2004年4月1日
今日係愚人節，亦係張國榮逝世一周年0既日子，佢好多歌我都好鐘意，所以今日為左紀念佢，我都聽番好多佢0既舊作。
愈來愈覺得生活有壓力，宜家開始想搬返屋企住‥‥加上宜家多左Honey，我都想為將來好好打算一下，只少每次同Honey出街都唔需要就住就住。諗諗下，好想宜家可以見到Honey，可以緊緊咁抱住佢，已經好幸福。以前我其實諗得太多，心裏面總會放唔低某個人，原來生命裏面可以給自己幸福0既，往往唔係自己所想得咁緮雜。雖然我同Honey開始無耐，但感覺已經好似好長，我有擔心過究竟係咪因為熱戀期呢，擔心一旦熱情冷卻會點，但宜家我又漸漸覺得我反而愈來愈愛佢，我宜家每日都會想起Honey之餘，又會想想佢0既優點，每日同佢傾電話都希望再從中發掘佢其他優點，然後每晚都將佢記低，有時會由頭到尾睇一次，有時又會想想佢可愛之處，我咁樣做都只係怪妳過份美麗呀Honey
^_~"
2004年4月2日
因為聽日要測Company Law，所以今晚個Lecture都無上，走左去
Library溫書，溫到咁上下就去接Honey放學。起初仲諗住同佢講話我要做project，今晚來唔到接佢，但點知俾佢一早悉破左我0既計劃，佢幾時變得咁醒0既呢？
搭車時佢俾番佢以前(1999年)同佢0的TI同學影0既相，佢果時個樣比起宜家天真好多，我仲串佢對眼點解以前好似大0的0既。返到屋企同佢傾電話，知道佢心入面
No.1
秘密，我第一時間腦入面即刻浮現相入面天真0既佢，然後我就不其然流眼淚，我無諗過我身邊0既朋友會經歷過呢0的事，更唔想呢0的事會0係我鐘意0既人身上發生，上天唔應該奪去佢0既權利。我流眼淚並唔係出於同情，我明白到我愈來愈愛佢，我想為佢彌補番佢曾經失去0既機會，我唔想佢生命入面留有遺憾。
最近可能真係掛住同Honey傾電話，所以嚴重忽略左Kevin，宜家同佢好似生疏左好多咁。唉，另外‥‥我應該點開口好呢﹗我承認我會係個重色輕友0既人，唉﹗
2004年4月6日
今晚打算同Kevin好好咁傾下，點知送完Honey返屋企，返到來都差唔多11點，跟住食埋野同埋沖涼，出番來就12:15am，但見到Kevin已經拎住個電話同人傾緊喇，今晚又無機會好好咁傾下‥‥‥
今晚原本要上EIW，但阿sir佢應該唔記得左要上堂喇，佢又好似無send
email通知我地唔駛上，所以今晚我地等到佢7點鐘唔見人就閃喇。因為今晚要等Honey放學，我就留0係
canteen
食少少野先，仲捉埋
Connie
陪我一齊傾下計，哈哈﹗每次同Connie傾計都幾舒服，咁係因為佢份人無機心，可以放心直接咁講出自己0既感受，今晚我地講左工作﹑前途﹑愛情0既問題，佢講左佢工作0既煩惱，我又講下我擔心0既前途，跟住大家又講下對愛情0既睇法。最記得佢講男女對愛情0既態度，就好似
Demand & Supply Curve，男0既係 Demand
Curve，女0既係 Supply Curve，都幾有意思，當時間愈長，男人所能付出會愈少，相反女人會愈多，最好0既關係就係
eq point，呢套理論幾有趣。不過我希望我可以永遠愛我Honey都比佢深。
今晚我睇住我Honey0係1999年影0既相打日記，當時係個天真﹑無乜煩惱﹑活潑可愛0既年代，我特別要求佢俾呢張相我留念，咁係因為我希望有日可以為佢帶回當年俾佢。好鐘意夜晚同Honey0係佐敦谷公園開始，拖住手或Q住手慢慢行返上去樂華邨，一邊行一邊傾下計，微風吹過好清涼又醒神。今晚我同佢講，條路一個人行會好悶，要兩個人行先開心，我宜家唔可以對妳promise做到0的咩0野，但我會盡力為妳做到，而且做到最好。
2004年4月11日
琴日同Honey搭巴士入左屯門拍拖，俾著以前我一定唔會咁做，一來太遠，二來我唔鐘意浪費時間做0的漫無目的0既事，不過琴晚行下行下又幾舒服，Honey佢一直都Q住我，我地就邊行邊傾計，雖然咁做好似浪費緊時間，但我都覺得值得咁做，況且為左兩個人下半世幸福著想，呢0的時間就當係投資。夜晚我地去椰林閣食飯，雖然0的0野食唔係特別好，但個環境都唔差，我真係好開心佢唔介意同我食0的set
dinner，只怪我宜家太無用喇﹗
宜家每日同Honey傾電話已經成為習慣，每日掛住佢已經成為生活一部份，佢琴晚話就算兩個人無乜0野講但都可以好開心，梗係啦，因為我覺得我地宜家開始可以感覺得到對方諗咩喇，就好似今晚我返左屋企食飯，當我走0既時候打俾佢，佢話佢知道我到走實會打俾佢，而事實我一直都係咁諗住一走就打俾佢，我地開始心靈相通。另外，佢今晚仲會計到我隔左成五個鐘先再打俾佢，佢話我未試過隔咁耐先打俾佢喎，我反而從來都無諗過要隔幾耐就要打一次電話，因為每當我掛住佢時，我都會打一打俾佢聽一聽佢把聲。
我知道拍拖好花時間，特別係開頭0既階段，所以我絕對願意花時間0係我Honey身上。我明白愛情唔可以飲水飽，所以我正努力計劃將來，我需要事業上0既轉捩點，所以我必需爭取每個機會。我肯定在努力0既過程入面，會缺少左時間俾我Honey，所以我希望佢會明白呢一點，不過我更肯定0既係，由宜家開始我所做的大多數事情，都會同佢有關。
2004年4月12日
我同Honey第一張合照，今日行沙田果度有個
Snoopy 專區影架。
哈哈~應該無人睇到佢個樣架喇，我有叫過佢一齊影，但係佢拒絕左我，可能我仲未合佢要求﹖
同Honey一齊之後，我0既生活起左好大變化，我需要好好管理自己0既時間﹑自己0既心情。
我發覺我宜家同Kevin0既關係實在太疏離，大家話題愈來愈少‥‥幾時大家開始變成咁呢﹖
放假前同賤Ming(我其中一個賤精supervisor)炒大鑊，我實在唔想再留0係呢度喇，我並唔係因為經常同佢炒先咁諗，係因為我清楚知道呢份工無錢途&前途，要捱都應該搵過第二份值得去捱0既工，我唔想好似個賤Ming咁，做左廿幾年都只係個Officer(佢居然仲好似好得意咁樣，唉﹗)。
|
