauh ari sida ia meh. Even makai enggau meda TV pan kediri enda begulai enggau sida menyanak, keji ke orang tuai.

Nyau kepuas aki ke enda sakit pan nyau sakit laban nadai bejako enggau orang semina enggau ini ke sakit nya tadi. Dia seduai tu minta pulai ke rumah panjai seduai baru laban ngasai ke diri dianak tiri ke anak ia. Anak ia pan jarang ga nyengok seduai ke diau kediri, langsung enda ingat ke jasa sida apai indai ia. Aki enggau ini tu pan pulai ke menoa laban menantu endang sigi nadai jako nagang, gaga meda seduai ka pulai.

Empai lama udah ini tu tadi mati baka reti mati enggau ati ke sinu ngenang ke anak ia ke enda iboh ke ia pia ga menantu ke endang enda kiroh ke ngibun laban ko jako seduai tu meh ti agih ngibun bilik. Aki tu meh ke kiroh meri ini tu makai enggau mandi ke ia, anak enggau menantu lepas tangan. Maya ini tu mati anak ia siko pan nadai meh meda ia ngapus ke seput, sinu aku kaban ngenang ke anak ke bakatu enda iboh ke apai indai, menantu pan nadai kiroh.

Tu meh reti nguai ko jako awak ke bisi orang kiroh ke kitai enti udah tuai tang enti tekena ke anak enggau menantu ti bakatu tusah kitai. Kisah tu ukai utai di tempa digaga ke aku tang amat nyadi very-very sad story.

Maioh ga kitai bangsa ke udah bebini tau ke udah belaki nguai ke bilik bukai enggai ngabas bilik diri empu agi laban ngasai ke biliknya ukai bilik ia agi. Penemu ke bakatu enda tau dikena laban penemu bakanya tau muai diri sebilik, enda ngenang jasa, taja pan apai indai kita enda minta duit tang kita faham-faham aja meh ni asai nurun sekula suba enti apai indai enda meri duit ka nuan pulai ke sekula.

Kitai patut mulai ke pengingat maya kitai agi mit nya meh kitai ngasai ke tanggungjawab apai indai kitai endang besai, uji ti sida enda bebendar nyengula tau ke merangsang kitai belajar tau pengidup kitai nyamai baka ke diatu, bisi rumah enggau kereta ba negeri. Nya meh budi apai indai kitai ngagai kitai, anang meh kitai semina ngingat ke jako ransi tau ke anu apai indai kitai aja tang ingat ke meh jako ajar sida.

Arap ke kitai sama-sama anang ignored apai indai kitai enti apai indai udah enda ulih gawa ba rumah panjai bai pindah ke negeri enggau kitai, anang malu ke sida udah tuai, kitai pan mangsang tuai meh ila, kada enda teruk agi pendiau kitai.

Nya alai topic tu segi bisi reti ba kitai siko-siko awak ke kitai ingat ke penatai asal kitai, ingat ke meh apai indai, aki enggau ini laban jasa sida endang segi besai ngagai kitai ke anak sida.

In Reply to : Ni Pengamat jako tu? posted by Apai Tanong on May 06, 1999 at 05:24:12:

Au , Puji Tuhan laban kitai ulih begulai baru .

Apai Tanong , bangsa kitai Iban patut nitih ka singkang bala bangsa bukai laban kitai agi mimit ratio enti dibanding ka enggau bangsa bukai di Malaysia . Enti kitai ka beranak maioh , lagi manah tang ingat ka , ekonomi kitai sebilik . Nyangka orang ke makai gaji ulig melanja anak sampai 5 , 6 iko tang ingat ka kitai ke bekebun betupi , kair pagi makai pagi .

Enti kitai ka ka anak enda lapar pungkang , betagang meh beranak enggau maioh . Ukai apa , enti kitai ka ka anak kitai 2 3 iko pandai ari 6 iko , duit kitai mesti bisi kena melanja sida tu UKAI SEMINA NGAGAI POM 6 AJA .ENTI DEKA KA KITAI , NGAGAI PROJEK SEGRADUATE SEPINTU NYA MEH .

Au , kitai ke mampu mayar pelajar anak kitai baka kita ke bekerja ba minyak , ba perintah , anang enggai beranak maioh 6 iko . Nemu kita ? Enggi bangsa 'BUKAI ' ba msjid , dilaung laung ka enda tau enda beranak 5 iko ngambi ka ratio population sida lebih agi ari Kristin di Sarawak tu . Bala ke FREE masuk ari SEPIAK BORNEO , dalam taun 70an suba , masuk gambar disadong ba sempadan lalu nama terus ditukar ngagai B. Dollah = anak Pak Dollah !!!!!!!!!!!...

Itu le tak best !!!!!!!!!

Nya aja . DBZ

In Reply to : Ni Pengamat jako tu? posted by Apai Tanong on May 06, 1999 at 05:24:12:

Unggal Apai Tanong,

Betul amat utai ti ka dipejurai ka kitai tu. Topic tu patut ngasoh kitai sedar ka tanggung jawab kitai ke bala anak ti udah makai gaji. Tu enda milih kitai bisi udah berumah tangga kadiri empu tauka agi kediri(single). Enti apai indai kitai udah nyenggula ka kitai sampai pabdai, ngintu kitai ari mit, tu meh maia kitai ke bala anak malas budi sida. Kitai patut enda ngira sapa ke nguan bilik tauka enda. Anang kitai nyadang siko siko diri madi.

Enti kitai bala anak tu tadi nguai ka bilik orang pan tau ga meri belanja ngagai apai indai sesen dua.

Enti enda oleh meri ninting ka udah terima gaji, nadai salah sekali sekali. Sema jako, buji meh kitai enda sabilik enggau sida agi.

Enti oleh sengok meh orang ke tuai, nemuai meh ka rumah apai kitai. Kitai ke bala anak enti udah bebagi reta pesaka, udah bebagi bilik, lalu enda iboh ka orang ka tuai, laban kitai ngarap ka madi bukai ti nampong bilik nampong penaik tu tadi nya meh orang ti nupi apai indai sampai tuai. Kitai enda tau baka nya.

Enti apai indai( kur semangat ), tabin birin, lapar anang neju ka bala madi bukai kiroh aja, tang kitai patut sama sama enggau kiroh. Tudah orang tuai kitai andal amai ati meda bala anak maioh, ngambi ka maioh ga nupi keno. Iga ga enda teintu ka apai indai seduai iya ka duai iko aja. Kati ko enda ngira pemerinsa seduai iya ngidup ka kitai ari mit. Malu amai enti kitai enda tebalas ka budi orang tuai. Enti sama bela neju ka seduai iya, sapa ke malu deh?

Bala anak meh ke empu nama. "Apai sanu, indai sanu", ko orang kulu kili. "Bala anak makai gaji magang magang, siko siko enggai kiroh" ko orang bilik sepiak. Enda pia ko dek bakih? Tu segi endang adat kitai Iban nupi apai indai enti nyau tuai deh. Anang nitih ka adat China Laut, Orang Barat enda oleh tunda kitai, laban adat, budaya( culture ) enda sebaka. Indah kulit, jako, enda sama!

We were educated overseas, at Western Universities but then you should not adopt Western Culture into Iban Society. You cannot change your roots! Ambi ka banding, bala madi kitai China, enti apai enggau indai nyau tuai, malas ngintu, enggai nupi agi, anjung ngagai Home for the Age!!! Tu ukai chara kitai Iban bakih. NO! certaintly NOT!!!

Nya aja ari aku, arap ka sida bukai oleh nambah.

In Reply to : Re: Ni Pengamat jako tu? posted by Sera Gunting on May 07, 1999 at 01:16:37:

Rindu sereta bisi sinu ga ati aku ninga utai ke dipansut ke bala menyadi ba RR tu,iya nya pasal ke beranak maioh enggau cara ngintu sida ke tuai lebih lebih agi baka sida apai indai kitai ti udah tuai. BA penemu aku beranak maioh nadai salah enti kitai tetupi ke iya,enti keran amat ka beranak maioh anang ngasoh kelalu rapat laban kitai sama nemu maia kediatu tusu sapi mar amat.Nya alai kitai enti ka beranak baru tau ga nganti anak kitai udah badu nusu susu sapi laban enti nyau kelalu pisit kitai ga tusah ngidup ke iya enda pia?.

Enti gaji kitai besai nadai ga ngawa tang enti orang ke gaji mit mesti ka nemu ngatur utai ti bakatu. LAlu baka kitai ke agi bisi apai indai aki ini aku enggai enda nyebut seleka dua ditu,penemu aku sigi amat nadai tang nitih ke penemu diri empu meh.Ba penemu aku kitai enda patut enggai kiroh ke apai indai kitai kebuah pia laban kitai nadai meda dunya enti enda ari sida lalu nadai ensepi penyamai enti enda ari sida. Anang meh kitai kelalu enggai kiroh enggau sida iya. NAma guna nuan maioh reta maioh utai gaji besai enti apai indai nuan merinsa.

BA menua kami nadai orang merening nuan ke pangkat besai nya tang utai ke diperening orang iya nya bilik penaik ,apai indai nuan ke dipebasa ke orang. TAng maioh ga bala kitai iban kelalu ngemeran ke diri empu kelimpah ari ti ngemeran ke apai indai.

NAma udah bisi meli rumah ba nengeri lalu bisi kereta lalu ego enggau kedudukan diri empu konon nya pengidup udah terjamin sereta nadai memerlukan apai indai agi sereta lalu lembau nyengok ke rumah panjai agi. Tang iban ke bakatu ukai iban ti menyana,orang ke bakatu iya nya iban ti kelalu MEMENTINGKAN diri enggau bala bini anak iya empu.

Aku minta ampun ngagai bala menyadi ke bukai,laban ukai semua kitai ke bakatu tang bisi siko dua meh ke kelalu jai enggau apai indai.Nya alai aku arap ke bala kitai ti bisi limpang ati ti enda manah enggau apai inadai arap ke berunding enggau panjai sebedau jai enggau apai indai.Lalu ngagai sapa ke enda kala mai bini anak nyengok rumah panjai,rumah panjai mentua arap ke ulih mai sida iya pulai maia gawai dayak tu.Rumah nengeri,nengeri ga ,rumah panjai,rumah panjai ga.Anang ensepi diri udah bisi pendiau ba nengeri rumah panjai lalu nadai dikingat ke agi.

Minta ampun enti jako tu bisi ngasoh ati kita enda nyamai.Lalu ke penudi tu aku meri selamat gawai dayak,sereta gayu guru gerai nyamai.Arap ke ulih ngap babi gawai tu. Aku udah booking siko babi di rumah panjai kena aku meri pengaga ati enggau sida di rumah panjai.

Terima kasih.