Bona sera a quista casa
e a tutti quanti li soi abbitanti
e a tutti quanti li soi abbitanti.
'Ncete Ddiu cu lli soi Santi
jutu 'nde descia e sarvazione
jutu 'nde descia e sarvazione

Osci osci se fa missione
ca osci Lazzaru è suscitatu
ca osci Lazzaru è suscitatu.
Lazzarenu essi qqua ffore
ca si chiamatu te Nostru Signore
ca si chiamatu te Nostru Signore.

Marta Maria la Maddalena
ca 'nde patiu de quiddhra pena
ca 'nde patiu de quiddhra pena.
Pe 'llu votu de suo fratellu
lu lazzarenu castellu castellu
lu lazzarenu castellu castellu.

Sciamu a casa te lu Simone
addhrai 'nce Cristu se fa la cena
addhrai 'nce Cristu se fa la cena.
Addhrai cumparse la Maddalena
ca 'nde patiu de quiddhra pena
ca 'nde patiu de quiddhra pena.

Cu lle lacrime soi preziose
li soi capelli se li bagnava
li soi capelli se li bagnava.
Cu lle lacrime se li bagnava
e cu llu mantu se li sciucava
e cu llu mantu se li sciucava.

Trenta danari vindira Cristu
li sacerdoti, li farisei
li sacerdoti, li farisei
Giuda foe lu traditore
vindiu Cristu Nostru Signore
vindiu Cristu Nostru Signore.

Bonasera, 'na bona matina
'nde tai l'oe te la caddhrina
'nde tai l'oe te la caddhrina
Bona sera, 'na bona Pasca
'nde tai l'oe te la puddhrascia
'nde tai l'oe te la puddhrascia

Vanne vanne allu puddharu
addhai 'nde troi 'nu centanaru
addhai 'nde troi 'nu centanaru

Santu Lazzaru l'imu dittu
e sia lodatu lu Gesù Cristu
e sia lodatu lu Gesù Cristu.

Tamandrì e tamandrò
o 'nde le tai o sì o no