2004年5月3日

最近又有一堆煩惱迫埋身，有個問題纏繞左好耐，今晚終於敢開口解決。搬出來住之後，我經濟上0既問題愈來愈嚴重，加上我開始覺悟到要為將來計劃，所以0係我搬出來未夠一年，我已經需要搬返屋企住，其實呢度都係我屋企，兩個屋企對我來講都一樣咁重要，但如果0係迫不得已0既情況下，我始終都係選擇放棄呢個家，我好唔捨得&難過。今晚同Kevin傾，其實只係講左幾分鐘，我知道佢係果種唔會拒絕別人0既人，佢只係叫我自己決定，咁樣我更加內疚。然後我打俾Honey，佢不斷咁安慰我，叫我唔好諗太多，我好感謝0係我身邊有我Honey陪我。今晚係我0係呢邊最難捱0既一晚，腦裏面不其然浮現呢半年來開心0既日子。

2004年5月20日

終於都考完試，成績係點都唔理得咁多，反正都已經成為改變唔到0既事實，就不如安然咁接受，因為我知道我有努力付出過，我對得住自己就得喇，不過始終都仲會有少少擔心。

下個月就要返新工，係個新挑戰，有0的期待，我想有一點點成就。我已經為自己定下一個目標﹗來緊0的時間可能好忙，忙到連Honey都見唔到，忙到連學都返唔到，但如果換來係一點點成就，我會繼續努力，只怕捱不到兩個月就放棄，但我今次已經豁出去，我回不去。為左我又好，為左其他人都好，我都無理由返轉頭。明天又係一個新開始