|
|
2003年6月15日
呢個日記係隨心寫下.....
今晚無乜mood溫書,又唔想做其他野, 上左chat room同人 bullshit 一輪後又唔知做左0的乜.無啦啦有條癮寫下日記. 以前睇過有人咁講, 將自己0既日記公開0既人, 可能係因為想更多人去了解自己..... 今晚, 希望有人可以停下來聽聽我 bullshit .....
早幾日唱通宵K好開心, 因為好耐無唱過喇. 果晚同阿霖慶祝生日,我,Ashley, 波波茵都有出來, 我地唱到五點就走, 難得Ashley第二日仲要九點返工都陪我地顛, 好強0既生命力啊!!!每次唱K都會唱"有心人"&"追"向張國榮致敬. 因為呢兩首歌都好有意思, 又好聽.
寂寞也揮發著餘香....... 有邊個可以好確實咁肯定寂寞係咩味道呢? 又或者每個人賞試到0既味道都唔同!
這一生也在進取,這分鐘卻掛念誰.我會說是唯獨你不可失去......或者我地有緣0既話,我唔駛追,我地兩個都可以再見, 係咪?
好開心各人都有自己0既向方,波波茵又就黎要嫁去荷蘭喇(笑), Ashley頗強0既生命力幾時都咁強0既(再笑),阿霖0既生活都幾令人羨慕呢!!
我都要加把勁先得~
2003年6月28日
約左幾次游水都攪唔成，今日雖然天氣麻麻地，但都唔理喇，豁出去搏一搏。約左朱仔，Jimmy 0係彩紅一齊坐 van 仔入西貢碼頭再坐船仔入半月灣(即係夏門灣)，雖然今日又無太陽，有時仲會落下雨，不過終於有得去沙灘玩都唔緊要啦，kekekeke....，之後阿霖同波記都入埋來一齊玩。Yeah! Jimmy處男下海，連用浮床都唔識，超低 B。佢一出深水少少就返番轉頭，有浮床在手都係咁，真係服左佢^_^"
我今日都游左兩三次出浮台，好彩無乜事，第一次好驚又好似上次咁游游下唔夠力差0的出事，驚到死，好彩今次個浮台勁近0者，唔係就真係要買定個西瓜喇﹗
游到咁上下我地見有個前cookies成員來左沙灘，嘩~有好多"港男"好似發左顛咁,個情形就好似當精子遇上卵子咁，情況真係一發不可收拾 : P
當我地游水游定累累地，睇野又睇到悶悶地，決定去買雪條吃，食食下雪條聽到波波茵問：我想要你0個條。我話0下﹖我條邊俾得妳架。梗係唔得啦﹗kekeke......