husn-e-jaana ki taareef mumkin nahee.n
aafreen aafreen

tu bhi dekhe agar to kahe, hum-nasheen
aafreen aafreen

aisaa dekhaa nahee.n Khoobsoorat ko'i
jism jaise ajantaa ki moorat ko'i
jism jaise nigaaho.n me.n jaadoo ko'i
jism nagma ko'i, jism khushboo ko'i
jism jaise ke khilta hu'a ek chaman
jism jaise ke suraj ki pehli kiran
jism karsha(?) hu'a, dil-kash-o-dilnasheen
sandali sandali marmari marmari

aafreen aafreen

chehra ek phool ki tarah shaadaab hai
chehra uska hai ya koi maahtaab hai
chehra jaise ghazal,  chehra jaan-e-ghazal
chehra jaise kali chehra jaise ka.nval
chehra jaise musawwir ki tasveer bhi
chehra ek khwaab bhi, chehra taabeer bhi
chehra ko'i alif lailavee.n dastaan
chehra ek pal yakeen, chehra ek pal gumaan
chehra jaisa ki chehra kahee.n bhi nahee.n
maahroo maahroo mahjabeen mahjabeen

aafreen aafreen