Maria, Marì
(versi di R. Russo, musiche di E. Di Capua)
 
I
Aràpete fenesta
famm' affaccià a Maria,
ca stongo, mmiez' `a via
speruto p' `a vedé.

Nun trovo n' ora `e pace:
`A nott' `a faccio juorno,
sempe pe sta ccà attuorno
speranno `e ce parlà!

Ah, Maria, Marì!
Quanta suonno ca perdo pe' te!
Famm' addurmì
abbracciato nu poco cu te!

Ah, Maria, Marì!
Quanta suonno ca perdo pe' te!
Famm' addurmì
Oj' Marì - Oj' Marì!
 

II
Mmiez' a stu ciardeniello
nce ride `a malvarosa,
nu lietto `e fronn' `e rose
aggiu fatto pe' te.

Viene, ch' `a notte è ddoce,
`o cielo ch' è nu manto...
tu duorme e i' te canto
`a nonna affianco a te!

Ah, Maria, Marìi!
Quanta suonno ca perdo pe' te!
Famm' addurmì
abbracciato nu poco cu te!

Ah, Maria, Marì!
Quanta suonno ca perdo pe' te!
Famm' addurmì
Oj' Marì - Oj' Marì!
 

          III
Pare ca già s' arape
na senga `e fenestella...
Maria c' `a manella
nu segno a me me fa!

Sona, chitarra mia!
Maria s' è scetata...
Na bella serenata
facimmela senti!

Ah, Maria, Marìi!
Quanta suonno ca perdo pe' te!
Famm' addurmì
abbracciato nu poco cu te!

Ah, Maria, Marì!
Quanta suonno ca perdo pe' te!
Famm' addurmì
Oj' Marì - Oj' Marì!