|
|
主頁
|
2004年2月3日呵呵~偷懶左成兩個幾月無寫日記，今日終於都的起心肝寫番，希望可以keep住，俾0的仲有留意我呢個垃圾網頁0既朋友睇啦 ^__^ 零四年第一個日記，祝各位好朋友前途無限，升官又發財，青春常注，豔福無邊﹗ 搬離屋企都成兩個幾月，開始感到屋企0既重要，但又享受宜家自己0既家，我鐘意同朋友一齊食下野飲少少酒傾下計，以前同屋企人住就唔可以咁，但自從搬左出來後，阿爸阿媽明顯掛住我多0左，呢0的以前無咁覺，搬出來自然會多左唔少煩惱同埋重新適應，但我仍然好開心當切0既決定，因為我地應該係活在當下嘛 ^_~ 最近發覺同 Kevin 少左溝通，可能大家都已經開始習慣大家0既存在，但咁樣絕對唔係好事，見佢有時心事重重咁，但我又無乜時間去了解下佢，係時候攪攪佢先得 : ) 今個學期開始，我地組0的同學有好大0既變動，第一就係 Kevin 已經 defer 0左佢個 course ，佢決定今年去實行佢0既夢想，可以勇敢去實行自己0既夢想係件好事，雖然我唔係咁開心佢有咁0既決定，但都會支持佢咁做，因為人一生無幾多個夢想係可以認認真真咁去追求，呢0的同明唔明白一個人係無關0既 ^__^"。第二就係Jasper & Cathy佢地兩個都唔可以一齊讀 Company Law，我地組玩開有五個人，突然有一堂變得淨番兩個，係一個打撃，相信好似以前咁去飲酒&唱K呢0的活動會極少。第三係宜家開始，我都攪唔清肥妹仔係咪真係 like 自己(希望千期唔好)，開始有0的懷疑自己0既觀察力&理解力﹗﹖ 今日Ifve叫我一齊做義工，其實我由中五開始都想試下做，但都係一直無實行到，今次佢叫我幫人湊仔，係響 mother's choice度幫人湊BB，試下都無妨，對住0的BB好似好過對住0的老人家或智障人仕，BB0既新生命好inspire，我諗以我呢0的咁0既臭脾氣，對住BB都還可以掛。
2004年2月7日 最近對現有0既工作開始極度厭惡，不單公司制度&管理層不知所謂，就連0的同事都有問題，公司有個阿姐0的工作態度&效率愈來愈唔掂，本身已經唔識用電腦，每次用親電腦又要搵多個人0係佢側邊教佢(慘到連點save file都要教，仲要今次問完下次都係問同一問題)，咁已經少左個man power喇，而且佢愈來愈懶，有call唔聽，叫佢call客又打俾0的姨媽姑姐，做一個 task人地用兩個鐘乜都攪得掂，佢居然可以做成日然後大大聲聲話自己今日做晒0的野，個人又開始退化，有0的野我初初入來做時係佢教我，但宜家佢居然仲問番我係咪咁做，shit‥‥我真係好想串佢，但睇在佢係阿姐份上我先無咁做，但我已經對佢態度極差，無乜點理佢，佢都應該feel到我唔係咁like佢，其實我都唔想做成咁，但佢咁樣做野法就簡直浪費其他人時間。 今晚同小英傾電話，原來佢一直以來都有個心結，原來呢個就係問題所在，我究竟點先可以幫到佢呢﹖
2004年2月12日 琴晚阿霖&波記上來食飯，我地屋企請客呢0的場合，當然又係我地屋企個大廚Kevin大顯身手0既時候啦，一條友煮左四餸一湯，有豬頸回窩肉、金沙骨、蒜香炒蝦仁、茄汁煮生菜，同埋青紅蘿蔔豬骨湯。哈哈~食到個個都好飽，可惜Ashley佢因為要溫書來唔到食，我地食完仲做番0的運動幫助消化，勁白痴，哈哈哈‥‥ 今日放假都無乜節目，lunch都係食烏東，不過今次自己整左個炒烏東，呵呵~我覺得自己0既炒烏東好食過Kevin煮0個0的，因為我0係廚房發現左支燒汁，將燒汁加甜豉油一齊炒，個味甜甜地都唔錯，哈哈哈哈~其實我都有0的料到架﹗我今次仲特登為佢影左將相留個念 ^_^
2004年2月13日 今年果然係我人生中轉變得最多0既一年，呢幾日我覺得我真係幾幸福0既人。因為我身邊有好多對我好好0既人，而且總會受到別人0既照顧，講下講下發覺我欠好多人0既人情^_^，我一直都覺得我呢世人最好彩0既係我人緣唔錯，雖然我有時0的脾氣好差，但仍然有好多朋友對我好好，有0的仲對我好似兄弟姐妹咁，以前我唔會有咁0既諗法，因為我覺得就算呢個世界得我一個，我相信我都可以憑自己0既力量生存，但因為我身邊有咁多對我咁好0既人出現，令我改變，變得覺得我絕對唔可以無左佢地，令我知道關懷、包容、活在當下，我最豐富0既人生都可以0係其他人0既生活裏搵到，好感激0係我生命中有佢地0既出現，真係可以長嘆一句夫復何求﹗哈哈哈~ 宜家0岩0岩到左情人節，廿四年來都未試過有人陪我過呢個節日，唔通我係天杀孤星﹖呵呵呵~宜家仲聽0既0的慘情歌，都頗應景。Anyway，我相信緣份，相信呢個世界同樣有個人同我一樣，仲等緊生命中唯一一個出現。今晚我打左兩次電話俾小英都搵唔到佢(平日唔係咁呢﹗)，可能呢0的都係整定呢﹗情人節快樂﹗Happy Valentine's Day!!
2004年2月14日 情人節快樂嗎？
2004年2月20日 呢一個星期都算忙，一來返工無乜假放，二來又要返學同埋做功課備下課咁，連訓覺都少左，由原本一日訓足八粒鐘變得一日訓得六個鐘，對於我來講係一種負荷，所以今晚上上下堂就突然間流鼻血。 前晚Ashley夜媽媽打俾我，好彩我慣左夜訓，佢又咁好彩0係我沖完涼無耐打來，同佢傾左一陣講起五年計劃十年大計，其實我到宜家都仲未有0的清析0既計劃去建設我0既人生，我份人就係唔肯用腦去諗，所以到宜家都一事無成，果晚俾佢提一提我，我真係要諗下我下一步應該點行，我都想逹到我心目中0既目標﹗ 唔知仲有無人會仲記得初戀0既感覺，我近排好掛念小瑛，不其然就會打電話俾佢，電話內容雖然無聊，但係每日都會做呢樣野，就好似臨訓前要刷牙一樣，佢已經開始成為我生活0既一部份，而我覺得今次我地距離拉得更近。 最近發覺自己EQ愈來愈差，有同事話我做事有時太衝動，我都唔知原來有時我0係人地眼中係咁樣，我應該好好咁學習如何控制我0既情緒，經常被情緒左右0既人係唔會做到大事。唉﹗有0的灰心呀，最近 send 0既resume 都無乜邊間可以去 interview，見完又無乜回音，好擔心仲要踎0係東記幾耐，其他同事都好似有0的眉目喇，但自己仍然原地踏步，好唔甘心就咁0係度浪費時間&青春呀﹗
2004年2月23日 呵呵~祝今日個壽星仔生日快樂﹗
2004年2月26日 今晚同Kevin去左練車，無掂成個幾兩個月，開頭有0的唔慣，我連check車都唔記得左，起初仲開左架無指揮燈0既車，真係大鑊。換番車後我開始做番斜路打八字，用左成半個鐘先掌握番之前學過0既野，要打得好，睇怕要再練多一粒鐘先得。之後一粒鐘我同Kevin就出街，好驚，出街對我黎講壓力好大，好怕俾車撞死，行壽山村條路又成日塞車，好驚行行下同Kevin走散，因為我根本唔認路，如果走散左我極有可能自己一個盪失路。我地好勁，第一轉用左兩三個字就行完南朗山條路，可想而知我地有0的大直路係開得比較快^_^；而壽山村因為又塞車又上斜，加上遇到個私家車龜速學神頂住前路，所以呢轉行得比交耐，差唔多用左成半粒鐘。今日打八字時都有整親左邊漆頭，不過今次好彩無爆江。
|
