隨心日記

一週大事

童年拾趣

以前住0係鑽石山木屋區時，我地三兄弟讀埋同一間學校，一齊讀埋下午校，日日跟住大哥返學。果時晚晚我都會睇埋歡樂今宵先至訓，次次都會唱埋晚安歌就會返上角仔，訓醒先做功課，早0的食埋飯就跟住阿哥同埋細佬出去同阿哥0的friends玩，玩到夠鐘返學，有時我地會去打乒乓球，有時去公園玩捉迷藏，基本上同街童都無乜分別。

有年冬季，我地又去左學校附近彩紅村0既公園玩"捉衣因"，玩到個人暖立立時就最鐘意玩 sir 滑梯，以前0的公園無宜家0的膠0既氹氶轉0既滑梯，係0的又長又窄又凍0既長鐵滑梯，睇落去立立令(因為成日都有人sir，成日都有人抹嘛﹗)，但原來中間係有個夾口位架，咁果次我好 high咁由最高點一口氣sir到落尾，sir完之後覺得真係好凍，但果時我已經著0左冬季校服，心諗無奶油會咁涼，點知當我high完後起身就發覺.....跟住發生0左0的好丟臉0既事.....原來我左邊褲骨被果條滑梯鎅開左，形成一個高叉，果時都唔知點算好，一來就夠鐘返學，二來又怕俾人見到，三來怕返到屋企阿媽鬧，我阿哥見到第一時間問人有無萬字夾&釘書機，幫我釘住條褲先，返到學校居然無被 miss 發覺，但好似有同學知道，果時二三年級時0既事，都唔係好記得清楚知唔知醜喇，最後終於都捱到放學，仲拿拿聲走返屋企，諗住點同阿媽解釋，好彩果次阿媽心情靚，都好似無打我。

除左呢次大哥佢表現出臨危不亂之外，有一次佢為左救我仲整傷埋佢隻腳指公，仲一世都好唔番，呢0的事我一世都唔會忘記。