|
|
2003年8月2日
今日同班同學入石澳游水&燒野食，超好玩。呢次活動係我地咁多次以來最健康0既一次，夏天當然最好不過就係到沙灘玩架啦，係咪？今日Connie仲頻頻攪笑，哈哈哈~絕無悶場，超正﹗要快0的再攪多幾次去沙灘玩先得，咁先算無白過呢個暑假嘛，keke~我鐘意同陽光玩遊戲。哈哈哈~
2003年8月5日
呼~都咁多年喇，中五到宜家成五六年(傻笑)，今日我領會到要活在當下，祝妳永遠幸福快樂。哈~諗番起以前做過0既野，好傻呢，傻到諗起都有0的難為情 ^_^~ 最記得中五graduation dinner果晚，keke~瘀爆。
2003年8月6日
今晚放工突然諗返起一首讀書時好鐘意0既歌，以前好想唱俾一個人聽，可惜一直都無機會。
衹有你不知道
好似好老土潻^_^雖然我唱唔到俾佢聽，但會有其他人唱俾佢聽嘛，咁都幾好吖﹗
2003年8月7日
麵包與愛情，都係Eva了解我，一講就俾佢講中，哈﹗不過佢都講左自己野俾我聽，其實我一早都估到啦，kekeke~我諗到個好賤0既形容詞，不過唔講費事 hurt 妳(你)啦﹗
Ashley我唔係偉大呢，可能係太鐘意，甚至可以鼓勵佢接受佢鐘意的，自己唔好都想人好嗎，係咪？以前可能太執著喇，宜家放低左，輕鬆多了。
2003年8月8日
如果要你咪埋眼一分鐘0係條街度行，唔知你會覺得點呢？今晚放工唔知係咪皇馬0既魅力勁得滯，攪到0的巴士遲遲都未來，害我企左成半粒鐘。0係我等巴士期間，我見到個失明人仕0岩0岩行到巴士站等巴士，佢好慘，睇唔到野周圍行，撞到人時其他人都啤一啤佢然後彈開，當佢行過兩步樓上冷氣機又係咁滴水，我見佢膊頭縮下縮咁真係想上前叫佢行番埋來，到有0的巴士埋站時，佢聽到聲又亂咁行出馬路咁好鬼危險，我見到佢咁覺得好可憐，另一方面我見到我自己坐視不理又好羞恥，其實我只要行埋去幫佢睇佢部車黎未就得，但我最後都無咁做，我覺得佢好無助時又覺得我好無助，又諗如果有日我失明0既話，呢個世界係點樣我永遠都唔會知，對一切宜家認知0既野會變得好驚好陌生，我諗活在漆黑0既世界應該比死更難受，其實我好佩服佢，雖然佢身体上有缺憾，但意志上比我強，好多時遇到困難只會諗方法逃避0既我，如果我同佢調轉的話，我又可唔可以生存落去呢？然後我試著咪埋眼1,2,3,...,10已經感到不安。
2003年8月9日
1.今日唱 K 都唱唔番果種感情出來，好事嗎？2.唔知幾時開始，生活都變得緮雜。
2003年8月11日
今日原來係七月十四，0岩0岩睇完哥哥遺作"異度空間"，驚餐飽之餘哥哥有句話好深刻："過去0左0既野已經過去，最真0既0係妳面前，我係真架。" 呢句可能0岩晒鐘意情情榻榻0既人。
2003年8月14日
今日放假，但出面一時好天又一時落雨，原本約左去游水都無晒mood，最後都係0係屋企訓左成日。唉，有時都想有個人陪下，每次同Nick講親長途都話擔心我無拖拍。其實你又唔洗咁擔心我喎，一切都係順其自然啦，有時我都有果種感覺，但又好快無左，可能我個人真係太固執。其實你自己都要好好保重呀﹗
2003年8月16日
最近煩惱好似特別多，其實都係離唔開錢0既問題，我同自己講過，之後我做人要有計劃先得。呢幾個月要節衣縮食先得喇，好似返番以前讀書時，慳埋慳埋0的飯錢為左要買呢樣買果樣咁樣，呢段期間慢慢發覺自己好似之前失去左0的野咁，原來身邊有0的人0係我不知不覺間被我忽略咗，我應該重新好好咁珍惜，慢慢深深体會到如何活在當下，因為永遠眼前先係最重要的。
2003年8月20日
Kiss係咩味道﹖耐到我都唔記得左。好想有自己0既空間，好想同好朋友去日本，好想有個人宜家俾我挨下。
今日先知，原來我0的恑秘野俾冰雪聰明0既 Ashley 悉穿咗，我要轉轉其他花臣先得^_~
2003年8月23日
"你又唔係我，你feel唔到我0既唔開心...." 今日我不斷諗番呢句話，其實妳又唔係我，又點知我真係feel唔到呢，祇有妳不知道....對妳好0既又點只得一個人呢....不過呢0的都過咗去。
2003年8月26日
最近又開始放縱自己，我發覺自己一有少少時間又開始發神經，情緒總係來得快去得仲快。今晚睇戲我可能係笑得最多其中一個，笑鄭中基演得攪笑情節抵死，都笑緊我自己。原來果種既曖昧又輕鬆的關係，就係我一直找尋的東西。
宜家經濟咁差，又到九月喇，但係仲未轉到工，真係估唔到我一做就做到宜家，唔通真係要等埋雙糧先？
PS: Cherrie 生日快樂呀﹗