MALOK'ILA
Nihamalok'ila indray ny lanitra
Manjombon-takariva masoandro sasatra
Ny volon-drahon'iny tsy hay tazanina
Nipaika ity ilay ora fitsaharana
Nikopaka ny arosy tsy hay notanana
Hangina ny kamory nilaoza-namana
Fa tratra hariva irery an-tanin'olona
Tomany fa te hody ravalovotaka
Hatreo aloha ny anio ka aleo faranana
Izay vita no hifalio fa tam-pitiavana
Raha misy ny alahelo toneo tsy hiraraka
Ny ranomaso fero tsy hipatrapatraka
Satriko ny hitoetra tsy hifandao lala o !
Voatery hifametra fa lavi-dalana
Diavolan-ko lava, lalao koa mbola ho ela
Mbola hifanatri-tava izay no efa nekena
Erick Rafilipomanana
(
geocities.com/thetropics/shores) (
geocities.com/thetropics)