1979年7月16日，我阿媽唔知痛左幾耐終於"凳"左我出來。後來聽我阿媽講，0係鄉下0既阿爺開飯前我就出世，佢當時咁話：呢個孫咁有食神，揸起食飯就出世。而且我同阿爺仲好似同一日(農歷)生日潻，神奇掛﹗不過我細佬都同我阿爸都係同日(農歷)生日啦﹗後來阿媽又講，生我果時好鬼細粒，我老豆果時成日話一隻手就抱得起我，又話輕拋拋咁養得大0既？之後佢地驚我養唔大，所以就叫我奀仔，就係咁樣，我就係奀仔喇﹗一直嗌到宜家改唔到，不過我都唔想佢地改。