|
|
2003年7月2日
今晚放學10:30pm，一出課室就見到有個男人棟左0係度。哦﹗原來係同學個老公仔。嘩﹗好利害呢，佢等埋個老婆先食晚飯(10:30pm呀﹗)，仲要專登出來喎(佢地住得遠我少少)。突然覺得鐘意一個人原來可以咁，可以為鐘意0既人付出好多好多，我同學個樣即刻勁冧，平時0個副猙獰0既臉孔即刻收儉左。嘩﹗再一次令我驚嘆愛情0既魔力可以咁犀利。
回想番中學時代，heehee~以前都有好多豆芽夢，但係以前0個種感覺同宜家0既感覺總係有0的唔同，好似無左以前果種期待﹑又被愛情包到tou tou陷0既感覺咁樣，可能係我有0的怪掛，又或者可能一直有0的野都放唔低(-_-")，宜家0既感覺就有時忽大忽細忽東忽西忽遠忽近又忽高忽低。哈~其實愛情同幸福係唔係掛勾0既呢？點解多數開頭可以咁sweet，但又會sad ending？
2003年7月4日
仲有幾日就放完假，放假最痛苦0既事莫過於無所事事，做唔到好想做0既野.....anyway 都就快完，又要返去捱世界喇(面對現實啦sunny)﹗
今晚過左個好舒服0既晚上，八點半放左學後同0的同學去打冷+傾project，食飽後又成班人一齊去飲下酒傾下偈，好 relax 呀﹗傾落發覺大家0既價值觀都好接近，所以有傾唔完0既話題。Heehee~ Cathy話下星期五又去飲過，仲會同埋個好得0既朋友潻，(wow yeah)十萬分期待呀﹗
2003年7月5日
今日可是個悶得有點不尋常的一天，因為‥‥‥
2003年7月9日
今天收到天使的禮物 : )
2003年7月12日
你有甚麼夢想﹖今日收到朋友從外地寄來0既名信片問道。我0既夢想多得很呢﹗只係年月增長，以往一個一個0既夢想都隨風而去。哈—愈大愈缺乏衝勁。係因為愈大愈多顧慮，還是愈大愈無信心呢﹖今日我朋友實現左佢個夢想喇，我0係呢度為佢高興。
2003年7月14日
今日收到今年第一份生日禮物，好開心好多謝，份禮物好0岩我用呢﹗其實今年生日都幾忙，我並唔係忙住點同人慶祝，而係忙做功課同埋考車呀，正日仲要返工返學由早上九點直踩到晚上十點半，第二朝又要一早彈起身去考筆試，要玩都局住押後喇。
最近我地部門大地震呀，俾一個"高手"攪到我地人心徨徨，如果宜家加入失業大軍都幾甘。
2003年7月15日
如果生日0既願望可以成真，妳話幾好呢—？
廿四年前呢個世界多左個我，廿四年後我多左好多朋友，咁唔知再廿四年後我又會唔會多左....呢﹖可能到時多左個地中海或者車胎 ^_~
2003年7月16日
我0既生日願望—可以改變一下自己，唔好成日俾人誤會(雖然我唔mind)今年正日過得好平淡呢，可能太忙喇，所以都無乜慶祝，不過又無話唔開心，因為收到好多電話，咁証明我有好多關心我0既朋友呢，呢樣野對我來講比收到禮物更加重要﹑珍貴。
2003年7月17日
梁漢文主唱"七友"
2003年7月19日
生日剛過，但餘興節目未完，話咁快又有同事八月生日，但慶祝節目就比較成人，之前跟過佢地去過一兩次，但今次我堅持唔去喇，反正都見識過，再去都無乜趣味，反而會更加反感。
千金
作曲：陳韻琪
填詞：黃偉文
編曲：褚鎮東
監製：伍樂城 RNLS
難道買我的靈魂 能換被愛的幸運
錢有時買得到快樂 但卻買不到愛人
窮極亦有些友人 圍著在我的附近
不見人客的鮑翅席 難道有位更開心
一切買完 不知怎麼算
如何用錢 才能實踐
畢生所有心願‥‥‥
我本質 還未變
喜愛的 說喜愛
討厭的 說討厭
享受大冒險 ^_~
2003年7月23日
仲有兩日就讀完 year 1，又係add drop0既時候，仲有四年....唔知捱唔捱到呢？話唔定有日我真係攞起個背囊起程都唔定，哈....天知呢﹖﹗今日打八號風球，明知打大風我地照返學上lecture，街上好大風，吹到0的樹都東歪西倒，坐巴士都驚驚地，怕會好似早前屯門巴士意外咁跌落山涯，所以今日我坐下層 : P 希望個風唔好咁快打完，起碼聽朝俾半日day off我都好丫。今日0係學校超白痴，0係CC對開望上天空見到0的雲俾風吹得好快，又見到架飛機，情不自禁咁嗌左出來"嘩，飛機呀—"隔離Kevin都啤一啤我，我都知低B左架喇，其實心諗仲有句"唔知會唔會吹佢落黎"，如果我講埋都唔知點算T_T"，其實我想佢吹個天使落來俾我多過架飛機....哈哈哈....
近排有0的煩惱，唉....應該可以攪得掂0既，要忍耐下﹗
2003年7月26日 (Thanks My Frieds)
終於打完晒風，今日天氣超正，如果今日去沙灘玩實好開心 : )
琴晚唱K，heehee.....真係失禮街坊，真係唔好意思咁早"訓著左"，悶親大家潻 :p，我保證下次唔會咁架喇(最多唱完先冧)，麻煩各位照顧。其實上天待我不薄呢，俾咁多好朋友我，keke~已經賺左﹗
2003年7月30日 (to: someone)
唉~