NILENTIKA RE NY MASOANDRO


Nilentika re ny masoandro
Malomaloka koa itony tany
Ry fahafatesa-tsy mitandro
Simbanao ny akany

Itony fo ianjadiam-pahoriana
Koa dia somparanao loatra
Kapakapaina sy asiana
Kanefa saika hivoatra

Aiza ihany no hiantefana
Aiza ihany no mbola haleha
Voasakanao ny hombāna
Voajinjanao ny rehareha

Veloma ! Veloma !
Veloma ! Veloma !
Ry mahery fo


Naka RABEMANANTSOA

    Source: geocities.com/thetropics/shores/2640

               ( geocities.com/thetropics/shores)                   ( geocities.com/thetropics)