meri aa.nkho.n ko bakhshe hai.n aa.nsoo
dil ko daag-e-alam de gaye hai.n
is inaayat pe qurbaan jaa'oon
pyar maanga tha, Gum de gaye hai.n

dene aaye the hum ko tasallee,
woh tasallee to kya hum ko denge

tod kar kaaba-e-dil hamara
hasrato.n ke sanam de gaye hai.n

dil dhadakta hai faryaad karte
aa.nkh dartee hai aa.nsoo bahaate
aisee ulfat se woh jaate jaate
mujhko apni kasam de gaye hai.n