|
Sis. Revy:
At hindi lang iyan brother Jose at brother Jaime, may napansin din ako ukol sa
pulpito. Alam natin na ang pulpito ang tinatawag na tribuna ay sagrado. Sa
pasalamatan namin sa Apalit may tribuna 'din kami, may pulpito din kami. D'yan
po itinuturo ang mga banal na aral ng Dios, ang kanyang mga katotohanan. D'yan
inihahayag ang mga katiwalian ng mga religion. D'yan din itinuturo kung paano
din maging mataas ang moral ng mga mamamayan nating mga Pilipino. Pero sa
samahang iyan, nakakagimbal na pangyayari! Alam ba ninyo ang kanyang ginawa?
Pinagsalita ang mga pulitiko, bakit pinapagsalita? Upang manawagan na sila daw
ang iboto, sila daw ang pagkaisahan. Ang isa po sa mga nagsalita 'dyan si
Gringgo Honasan. Tumatakbo po siya noon bilang senador. Dumating siya sa Apalit
kinamayan siya. Tama lang 'yon, sabik ang mga myembro eh tama lang 'yon. Pero
nagimbal kami nang papagsalitain siya sa stage ng lider naming palamura. Alam
ninyo ang ginawa ni Honasan? Ang sabi niya kapag ako ay hindi nanalo,
magsasagawa ako ng kudeta. Anong ginawa ng mga myembro? Nagpalakpakan!
Nagpadyakan at nagsigawan, hindi magkamayaw na ingay ang naganap pero may nagawa
ba ang lider namin? Pinuna ba niya ang tumatakbong senador? Sinabi ba niya na...banal
na dako 'yan, hindi mo dapat gamitin iyan sa pagkampanya, hindi! Siya man,
tuwang-tuwa din! At siya man nagpahayag din, suportahan daw namin si Gringgo
Honasan. Ang akala ko sa samahan namin ay hindi po dapat magka-isa
sapagkat tinutuligsa niya ang pagkaka-isa ng INC ni Manalo, nguni't sa
samahan din palang ito nananawagan si Ingkong ng pagkaka-isa. Muli,
nabago na naman ang direksyon, nabago na naman ang aral na aming sinusunod. Sa
halip na banal na dako magturo ng mga banal na salita naging dako ng mga
pulitiko... |
|