| Ghazal ~ 1 |
| |
mujhe tum bhool jaanaa chahte ho
ke khud ko aazmaanaa chaahte ho
likhe the jo kabhii maine lahoo se
vo saare khat jalaanaa chaahte ho
mitaa kar kaagazo ke chand tukRe
mujhe dil se mitaanaa chaahte ho
ujaaRaa aashiyaaN merii wafaa kaa
makaaN kiskaa sajaanaa chaahte ho
rakho vo baat yaaro se bhii pinhaa1
adoo2 se jo chhupaanaa
chaahte ho
ke mat chhino kisii ki muskuraahat
agar tum muskuraanaa chaahte ho
----------------------------------------------------------------------------------------------
1. Hidden, 2. Enemy
---------------------------------------------------------------------------------------------- |
| Ghazal ~ 2 |
| |
bahot shukriyaa dil dukhaa dene waale
wafaaoN ke badle jafaa dene waale
nahiiN ek tere hi sar pe ye tohmat1
bahut haiN yahaaN dil dukhaa dene waale
raho ab salaamat jahaaN bhii raho tum
mujhe zindagii kii duaa dene waale
mujhe tujh se kuchh bhii shikaayat nahiiN hai
hasaaN ke mujhe phir rulaa dene waale
qayaamat hai aayii qayaamat se pahle
O' qah'r-e-khudaa se daraa dene waale
"abhii aap 'Ulfat' bahot naa samajh haiN"
yahii kah rahe haiN daGhaa dene waale
----------------------------------------------------------------------------------------------
1. Blaim
---------------------------------------------------------------------------------------------- |
| Nazm ~ Pehlu-e-Zindagii |
| |
kahiiN be_hisaab haiN rotiyaaN
kahiiN rotiyoN kaa aqaal hai
kahiiN shaadmaanii-o-aish1
hai
kahiiN sirf ranj-o-malaal2
hai
kahiiN mehfileiN haiN sajii hu_iiN
kahiiN bastiyaaN haiN lutii hu_iiN
ko_ii raqs3 kar ke hai
niim_jaaN4
ko_ii bhookh se hii niDhaal hai
kahiiN bhookh se ko_ii mar gayaa
kahiiN aag se ko_ii jal gayaa
mire dost! ye nahiiN aur kuchh
yahii aadmii kaa zavaal5 hai
----------------------------------------------------------------------------------------------
1. Fun & Enjoyement, 2. Grief & Pain, 3. Dance, 4. tired, 5. Exploiting
---------------------------------------------------------------------------------------------- |
| Ghazal ~ 3 |
| |
bik rahaa hai koDiyoN ke bhaav meN iimaan
ab
chal paRaa hai raah-e-dozakh1
par yahaaN insaan ab
paisaa hii armaan sabkaa paisaa hii sukh chain hai
paise se baDhkar nahiiN shaayad koii bhagwaan ab
gar mile mauqaah haRap leN ye yatiiMoN kaa bhi haq
jo yatiimoN ke hi khaatir de raheN haiN daan ab
merii kashtii ke muqaddar meN agar saahil nahiiN
naakhudaa2 lechal mujhe tuu
jaanib-e-tuufan3 ab
sab yahii kehte the 'Ulfat' tuu kisii qaabil4
nahiiN
aa gayii daulat tou tuu bhii ban gayaa bhagwaan ab
-----------------------------------------------
1. way of hell, 2. Sailor, 3. towards storm, 4. Efficient
---------------------------------------------------------------------------------------------- |
| Ghazal ~ 4 |
| |
aaj maqtal1
se terii rihaa ho gayaa
ik mariiz-e-wafaa2 aur fanaa
ho gayaa
raat bhar ashk aakhoN se behte rahe
subah tak dil miraa aainaa ho gayaa
khoon-e-dil aakhoN meN aa hii jaataa magar
dard hadd se guzar kar fanaa ho gayaa
husn par jo yaqiiN kar gayaa vo gayaa
aur bemaut hii phir fanaa ho gayaa
Daal kar gard-e-daaman merii qabr par
vo ye kehne lage haq adaa ho gayaa
aaj pii kar vo 'Ulfat' tiraa khoon-e-dil3
umr bhar ke liye paarsaa ho gayaa
-----------------------------------------------
1.butcher's house , 2. Patient of love, 3. Blood of heart |
| |
| |
