|
|
2003年11月1日
早幾日發夢見到小英，可能日有所思我太耐無見佢喇，但係我打過幾次電話俾佢都無人聽，我諗我咁做都幾煩。之後我問左敏賢一個問題，佢答左我心裏面唔願意聽0既答案，其實我都預知到呢個答案，只係從來唔願去證實，有時我做人都太遲鈍。今晚我又打多次電話俾佢，今次有人聽但係話一陣覆番我，最後......。我明白由今日開始，我唔應該再胡思亂想。唉﹗都廿四歲我仲成日為0的咁0既0野煩，我可能仲好幼稚。
2003年11月4日
今日身心都好累，今日去報考警察，視力測試居然可以pass，開頭仲以為肥左就算，返學校溫書，其實我唔係咁鐘意警察，我始終都係鐘意做 finance 0既野，我覺得做警察前途有限，人際關係又緮雜，有時見到0的不知所謂0既"差佬"，我仲會睇唔起佢地，可能我只係想証明俾自己睇，我係有資格做警察，之前只係玩玩下先考唔到0者。我就係個咁硬頸0既人。
今晩返學，如我所料我同 Cathy 0既關係會愈來愈差(或者宜家已經係最差)，有時我真係唔明，點解佢會嬲左我，我只係講左句"下個 sem 唔好一組"0者，我又無直接串佢(其實當時只係一時意氣)，反而我之前就要忍受佢咁多說話&態度，唔通之前果0的我硬食又係我錯﹖如果係0既就算喇，反正我今晚有種預感，我將會無晒所有 poly 0既朋友。我都唔想咁樣，我都有唔開心0既時候，我都有受夠0既時候，有邊個真係知度吖﹖我好累，我唔想再0係人面前扮無事，我都有我死穴架，我都好想有個人俾我嗔0下﹗如果呢個世界真係有神0既話，點解祢唔派個人來聽下我心裏面0既說話﹖
2003年11月12日
呢排發生0既事攪到個人好累，不過宜家好0的喇，原來我呢個 dairy都仲有人睇，真係多謝各位支持﹗^___^
2003年11月16日
16呢個數字對我來講都幾特別，我16號生日，16號0既今日係我咁大個仔第一次決定搬離屋企出來住。今日心情有0的反覆﹑有0的矛盾﹑有0的唔捨得。