Vi jam konas la historion: "Petro amas Marian kaj Maria amas Petron"
Ili amas unu la alian.
Ili amas sin reciproke.
Petro iris che jhuveliston kaj achetis du orajn ringojn (=ringoj el oro), kaj petro farighis fiancho kaj Maria farighis fianchino. Ili gefianchighis (ge = li + shi).
La gefianchoj estas strangaj homoj kaj ili agas strange.
Fiancho iras chiam elegante vestita kaj zorge kombita kaj razita, kaj faras multajn donacojn al sia fianchino - florojn, bombonojn, jhuvelojn - kaj ofte invitas shin al kinejo au teatro. Kaj ghuste tion ankau faras Petro.
Bedaurinde ofte ankau venas la patrino au la frateto de Maria. La patrino malshatas la plenajn autobusojn kaj preferas veturi per taksioj (= taksiautoj) kaj la frateto chiam elektas la plej karajn glaciajhojn.
Matria ankau faras donacojn al Petro. Shi faras stranga-kolorajn kravatojn por sia amato. Sed ili estas felichaj kaj shatas promeni kun la mano en la mano sub la luno, au prefere sen luno...
En unu bela tago Petro kaj Maria staris antau la pastro kaj farighis edzo kaj edzino. Ili farighis geedzoj (= geedzighis).
La patrino de Maria estas nun la bopatrino de Petro, kaj la kara frateto nun farighas la bofrato de Petro.
