For Latin pronunciation, see this site.
Personent hodie
Voces puerulae,
Laudantes jucunde
Qui nobis est natus,
Summo Deo datus,
Et de Virgineo ventre procreatus.
In mundo nascitur,
Pannis involvitur,
Praesepi ponitur
Stabulo brutorum,
Rector supernorum,
Perdidit spolia princeps infernorum.
Magi tres venerunt,
Parvulum inquirunt,
Bethlehem adeunt, *
Stellulam sequendo,
Ipsum adorando,
Aurum, thus, et myrrham ei offerendo.
Omnes clericuli,
Pariter pueri,
Cantet ut angeli:
Advenisti mundo,
Laudes tibi fundo.
Ideo gloria in excelsis Deo!
German, 1360
Piae cantiones, 1582
From Carols for Choirs 2: "Bethlehem adeunt" has been substituted for "Parvulum inquirunt" (which may be a clerical error since no similar repetition of words occurs in the other verses).
1. Quem pastores laudavere,
quibus angeli dixere,
absit vobis iam timere,
natus est rex gloriae.
2. Ad quem magi ambulabant,
aurum, thus, myrrham portabant,
immolabant haec sincere
nato regi gloriae.
3. Excultemus cum Maria
In coelesti heirarchia
Natum promat voce pia
Laus honor et gloria.
4. Christo regi, Deo nato,
per Mariam nobis dato,
merito resonet vere
laus, honor et gloria.
http://www.hymnsandcarolsofchristmas.com/Hymns_and_Carols/NonEnglish/quem_pastores_laudavere.htm
Gaudete! gaudete! Christus est natus ex Maria Virgine: Gaudete!
Tempus adest gratiae, Hoc quod optabamus;
Carmina laeticiae Devote redamus.
Gaudete! gaudete! Christus est natus ex Maria Virgine: Gaudete!
Deus homo factus est, Natura mirante;
Mundus renovatus est, A Christo regnante.
Gaudete! gaudete! Christus est natus ex Maria Virgine: Gaudete!
Ezechiellis porta Clausa pertransitur;
Unde lux est orta, Salus invenitur.
Gaudete! gaudete! Christus est natus ex Maria Virgine: Gaudete!
Ergo nostra concito Psallat iam in lustro;
Benedicat Domino: Salus Regi nostro.
Gaudete! gaudete! Christus est natus ex Maria Virgine: Gaudete!