Vi jam konas la historion: "Petro amas Marian kaj Maria amas Petron"
Ili amas unu la alian.
Ili amas sin reciproke.
Petro iris cxe jxuveliston kaj acxetis du orajn ringojn (=ringoj el oro), kaj petro farigxis fiancxo kaj Maria farigxis fiancxino. Ili gefiancxigxis (ge = li + sxi).
La gefiancxoj estas strangaj homoj kaj ili agas strange.
Fiancxo iras cxiam elegante vestita kaj zorge kombita kaj razita, kaj faras multajn donacojn al sia fiancxino - florojn, bombonojn, jxuvelojn - kaj ofte invitas sxin al kinejo aux teatro. Kaj gxuste tion ankaux faras Petro.
Bedauxrinde ofte ankaux venas la patrino aux la frateto de Maria. La patrino malsxatas la plenajn auxtobusojn kaj preferas veturi per taksioj (= taksiauxtoj) kaj la frateto cxiam elektas la plej karajn glaciajxojn.
Matria ankaux faras donacojn al Petro. Sxi faras stranga-kolorajn kravatojn por sia amato. Sed ili estas felicxaj kaj sxatas promeni kun la mano en la mano sub la luno, aux prefere sen luno...
En unu bela tago Petro kaj Maria staris antaux la pastro kaj farigxis edzo kaj edzino. Ili farigxis geedzoj (= geedzigxis).
La patrino de Maria estas nun la bopatrino de Petro, kaj la kara frateto nun farigxas la bofrato de Petro.
