|
對自己o既生活越黎越不滿
我想過o既生活係番學學d有用o既野,自己有興趣o既野,
睇下書,食下飯,得閒踢下波咁樣...
我唔想再對住d無鬼用o既中史,無鬼聊o既地理
呢d簡直係折磨.靠一o的讀o左都無意思無得著o既科目
考到好成績,入大學,出黎搵份好工,咁樣對我地o既人生有咩作用??
唔好話搵份好工,我地o既生活唔應該只為o左咁樣
大學同工作都唔應該係靠o個d學非所用o既科目成績黎揀人架下嘛?
呢個社會o係方便選拔人材o既大前題下,o係選拔方式上越走越歪
我好反感,但都只有無奈咁接受...好慘,好慘,好慘...
係呢個社會將人對生活o既要求提高到一個無必要o既地步. 要解放自己,需要感性,知識同決心. 我計劃梗o係考完A-level之後即刻番裝修.
做兩個月左右,儲到大約一萬蚊,就搵一,兩個friend去旅行
計劃係只帶一個背囊裝得晒o既行李.
重點係只靠地圖(旅遊指南),同幾千蚊"自由行"咁玩兩,三個禮拜.
由於以前聽Miss Tse講北京o既人比較友善同純樸.
所以人生路不熟o既我認為去北京會安全o的,又多野睇.(不過唔知有咩玩...)
唔知有無人會同我去... |