2003"
1月2日@ 今日朝早翻左民政，晏晝就翻左圖書館開工。Vicky同肥Fung都有0來溫書，我就做下新書，又做下LOLM，之後又做下SAVELIST，都幾寫意! 不過今日阿明同我講我0地d SB可能會有人走，因為為左留一個NC 位!
1月4日@ 今日翻圖書館全日，lunch同左阿明同阿基去圖書館附近食0野，傾下d 男女問題，哈哈! 係阿基0既男女問題!lunch完之後，阿Seto 就0係度講關於cut SB 0既事! (-______-不過Seto遲幾個月都走左冇做lu)
1月6 日@
今日圖書館翻早，翻工撘地鐵戇居居，竟然比我見到一個人，幾年前開始我就已經諗我會唔會0係街上面見到佢，見到佢又會係咩境況，我0地又會係點，佢會唔會唔采我，我又會唔會當睇佢唔到? 不過0個刻見到佢，我感到有萬分愕然! 係完全不知所措。可能自己又未訓醒啦，一踏出個車廂就見到佢個背影，我覺得自己都幾犀利呀，見到個背影都即刻認得出! 不過自己有種阻力，唔敢行得太快，唔知點解，事情真係發生0既時候，又唔會係自己想像咁樣! 可能係我自己心虛，又或者係無膽，始終都唔敢行近，不過見到佢好似幾好咁(呢個其實係直覺)，心裡面有種............安慰，不過又覺得可惜! 唔知，如果我行上去同佢打個招呼，唔知會點，不過可能我自己輸唔起，承受唔到如果佢唔理采我或者係冷淡0既情形!可能我寧可保護自己，自私一點啦! 一路以0來自己都表演得好大方好似好冇所謂咁，原來自己又好似........連呢一點點都做唔到! 對自己的而且確係有d 失望! 不過.....我會0係度諗，或者0係佢0既心裡面，一早已經唔希望呢個人再出現，唔希望再見到佢! 可能佢曾經0係街遇見過我，不過佢已經唔放我0係眼內! 世事難料，人各有際遇，可能，我0地唔會有機會再見到，不過可能見到，都唔知點好! 不過我仍然好樂觀咁去認為，大家可以有一日0係街上面見到，點個頭微笑，講個hi 、goodbye! 我都好開心gala! 我知道有好多0野都唔可以去諗翻轉頭，不過我仍然覺得自己係衰人，可能佢呢一刻會覺得我自己睇得自己太高! 或者對佢0來講，佢係得著0個個!所以到最後我都係默默咁睇住佢行出個地鐵站，我知道0佢地0個日要考試，我同自己講，唔好去影響佢0地情緒，我唔想! 事實上可能又唔會! 不過冇做始終係冇做!
翻左半晝圖書館，我翻左去poly同阿威食飯(咩原因翻去我又唔係好記得la) 下午翻左去民政開工，Thomas又有重任比我做啦，直到6點半，呀SLO陳生唔知做咩拎左個chart 0來，叫我幫佢做左佢，一做就係3個version，仲要天日一早翻0來交for佢0地開會wor! 政府呢d...........真係!!不過我做到7點左右就走左，諗住拎翻屋企做!我坐巴士去左Pacific Place 同Vanessa一齊食pizza，再上去Pottery度搵阿sir學ceramics。都好耐冇上去啦，仍然係一路做一路同vanessa講笑。不過可惜0個晚落雨，.........
1月7日@
今日晨咁早就要笨民政交功課-____-! 不過都知道唔會有人仲早得過我gala，不過激氣0既係，阿Tom佢話佢930左右就翻，我一心都以為佢會遲到gala，誰不知佢竟然仲請埋假tim! 啤.................lunch 我就放肆下，專程去左長沙灣搵vanessa食飯，食完飯仲去左長沙灣工業中心0個頭行，有好多平0既衫褲鞋襪! 翻到民政一陣，就出左去派樓宇維修全書，一派就係幾個小時!
1月8日@ 今日翻1-8，阿威0來左接我放工，去左causeway bay SOGO行左一陣!
1月10日@ 今日翻圖書館 1-730，放左工同左威廉同阿基去左MONGKOK買模型， 因為佢0地放早過我，佢0地落左去先。 不過佢0地D 效率認真高，我0來到時佢0地已經買左!哈哈! 我0地去左M記食雪糕，又去左陪佢0地打機.....我...好屎! 呵呵..差不多時間佢0地就去左食buffet 慶祝威廉生日，我就走左啦!
1月11日@ 今日翻工同阿sam食lunch，全日都冇咩做過，成日同阿基0係度行行企企傾計，知道左d0野! 放工之後我去左搵阿威同埋阿Keith、Raymond、卓文同阿神食飯，去左幸福樓打邊爐!
1月14日@ 今日第一次同阿Tom去九龍塘開會。參加高雅苑0既業主大會AGM，阿Tom 差不多8點先去，佢開自己車去，去到人0地都已經開始左，奇怪地咁0岩冇晒位，我同阿Tom只好企0係度開會。差不多10點幾先完! 阿Tom仲 車埋我翻屋企!
1月15日@ Thomas請食糖水呀，唔係人人有份，呵呵，所以要去間房幾個咁食! 之後民政夜晚去左荔景com hall 搞briefing，something like 咩顧客服務態度講座。之後約左pitti同大家姐去蕉葉咖哩屋食飯!
1月16日@ 今日本來可以幫阿威一齊去搬hall，不過佢d朋友唔得閑，於是又delay啦! 我同左大家姐同pitti去shopping，我買左個床單，係有少少豹紋ga，哈哈!!!!!又買左個"必勝"公仔! 之後我0地又一家三口去左泉將居食溫馨套餐! 好豐富，有呢個蟹肉豆苗、霸王雞、炸豆腐及湯，大家姐，多謝!
1月17日@ 因為一早炒了一大獲，所以翻工沒有心情做0野，一早發左威廉脾氣，真係有d唔好意思!! -______-!!!
1月18日@ 翻圖書館翻左成日，放工同左阿明阿基去世貿Starbucks 飲0野! 傾下計............暢所慾言!!! 10點半左右走人，我去地鐵站0既時間撞到Gordon.....我又好多口咁將撞車件事話左比佢知!!! -_____-!!
1月19日@ 今日一早就參與左民政一個活動，翻左SSPDO briefing 先。好多TCO都翻，又有好多人幫手! 我0地分左幾TEAM，我同SILVIA、OLIVE、CATHERINE佢0地都係跟阿鄺生一TEAM，其他都係THOMAS0個TEAM。我0地出車去第一站太子中心進行呢個剪綵儀式!! 我做頒旗同拉花球。之後就去左之後一早安排左0既大廈做探訪，送D 見面禮比d 居民，不過有好多都未訓醒，哈哈.....又宣傳下呢個除污水滅蚊0既message!!我沿途都係做呢個camera man.....最後0個站去左meifoo 第一期0既平台，成個counter都已經準備好.......一箱箱0既紀念品都準備好，例牌幫d 議員同d老闆影下相就周圍同d 居民派gift! d人都好熱烈咁行埋0來..........拎禮物@ -______-!最後兩team集合晒之後就影張大合照，散band! 我去左附近西九龍買d買d日用品比阿威去佢個hall度清潔@ 差不多5點幾就去左mongkok食0野..........
1月21日@今日咩工都冇翻......實行休息@ 阿明打0來話比我知.......阿基話佢好爆佢d0野出0來呀........阿明話埋我呀!!!!help!5點半!左我出左去同大家姐剪頭髮!!!
1月23日@ 今日阿明生日，d同事......竟然買左個蛋糕比佢，放0係雪櫃比個surprise佢! 不過佢滿不在乎咁! 哈哈! 仲鬧出個笑話，係關於紙仔上面0既0野!我就冇咩表示啦，佢仲買左個HOT DOG比我做TEA!
1月24日@ 今日翻左民政開工，夜晚同左大家姐阿威同PITTI去左whampoa 頂泰豐食上海0野!
1月26日@ 今日放假，去左睇人體奧妙展。不過好鬼死多人，好唔耐煩!夜晚去左婆婆度食團年飯!
1月27日@ 今日民政拉大隊去麗閤0個邊0既酒樓食farewell dinner，因為我0地有4個CA 要走，所有TCO，LO同老闆都有0來!
1月28日@ 今晚約左布去葵芳，佢送左份遲來0既[聖誕禮物]比我! 我0地0係M坐左好耐，傾左好多0野!
1月30日@ 今日係郭毓俊生日@ HAPPY BIRTHDAY!
1月31日@ 今日好鬼死FREE......得李生同陳仔當政! 我LUNCH仲同威廉去左M記食，仲去埋東海堂買d 蛋糕比大家食，其中兩個係for 阿基同威廉自己生日0既@呵 @ 放工去左阿威屯門屋企食團年飯.....????????!!!!!! 幫手煮.....好多"送"! 又蝦、又魚、燒肉、炒菜........食完12點幾我0地就閃左! 坐車出meifoo.....不過因為我太睏啦，所以我0地就cancel左唔出年宵! 直接翻hall!
2月1日@年初一
訓醒去左tsuen wan食面.......
2月2日@ 中午去左婆婆家拜年，5點幾6點就過去啦!之後約左阿威去黃大仙，白痴地以為仲有得求籤，誰不知都closed了! 0係龍騰墟行左一陣，買左d特色小食，三絲炒年糕、木瓜糖水....7點幾就坐巴士去左紅磡碼頭睇煙花! 嘩.....周圍都係嘩嘩聲! 睇完出翻mongkok.......就連mongkok街頭都有mini年宵市場@
2月3日@ 夜晚同埋阿威、阿神、卓文同raymond去左睇"行運超人"! 之後去左桃園食飯!
2月4日@今日約左阿keith去買d婆仔0野! 我0地去左mongkok華潤睇，咪就係買d 犯太歲0既飾物之嘛! 佢買兩個比佢阿dad同自己 ，我就買左兩個比阿媽同大家姐@ 之後去左扒王之王食晚飯，再去海飭吹下風傾下計......好舒服，不過wingwing0地! 哈哈!一齊行去火車站之後就goodbye啦!
2月5日@ 今日阿仔心情有d唔好，陪左佢出去食飯! 去左TSTS East食!去埋打機同埋去海伕傍吹風。有我0係度，心情梗係好快冇事啦! .....去埋mongkok 飲杯0野，佢就靜靜地咁翻屋企啦!
2月6日@ 好開心今日0係圖書館又有tea食，魚蛋同燒賣!!!@唔該阿明!! 呵呵 !!!! 放工去左mongkok搵大家姐同pitti，佢0地suggest去GreenBox唱k，不過真係有一段時間冇去唱k啦!!不過好surprise係唱唱下有人入左0來，拎住個蛋糕(佢只不過係waiter)，我好開心........未開心仲繼續唱梗歌0既時候個mon又突然之間停左，播左首birthday song law......哈哈! 個蛋糕係芒果蛋糕，VERY NICE! 佢0地又夾份送左條鍊比我，條鍊係佢0地去志遠哥哥度買ga.......唱到差不多1230，就坐[大家姐0既的士]翻屋企!!
2月9日@ 星期日，同阿samsam同肥fung 約左出0來去食佢0地介紹0既日本buffet! 有好多0野食.....天花板上面仲有好多吊住0既日本魚魚! 叫左好多魚仔沙律，因為好好好好味! 我又幫佢0地同自己拍左d 低b 0既video! 食完就去左文化中心海傍影相!!阿fung仲比左個birthday kiss我tim呀......! 比阿sam影底左! 影完好一輪之後，就一齊坐地鐵! 翻到屋企，差不多12點，我差點想沖涼，就有人按鐘0來左，阿威拎左個蛋糕0來我屋企，仲有埋candle 同我celebrate 生日! 原來佢同阿sam佢0地通過電夾0岩時間! 唔怪得之阿sam0係地鐵講過電話又唔知係邊個啦!!!哼, 哈哈! 好開心!!好多謝大家@
2月10日@ 今日雖然係正日，不過冇咩特別。翻工翻到630，同阿威去左celebrate 生日! 收到朋友仔d MOBILE MSG，好開心! 不過好景不常，食食下飯個肚開始不對勁，心知不妙!! 想堅持，不過最後都係頂唔順! 唯有叫佢同我翻屋企啦! 衰在翻到屋企又冇事wor! 真係吹啤!!! 啤.............
2月11日@ 今日圖書館翻左半日，去左民政走下半場。夜晚去左灣仔天樂里Neway同圖書館d同事唱k。好多人都有0來，有我啦、威廉、基、明、陳仔、阿櫂、carol、Mike、Rick、仲有carol個朋友黃基....有好多0野食! 不過阿基同威廉唱左一陣就走左啦! 不過0個晚個喉嚨好痕，唔係好唱到，最搞笑係阿櫂唱歌成個盧冠庭咁，超勁似! 笑到大家LOOK地! 差不多玩到12幾半先走....佢0地幾個又上去陳仔度通頂啦!
2月14日@ 今日圖書館有活動搞，落左去2樓做呢個盧明輝0既讀書會活動! 今日仲收到CAMILLA送比我0既生日禮物，係一個好得意0既貓貓擺設。好鐘意! 仲幫佢0地影左D相tim! 放左工約左阿威去沙田睇"CATCH ME IF YOU CAN"，因為睇9:50場0既關係，所以我0地就去食飯先!
2月15日@ 今日翻圖書館，dinner同阿明、陳生、李生同Seto去李生間茶餐廳食飯! 翻到去高小姐唔知發咩din點我去做0野!
2月17日@ 今日高小姐請左假，好free! 冇咩0野做...有d悶，成日同對面AV 個阿傑傾計....行0來行去!Lunch就同左阿傑同阿明一齊去點心皇! 點知食完唔記得拎走個公文袋，上到巴士先記得，就即刻打電話比阿明，佢叫左阿傑幫我落去拎! 真係有d唔好意思啦......自己咁大意，又要整到人0地特登幫我行多轉落去拎翻!
2月19日@ 夜晚搵左大家姐去杏花樓食飯，之後陪佢去搵低胸衫......! -______-!
2日21日@ 今日上ceramics
2月24日@ 呢幾日都keep住有d發燒，唔多舒服! 朝早翻工又冇力。冇力patrol冇力上書又冇力拎0野@ 飲左camilla比我0既退燒熱飲就好左d..頂得住! 放工0既時候陪左阿傑去食dinner，之後我先翻葵興睇醫生! 本來今晚約左阿sam同阿keith，我就唔係咁頂到cancel左!
2月25日@ lunch同左阿明去車房食飯，翻到屋企收到NextMedia個電話話叫我去interview份工，係做圖書館0既，不過我知道唔係真係圖書館0既工作!!! 不過今日有d黑，翻屋企開門0既時候，個鎖匙比我整斷左，開唔翻，諗梗點樣0既時候，我決定走翻落街，走去搵d整鎖匙0既小販，只需要10蚊就有條新鎖匙啦!!! 我仲驚翻唔到屋企tim -_______-!!!!
2月26日@ 最後，我都放棄左去interview 0既機會，唔知.........一來，興奮完之後諗落唔係真係想要0個d0野......二來，心情問題0卦我諗! 翻到民政開工啦唯有，收到Jackie 佢0地送比我0既禮物，真係唔捨得，平時TCO 房總係聽到佢0地D 聲，冇0野人53宦唔怕冇0野講，試過翻到去9點幾到下午5點幾都冇0野做，都係同佢0地傾下計食下0野打發時間!!!! 而家TCO房靜左好多!
2月27日@今日好唔開心......好激氣! ADECCO又0來照肺，照唔係問題，而係講0既又係0個D廢話。我好唔鐘意高小姐同林小姐，次次adecco都會同我講佢0地認為我唔夠投入，唔得用心，我自問我好守規矩，不過總不至於0佢地咁講...好似一d improvement都冇law.....我好灰，好唔憤氣....!!佢仲要問我洗唔洗考慮去其他多鐘d0既樓層做wor，咁即係點呀，比d指引我咁話啦......定係為之後鋪定路呀!!! 我頂.........佢兩個都唔係用眼睇0野gala，係用patpat 諗0野ga 嘛，個patpat仲要成日坐住左, 鬼咩!我聽完之後完全冇心機做0野.........行0來行去! 之前0既傳聞就.............
2月28日@ 今日翻工好冇mood,...見到0個兩大高手就憎，不過自己都仲叫做道行有d高......冇0係佢0地面前罷工唔做....!!! 今日AV阿傑last day，放工同左佢去食飯! 傾左一陣計，希望佢都可以0係不久0既將來搵到份佢鐘意0既工啦.........
3月1日@ 今日翻圖書館，心情都算係平復左，自己認為，有d0野睇開d......唔好諗太多....煮埋0來就要食gala!!! 差不多evening CHERRY同GARY 0來左圖書館.....上左0來6樓一陣.....傾左幾句! 我就要繼續做0野! 做完一陣行出去，佢0地都已經走左! 放工阿威0來左接我，陪佢去左南記食0野，之後佢又陪翻我去食豆腐花同CHI FAN!! 去埋SOGO 買菜，就翻hall啦!
3月2日@ 訓醒，都12點半啦，煮左個面，睇下newspaper，就去左個K 房唱K.......又去琴房彈下琴，好好玩! 又睇埋FILM! 落去canteen食個面就坐車翻屋企啦!
3月3日@ 今日翻圖書館，lunch同阿sam、阿明去洪泰食! 放工約左阿keith去九龍塘又一城食飯! 食越南0野!我請客@ 幾好味!食完0野冇野做去左附近個公園坐.......傾下計! 幾舒服! 坐到差不多11點半....
3月4日@ 今日笨民政係咁入機....入到傻左!8點左右，我同pitti約左大家姐同埋志遠哥哥出0來，去左mongkokNeway唱k! 呢舍大家姐又唔理人，又唔同人講0野，搞到人0地鬼死咁尷尬! 我0地等左一陣先有房，呢段時候我就同pitti去左附近買小食，買左d魚蛋、三寶，一心以為冇人發現，勁核突，個waiter入0來擺0野0既時候可能臭到d味，開我0地燈，連我0地desk底0個d都睇到.....全部收晒@啤!!!!!!!!!!!!! 玩完志遠哥哥就車我0地翻屋企!
3月7日@ 放工去左睇<下一個死者>，好touching! 0係茶餐廳食飯撞到卓文!
3月9日@ 今個星期改左翻星期日，(唔記得左點解) 第一次見到傳聞中0既神奇女俠! 果然係名不虛傳! lunch 0既時間同左阿明同阿樂去洪泰食飯!
3月11日@ 星期二。約左catherine凡九龍塘娑書。一派又兩小時.......
3月12日@ 拉妹pitti生日@ HAPPY BIRTHDAY!
3月13日@ 上ceramics，同vanessa去左糖街附近0既新釗記食宵夜!
3月14日@ 今日翻圖書館，一翻到去就得知Szeto已經收到電話ADECCO 要cut佢.......-____-! 又一個......其他人就好似0係度得判刑咁! 等打靶!今日成日都係上書、patrol，越0來越冇意思0既工作! 布下晝0來左，我冇咁廢......我幫佢搵書，D時間好快又過啦! dinner去左洪泰買飯! 食完飯翻去做埋d magazine! 9點放工，阿明叫左我同阿基一齊落去搵李生，我0地坐112去到mongkok....點知-_____-行餐死先去到李生屋企，原來佢有0野帶比李生，順個道0來同李生食宵夜! 李生家住大角咀，由肚旺角行過去都幾係0野! 哈哈! 李生帶左我0地去奧海城宴客，佢請.......呵呵! 一路食一路傾下計....講下d平時唔可以0係office講0既0野!!! 李生又可以暢所欲言啦!! wonderful!! 之後食飽左，阿明叫李生帶我0地游下車河! 嘩, 第一次坐李生手車呀，好緊張......不過笑料百出! 我0地山就0係個火柴車裡面浩浩蕩蕩去左九龍城等阿基去搵佢朋友。之後為左李生安全，都係睇住佢drive 翻佢屋企，好好笑...又翻到去奧海城0個度!李生又邀請我0地上去佢屋企作客。佢屋企好整齊，好乾淨，好簡單。李生拎左好多生果小食出0來比我0地食.......又沖茶。佢個電視櫃裡面有好多好多過百隻CD......全部都係好0野......!!! 佢同阿明一路傾我就一路食青提，聽李生0個d香港歷史.....同埋[李生史] !!! 呵呵!!! 李生又拎左好多佢0既珍藏出0來比我0地欣賞......佢最鐘收藏0既就係錶! 佢有好多靚錶，真係令我0地大開眼界! 李生識好多0野..........不過平時0係圖書館寡言0既佢，都唔知道原來離開圖書館0既佢係咁多咁多0野講ga!呵呵。差不多1點半我0地就離開佢屋企，佢仲送我0地出去tim.......我0地行翻出mongkok，再坐奪命小巴翻葵興!
3月16日@ 今日比人話我阿婆.........不歡而散..........最後因此而發生懷疑[非典型風波]........
3月19日@ 圖書館翻工，放工同威廉阿樂去皇室堡同SOGO搵0野比阿強......不過最後搵唔到! 走
3月20日@ 放左工去TOY R'US幫阿強買左隻SLEEPING HELLO KITTY!!! -_____- 0佢地用左個透明袋幫我袋住!!! 啤...... 夜晚同大家姐同PITTI去九龍酒店食宵夜BUFFET，都係大家姐sponsor! yeah
3月21日@ 今日翻圖書館，落左2樓做活動，又係讀書會0既活動! 翻到上去6樓時勁肚餓-________-!!!得翻陳仔0係度執政! 不過突然收到阿威個電話，佢睇左醫生，係典型肺炎，我放不下心，就唔同大家姐去做穴位治療，即刻去hall睇佢......!!!不過為左安全起見，佢已經戴左mask!!
3月22日@ 下午我又過左去hall睇阿威，去左百佳幫佢買晒d 日用品、食物......等佢可以好好養病! 煮埋餐飯我先走!都差不多10點半啦! 原來諗住同埋大家姐pitti 去macau 0既trip都取消左@
3月24日@ 今日翻圖書館，lunch 0既時候同阿明約左samsam食.......點知落到去大門口，阿明條友又唔知做咩發花癲....-__-突然拎轉面走左話唔食.........-____-!!成個女人咁....我0地都費事理佢.....LUNCH完之後，我又真係唔多想同佢講0野.....唔多想采佢，點知呢個契弟又扮晒冇事咁講0野! 啤......完全係啤@
3月26日@放工約左布0係西九龍金寶，一齊去打邊爐!!!收到爸爸同李生0既電話，話比我知圖書館有人染左非典，圖書館closed一日清潔! OFF TOM. yeah!
3月27日@ 沉默，總有佢討厭0既地方! 不過我選擇了.......愛理不理!
3月29日@ 由於非典型，圖書館冇人0來! very 自由............
3月31日@
事過境遷，好多0野，都唔同左@......不過敷左塊mask，心理上係開心d 0既! 我總係希望生活上0既一d小小事都可以令自己開開心心，可以食到包卡樂B、敷下mask、玩下icq、或者係諗下d無聊0野都可以好開心@ 縱使而家非典型肺炎橫行，我都會咁樣過活@ 可憐0個d 淘大E 就好似比人0地當左UFO咁看待! 翻圖書館翻左半日，由於民政d 工作都因為非典關係所以就擱置了，難得0既下午咁free，同阿明阿sam食完lunch之後我就自己stay左0係3樓圖書館睇書，好舒服，舒服到差d訓著左! 睇書睇到差不多4點半先走!
4月1日@ 今日唔洗翻民政，下午2點左右陪左阿威翻理工睇醫生，之後0係葵興坐巴士入去鵝頸橋! 好特別呀個地方! 之後我自己坐車出翻九龍，搵pitti同大家姐去文化坐左一陣!!
4月4日@ 今日.........好唔開心!! 我唔知道事情會0來得咁突然，不過其實係早有預算! 一早三大高手高小姐林小姐同李生招左dSB去開會....我0地都不以為意，Wylie係第一個被征招入去0既，佢帶出0來0既係好消息，佢有得加鐘! 好....可以轉做Full time! 佢真係好勤力ga，成日0係度執書都唔休息，又唔多出聲，間唔中先講幾句計，高小姐鐘意! 遲左一陣，形勢有d不妙，阿明偷雞0係張time sheet上面見到我同威廉都相繼被cut鐘!都未得我消化呢個消息，我0地兩個已經被征招左入去[見board]!!我....有d接受唔到!....高小姐竟然可以咁講...我好唔甘心，佢比我0既原因，係.....好hurt......我唔知，一開始佢已經有心玩針對，我0地冇得say no! 我唔出聲.....不過我好不憤，我一眼都冇望到佢0地!! 聽完佢0地d廢話，我已經即刻跑左去toilet~......我好唔開心! 我唔知道點解會咁! 我唔甘心!人0地同我講，出0來做0野係冇得話公唔公平，老闆0既說話永遠是對的! 不過我完完全全認為佢0地兩個都係食屎0既!不嬲都鐘意用個pat pat 諗0野，坐住左就更加諗唔到tim啦! 佢0地0係一個咁有文化0既地方做埋d咁冇文化0既0野，枉0佢地做得到呢d位! 我明白佢0地d人諗咩，我一路都做梗d佢0地唔鐘意0既野，0佢地唔鐘意阿明，我又偏偏同佢熟，so what?? 關你x事咩.....0個兩條友又唔抵得d NC比0野我做.......做耐D又阿之阿左......簡直係大笨蛋@下下難為我0地d SB，成日都同adecco投訴我0地d 態度唔得投入，投入個屁咩......佢個頭都帶得唔好，做埋d0野又唔服眾，點同你投入呀阿嬸! 做埋d0野又唔得中庸，成日板起個老闆樣! 不過唔同0既，佢有忠臣撐佢，0個d0野我就做唔出啦! 我唔似得人0地咁咁順得佢意......呾識講好說話，可能我白痴啦，唔知出0來社會做事係要咁勢利，不過儘管我知道，我真係做唔出，過唔到自己0個關! at least我覺得唔值得我去擦佢鞋law! 我唔鐘意d老闆去干涉下屬0既私人0野，仍唔應該介入及比自己個人意見law!!! 我唔係第一次聽到佢同李生定其他人講佢唔鐘意我同阿明咁熟，我心諗，關你叉事咩!!!我0係呢度係做0野唔係服侍你，我d野都唔鬼關你事!! 最憎就係工作上成日放埋d我人意見同成見落去!佢唔識做一個好老闆，佢唔識同d下屬溝通，下屬唔能夠投入大家0既工作，冇歸屬感! 不過我好安慰，好多同事都雖然知道事實係唔可以改變，不過佢0地都安慰我! 多謝阿權、camilla、阿基、威廉，仲有我d朋友! 多禮阿權佢好誠心咁話比我知，佢覺得我係得0既，叫我唔好因為呢件事而影響左自己0既信心，叮囑我出到去做第二份工0既時候，要相信自己0既實力，,然則我自己都唔係話真係有咩實力可言，不過我相信自己! 其實0係圖書館做0野咁耐，雖然阿權做0野個人好認真，講笑0既時候唔係咁多，不過佢講0既每一句說話都好真，佢成日都會同我傾幾句，做左一個同事之間應該有0既溝通0係度! 佢都識講笑、開玩笑ga! 比我感覺唔係外表睇落咁cool! 其實我好多謝佢比我嘗試左好多工作，佢好有耐性教我，就算我做錯左，佢會了解，問個明白，教翻我!! 佢又會主動教我其他0野! 呢d都係其他NC做唔到ga@ 佢好獨立，立場夠定，難怪佢係高小姐0既心腹，不過比我感覺一d都唔乞人憎! 因為佢係做得0野ga嘛!! 多謝camilla，佢都好有耐性教我0野，個人好親切，佢雖然0係圖書館都係個體戶，就係因為咁，同佢講0野都可以好放心! 佢傻傻0地，不過好得意，佢比個機會我成日幫佢整magazines，比我有機會蛇下睇magazines, 哈哈! 佢又成日幫我買魚蛋，真係好好味，雖然佢平時好少笑，不過一笑親都會好開心! 不過一諗起佢好嚴肅咁講正經0野0既時候就好好笑!0係佢身上我學左一樣0野，就係咩時候，當然係0係工作上啦，都識得將自己變得中立、不問世事! 我又好感謝d SB 同我一齊做0野，我0地好少會做得唔愉快，大家都合作得好開心! 蛇又一齊蛇，辛苦又一齊辛苦!! 多得6樓d書架咁多咁密，可以比我0地成日企0係d 死位度"蛇"......傾下傾下大家都變我熟落，好多心事都會諗出0來傾!! .......書架中係充滿秘密ga!哈哈! 總之同個個SB都好開心啦!!! 多謝阿威廉、阿基、阿樂、阿MIKE、阿WYLIE、SZETO...........仲記得每次比高小姐同林小姐捉0既時候大家都會互相照應、共渡時艱! 不過我最想多謝0既都係阿明，因為我識佢咁耐到而家，佢都好照顧我，佢幫左我好多，對我好好!可能做朋友就係咁，我唔知高小姐有幾唔鐘意我0地一齊玩， 不過我0地都冇變過，佢成日都好關照我!! EVEN我成日都有好多0野都唔識做、做錯左，不過我都知道佢好肯幫我! (何況佢冇咩耐性教我做.....呵呵!) 可能0係今次被CUT鐘呢件事上面，我一路睇住佢為我做左唔少0野，我都唔知應該0係時候同佢講多謝，可能大家唔生外啦，要講句簡單)既多謝就更加困難@ 佢比左好多意見我，我乜都唔知，應該做咩應該講咩都唔知，佢都會一五一十教足晒我! 不過可能我又唔想佢做得太多，怕佢會有麻煩，我就愛理不理，......曾經令到佢好嬲，令到佢唔開心，亦曾經令我0地鬧意見! 不過到最後無論係有冇解決件事，我都打從心底裡好多謝佢!!!!!........雖然平時0係圖書館開工有好多0野佢都好乞人憎，......好麻煩，成日比我話佢好似個女人咁麻煩，不過.......我0地一齊做0野的確係好開心，雖然高小姐唔鐘意佢，d SB都會同佢傾得埋，,佢又會好關照d SB!! 佢好了解我，知道我有咩缺點，佢成日都提醒我，雖則我成日都會好似好滿不在乎咁，不過我知道0既! 仍然好感激佢大多數時間都不厭其煩咁幫我買TEA....! 佢識0既0野唔少，佢教識左我好多0野! 我第一次出0來社會真正做事，已經0係佢度學左好多0野!不過有時同佢嘈又真係幾頂佢唔順!! 我仍然好佩服佢去搵d 議員，仲要搵張卓仁，我好佩服佢，好佩服佢做0既一切@ 多謝李生，多謝佢送過我0既0個一程，我好記得佢架火柴車，好好笑，多謝李生招呼我0地上去佢個屋企坐，我仲食晒佢d青提!對於李生0既個人珍藏及品味，我好佩服@ 李生對我好好，好有禮貌，我鐘意佢成日講佢以前0個d年代0既往事! 我好響往聆聽! 多謝陳生，比左唔少歡樂我，雖然佢唔係成日都0係YA，不過，對住佢，唔會有對住老闆0既感覺! 佢絕對係一個受歡迎0既老闆! 我又要多謝av 0既阿傑，雖然識佢0既時間好短，不過，佢都算係一個蠻好0既傾計對象，可惜佢都離開左圖書館，不過我知道佢可以有更好0既發展! 多謝佢0既清湯腩! 不過佢個樣真係好得意好好可愛! 我又記得每日都會0係圖書館門口見到0既大眼叔叔，日日都會見到佢，差不多日日放工都會同佢講拜拜! 記得最後一日放工0既時候，第一次企定定同佢傾左一陣計! 好多0野都會成為回憶。我係一個善忘0既人，不過有好多0野我又會好記得，好懷緬! 曾幾何時當我知道有中央圖書館呢樣0野0既時候，我就已經好想好想0來呢度做0野，我一路都好想去D公共圖書館做0野，我好開心我成功左，我仲好開心我可以同阿sam一齊0來圖書館做! 雖然最後係因為呢個原因而走，不過我仍然好響往0係圖書館0既日子!!因為我好鐘意圖書館! 可能我唔識珍惜，不過，我都總算嘗試過!!
4月5日@ 今日翻去圖書館，我寧可自閉都唔想去融合工作0既環境當中! 我0既情緒仍然未平復到0既時候，阿林姐姐拎出左個revised 0既schedule，唔知想點law，原來係叫做執過下d時間! 我一睇之下，都唔再有咩反應lu!!!我比唔到咩反應佢! 因為我冇左個心!
4月6日@ 呢個星期，都好似咩都唔多順利咁! 想cycling，竟然0係冇咩原因之下都去唔成!
4月7日@ 今日再一次翻到圖書館，大家都感覺到YA好似一個死城咁! 食lunch之前，阿權同camilla都先後同我做左心理輔導@ lunch同左阿明阿sam去天后M記食，阿明仲講起尋日佢翻工又同高小姐炒大獲0既事! 講到眉飛色舞..........與此同時，阿keith比左個電話我，係一個personnel agent 0既電話，就係呢個電話，改變左我之後0既日子啦! 前幾日經過阿keith0既開解同勸諫之下，我決定比個希望自己! 我打左個電話去呢個agent度，佢介紹左份工比我，係nikon hong kong! 即日手寫左份temporary resume比佢，好快，同一曰佢就已經請我翌日上去interview! 咩都發生得好快。我第一時間通知左阿keith，有種......唔知點形容0既感覺，可能新開始就係0來得咁快咁自然!
4月8日@ 多謝阿keith，比左呢個機會我，仲好鼓勵我! 對於我呢個成日淨係得個諗字，咩都懶得去實行0既人0來講，今次我都終於說服自己拎翻少少認真出0來去見工。一來阿keith又hard sell份工啦，哈哈，我0個日0係圖書館翻工就打左電話去個趙小姐度同佢講我有興趣見0個份工，呢個寄託暫時令我忘卻左圖書館0既不快事!可能呢個亦係一個令我去見工0既推動力! 好快咁個Ms. Chiu已經約左我今日去見工! 上午0係圖書館翻左半日工，留左0係5樓自己練interview，差不多到3點半我就出發去牛頭角地鐵站，再行多5分鐘就到左創富中心，10樓，呢間公司叫"NIKON HK LTD." ，我搵左Jenny見工，傾左成個鐘頭計，好舒服咁，唔係好驚，佢問左我好多0野，學業、個人興趣、趣事，都可以話係無所不談，可能佢係為左要了解我個人啦。循例上都要用mandarin同english介紹自己! 呢份工係做shipping，對於我0來講，如果 一份普通0既shipping 或者係clerk，可能我唔會有太大0既興趣0既見，我成日都會覺得呢d工幾時都搵到，不過，一來佢講0既benefit吸引啦，二來係大公司，三來係時機問題，緣份問題，所以我想自己嘗試下! 佢講比我知0既工作，都包括埋d 文職0既工作。傾完計，佢叫左個老闆入0來同我講0野，佢係日本人，講左d好難聽得明0既英文。不過我表演得好投入聽，而且好有反應，哈哈! 做埋個computer test我就走左啦! 走0既時候都差不多6點! 好耐! 相約左大家姐去寶琳周生生搵阿志遠哥哥拎手信! 不過最後係我自己入去同佢拎law!大家姐又係唔入去....-_-!最後去左茶餐廳食飯。
4月9日@接到電話我份工見成左，nikon終於話請我啦!民政翻工0既時候我不停0係度諗梗我應該點樣quit圖書館份工，因為我一定要賠，不過適逢佢cut我鐘又轉左我contract，阿明幫我諗到理由點樣可以唔賠@ 不過一開始我就蠢左，自己走去打電話比!圖話我賠我唔做我要走!搞到事後我要做戲....
4月10日@ ! 未收復個心情，我又要準備去灣仔見第二份工! 唔知做咩，呢份工其實係好耐之前apply，不過可能又係時機0既問題，咁0岩得咁q又係呢個非常時期去in，有d"有失必有得"0既感覺! 呢份係一份民政事務處0既full time.....我好鐘意呢類0既工作，所以之前就apply左! 佢0既工作性質又有戶外又有戶內，對於我0來講係幾perfect 0既! 可能我0係深水土步做梗part time，知道幾好做! 我抱住一個好鬼輕鬆0既心態去in，不過又有d 矛盾，因為我先前見0個份同呢份有好大出入! 呢份工係做環境改善project assistant 0既，係關於灣仔區內社區建設、設施0既幫手，當然唔係咩幫手整d 設施出0來啦，而係去協助管理呢個社區內0既設施，同埋環境0既管理。我約左10點鐘上去見，同我一齊in 0既都有幾個後生仔，亦都有一個師奶級、佬級! 有d壓力! 行左差不多半個鐘頭，先到我入去，同我0係shamahuipo見工0既時候差不多，上次係三個，今次係兩個，高職級d 0既行政人員同我傾計，佢0地都問左d幾認真0既問題，關於我0既學科、0係民政做過0既工種啦，同埋一d政府0既處事方法方面。佢仲話比我知份工所做0既最富挑戰性都係....唔單止係改善灣仔環境，仲要去處理埋d 露宿者0既問題，我聽完之後不知幾開心，因為我覺得好刺激@ 我諗我比佢0地0既感覺都應該不錯0既，起碼我夠坦白!!哈哈。之後就過左去隔離房做writing test，比左幾幅圖片我，係關於區內一個道路指示牌損毀左，就呢樣0野寫翻個report出0來。另外再加一個notice中英對照寫翻出0來!我in完之後，覺得，如果份工真係請我，我一定好開心，因為我一路以0來，都想自己撙0既工係以"服務社會"為依歸，好似自己想做bus driver一樣，同埋做圖書館咁! 雖然諗0既都係一d小角色，一d唔需要咩技能0既工作，不過我想比自己有呢d服務社群0既滿足感!我更加諗過第時老左or 有機會做清道夫。一種感覺，唔知點形容!哈哈!!不過呢d通常3宦係諗諗下，自己好少會去爭取d咩機會去實現佢!自己由細到大都好少為自己去刻意爭取d咩，好多0野都係"煮到埋0來就食" 0既形式。雖然腦袋裡面有好多諗法好多想0既野，不過礙於自己自小都好細膽，有好多0野都唔敢去做，依賴心超強，就算讀都好似係過一關就等下一關，從來都冇為自己0既咩事業或者理想去為自己鋪路，不過上天對我還不薄，生活平平穩穩，到左一d時機自己總係可以好幸運咁得到想要0既0野!有好多栳會上天都會到時到候比我，當然把唔把握就要睇自己，欠缺多點野心0既我，多數都係白白咁放棄左好多有利0既機會! 通常3,5,7年之後先識得去同自己講[係啦，早知..........啦]。還興幸我識得向前睇，成日都會同覺得明天會更好，冇d咩係需要後悔0既。
4月11日@ 今日係我0係圖書館0既last day，有d 依依不捨，不過又有點"迎接新0既未來"0既感覺!見到好多一齊共事0既同事，都會好記得大家一齊做0野0既時間@ 雖然對於0佢地0來講係冇咩特別需要懷念，不過我就係0個d雞毛蒜皮都會拎0來諗下0個d人 !同一般朋友成日話我冇心肝冇記性又善忘0來講，其實我成日都想話:[有好多0野我都好記得好懷念]。不過唔知點解今日大家異常忙碌，都冇咩機會比自己去慢慢每一個角落去緬懷下。下午又要同0個個咁0既死人陳小姐"傾計" (其實我知道人0地都係打份工，佢都有佢0既responsibility，佢之可以做到呢個manager0既位，都係因為人0地有野心，對事業有抱負，肯去捨棄一點點，去做d厚面皮0既0野，呢d都係一路以0來我成日自覺不如人0地0既地方。我今日0係陳小姐面前做左一場戲，連我事後諗翻都覺得自己有d衰格同埋.....唔知點講!其實事前我已經知道我一定會走，我知道有第二份工等梗我，所以一定要做戲! 陳小姐一開始0既語氣已經話，[你知唔知你唔做要寫resign form ga，同埋要賠翻一個月0既通知金比我0地，你要而家決定gala]，誰不知我話比佢知，我唔走啦，我留0係度，佢有d唔相信，話[我唔知你係一個咩人，可能你0係我面前係一個人其實伙又係另一個人，不過你唔好諗住玩0野，後果會好嚴重]，我都覺得自己有d犀利，仍然係同佢講我諗清楚，決定留0係度，當然咁樣係為左吊住佢，然後再殺佢一個措手不及@佢見我開始軟化而且又信以為真，就開心見成同我講，其實大家都係出0來打份工，佢唔想大家0既關係搞到咁差，佢話佢都好難做，好大壓力(呢個時候唔知點解我個心有d過意唔去，不過我唔可以唔為自己做埋場戲去，不過我都同佢傾左一陣計竟然)佢話其實如果因為某d原因我想唔做0既，佢可以幫我申請去其他更好0既樓層做! 佢話總有辦法，佢都唔想我冇左份工wor...... 後0來我0地竟然係度傾圖書館0既工作，佢都有問我關於呢層0既問題，我心諗既然我都唔做，我不如坦白話比佢知我0既諗法啦，當然我梗係講高小姐林小姐0既不是啦!傾完之後佢就叫我記得天日跟個新schedule 翻工(cut左鐘之後0既schedule)，我係咁話好好好，大家就完左呢個meeting!出翻去繼續工作0既時候，竟然收到風話呢個陳小姐想同高小姐出封warning letter比我! 真係一山還有一山高!! 勁@最後等佢走左我就fax左張信比adecco，話比佢知我仍然唔會accept佢個新schedule，更加唔會翻工，再話埋佢私先改contract。.........之後唔係有好多時間，我上左d書，不過個心態係，d 館長咁衰我又冇理由仲做0野，不過個心又鐘意圖書館0既工作，好矛盾下半做半唔做就咁完成最後一日0既工作。收工前我仲0係6樓行左個圈，望下d 書架，望下個sorting room.....諗翻以前0岩0岩0來做0既時候，............我送左d mini 心意card比每一個同事，每一個我覺得值得收0既同事。card裡面我仲講左好多0野! 唯一想0既都係唔想0佢地唔記得我je........哈哈!! 我去同阿權講拜拜，佢同我講，叫我記得比心機做份新工，叫我記住自己係得0既，要對自己0既工作能力有信心，我真係好感動，真係有d想喊。收左工同威廉去左附近消磨時間，等到9點佢地收工我0地就入左去奧海城搵李生，一行有我、威廉、阿基、阿lok'、wylie，阿明同埋李生。不過0係奧海城搵唔到咩地方好落腳，行左好耐好耐，大家都有d唔耐煩0既時候就決定出翻mongkok食火鍋@ 去左創興上面0既德興食!!!!我0地影左好多相.......一路食我都唔係咁捨得，因為食完呢一餐我都唔知幾時先見到佢0地，雖然搵到新工係開心，不過有d0野係得到左習慣左就唔想改變gala!!!
4月12日@ 今日佢地開始新schedule，唔知佢0地而家點呢?
4月15日@ 今日去左信和中心幫阿keith找枝座地燈.......再拎去mongkok地鐵比佢@.....之後就出翻灣仔同阿明去勞工處執手尾。期間仍然係一貫作風鬧意見不和!哈哈，吹啤!
4月16日@ 今日第一日翻工，有d唔習慣要咁早起身。9點未夠我就翻到公司，Regina同我講左好多公司0既0野，最搞笑係教晒我點樣買wellcome 同文具，做埋reception，同埋有客到要做d咩，例如倒茶.....。對於沉悶0既office work 呢d工作肄替我加添左唔少生氣同喘息0既空間。哈哈，佢0地個個都好好人，Regina寫左個seating plan比我記住d人0既名，因為有4個都係日本人名。老闆就叫Ishiguro san石黑，總經理係Amanuma san天沼，副經理係Komatsu san小松，senior engineer係Masubuchi san公明同埋陳勇stanley，另一個engineer係Timothy，shipping0既有Jenny、Regina同埋阿Po，QC有Akane同Francis。最後有兩個warehouse Rambo同阿Fung! 老闆同全部同事做左個好short 0既briefing介紹左我，下午就同左我入房上堂，講左成個nikon 0既架構。lunch 0既時候大家都係訂飯盒上0來conference room 一齊食，由於SARS 0既關係，短期內都唔會有得出街食。呢一日0係好冇0野做0既情況下完結，我好輕鬆咁就放工啦!
4月17日@ 今日一早去左太古城0個邊見下nikon 其實department 0既同事，我一早就去到，等埋Ishiguro san 0來到，佢就帶我去見晒所有有份量0既dept head同埋leader，第一個應該係最大0個粒，佢話[好歡迎你加入呢個nikon大家庭，希望你做得開心，你一定會鐘意0係呢度做0野].........嘩，真係唔同d呀果然。......之後見0既好多都係日本人，個個握晒手say 晒hello，感覺好得意。Ishiguro帶左我去睇每個部門0既位置，有International Sales，Local Sales，Admin呀，仲有門市部同埋repair stations!好大.........Ishiguro san好比心機咁帶我去晒每一個角落講比我知0個d係咩0來。佢先行一步翻IPO先，我就去左admin度sign letter of employment.....都差不多10左右，我就自己翻翻IPO......!!!自己又過得快D........今日學左少1少份數0既0野，學左ISL system! 全部都係Regina教我。老闆又比左d Excel我做，聽講係試下新人0既實力wor!!! 不過難處在於聽佢0地0個d 英文。一日0既工作話咁快又完啦! 天日開始一連4日就係Public Holidays!!!!!YEAH!
4月18日@ 今日去左寶蓮寺玩。對上一次去記得係讀預科0既時候，不過印象唔係咁清晰。陽光好充足、藍天白雲，好0岩FEEL。0係東涌坐巴士入去，都需要一D時間呀! 影左好多相......空氣異常清新，心情特別開朗............睇住山上面0既白雲層好快咁樣吹落山，個景好靚，忍唔住拍左幾個VIDEO......。企0係大佛下0既感覺係.....有種安全、被保佑0既感覺。 童心未泯，走左去買枝印有小甜甜類似圖案0既肥皂泡吹下............
4月20日@ 今日天朗氣清，大家相約去d outdoor 0既地方就最好不過。中午0既時份我、威、SAM、KEITH同埋阿神咁多個去左荃灣集合，去左買左釣魚0既工具。坐96M小巴0係青龍頭釣魚灣落，沙灘0個度游水0既人唔多，因為大多數人都係去釣魚。0個日釣魚0既人都幾多，一家大細咁! 我0地搵左個地方落腳，阿sam就走鬼左去晒太陽。我0地好快就有戰績，雖然全部都係d 小魚，又唔食得唔睇得，不過都係要0個份樂趣je! 我見到個海有成堆成群0既魚仔"喉"住我d 餌 ，可能係我唔識catch0個一下，成日發覺d 餌話咁快冇晒，都好，釣到3, 4條。不過唔知點解個個都係咁釣，個個都釣到，係阿keith一條都冇，哈哈! 好黑.....我仲影左好多相，佢0地又釣到一隻紫色0既蟹!!!今日一共有3兜戰利品!!差不多日落黃昏0既時候，我0地就歸巢啦! 我0地坐左小巴出diamond hill，0係pizza hut食dinner。有左阿keith 0既jetso，我0地去左adidas買0野，因為佢家姐0既關係，可以有六折!!!我0地留左好耐，試左好多0野，試到打烊!!! 最後個個都有戰利品!!
4月21日@ 有人唔小心delete鬼晒所有0既相!!!啤.............
4月22日@ 今日陪左大家姐去睇醫生，之後就去左食korean bbq，SARS關係，場面有d冷清!
4月23日@ 夜晚去左長沙灣麗閣村搞非典型肺炎講座。一早去到個com hall 準備，好好笑，office 準備左0個d guideline 用0來貼0係d wall上面做guide，不過竟然係只寫"非典型講座"，我睇睇下覺得，都幾好笑，究竟係非一般0既講座定係咩呢，貼0既時候都有d居民0來問下，不過可能知0既人唔多，或者係搞得太遲，定係d人寧願留0仁係屋企睇電視? 得三個人0來。???????有一個係婆婆.....我0地民政都好采有一定份量0既人數撐下個場面，DO都有0來捧場，仲要由呀SLo陪佢0來，坐左唔夠15分鐘就走左! 講座上有一個好長氣0既nurse，講左差不多成個talk 3份2時間，令到其他dept 0既人都好求求咁講完就算!!! 我0地最後10點左右清埋場就走lu!!!!
4月24日@ 今晚陪左阿Tom 去九龍塘開會，係一個普遍0既GM，地方係石竹路18號 - 麗松苑。阿Tom例牌鐘意遲到!
4月26日@ 好一個晴朗0既星期六，雙雙去左淺水灣晒太陽。晒過後搵大家姐同Pitti食飯，依舊係大家姐0既老地方，我0地仍然係食翻同一味，傾翻同一個話題，不過今次有少少唔同，因為佢竟然學識"移情別戀".........-_-!!! 不過仍然係一封好傷心0既樣子! 身處呢個地方0既大家姐，煙團就係少不免架啦，鬼咩....一噴，佢d桃花又走埋0來啦!!!
4月28日@ 唔記得左邊一日，我收到個電話，令我自己都估唔到會收到! 係灣仔民政個主任打比我。我0個時0係公司，記憶中都係翻左個幾星期左右，個主任竟然話佢0地決定請我，做環境及社區改善幹事，我心係幾咁興奮.......因為我見呢份工0既時候，已經知道呢份工個性質好鬼好，一來唔洗成日留0係office，又可以出去搞下活動，又可以為我0既社會出一份力，個使命係好到不得了，佢同我講左好耐，解釋左好多呢份工0既0野比我知，雖然人工得6500，有得比我揀，我會乜都唔諗就揀佢，因為我一路以0來就係想做呢d工，而且自己又試過下呢。不過開心還開心，有好多0野都令到我唔可以揀.......又或者係.....現實d咁諗就揀唔落.....!!如果我唔係做梗呢份，我真係唔理咁多! 佢簽得0個半年，半年話咁快過，最後咁點算? 而且諗起我都應該為個屋企諗下，我應該減輕下屋企0既負擔，唔應該咁自私，而且難得搵到一份福利咁好0既工，無論工作環境、性質、人事都幾好，我又唔想咁容易放棄，好似有d浪費咁，我以前成日都唔識得把握機會，成日都唔識得去諗得遠d，只係憑自己感覺去決定同做事，我怕今次又係咁，而且份工又唔洗sign contract，唔洗點驚會被公司炒之類，如果我咁easy 放棄左去，咁又好似.....對唔住自己，而且........總之一句，現實話比我知我應該諗得實際d，於是我差不多拖到6點我先打比個主任同佢講我唔做得份工!!個心情係有d唔知點咁，好似0岩0岩得到又即刻冇左!!! 冇0既，呢個世界又唔係淨係我著數晒0既，我可以得閑翻去深水王步民政開下工都好好架啦!!
5月4日@ 星期日 - 相約阿keith 去沙田睇戲，買3:10場0既X-MEN 2! 差不多full...所以只係得翻前幾行0既位! 睇完就去左Ikea睇傢俬!
5月5日@ 夜晚翻左民政同阿"文具"Alex 0係度貼信封....嘩，好多呀!
5月7日@ 訓訓訓，訓咩訓呀，0個幾分鐘都唔放過，抵自己死，就咁燒焦。勁樣衰，遲左成粒鐘。仲要係"咋"肚痛law。
5月10日@
今日放假.....要翻工我又想放假，放梗假我又想搵0野做。 今日本來諗住夜晚翻去圖書館睇下書順個道探下我d同事
，不過......由於某個人為0既問題，令我冇左呢個mood..............可惜，唔可以見到d好耐冇見0既好同事。下午去左都會
軒食左個二人海南雞飯........幾好味.....不過好多血.....fresh@新鮮? 新鮮......食完之後都係he..........................翻到屋企冇0野
做....陪左阿媽睇呢個過氣0既流星花園I.....前幾日阿媽仲犀利呀，夜晚7點幾睇到12點幾，今晚就0岩0岩睇晒@ 0係呢
個星期6 0既夜晚，突然心血來潮，又開始寫翻日記@ 10月到而家，足足大半年啦@ 都唔知記唔記到咁多0野，不過
好采自己平時每日都會0係本organizer仔度寫翻自己做過d咩.....不至於咩都唔記得嘛@
5月12日@ 同左大家姐同pitti去TST食飯。 食飯0既地方0來左個顧客，拎住一大紮花入0來，book左一張table，好似0係度等梗佢個心上人0來咁! 我0地三個一路傾一路食一路等梗呢個故事0既發展.......我0地不停咁0係度同大家姐做心理輔導，不時又走去望下0個個lan仔0既"心情"...佢叫個waitress收埋左佢入0來時拎住0個紮花! 佢自己就靜靜咁等....等到啦...有個著住diamond black 制服0既女仔(女人?????) 入左0來 (-_________-) 個男仔表現得好有風度。好平常咁食飯傾計! 後尾個男仔去左toilet，great，個waitress就照住吩咐拎翻紮花出0來，送去個女仔面前，不過....個女仔0既反應係，望左一眼就叫個waitress拎走!與此同時個男仔心懷希望咁走翻出0來，同個女仔講左幾句，又再回復翻先前0既場面.....驟眼望都唔知究竟係發生左咩事! 最後個女仔先走了，拎埋紮花走左! 個男仔對面突然出現左另一個女仔，望落好似係同個男仔講梗頭先0既事件，而且兩個仲0係度"煲煙".....唔知係咪有d咩交易，我同pitti都諗可能係....."介紹所"....@ 啤.......我0地食完飯，去左附近見大家姐個威路士，感覺，比大家姐形容0既有d唔同! 我0地陪左佢0地兩個去Red Ant 食飯，佢0地一路食我同pitti就一路吹水!
5月14日@ 今日約左pitti同jasper食飯，去左綠寶石餐廳。傾起佢同大家姐0既野! 感覺比預期中愉快舒服，唔抱住任何使命或者目的去，傾起0來會特別暢快!
5月17日@ 同威去左Citysuper食飯! 再陪佢去準備d 恤衫西褲。
5月18日@ 星期天 - 0係屋企relax左一個下午，黃昏0既時候出左去約威廉，死仔基又為左"佢"放我0地飛機!我出到旺角見到威廉一身軍人0既打扮，幾咁威風凜凜呀! 佢仲要拎住枝勁大look０既槍呀，事關佢今日先０岩０岩玩完war game 出0來!佢好肚餓，自己買左件pizza食! 我同佢行左幾個圈，去左影貼紙相。幾難得佢著住咁搞鬼0既軍服同埋枝gun! 之後差不多8點等埋阿wylie 我0地就去PIzzaHut食0野! 一路食就一路講圖書館0既0野! 是是非非，無所不談! 本來以為阿明會0來啦，誰不知佢唔舒服早走左成，佢話佢頭痛又嘔，早退左仲諗住天日唔翻工!同佢0地去埋信和買碟就翻歸lu!@
5月19日@ 放左工翻去民政TCO training，好多TCO都翻左去，好耐冇見! 因為大家都好忙，好耐冇翻去開工! 包括自己! 0係422房搞0既TCO training 係阿Dorothy同Wendy 搞0既! 講0既係關於法團rule0既知識，又加左d 非典型0既咩U型水渠0既notes! 睇左d 錄影帶，做下case study，9點左右就散啦!
5月22日@ 今日放工冇OT就出左去旺角搵PITTI同大家姐! 0係mongkok行左幾個圈，就落左去PIZZAHUT食0野，叫等0來0岩0岩阿威路士就0來左啦! 佢同大家姐就認真痴纏啦，成鬼日0係度咬耳仔! 完全目中無人! 我同Pitti又例牌0係度搞搞震! 笑到肚痛!大家姐仲自爆佢早排去左"me"脂.....-__-!!!想死!笑到肚抽筋!
5月23日@ 今日放左工去左沙田搵阿keith 食飯，因為佢有八五折0既coupon，所以我0地去左食spaghetti house! 食完飯又去左樓梯傾計! 大家傾下大家0既工作、愛情、友情、親情....好多好多! 無所不談! 已經成為我0地0既習慣@ 11點幾左右我0地先走! 好開心今日免費換左套Biotherm 0既試用裝!!
5月24日@星期六- 仍然唔係訓得好耐，有d唔習慣，悠閒左一個下午，黃昏0既時候就出左去銅鑼灣搵下阿威，去M記買左個餐就行去大球場參與呢個[1:99 心連心演唱會] ......on the way walking to there，我就已經聽到容祖兒唱。入到場，好多人! 異常熱鬧，....勁! 坐0係台前面大概30幾行左右。.......我感受到個場地0個度多人而澎湃0既feeling~ 阿威0既兩個朋友已經到左! 入到場第一個睇0既artist 就係何韻詩，加埋shine! .....白天0既表演都唔能夠令人熱情0係0來! 大家都係靜靜地咁欣賞......張學友呀.....梁漢文呀、eason呀、張柏芝......天黑之後，表演artists都能夠表演得更放，觀眾都開始手舞足蹈! 我仲記得阿李克勤同校長出0來時可能唱d歌比較耳熟能詳，所以大家都識得一齊跳下郁下! 拎住d螢光幕我0地都一齊0係度搖下搖下! 又有阿B 哥哥、陳慧琳呀、Aaron，仲有楊千嬅同埋Beyond等等! 嘩，不過好臭......周圍d人都好大汗味，有d惡頂! 包括阿威!hahhaa@ 離開大球場都差不多10點幾lu，行得出去大街都有排行! 出到去搵左間上海飯店食菜飯!
5月25日@ RELAXING SUNDAY 睇左齣[22世紀殺人網絡 II]......唔明，totally 唔明個故事係講咩! 不過d 特技同電腦效果都幾好睇，雖然有d假!
5月29日@ 好黑呀...........今日又唔知醒啦!點解會咁ga.....都係怪自己成日鐘意訓多幾分鐘，幾分就變成45分鐘........一醒就知衰左。諗左好耐決定打比Jenny，話比佢知我請病假，原因係................係 M痛，啤!心緒有點不寧，好似做左虧心事咁! din左一陣先訓得著，不過好離譜，一訓又竟然係訓到3點幾! 有d唔好意思。哈哈，食左大碗面之後，就翻去民政啦!差不多5點，Catherine同Sylvia都0係度，開始整梗d寄比法團0既信啦! 鄺生都有0係度幫手，口水多多咁，又教埋我0地做office最應該要學0既skill........就係做大量郵寄信件，你知啦，成700封公文袋wor.....佢整好一排排，將d 膠水用掃一野掃晒咁多個信封口，再將佢0地疊埋一齊(個實際情形都幾難形容)......個公文袋又放左d好厚0既"預防登隔熱"、"咩蚊患" 0個d 信件，又有d 宣傳單張咁啦!整下整下又幫左阿Tom整本書，之後又幫Thomas打信，好肚餓，偷左LO佢0地d 零食，食晒佢0地d 魷魚，又食左d chocolate......工作又開始啦! 一路貼，我0地3條友就0係度講阿邊個同邊個(偷情男女) 0既0野，話未講完咋，呢對主角又出現啦! 眼見阿男主角接到個電話毫即刻走左，連我幫佢做0既0野都冇理到，差不多一個小時之後，就見佢0地雙雙咁翻左0來。真係.......吹脹@不知不覺，就做到9點幾，報埋鐘差不多十點我先走!今個月好少鐘呀，得0個廿幾個鐘。不過聽阿Tom講下個月有得幫手去九龍西半山搞MAC formation!
5月30日@ 今日翻工報左好多關，又幫陳勇整d 退貨。lunch就叫左間蛋撻皇，d 飯都唔洗20蚊，正! 之後我開左兩個鐘頭OT，報晒D關去，又幫陳勇整左個MIS! 放左工翻到屋企食埋0野，10點幾左右就落街食宵夜，差不多成點幾先翻HOME~
5月31日@ [WEALTHY BBQ PARTY FOR NEW STAFF WELCOME] AT TUEN MUN RESORT COUNTRY PARK - 青山灣
今日都唔係訓得好耐，11點未夠就醒左，唔知係咪因為而家個生理時鐘regular左，所以個人都唔知以前咁一到放假就訓到dint左! 我0係度hee到差不多12點先起身! 食左"早餐"差不多1點半就出左門口啦! 坐左架52M去到三聖青山灣落車@ 我0地入去視察個BBQ 場，有好多爐不過好多都係得包燒碳但係冇人，我0地問過周圍D 師奶，佢0地話佢0地霸左其中幾個，其餘0既就唔知乜水跟梗啦。我0地周圍問人佢0地用梗0既爐有冇人跟梗，我0地搵到一個得包碳但係好耐都冇人出現，諗住要左佢，不過後0來有個師奶出現話係佢ga wor........最後就比左我0地! 等到差不多3點多左右，Timothy帶住Ishiguro、Masubuchi san同埋兩個太古0既新血0來到，其中一個我都好似上次過太古時見過! 坐左一陣就帶左佢0地出去附近0既海鮮市場買seafood~差不多5點0既時候，阿Amanuma san、Komatsu san、Stanley、Regina、Jenny、Francis、Po、Rambo、Fung都0來埋啦! 佢0地買左勁多野! 不過我0地冇table放0野，就將所有袋呀、食物、雜物放晒0係地下! 我0地用晒d 桌布鋪0係地上面，跟住就將d 食物"晒冷"......佢地帶左好多工具0來! 事關用0來配合翻佢0地d "巴閉"食物! 佢0地專程去訂左d連我都唔知咩名堂0既牛柳。成40蚊一小塊，成排咁訂左。好好笑唔知點解又買左洋蔥同埋南瓜.............-_____-!!! 不過袋海鮮就真係正啦，有瀨尿蝦、帶子、鮮魷魚、螺等等! Ishiguro仲帶左個針板0來切佢d 牛柳! 又親自0係地下切左d 蒜碎加埋d 醬油比大家0來食牛柳!!!嘩......好犀利，我而家先知道原來日本人係咁樣燒0野食ga，佢0地唔會用燒烤叉，只會用燒烤網，0係上面係咁燒! 仲帶埋d不銹鋼0既用具去燒!我0地d 本地人都有預備翻d地道野食比自己，哈哈，例如金菇、冬菇、粟米、腸仔、丸呀、扒之類啦! 哈哈! 最過癮係佢0地係咁飲酒、飲到失晒控。我自己又衰，等食等得太耐，勁口渴，自己拎左罐喜力飲，又空肚，飲完唔洗幾分鐘即刻wingwing地啦! d 日本人仲要係咁同你"乾杯"，......又紅酒(聽聞係老闆自己0既十七年私伙0野)，又有威士己、白油......啤酒。佢0地一見你冇又會即刻幫你添，哈哈! 不過感覺絕不似係出0來應酬0既感覺，而係...好熱情、好friendly 0既party 感覺! 我而家先知道原來日本人都可以咁熱情，佢0地平時0係公司都好正經，好斯文。不過一到假期出0來玩，就好多0野講! Komatsu san好快就傻左，Masubuchi san更加係din din 0地! 我更加充當呢個party 0既camera man，滿場影! 我整晚都唔算飲得好多! 個人都仲非常清醒! 最後佢0地仲話要再買多幾十罐啤酒做ending! 於是每人又分多一罐生力乾杯! 感覺係，透過人人互相乾杯，係可以好快咁增進到感情! 太古0個兩個日本人都好友善同熱情，wellcome左我0地d new staff，又教我0地0野! 又做表演比我0地睇，又好識得講笑! 不過佢竟然估我只得16歲! 吹脹.....he said :.[you don't look like.......haha]。用左唔係好多時間，我0地就執晒所以垃圾同埋可以帶走0既0野! 走0既時候都係差不多8點幾! 每人仲分左d 食物同埋d 用具走! 送左d 日本人上過海巴士我0地先再分批上車走! 我同Regina 上左52X! 誰不知原來佢唔經Tsuen wan........一出就出到美孚! 啤.......翻到home覺得個人幾渴，一飲就飲左兩包果汁......都唔夠!阿布打比我話佢0岩0岩送完佢朋友去airport.....同佢傾左一陣，話比佢知今晚0既趣事! 又同阿keith同阿明傾左一陣電話......又再分享左我0既BBQ!! 今日0既BBQ 比我感覺，日本人好nice，而且公司d 同事都好nice! 呢間公司比我感覺好FAMILY!.....雖然我做0既時間好短，對佢0地0既認識都唔多，不過，感覺都幾舒服@ 夜晚同阿keith商量下遲d holiday去郊外遊玩一翻! 哈哈!
6月2日@
今日開始準備走貨，有好多隻PARTS要執，好鬼死忙。做到差不多6點半先放工! 去左MK 約Pitti。行左一陣，睇下頭夾，睇下無聊0野，再去埋大家姐口中0既"焗森林"(笑爆)。我食左個什菌咩煙肉波菜闊條面，pitti叫左個海鮮薯蓉，有茄子，正! 大家姐join左我0地，吸左好多口煙，情緒略嫌有d低落，噴完又噴，尾尾道出佢0既心事..........唉!
6月3月@
咒怨......................
6月4日@ 當年我仲係小學時期，睇住個電視都唔知發生咩事..............於是......咁多年後0既今日，我去左西貢半月灣暢遊一翻@ 有d兩難存，因為要咁早起身，但係又可以去親近一下大自然。去到西貢碼頭，同阿sam同keith 專程去買左個飛碟，同埋阿威、阿神、大家姐、威路士同埋佢同事就浩浩蕩蕩去坐街渡! (好姐街渡) 嘩，唔係呀化，多人到嘔呀!!! 一枝箭咁阿keith同阿神已經去左fishing~ 阿威最後都放棄左我0地.....去埋@ 我幾乎全程赤住腳先可以去到大沙灘後面0既一個小沙灘，0個度d水奇清，係我0係香港咁多度沙灘最清最清潔0既一個! 腳板有如做按摩一樣，酸得0來又好鬼死過癮。執左好多唔同顏色0既石頭，雖然有d無聊，不過又幾有意思，途步再行過去一個要間水而行0既小石島，不過怕死0既我，行多幾行就唔再敢行，腳下0既石頭好多，好大，好滑......我嘗試過，最後都係放棄，我望住腳下面0既清水...........再望向0個個島，享受左一陣，就赤住腳咁翻轉頭啦! 我見到好多人玩浮潛，我見到好興趣，決定下次去0既時候先帶埋個浮潛裝備去，睇下0個度0既珊瑚。晒左一陣太陽，手臂上個膠布印即刻現形。我嫌唔夠.........更加埋怨當日0既陽光唔夠猛烈@ 日落西山，行翻街渡翻去，0係船頂上面0既舢舨行住咁吹風，yoo.....翻到屋企發覺我意外地搵到0既美麗樹枝乾冇左，遺留左0係那個小石灘裡.............
6月5日@ 要命呀......做到好頭痛......忘我左law.......於是放左工對自己好d.....去左食日本buffet!!......好飽好滿足!
6月6日@ 為左對別人好一點，今日我豪氣咁請左阿布0係葵芳食日本buffet，同尋日相比都係差不多!影左好多相 - Lego 兵團!!!暢談左一晚.....
6月7日@ 今日收到風，大家姐連續劇0既劇情竟然去到高潮，有意想不到0既發展...........不過感覺係哭笑不得! 去左霸王山莊食左個[黑金剛]同埋[粗豪]!! l like it~
6月8日@ 一早起身，並唔係早晨，好衝忙咁食左個花生醬擔擔面就去左會阿仔! 我0地好鬼死浪漫，走左去坐丁丁，不過竟然不幸碰0岩有丁丁意外，白車侍候。上左丁丁，我0地竟然冇有識死咁大講意識大膽0既話題，足見我0地母子之間並無代溝@ 去到圖書館，放低阿仔一陣，上左去6樓會下我d舊同事，順個道0來收數!好睬高記唔0係度，我好興奮，見到威廉同阿基，i miss them so much!!!入左去房就大叫李生。0個度d 空氣好親切，好似仲有自己d味0係度，阿mike、wylie同埋新summer helper都0係度! 好開心，同佢0地"dad"左好耐..........camilla.............佢都入左0來，我話比佢0地知我0既近況，李生仲問我而家點樣。好開心呀........我仲手痕咁幫佢0地拆一籠書............裡面0既一籃書。有d停唔到0既感覺!!!!!我恍惚又翻翻去之前工作0既日子...........留多一陣我就走左la.....因為阿仔鬧，話我掉低左佢......!!我0地離開左圖書館之後去左皇室堡，去左HMV.....不過我0地竟然0係裡面講笑話。對腳頂唔順，大家選擇左去一個又係好浪漫0既地方食飯，好candle 架law........啤!不過依然係大笑連場!!! 我0地730左右就散，我去左灣仔上pitti 車，向我屋企進發，為左完成我阿媽0既心願........-_____-!衣車.....her 衣車! 之後再長途跋涉入左tuen mun.....做左免費0既[人人搬屋].........開完工就出翻荃灣會一個失落0既大家姐...........依然係一舊又一舊0既煙團inside "DAYDAY".....冇停咁0係我0地面前飄........我0地食完飯去左綠楊上面0既陽台做運動，一路做運動一路開解大家姐........最後，問題仍然係未解決.. ..............唉..........好一個因果循環@
6月9日@ 咩係阻力，點解會有阻力? 係自己比人0地，定係人0地比自己，又其實，可能係自己比自己! 好難解釋為何! 只係感覺，呢樣就好似大自然0既一種天然力量，一向都存在於周圍。阻力0既程度因人而異，可能係相輔相成，又可能係...一發不可收拾。我曾經嘗試過去控制佢，去改變佢，不過佢就好似就有佢0既定理，當呢個個體與那個粒子碰撞，可以產生出好多變數，不過當中又會有一些fixed constant。0係我0既意識之中，就好似係一個ruler，兩邊相對稱，一邊加一，另一邊必定要減一，係一定0既.........我想去改變佢，不過..........好似唔係咁容易。
早一陣子，見到一段文字，腦海中0係度諗，究竟係咩意思。我諗翻起一d0野! 諗起一d 過去左0既時間。人0地總係說得中，有d0野，值得你去回憶0既，你多數都唔會唔記得，雖然我個人善忘，不過，我依然好記得.....有好多0野我都好想知道，不過又會阻止自己去知道，因為知道左唔會有咩意思。更加，自己冇呢個權利!做人好自私，永遠都想自己0既回憶係開心0既。不過天性又要八卦。我這麼多年來都試著去對別人好一點，試著去唔令別人失望，試著去唔令自己後悔，試著去令自己更加簡單平凡! 不過我仍然記得那一個好特別笑容，一個見到好自然會笑0既笑容。
6月10日@ 天氣持續咁落雨，個人都特別容易頭痛，不過難得自己樂觀，心情都蠻好! 依舊0既係，連綿不斷0既"呵欠".........打到我都有d辛苦!朝早上左Stanley 0既堂，識左少少工場做parts 0既知識，比我想像中0既低b 景氣有少少天壤之別! 今日總算冇咩做錯0野，更加未有發夢。輕輕鬆鬆咁又過左一日。放工坐左架38號翻屋企，好鬼死快架原來。25分鐘就翻到去，比起坐地鐵簡直舒服得多(要成個鐘頭wor)。不過唯一欠缺0既係，鄧麗君0既歌聲，一路坐巴士一路聽，好寫意! 早一陣子都係呀小鳳姐、尤雅嬸嬸、蔡齡齡小姐、葉振棠叔叔陪下我咋! 一路聽，成日都會懷疑自己係咪7,80年代出世，........如果係........都幾好....。不過我好興幸自己生於平凡活得平凡，小小事可以好開心，大大件事先會唔開心。我好佩服有野心，想成功，對自己有超強自信，我自己做唔到，我對呢個社會冇咩野心，冇咩0野我想去爭奪。我0既要求好低，只要簡簡單單，一家人平平安安，身邊0既朋友開開心心順順景景，我就冇咩渴求gala! 我冇咩能力去為大家付出d咩，不過我都好興幸自己有被需要0既時候!!!不過對於呢個世界，有好多0野我都好有好奇心想去知道，想去挖到底知道一切，唔關我事0既我都想知道晒!!
咩係因果循環？係咪真係有報應呢樣0野? 我唔識去分析.....不過我覺得有d可悲! 真係好似做戲咁，好似無線d 晚晚連續劇集咁，日日新鮮日日新! 風徊路轉絕對可以形容呢個情形@0岩0既，人同人之間就係，冇話邊個需要絕對地為另一個人付出，只要有朝一日佢發覺自己為對方付出已經再冇意思0既時候，就會係另一個醒覺0既時候......人絕對唔可以認為別人係理所當然咁對自己好，同一時間又唔可以作出太多要求，我諗唔係容忍方面出現問題，而係突然之間出現一個籍口，又可以話係一個時機，去幫大家解決呢個問題。不過我仍然係最擔心那個最無辜0既一角，因為佢0既一生可能已經被改寫，佢唔可以話當冇事發生。不過佢0晦傷口應該唔算太深，但係會好痛。不過可笑0既係，傷害人0既往往都會認為自己係傷得最深0既一個。 時間耐左，自己擁有0既0野就越係唔珍惜，就0係你唔珍惜唔為意0既時候就冇左，你可能好緊張，好驚，不過又過多一d時間，你盲 唔會再驚，你會越0來越覺得平安，相反就唔想再去改變任何0野，寧可維持現狀，因為你會發現你已經花左好多時間去適應.......你唔想再有咩改變，或者係重新適應@
寫日記總係寫到好頭痛，係反射作用? 個腦有好多腦汁，一滴滴咁，有d流唔出，"瓊"住左，有d"爸爸聲"咁流晒出0來，..............裝都裝唔晒.........! 有d變左硬塊，"chi"左0係個腦裡面跌唔到出0來。我發覺我個腦好多硬塊，就0來冇位擺，好難先流到d出0來，不過迫於無奈都會開刀拎咁d出0來，硬0既唔拎出0來。
6月13日@ 落雨........落落落......成日都落! 不過成日處於一個不見天日0既地方工作，落幾大都冇所謂啦! 今日覺得特別唔夠訓，成日打[喊路]!!放左工去左圖書館陪人借書。我打過比威廉，不過又唔通，我最後冇上去6樓，怕見到d唔係咁想見到0既人，或者我又唔想太張揚，更何況我冇目的上去。最後我留左0係五樓等佢借晒d書，我就自己睇magazines，睇完行出去，竟然比我撞到王基，好耐好耐冇見，傾左幾句，傾下近況咁上下啦，冇耐我就離開左圖書館。
6月14日@ 我阿爸講過佢好鐘意聽鄧麗君0既歌，話佢把聲"鶯鶯"聲，雖然細過0既時候唔係好留意屋企係咪有好多呢d呢類歌0既錄音帶、CD，不過成日都感覺到屋企成日有呢d歌聲。我阿媽鐘意聽收音機，好多記憶都係從0個個時候聽翻0來。0個時仲係80年代，我唔知道歌名、歌手、作曲作詞，不過而家聽翻，就會記得以前細個聽過。屋企唔係好大，個HIFI就係對住個sofa，阿媽又係煮飯婆，我0地放假，甚至乎係放學冇0野做，就會要求阿媽坐0係個sofa度，睇我同家姐表演@ 冇羊特別0既表演節目，就只係比我0地兩個著住條自選0既裙聽住呢d歌0來跳舞。我0地冇特定0既舞步排練過，只係隨心所慾，不過又會出奇地合拍。我阿媽通常都係一路睇報紙一路聽住唱，對眼有冇睇住我0地跳我都唔係好記得lu。............問自己0個d係咩歌我都唔係好記得啦，不過一聽就聽得出。我0地曾經去過築土風舞，0個時係二年級，家姐五年級，不過好搞笑咁，成日都會當左大家係孖生。記得我阿媽仲車左條跳舞衫比我0地，好似件泳衣，人0地個個細路仔十個有九個都係有patpat有花邊0個d，好似跳ballet 咁，不過我0地就係冇，哈哈! 每次跳完舞都會跟阿媽去街市，因為呢個係我0地細細個0既嗜好@ -_-! 著住件同泳衣差無幾0既衫去街市都幾搞笑，件舞衣係粉黃色，著埋對白色絲襪同技巧鞋，梳埋個孖辮裝，0個時個感覺係......[d人做咩望鬼住晒]!!!!記得0個時上堂有一條紅色0既圓木台裙，不過唔係成日有得著，有一次著記憶中係0係高山劇場露天表演.....
愛上左聽鄧麗君，佢0既歌聲好舒服，我好鐘意佢後生時個樣，好甜，好親切，雖然我唔係佢0既fans，又冇買佢0既CD，不過呢幾日上住網都一定要開住佢D歌，一路聽一路寫日記，一路上網。街知巷聞0個幾首唔係我最愛，因為個個都聽，聽極都係咁，感覺就好似咩K歌之王、好心分手咁。我最鐘意0既，係"愛人"，輕快得0來幾有味道，仲有"在水一方"同埋"你怎麼說"、"三年"，個感覺係........好舒服......我唔知呢d算唔算common，不過有種[唔知幾時0係邊度成日聽過咁] 呢個感覺。
好開心今日買左個mp3機，好方便，唔洗成日袋住個MD，跳下跳下，次次dup歌都要dup落CD再放hifi，好鬼煩，而且又少歌，我第一次用佢，就放晒d 鄧麗君落去，.......個心覺得好滿足，因為朝朝翻工有佢d歌聲陪住，可以好舒服咁坐車。
奇怪，夜晚打左個電話之後唔係咁安樂，因為我有d0野摸不著頭腦，我冇聽錯，不過.......點解會咁? 我當事都係扮冇0野，好自然咁講完我要講0既0野，更加唔令佢覺得尷尬或者.........我知道有d0野....不過我冇問，更加唔敢問。我唔係第一次對呢件事有另一d諗法，0個次係見到，今次係聽到，不過係咪一樣0既我就唔知啦。97 年以0來我都好少去諗點解，我諗得好簡單， 覺得我聽到睇到0既就係得咁多，不過有一次出0來食飯0既時候，我已經嚇左一跳，我唔係唔鐘意，而係感覺[乜咁快0既?]........佢好似唔覺得係咩一回事咁，自0個次之後，我有時就會諗，當然會唔會係因為有人知道左呢樣0野而作出當日0既決定呢? 不過如果係知道，點解又冇講出0來?? 而且更加冇需要唔講。照大家0既性格0來睇，大家都唔似係我想像中會咁0既人，一個應該唔會令呢d事發生，一個係絕對唔會講假話。不過......我曾經諗如果當年我成熟一點點，而家0既光景又可能唔係咁，雖則我唔係認為呢件事唔應該發生，不過我覺得我可以處理得好一點。不過或者係我當初太漠不關心啦! 我有時都好想知道究竟係咩原因......定係我諗得複雜左?? 定係有d0野我0地唔知? 不過我聽完個電話0個幾分鐘，都唔係諗呢d0野，我係諗，佢係邊個，有冇危險? 我唔希望再有d咩唔好0既0野發生，如果咁樣對大家都好0既，我會唔再諗。
6月15日@ 希望呢個世界上0既爸爸都可以父親節快樂!!!!! 做爸爸唔難，要做一個好爸爸就難! 有爸爸0既唔識珍惜，冇爸爸0既會當左媽媽係爸爸，日對夜對覺得冇咩特別又會覺得煩，冇得見會當佢係一個朋友咁掛念。越大越覺得阿爸縮水，其實只係自己長大左! 0個對朝朝早拖我翻學0既手，冬天0既時候好暖，好暖，又大又厚，諗翻起會覺得0個陣時0既爸爸好壯大。佢好少話說，講親0既都係教我0地做人0既道理! 佢0既嗜好係帶我0地去公園玩。以前食完晚飯一有時間，我0地三姊妹就會拎埋d羽毛球拍落去高山劇場打波，佢唔打，通常都係睇住我0地打，偶然都會散下步!玩到成身汗翻到去又會爭住沖涼!!佢不煙不酒不嫖不賭，工作至上，責任感大!! 以前翻學朝朝起身都會見到佢已經0係度做梗早操，招式來來去去不變。飲0既一定係普洱茶，唔飲檸茶奶茶汽水，不過只飲生力啤!!大時大節鐘意拎個相機同我0地周圍影相。咁大個女都冇比佢打過，鬧0既有，鬧親都喊，因為佢鬧人0既時候實在太惡! 食完飯0既習慣係睇報紙，"liu"住指牙簽"之之"聲!!佢訓0既係古代硬衴頭，用0既永遠都係肥皂，唔鐘意用佢所謂0既化學物品。 有樣0野好好笑，唔知點解我0地成日都比佢鬧我0地成日洗頭，就係因為佢唔信0個d 洗頭水，佢覺得d 洗頭水賣d廣告咁好都係為左0岩人錢，而我0地又要成日走去洗，所以好好笑地洗頭都要比佢鬧!!我成日比佢話我坐唔直，手腳冰冷又瘦到死，又話我成日唔食0野!同佢去飲茶佢都會叫晒我0地鐘意0既點心，不過唔准叫汽水! 初中0既時候，佢帶左我0地去買一部好大電子琴，好貴ga0個時0來講，要一千蚊! 我0地好開心，成日爭住玩! 呢個年代0既父親節，過0既光景已經大大不同，感覺，有點若有所失!!!
6月16日@ 訓起好精神，勇猛善戰0既姿態去翻工，9點未到就已經做好我平時9點先開始做0既0野!一早淨係開左3張SO同PO，分下fax，連stanley堂都冇開，整埋個courier就食飯啦! 今日個咖哩薯仔蝦醬通菜鬼死咁辣!!!! 食完飯吹水0既時候，regina、jenny同stanley佢0地講起結婚擺酒收人情，明明係講人0地，講下講下好似講到自己就0來擺咁，笑到look地! 不過如果係都幾搞0野! 佢0地話老闆0個份人情好得，所以有著數。哈哈。食完飯睇報紙，大家0既焦點好自然就係娛樂頭牌張慧儀比舞王掌摑啦!!!唉，悲嘆!!!下午幾多客人0來，我倒茶倒唔停，好采比我發覺有個茶壺，等我唔洗次次都好白痴咁用茶包續杯茶搖下搖下! 3點3 Ishiguro san、Amanuma san、Jenny同Regine一齊去晒葵涌舍 新warehouse開會，感覺係......少人得0來好free......!!!!不過我有成幾十張invoice 加packing要幫regina對，對下我又同大家姐同pitti講電話，卵都忍唔住講得太大聲，又好笑...............呵呵...!!大家姐我佩服你，好一個"佐治"，好一個"風韻尤在"，我真係宜得即刻同pitti將你去浸豬籠，再拎翻出0來斬首加電椅!! 對對下.....Timnothy 0來同我0地上堂，佢話因為老闆成日問佢教左我0地未。佢都係教翻我0地d engine related 0既0野，越聽我又越我多0野問，regina份0野我就擱置左一邊，最後做到尾二先走。不過我好開心，又可以坐巴士翻屋企，雖然車程只係半個鐘，開住個窗吹住風聽住鄧麗君0既歌，嘩，超級享受@ 我好鐘意"在水一方"同埋"你怎麼說"，又鐘意輕快0既"高山青"....!!!翻到屋企飲左枝橙汁，竟然喉嚨痕，勁痕，變得多啖，開始多鼻水，再鼻塞!!!!!!!!好辛苦!!!!!!!點解..............今晚特地為媽媽整左隻愛心滿載動聽至極0既鄧麗枸心動系列 - 好歌集，哈哈，係我孝順女幫佢燒ga，佢都係佢d歌0既fans，等佢翻工都可以播0來聽下嘛!!!!!我開始發覺好走火入魔啦!!!!對住呢d老而有味0既歌!
紀錄:2個月
6月17日@ OT0既時間好快就過去啦! 7點半話咁快就到，呢幾日間唔中d日本人都開始出差。我呢幾日雖然要OT，不過其實唔係咁多0野做，只不過係因為多數晏D0既時候先有d快0野要做。今日又走左堆貨啦!!放工0既時候同埋Timothy一齊走，佢一時時多0野講，其實佢都可以好健談，佢又好好人教我0地0野，只不過feel到佢同jenny 0既關係有d"唔尋常"，有d唔0岩牙，所以jenny0係度通常佢都好少說話，一唔0係度佢就好主動講0野。從佢口中先知道原來佢0地個個都入左IPO做成幾年gala，佢之前曾經0係日本留過學一年，唔怪得之佢d日文咁鬼勁啦!! 不過佢今日唔好采，唔小心整爛左副眼鏡，放工要特登去配翻!!成800度呀!!! 我同阿威落左旺角食飯，邊食邊等Pitti，不過食完佢都未放工，差不多9點佢先出到0來，阿威走左我就陪左Pitti去花園食飯，我好無聊咁食左個冇咩special 0既香蕉船!!!一路同佢講大家姐，又講下自己啦，Pitti又失戀，雖然言語上唔係顯得好唔開心，不過我知道其實佢係唔開心! 佢天日就走，飛去旅行三個星期，三個星期冇得見，我一定會關住佢JE!哈哈@ 所以今晚要盡興!食食下大家姐竟然打電話0來，佢0岩0岩OT完， join埋我0地就去左許留山"打等".....佢.........又0係度講jasper同威露士，佢個連續劇真係super，又多一個"佐治"....不過係金色F4仔仔law,,,,,,,,,啤......!!!!!!!佢仍然係不停噴呀今晚。William打比佢0既時候，幾乎著左9成都係Pitti同佢無聊，我就0係旁邊加把嘴!好一個阿里山美如女0既姑娘同埋阿里山壯如山0既少年!!!真係笑到look地!Pitti仲迫我叫左個重量級芒果西米露，一路食一路笑都唔知食左幾耐先食得晒!Pitti好醒水咁自動拎翻大家姐送比0佢地free movie tickets，仲話要等有拖排先再送過比佢!! 大家姐今日幫公司搬0野0既時候仲整瘀左隻手指，好鬼死黑! .........事實上我同Pitti今日臨放工打過電話比Jasper，諗住好似上次咁叫佢出0來食飯了解了解!不過佢今次竟然拒絕，佢話佢覺得呢d0野好難講得人0地明，而且箇中關係情節複雜又多，要講好難講得晒，而且我0地都feel到佢今次有所保留，唔再同上次我0地見佢時咁!不過係咁gala，你想咁0既時候，人0地又唔想，好啦，輪到你想咩? 人0地又已經唔想!! 玩死............最後我0地0係爆笑之中食晒d 0野......走0既時候都已經12點幾啦.........!!!!!!!!!!!!!!!!!!Pitti一路順風啦@
6月18日@ 今日公司離奇地少，老闆、Amanuma san 都唔0係公司， 遲左一陣Komatsu同Masubuchi san就雙雙出發翻雅美，所有日本人都唔0係公司，冇晒d "lili lele"而又聽唔明0既話! 唔知點解連Jenny都離開左公司，好似話去睇醫生!所有大粒都走晒，於是今日就密謀出街食飯，我入左0來做咁耐，Ishiguro san都唔比人0地出街食，唔係順景就翠都，而家仲蛋撐王tim.......今日有人建議去M記，我就梗係和議啦!!!Francis都好，入左0來一個星期先封鎖外出lunch~....我今日真係第一次!!! 留底左stanley, regina同阿fung 0係公司食外賣!!!真係好，今日天氣very good, VERY SUNNY~真係想可以keep到星期6, 日，咁我就可以...............呵呵!!......食完翻去都仲有時間睇報紙!! 下午老闆同Amanuma san都已經翻0來公司，Regina好忙，出左3單貨，我就同佢執頭執尾,....幫補下!!做到差不多6點半我就走啦!! 坐巴士聽鄧麗君已經係既定0既習慣啦!!!!
6月19日@ 好眼訓，今日朝早0係公司冇飲普洱，因為我特登買左Vita 奶比自己新鮮感，呵呵! 11點又準時上Ishiguro san堂Camera Mechanism，本來得三個新人上，點知個個鼠晒入0來，因為佢0地話做左咁多年都唔知道呢d concept好醜。Ishiguro san好認真，手寫左份notes，比埋d reference書我0地睇，感覺有d似上physics堂! 差不多全公司d人都入晒0來上，得翻Amanuma san 0係出面不過停大叫佢0地d名接電話!哈哈! 一路上堂，個人又不其然不停咁打呵欠，又發夢，不過我都係諗起上年final year我點樣去讀科retake Physics!好鬼要命ga!! 第一年讀，真係乜書都冇聽過，又覺得個阿sir廢，自己又成日認為點讀都唔識，經常處於呢個放棄狀態! 不過fail左佬，迫到埋身知道唔pass就唔洗graduate，就開始想讀翻好一點點，而且唔知點解0個年又有翻少少恒心，於是走左去主動搵0個個阿sir 教我，乜都問，雖然時間唔係好多，不過我好鐘意自己單獨咁樣去問問題，佢好有耐心，仲話比我知，唔好成日話自己唔得，佢教出0來0既成績考得好好0既，都係未讀過physics 0既文科生，佢寫左好多筆記比我，仲同我傾下計，佢比左佢個mobile phone比我，等我可以去煩下佢，每次我上去佢個office問0野，佢都好忙，有0野做梗，(雖然佢平時教書係懶洋洋0既樣)，佢都會放底手上0 既工作，佢雖然有好多電話，有會要開，有學生要見，不過佢一教就會唔理其他0野，專心一致咁教完為止@我有點後悔，點解自己唔早一d搵佢補，仲要成日話佢冇用、教得唔好，可能一大班學生聽書，d人就冇心機聽!!不過我真係覺得佢係一個為學生、好好0既阿sir...........佢唔介紹0係咁急0既時候先臨急抱佛腳由頭教我!! 當日入到試場，我驚，不過......有d平靜，唔似一年前0既"唔知發生咩事" 0既感覺。順利咁我做完個exam，心滿意足咁離開試場，我0既心滿意足唔係拎A grade 0既感覺，而係.......覺得自己........做到自己想做0既狀態出0來，我付出左幾多，就真係得翻幾多!!! 我好感謝Dr. Kwong。Stanley 比Ishiguro san "周"到我0地做漏0野，我冇幫Suzumoto 0既checker出PO，我仲好白痴咁將d concept 調亂左0來諗!! 一set checker要成$200蚊美金ga!!!!仲crazy 0既係，情急智生之下，我快手就簽左張PO仲fax埋，後尾先知道原來係應該要老闆簽，Ｉｓｈｉｇｕｒｏ睇完張PO都係咁e 笑!!!!!好采佢冇鬧我! 放左工趕去民政搵阿Tom同Catherine、Thomas同鄺生briefing，嘩，翻到去佢0地已經brief晒啦，不過阿Tom好有心機，又好有耐性咁由頭講翻一次比我知，要我跟翻0個日個MAC要點prepare同埋run!!! 我聽到打呵欠!!! 因為佢講左好多重複0既points!!!!!!!!!!!!!!之後d 大粒走晒，得翻我同Catherine 0係度，我即刻開左d LO 0既零食箱，食左好多軟糖，同埋biscuits，幫阿鄺生fax0野都fax到差不多10點先走!!!!
6月20日@ 唔食香腸飽，食菠蘿飽!!新鮮......又做錯0野，我又未訓醒! 成鬼日處於發夢狀態!!我竟然可以將一張唔應該唔可以fax出去0既0野連埋一份好重要0既文件一齊fax，不過成日都係咁，我一做錯左0野，要fax一定fax幾多次都fail......一知道錯左，做翻0岩，咁又會即刻fax到!!多得個fax機咁樣就唔聲唔聲幫左我一把!!!今日淨係update個表都整左我好耐，執頭執尾都冇咩時間做其他0野，報多少少關都可以收工! 今晚放工出左去花園食飯，行左一陣，就翻屋企休息la，因為佢天日要加班，早起! 翻到屋企我都唔知點解，好鬼死累，上左陣網都已經0係個mon面前幾乎訓著!我頂唔順，咁就去訓教啦! 好涼爽，窗外面0既風一陣陣咁吹入0來，..........話咁快就訓著左!
6月21日@好涼爽啊!!!!訓醒好舒服，係下午0既1點.......!!!!!!!煮左個公仔面，加左d經典0既火腿同蛋...........睇埋未睇完0個集流星花園，唔錯!! 好悠閒咁過左個幾鐘，家姐同佢男朋友上左0來，我又差不多時候出街! 今日諗住翻poly打波，點知毛毛波冇晒場，得翻squash同埋table tennis，久未活動0既我梗係做左d 唔太要力0既先啦，咪一陣抽筋嘛! 一打打左個幾鐘，技術同以往都係差無幾。今日好多人打，個場都差不多full 晒，想book多個鐘都冇，更何況係毛毛波!打完波充滿活細胞，哈哈，坐車去左太空館，諗住睇大峽谷天域電影，不過......成日都會以為咩都實有之下，得翻最前0個行座位，即係個頭要"愕"得最辛苦0個行，我0地決定放棄!!!!!!去左Citysuper食飯，行左一陣，買左個袋.....!!食完飯我0地走左去買"芒果燕窩椰汁"，正!!!有好多燕窩,.....都係18蚊.........仲免費試埋佢個"雪蛤燕窩汁"...... !!!不過我鐘意甜d......食完飯啦啦聲去奧海城睇9點9場"黑白森林" ，不過去到搵個戲院都搵左好耐，已經開左場!!!不過幾好睇，好鬼死鐘意 黃秋生，好man.......杜汶澤又好搞鬼!!話咁快就睇完，我都唔知，有d唔夠喉0既感覺，感覺有d似"無間道"，不過當然相比之下又冇無間道咁有震撼力。離開戲院都成11:40左右，翻到屋企附近我又見到d 大吉利是0既0野啦，一頭半個月我就會見到，無論係進行中定係完成式，真係好鬼嘔心.........好采近視睇唔清，唔係成晚都唔洗訓!!呢世人至怕又係見到呢d0野，唔知點解，見到小強老鼠都冇咁驚，偏偏係驚呢樣，見到聽到都令我心跳加速，仲犀利過見鬼!!最怕0係夢中見到，訓醒都仲會記得一清二楚!!!!!哀哉.........
6月24日@ 好采冇咩0野要趕住做，5點半我就即刻走人，翻左去民政，買左5枝水同埋件三文治。翻到去阿Tom、鄺生同Catherine都0係度準備梗今晚0係郝德傑道8-10號0既九龍西半山有錢人宿舍同0佢地開呢個居民大會。雖然人唔係好多，一共都係40幾伙，不過我0地去都係為左同0佢地form互助委員會。 阿Tom之前都講過7成幾0既居民都係鬼佬，我0地梗係要多幾個人去幫手啦，所以連Thomas都去幫手。執晒所有有用0既0野，7點幾左右我0地就坐阿Tom 車上去，0個度好僻靜，出出入入唔係"call的"就係自己搓車。 0個度好多蚊，阿Tom差不多用晒成枝蚊怕水，連件衫都比佢噴到濕晒。0係我0地準備好d banner、reception counter、議程、attendance sheets等等之後，0個度0既security同我0地講，原來以前日日教煮飯0既方太都係住0係度，仲有呀咩咩高官個唔知咩咩又係住0係度.......個MAC 8點半正式開始，8點15分0既時候D 鬼佬就已經湧住0來。續個續個幫佢0地登記，差不多有多過一半0既居民。阿Tom一早預備左份好完整0既講稿，表演略嫌有少少緊張!!好快就選晒主席、秘書、司庫、auditot、同埋d executive committees....，d鬼佬係特別唔同d，表演根團結，有商有量，好似一家人咁。個會議都差不多10點幾先完，好鬼死熱.....執翻晒d0野，阿Tom就車晒我0地4個去西洋菜街做site visit，因為0個度有illegal parking，聽上頭講仲係好serious，所以就去左影相，鄺生負責落車影，不過發現原來得3個illegal parking only~我0地0係車上面講開[私家街]，我都不知幾想我有份做，不過都暫時未聽過有冇我0地份。完成晒之後我0地就一齊車翻去民政，放底所有物資，再上翻阿Tom車，佢續個續個送我0地翻home，翻到屋企累到死。
6月25日@ [千機變]...........打得、電腦效果得、突技亦得、造型得!!
6月26日@ 今日lunch難得亦係第一次，全公司一齊出去茶樓飲茶，去0既係附近一間幾舊式0既酒樓，老闆請!!叫左好多點心，初初感覺唔係咁飽，再叫左3個炒炒面飯，食埋紅豆莎就乜都夠啦!!! 全餐埋單800幾，多謝Ishiguro san!!之後老闆、Jenny同埋Regina去左買蛋糕，為0既係今個月份Masubuchi san同阿Fung 0既生日。我0地等到差不多6點鐘先開始birthday party。Ishiguro san又例牌找左枝紅酒出0來，大家一人一杯!!!!吹左candles就分蛋糕食.........影埋相......都差不多6點半，d紅酒好鬼死酸同埋苦...........-_-!!party完左都差不多6點半，放工走人!!!
6月27日@ 今日翻工好鬼死tired，開左兩個鐘OT，不過我都係慢慢慢慢做先留到咁夜。翻到屋企罕見地enjoy 食米粉、睇電視，都好耐好耐未試過成晚坐0係sofa紸電視，追下d電視劇集!! 不過意外地，消失左成個幾星期0既大家姐10點左右打比我，竟然話比我知佢0係醫院，-_-!!!嚇到我半死，仲要已經住左兩日，天日出院佢今晚先通知我，話唔想我擔心-______-!!! 佢把聲好弱咁，好似唔係咁夠氣。同佢傾左一陣，就決定去醫院陪佢，我知道威路士都會0係度，不過唔會留得好耐。我0係樓下買左碗魚旦粉，就坐的士去法醫院，0個時仲落住好大雨!!雖然我知道佢已經冇咩事，不過個心總係唔係咁放心，唔知佢0係醫院會咩情形。我去到都係10點半左右，威路士已經0係度陪梗佢，留多一陣佢就走lu!!我決定今晚留底訓，陪佢過夜!! 我0地一路傾計一路睇電視，又幫佢開門去toilet，幫佢拖住個鹽水架周圍走，又幫佢倒d 魚旦粉食。不過我又懶懶地，當正去度假咁，哈哈......沖左個涼.......冇耐，有人開門入0來，竟然係Jasper，佢都有d surprise點解我0係度，佢0地有d唔自然，我就覺得唔方便law，好似阻住佢0地咁.....-______-!!!不過..........我真係有d睇唔過眼，新舊一齊0來，成何睇統呀......冇眼睇......!!!!之後佢都走埋...我0地傾多一陣.......大家姐所謂0既感情問題，睇多陣報紙就訓教啦........佢依舊係勁煲電話粥........我諗我仲早訓著過佢!!! 鬼咩.....一個感情問題複雜0既人，先至會咁去飲酒、去催摧殘自己、唔訓教、唔食0野.....，今次佢咁樣，都係日積月累0既後果。佢話佢當日0係MTR 度暈底左，醒翻之後自己去左睇私家醫生，後0來發燒、又胃痛，於是入左醫院，住頭等房......佩服@ 我開左張sofa床，拎埋d 枕頭同被大覺訓!!! 6月28日@ 訓到第二朝好早，早到我都唔知幾多點，d醫院0既人就開始"bin ling bang lang"咁出出入入，又清潔、又打掃...........又量血壓、又睇下大家姐咁，個主診醫生仲以為我係佢阿媽........-_- 完全9唁搭8，雖然個房又暗，我又淨係突左塊面出0來，又遠.....不過都不至於以為我係佢阿媽0卦.........醫生睇完佢.........咁就即係大家姐可以出院啦.......我坐多一陣我就走啦!!!我叫佢小心d，如果再入0來就要第一時間通知我........哈哈!! 我0係附近坐左去奧運0既小巴，再轉地鐵翻屋企，不過好黑，唔記得帶home key，要行上去阿媽公司拎。翻到去食完個面我又出門口啦，因為我book個場打羽毛球同埋table tennis，因為個人遲到.........趕唔到11點，於是只係打到table tennis.........張台好打過poly 0個d......打左一個鐘頭，就去左食飯，再拎翻條key比阿媽。我0地坐巴士入左去屯門，0係市中心行左一陣，買左McDonald's 0野食就翻左佢屋企，途中仲見到李卓人先生放左個counter 0係個行人天橋度，我行埋去就簽左個名支持[反23]行動@@一路睇百年好合，一路食.............不過唔好睇!!睇睇下佢阿爸就翻左0來，煮左飯比自己食，食完同佢個來0係度吹水.....我就一路聽，了解左佢屋企多d0野，不過佢阿爸好多粗口......哈哈! 冇耐佢就去左訓教。我手痕痕，竟然去左開盤水幫佢打掃屋企，因為我見到好多塵，好睇唔過眼.........不停咁抹..最後係一盤黑過墨汁0既水!!!!disgusting............差不多九點幾，我0地又出去食0野，不停食...........我0地行過d 旅行社0既windows，見到好多poster 介紹d 旅行團，我好想去......好想去.........好想去埃及，只係6千幾蚊.............我好想去!!!!!!!不過要錢........行多一陣，佢就陪左我坐巴士翻屋企。
6月29日@ 訓醒0既時候已經係.........12點。1點半出左去搵阿仔。一見如故，粗口連綿............我0地去左尖沙咀，入左去一個唔多似係我0地入0既地方 - 文化中心!!我0地決定!遲d睇芭蕾舞團表演。頂唔住肚餓，去左茶餐廳食tea。我食左個魚香茄子炒米，嫌唔夠，食埋阿仔個油菜。經濟又實惠。天朗氣清，一齊坐船過左去港島，完全係大鄉理出城，見到好多好商業0既高樓大廈，嘩..........好晒，好晒.........! 去到pacific plaza行左陣，冇0野0岩睇都去潔下冷氣!阿仔又想剪頭髮又想買帽。離開金鐘0既時候，途經商場裡面，不停有好多地產經理叫阿仔睇樓，阿仔問，係唔係佢個樣生得富貴?哈哈，不停不停咁有至少7個8個叫佢去睇樓，明知我呢個樣貌企0係佢旁邊都應該唔會有人行埋0來gala，係唔係d經紀企左一日冇生意，諗住同我0地吹下水都好過冇呢?? 阿仔同佢0地講，"我點睇都唔似係有錢買樓0卦?" ，一係同佢0地講"我冇錢買ga"......不d經紀好投入，佢竟然話"又唔洗錢，去睇下law，兩房都係百二之嘛".........嘩，唔係嘛，百二蚊? 百二萬呀?????之後有個哥仔又撩我0地去睇樓，聽到阿仔咁講佢自己都笑啦.....不過呢個時勢同埋天氣咁樣企成日，我都明白點解要淪落到叫我0地去睇樓，可以涼下冷氣0卦。哈哈 ，出翻去近碼頭0既地方，見到有好多d樓盤0既專用小巴，我0地諗，就係呢d小巴，車左d人去睇樓。 上面仲有..........賓妹呀!!!!!!!!我0地住船過翻去尖咀，去左飲0野，........夠鐘啦，入場........"大峽谷".......不過成個旅程都好似0係度坐飛機同坐船咁，37分鐘之內坐左好多轉.......感覺係.....暈船浪、暈機浪.......!!翻到出0來我都冇咩胃口........行經個bear bear樂園，就行過近佐敦0個邊食越南0野。嘩，餓到我0地死死下，又行到好酸.......。食左個好正0既"沙爹牛肉檬"......唔係凍，不過"傑撻撻".......好好味.....!!!仲有一個蟹肉炒飯!!!到差不多啦，食埋都差不多，坐地鐵閃啦!!
6月30日@ 翻工翻工翻工，朝朝都係都市日報.........不過冇咩胃口，連個飽都冇食。飲左包vita milk~~~~做做做，唔知點解今日咁鬼多0野做，我一於慢慢0來。做做做，又係做做做..........4點前我已經走左一堆貨去仙台lu......今日埋數wor.....之後我幫Jenny做左一大堆account 0既單，嘩，有排做..........不過因為今日公司有聯誼活動，所以就放我0地一馬，差不多7點左右我0地D 細0既行先。我啦、阿Po、Rambo、Timothy同埋公明仔就行先，去到地鐵站搵埋阿Regina就落去Mongkok。我0地等左大約20分鐘先有房，雖則係之前book左。我0地係咁叫0野食，又有西冷扒、沙律、油菜、龍蝦丸烏東•...............等等。佢0地叫左好多啤酒，公明仔又幫入0來0個個香煙女郎買左盒promotion 0既煙，仲主動要同人0地握手，咸濕。不過好好笑，我0地叫左d餐，佢好似湧住咁送入0來，多到我0地冇位擺.......d酒就多到係咁飲，不過我都係飲左幾啖je......我0地玩下15/20，又猜下梅，好好玩。玩到咁上下，當某部份人仲0係度玩得興高采烈0既時候，我同Jenny乘乘機機插鬼晒d歌上0來自己唱..@ 玩到差不多12點，就收房，.............我竟然唔知咩時候跌左副眼鏡.......-_____-!!!!!"咩"左.............
好眼訓，翻到屋企好眼訓....................訓左!! 今日Pitti 0係法國打比我呀.....好掛住佢呀，佢仲有兩個星期先翻呀，我話比佢知大家姐單0野，原來Jasper 前幾日搵過佢wor...........奇怪!!!!!大家姐夜晚打比我0既時候我就話比佢知啦!!
7月1日@ 今日我冇諗過要參加遊行，我選擇精神上默默支持。夜晚，我相約圖書館d舊同事去食飯傾計，我都有d擔心個地鐵站會好迫，不過我去到天后都已經係七點，佢0地放工落埋0來都已經7點多，我0地行去銅鑼灣食飯，出到去Sogo附近，遊行0既人龍仲有好長，我0地企0係電車站，見到d人不停咁行出0來，呀鄭家富仲0係度為大家加油打氣，威廉拎住個相機，影下影下，我0地最後決定順住遊行隊伍行到去食飯0既地方就走，可能大家愛國0既精神實在係..太強烈..行到唔捨得走，我0地決定一路行到終點，連飯都唔食住，哈哈!! 我0地開頭都淨係得個行字，未有太多人0係度叫口號，有人企0係個路中心0既欄杆，封住自己個口，綁住自己對手，高高在上企0係遊行隊伍中間，人0地都對佢拍手鼓掌!! 好多banner 0係個遊行隊伍之中，咩[有23, 連仔都唔敢生]、[男人戴bra好核突，唔夠23條核突]、少不得0既當然係大眾化既[董建華落台，葉劉浚儀落台]、[還政於民].......阿長毛都0係人群之中出現過。報紙上面0既3個公仔我都見到，好搞鬼，市民拎住d 掃把不停咁打落去，見者興奮，聞者開心，咁大個女都係第一次參加遊行，咁大規模都係第一次，如果當年六四自己有d意識0既，我諗我都應該去左。需要唔係對230既認識瞭如指掌，更不可以話係完全反對，不過對於政府0既處理手法，我的而且確係不滿。而且對於呢個政府0既管治能力，我都唔係咁認同，雖然自己不至於冇工做、冇錢開飯、冇學翻冇書讀、冇屋住負資產、冇自由，雖然我讀書有一年都係政府比錢我，不過，好多0野都睇唔順眼，好多0野都好似做得唔夠好，當然我唔洗去親身體會有幾慘，不過...我都想個政府做好d。我有時好仰慕d 俠士，好敬佩d為市民爭取福利權益0既人士，因為佢0地好有正義感，佢0地做0既都係為左香港大眾市民! 以前少睇報紙，對0佢地0既立場都係一知半解，而家對佢0地興趣大左，會拜佢0地為偶像咁去追電視睇報紙搵佢地!!總比去留意d 娛樂名人0既新聞0來得有意義!!!
我0地越行越熱，熱到都分唔到0個d係自己定係人0地0既汗味。我0地行到去差不多總部0既位置，就見到d大俠開咪話我0地0既行程已經完成，多謝我0地，可能太多人啦，行唔到入去。不經不覺行到差不多10點。感覺好滿足，好興奮........感覺到自己好似為呢個社會....at least.....曾經出過一點點0既力! 完成左呢個活動後，我0地行經蘭桂坊落翻去旺角，去創興漢陽食buffet，飲左好多西瓜汁..........補補d汗水!!!!
7月4日@ 大家姐又會難題啦，佢出現危機，0岩0岩受完三角戀0既苦水之後又要0係工作上面面臨危機。一波未停一波又起，我都係無從入手，得個聽字.......唉...佢今年都係流年不利ga la，連佢自己都話，早排個相士都叫佢小心小人作怪。大家姐今日又送左個袋比我!
7月5日@ 今日11點已經起左身，大佬，咁好天，都唔好意思訓咁耐啦。12點我就出左門口，落到街真係爽.....終於可以晒下啦，日日都0係office做0野，出面咩天氣都唔知! 最衰0個架係冷氣巴....有d美中不足! 坐左20分鐘左右去到市中心，阿威未到我就上左去吉之島行左一陣，見到d毛巾套裝，都係16蚊，買左一份，仲係粉紅色。佢到左之後我0地就去左大姆指食lunch，我餓到死，食左個沙爹煎蛋公仔面，正....!!!我0地去左置樂0個邊買浮床，成50蚊呀，透明淺黃色，幾好幾好! 出到去外圍巴士站等一陣就有巴士，去到Golden Coast都係2點，去CircleK買埋報紙雪條再去Wellcome買椰皇同水，興合合!!沙灘今日唔算太多人，有好多靚仔靚女大大隻隻玲瓏浮突通通都有。不過搵地方坐低冇耐比我0地發現到有個猥瑣佬拎住個相機企0係我0地後面D 欄杆度向下影訓0係我0地後面D女仔......，鬼咩，D女仔全部都係三點式又成堆死屍咁訓晒0係度，......個猥瑣佬仲用隻衫摭住個相機，我0地望坐佢.....當我仲諗梗去同D女仔講叫佢0地小心D0既時候，個猥瑣佬已經走左......d女仔仲係好似死屍咁郁都未郁過......我都係唔理咁多....開始晒太陽!! 我0地開始好努力咁bump個浮床，不過有d唔對路，bump極都唔脹.........-______-!!!!!有少少咁多啦，突然就比我發現到有一條成3吋0既裂縫..........-____-啤!!! 唔洗吹啦!!!!!好"興"....... 唔吹..........落去玩左一陣水......睇下報紙.....飲埋個椰皇............阿威終於忍唔住去左買水泡......比我玩!!!個水泡好大個.......淺藍色ga........同人0地個妹妹仔玩0既差不多樣，哈哈!!!d人又唔敢拎住個水泡落水玩，但係又想玩wor.......等我用梗0既時候就游埋0來玩人0地個水泡，-____-!!!!!不過可能好耐冇玩水泡，攬住佢浮得耐，竟然有種暈船浪0既感覺......吹脹.!!!!!!仲唔比我捉到你??????比我捉到你望女仔.....望住個三點式身材惹火0既女仔......想死...!!!!晒完又落水，落完水又晒.......反反覆覆...來來回回.......好tired啦，沖身0既時候發覺....已經7點啦.............嘩.......乜玩左咁耐都唔知...........!!!!!好鬼死肚餓....決定食個巨無霸餐.....都唔係好夠咁! 出翻市中心....行左一陣，0係吉之島supermarket買0野食，買左兩枝新鮮蘆薈蜜糖汁...好甜好潤......佢又patpat痕，買左一盒新鮮元貝同一對日本大魷魚，拎左去我屋企食......我飲完d 好涼0既蘆薈，好快就見效，入左toilet 解決....，好飽.....食左一舊魷魚就唔食啦，佢同阿媽話咁快就分晒!!!!! 睇左好耐電視.....連鄭中基同阮兆祥0既搞笑節目都睇埋，連鼻貼都同佢整左個，嘩，好dirty，咁就兩點啦......佢走左之後，因為七點幾先0係沙灘沖左，所以連涼都冇沖，就訓左啦!!!!!
7月7日@Fresh....覺得自己好健康.......因為晒黑左.....不過黑到又做錯0野.......都冇乜邊日係冇做錯0野0既其實，離譜d 講已經係習慣!! ......自己成日自以為係一個心思細密0既人......做0野一定好小心，不過出0來0既效果係，我都唔係咁接受到自己0既大意......成日提自己要小心d.要專心d......不過到最後都係"lai 撻".....!! 不過我成日都覺得好好采，因為...公司d人從來都冇鬧過我，就連話都冇.......反而係.......好客氣好客氣咁.......教多我一次!!!叫我慢慢做......叫我唔識再問!!!我有時有d驚，因為..我唔知呢d係咪好采，定係唔正常????!! 為左令自己醒神一點，我習慣每日朝早翻到去公司除左首先去洗手之後，就係去沖茶葉茶!!!鐵觀音!!!!! 開完OT之後去左搵大家姐，因為手提冇電0既關係，搵佢係有一定0既困難!!!!!今次係自佢出院之後第一次見佢，精神到....煙照食!!!!我坐左成個鐘0既40號去荃灣搵佢! 佢0岩0岩上完編織班-_____-!!又開始為威路士努力啦! 我0地叫左個二人餐，食左好耐..........又開始訴說佢0既感情事啦!!!11點幾就翻屋企啦!!
7月11日@ 生活仍然0係忙碌中渡過........肚腩..好嚇人............攀登上最高峰0既境界!!!!!!!不得不承認......越0來越缺乏運動............少出汗!幸好手臂仍能保持強壯，沒有多餘byebye肉!今日好多客人0來，多多杯都唔夠沖......差不多4, 5點有個"不速之客" 0來左，我唔知道佢係乜水，只係見到佢冇講佢係搵邊個就拖住個大行李袋入左0來同d同事say hello，感覺好似呢度係佢地方......jenny話佢係大老闆，係好大粒0個d，我0既第一次都係比左佢，做左咁耐都未試過沖coffee比d 客人飲，沖親都係chinese tea，佢仲要no sugar.......嘩, 手忙腳亂呀.........要d同事不停提點!!佢逗留左差不多兩個鐘，Ishiguro san仲叫我送佢落去截的士，因為佢0地only識講japanese!大老闆果然係大老闆，等lift0既時候佢都係問左我一個問題，"你0係度倣左幾耐"..........我幫佢開門、幫佢截的士、幫佢開車尾箱、幫佢推車門、等佢架車開走左再同佢揮手say goodbye~............ 叫埋個driver車佢去causeway bay 富豪酒店....!!!
放左工我0地去左尖沙咀Citysuper食飯，叫左個咩蕎麥冷面同埋一個............泰式炒金邊粉......正!!! 食到差不多，我0地去左奧海城睇" Terminatro III 未來戰士之? 滅者TX"...................嘩.......好正呀個model 女主角，阿洛舒華新力虫仲正，d muscule發達到簡直係嚇死人呀!!!!!!!!好man呀!!!!!!!!!!!!!!!!睇完個人好sleepy............想訓著咁滯!!!!!翻到屋企沖完個正涼就放啦!!!
第二朝訓醒又係一個晴朗0既星期六 - 7月12日@，好興幸自己唔洗翻工，可能盡情去搵我0既陽光與海灘!!!12點訓醒，見到個天唔係太多雲、又好太陽，好興奮! 半個鐘頭左右我就坐巴士入屯門，不過係冷氣巴.....! 雖然00岩岩發生過大車禍，不過對於我0來講，唔須要驚，因為輪唔輪到自己真係整定0既，唔係265M都可以58M.....唔係屯門都可以係其他地方，一切只可以隨遇而安，享受現在!! 半個小時就入到去啦，話郊外又已經唔再係郊外，話遠其實一D都唔再遠! 不過空氣對於我來講仲係咁清新!! 我0地去左"手指公"度食LUNCH，我仍然係要我0既favourite，沙爹牛肉煎蛋公仔面。今日好relax，好outside ，好冇束縛，所以今日容許自己著住件背心周圍走，有d神經質呀，哈哈，不過，呢d情況下著先可以有所感覺@ 一切都會好fresh~我0地搭5210係Golden Coast 落，0係Circle K 買左newspaper同雪條，再去Wellcome買埋3個椰皇....換埋件泳衣同嚇人泳褲 (其實係訓教褲)....今日沙灘比上個星期少人，去翻有利位置，諗住即刻bump好個水抱，點知有人記得帶bump唔記得帶條喉出0來，好采"叮"一聲見到後面個人有條喉，唔諗就走埋去問佢借0來bump翻幾下。 不過用水抱有d似坐船0既感覺，有少少暈船浪0既感覺!!!-______-! 今日潮好快退，所以行到好出都係好淺水..............雖然水下面好多石頭，仲踩親隻腳...不過.........好舒服@.....晒左好耐太陽，睇埋成份報紙，發覺今日個太陽...好猛好狠，晒到好痛!!不過見到有d成效，好開心!! 差不多日落西山，就係我0地要沖涼0既時候，.......好爽! 好fresh~ 真係黑左!!! 0係之後0個幾個鐘，可以話係直到我訓之前0個刻，我都係不停咁講，"真係黑左呀".....(呵呵)坐巴士0既時候，有人已經呼呼大睡啦，我毫無睡意，寧可聽住歌睇下風景!出到旺角，我0地去左實惠買左個枕頭，為左條頸舒服一點，唔洗朝朝起身都腰痛，又為左可以發翻d好d0既夢啦!! 去左KFC 食個大餐補充一下失去0既體力! 0來到旺角我又不由自主咁著翻件外套，呵呵!!! 保守吧!! 行到好累.......好頸渴......成日都想飲0野!!! 翻到屋企附近我一口氣買左兩枝peach果汁........
個新枕頭好舒服...........我真係發左個夢!!個夢好長、好耐........ 0係我(紮)醒0既時候，我嘗試重整個夢....希望裡面0既細節唔好被遺忘...又想訓翻再繼續下半集...............不過冇可能..........
夢境0既情節，根本冇可能0係現實中發生.....唔係咩飛天頓地0既劇情，亦都唔係咩變神仙做大俠0既形象，我仍然係我自己。那個人來到我家找我，不過事實上0個度唔係我屋企。佢帶左我出去，突然有兩個人殺左出0來，佢0地其中一個唔係本地人，皮膚泥黃色，沒有生氣，不過眼神陰險，似有所計劃....講左幾句我聽唔明0既說話，我身旁0既那個人同佢打左個眼式，示意叫佢唔好講，..........感覺係，0個個人突然0係一個美好0既時候出0來講一d具破壞性0既說話為左要我唔好對我身邊0既人存在信任....!!!!後0來0個兩個人消失左...我好驚慌......依然跟住0個個人.......我驚慌0既時候我捉住左佢.......之後發生咩事好多我都唔係好記得， 好似唔知那個人會帶我去邊，.............雖然我唔係好記得個夢之後發生咩事，不過感覺係美好0既......
大家姐成日都話比我知，佢唔知揀邊個好，事實上我會覺得，兩個都唔好揀。根本佢都唔係完完全全鍾意佢地。或者，佢未能夠包容到每一個人0既一d 缺點。佢唔鍾意佢太過細路仔，縱使佢對佢好，體貼入微，完完全全100%遷就晒佢，不過佢思想太過young，比佢感覺好似"湊仔"......我見過佢，感覺係思想單純、天真無邪!!我相信佢係一個好男仔，不過大家姐並唔適合佢，我成日講笑，叫大家姐唔好害人0地，因為有朝一日，個男仔唔會係大家姐需要0個種!不過個男仔同大家姐可以相處得好開心好舒服。另一個對大家姐0來講係一個反叛型，又好似係大家姐口中0既我......呢種性格，佢唔識關心同體貼大家姐，又唔夠細心，而且感覺大男人，對朋友好過對自己女朋友，唔鍾意報到，鍾意我行我素，異性朋友太多，感情過份親密，樣樣都犯晒處女座0既大家姐0既不悅之處，處女座0既人挑剔、要求高、追求完美.........所以佢0既情人都一樣要做足佢0地要求。不過對於我0來講，我未必完全同意大姐所講佢唔係一個好男朋友，好難理解，唔同人有唔同0既配搭，合則來不合則去! 不過對於大家姐0來講要取個平衡的而且班係好難，佢應該要舒服開心天真簡單永遠嬲唔落斯文有禮不過沒有小鳥依人、強悍0既感覺定係要大男人勇敢有保護能力強狀一點點但係不夠細心溫柔粗豪愛玩，我完全可以即刻答自己係後者，冇得解釋，係呢種就係呢種，好人處處是，難度佢係一個好人就已經係一個考慮範圍之內?? 要求低其實可以叫做要求高，要求高相反又其實唔係有咩要求可言......不過我由衷咁同大家姐講，唔好害左人0地，..........或者，0係佢害人0既同時，佢先可以避免被他人所傷害，世事就係咁gala，寧可對自己好一點點!當然並唔係害人咁難聽0既，..........即係有種無心0既欺騙啦!
7月14日@ 今日天氣呵呵呵.....心情都呵呵呵! 工作唔係太多，可以慢慢0來！放工約左Pitti，知道佢近幾日心情都不太多，又有d 困難.....希望可以陪佢食翻餐勁0來舒緩下啦!! 未食飯之前，我0地去左重慶.....係重慶.......係我0既第一次，的而且確係有d大驚少怪。好得人驚呀d 阿叉係咁咖哩咖哩咖哩........衝左入去之後，行左一個圈，搵到佢要0來做道具0既 耳環、鑽石、手鍊.....個'士頭婆' 好好咁幫我0地搵，揀左好耐，再買左條男人專用又長又重0個d......假金鍊。行多幾間，又比我0地搵到d 阿叉專用0既"民族"帽......好多花款!!Pitti可以交足功課....買到佢要買0既0野，用0係for佢做show 0既造型! 我0地行左去美麗華，因為Pitti有兩個朋友仔想見佢一面，-______-!!! 佢0既細佬仲好有禮貌咁叫左我一聑家姐，仲犀利到向我敬禮。另一個"騎呢怪就"串串咁.....唔洗30秒我0地就走左! 行左去Jordan龜背x? 食Korean BBQ!佢猛咁食Tiramisu，我因為餓左好耐，所以都係起勢咁食，直到打烊!
7月15日@前些日子，總覺得肚子脹，長時間都係好飽0既感覺。放工去左圖書館，好好一個人享受一下沒有人搔擾0既時間! 好舒服.....relax! 夜晚肚子開始作怪，去不停、不停去.......心想大事不妙! 來來回回短短2, 3 小時就7,8 次!食左 保濟丸即刻抱大睡，竟然逃不過半夜五點半呢一劫，很辛苦，躺回床上後仍然不能入睡，肚子yuen住yuen住，我0個刻諗"好唔好叫醒阿媽同我去醫院呢"，定係自己天朝醒左去呢", "翻唔到工點算呢"，"唔知0係醫院會點呢"......諗諗下再有知覺0既時間，已經係兩小時後，應該起床上班了!!!!感覺沒有什麼，於是我沒有決定什麼，就上班了! 午飯食左個粟米竹笙野菌粥.......正!!! 放工看過醫生之後，好了很多@ 沒有不安了.......
7月16日@ 今天依舊係粟米竹笙野菌粥，味道仍然係一流!! 順景好0野，難怪老闆們都一直不離不棄，蛋撻王可永遠唔係對手，只有我0地一般平民百姓係佢0既忠實擁x...6點半我0係公司附近M記等Silvia，一齊翻左去民政briefing，都知道遲到，不過沒有辦法!我0地0係西九龍M記買左套餐! 阿Tom仲以為係我0地老闆唔放人。 我0地啦啦聲入房開會，交帶左7,8,9月0既工作，唔洗8點就散會! 我同Silvia留底，佢要即晚幫阿Tom做個Third PartyInsurance 'sConsultation. 我陪住佢做，點知打五個都唔成功做唔到....
7月17日@ 今日大家姐心不在焉，事關佢夜晚約左佳人食飯，心早不在我們處，洒洒灑灑咁就離開左我0地，同pitti雙雙醫完肚，誰不知竟然好醒咁比我0地0係元氣門口見到佢0地埋單走人，(事實上係我0地有心行去0個邊撞佢0地，點知真係Q到咁)我0地0係樓梯口笑到死左，跟住0係佢0地0既後面，一路行就一路話佢0地好咁恩愛，追到近地鐵站我0地先現身，0係條街度大叫左3, 4聲[大家姐]佢都唔應我0地，-__-!啤.......傻左咁!
7月18日@ 雖然腸胃炎才過左一日，膽子大的我去左食咖哩、沙爹。食得是福，我都唔理得咁多!!
7月19日@ 星期六0既中午睡醒，多數都係熱lala.....討厭。遲到左15分鐘，叫阿keith 等，真係一d唔好意思都冇，哈哈，一副已經習慣見工0既樣子，難得聽到佢讚間公司0既女上司美麗動人，非常吸引!!!我去左麥記套餐，同佢坐0係樓梯度一路食一路傾，等開場! 睇呢個<神探俏嬌娃2>，到呢一刻我都唔sure我有冇記錯名，佢0地身手非凡，簡直係化無為有，飛天頓地!! 我都想好似佢0地咁好身手，無所不能，睇0既都能開懷大笑!! 今日0既天氣，令到人0既心情或多或少好受影響。起碼我連買0野飲都買唔落，咩都睇唔上眼，講說話又頂到正，得罪人多稱呼人少。越係多人，越係覺得嘈，嘈到想發脾氣，個心想說少一點話，不過為左啖氣又忍唔到，想靜靜地咩，又控制唔到咁樣等。0係我0既世界我永遠都覺得自己係0岩，不過0係別人0既世界，可能我永遠是錯的! 心情唔好0既時候，就咩都睇唔順眼，咩都得罪自己。楂巴士可以舒暢身心，兩轉就可以好似人0地唱歌開聲咁，拎住枝槍係咁射，好有發洩感! 胃口唔太好，食粉就最好，最好0既伙伴永遠都係油菜! 腸胃0既滿足並唔能夠同精神方面取得平衡@
7月20日@ 打風啦!係時候打風...天晴左咁耐，總係需要一d其他補給品。就乾乾脆脆打個痛快吧!!!! 天氣好，人0既朝氣自然發放出0來，有活力，諗0野都會樂觀d，我討厭別人愁眉苦臉、一副別人得罪佢0既樣，又或者係終日愁雲慘霧咁0既腦袋，諗0野從來唔懂得向好0既一面走多一點點，我討厭唔開心，我討厭別人經常塑造到自己像一個滿懷思緒0既人，好想人0地去同情佢開解佢。做十日人有九日都係愁眉不展，成日都要話自己唔開心好down!!! 我受不了.....我受不了呢d人......雖然佢0地滿口都係陽光與海灘，不過佢0地唔會去做，心裡面仍然係灰暗!! 佢0地可能好鐘意因為少少雞毛蒜皮0既0野要自己唔開心，直情令我諗起"尋夢園" 封面0既主角造型! 即係成日想喊想喊0既樣!!! 簡單d係苦瓜乾@
7月22日@ 幸福0既感覺，人人都鐘意，不過有人偏偏會背道而馳。有人天生係自私0既，有人注定係要付出。唔係太多人會有被真正傷害過0既感覺，可能你係永遠被寵愛0既一個，那麼你應該覺得慶幸。 唔係你，都會有下一個，或者講得0岩，好多0野好難避免。 換著那個是我，可能我一點說話都說不出口。有人縱使受過好多次傷，都會忍得到，有人卻不習慣唔去傷害別人，好似買馬賭波習以為常，連眼睛紅了都未發現。手掌上面，有表面同皮肉下0既傷痕，時間會影響一切，洗得多手，唔等於d掌紋可以洗甩。仔細睇一睇，生命線可以係清清晰晰一條龍，一氣呵成，好頭好尾。有人好似一把掃把咁，好多毛飛左出0來! 你去傷害人0地0既同時，你又會知道你需要對別一個人好一點，作為平衡? 唔知!
7月23日@ 未夠5點半，d人已經雞咁腳咁四散! 反而我唔想咁快翻到屋企，因為條街好涼。
7月24日@ 打啦打啦打啦，今年第一個8號風球打到0來啦! 7點半訓醒，見到電視上面的"八點半前改掛3號風球"，即係得翻一個鐘頭訓，唔算係好著數!10點未夠就翻到公司。第一次坐38號巴士翻工，涼得好痛快。 放左工同左大家姐同pitti 去Brazil BBQ，唔開心，冇燒青瓜，又冇燒青椒!
7月25日@ 越做越眼訓，好難頂呀!!!今日d人特別早走，我7點鐘都支持唔住走左啦!! 搵pitt係我第一個使命，呵呵! 我0地食左個溫馨套餐，不過0野食多到食唔落，要打包。大家姐9點45分準時打0來，不過係求救咁0既死人聲，"係邊，講，我而家即刻0來。" 求救0個個好似係我0地! 啤......不過我0地......啤...0係燈下面企左好耐，企到出汗.....好thirsty~ 我0地去左飲果汁! 好好味..........同大家姐翻屋企0係太子地鐵站，0係月台見到d好嚇人0既0野呀............我唔理3-7-21就拉左大家姐係咁行，一路行到睇唔到睇唔清楚為止，大家姐唔知發生咩事，比我拉到佢隻手紅晒!!!一頭半個月梗會見到呢d0野，唉............好氣餒....我好不安，如果唔係呢一樣，我諗我即刻寺埋去問佢有冇事有冇0野要幫。我都唔想袖手旁觀，不過我過唔到自己0個關! 大家姐叫左舍站長去幫佢，佢行左埋去 ，不過好似做唔到d咩.....好不安好不安...........!!!!!今晚我知道阿明心情唔好，我嘗試打比佢，不過佢冇聽我電話，學威廉講"保皇黨玩晒"，"李柱銘,司徒華都走晒,民主黨玩完啦!" 唔知楊森、李卓人幾時出現呢? 六樓真係唔再適合人類居住! 以後，六樓都唔會再有我0地0既氣味!
7月26日@ 風和日麗。難得好天氣@ 悠閒左一個下午，黃昏外出。出面空氣差了一點，食左個格仔餅，覺得好滿足。閒逛左一輪之後，吃晚飯，胃口不太好，只點左個皮蛋瘦肉粥，好鐘意佢上面灑0既一小撮"干瑤柱"，好入味! 加多一杯新鮮蜜瓜汁，0岩0岩好! 夠鐘，入場。好凍好凍，除左對鞋，盤膝而坐，睇住一班傻0既男人扮女人打排波，心裡面簡直係不停啤啤聲，不過佢0地都不失可以引我笑! 由於佢0地實在係太無聊0既關係，我都係不敵睡意訓著左! 訓醒，腳軟又酸.......睡眼惺忪咁翻歸lu!
7月27日@ 發左癲，我同pitti、大家姐去左唱k。玩飽啦，陪左大家姐去食海南粉，不過我又食唔出有咩咁海南-_-! 大家姐一路食一路都好緊張，事關有人0來大興問罪，要帶走犯人，哈哈! 最後梗係有情人終成眷屬啦!啤! 我同pitti 夾手夾腳為大家姐畫左個行李list，等佢可以跟住個list去執行李。就咁，大家姐就走左啦!!!!!-_-! 我同pitti雙雙去睇買一送一[戀上你的床]，鄭秀'人'仍然係咁唔識做戲，睇佢睇得唔係咁舒服，都唔係好明點解佢有咁多電影拍，最憎佢個SK-II 廣告，賴cutie咁，-_-!!!! 想死.......我一路食住包無花果，就咁睇完成齣戲。
7月28日@ 唔夠訓.......
7月29日@ 唔夠訓......又.....@ 放工陪左pitti去換對鞋，不過換唔到，......!!!! 之後去左圖書館YA幫阿陳生同阿明0既Farewell Dinner，好多人呀，......好多妹妹仔，同埋我0地d 老鬼SB，類似係3代同堂啦。 李生都比面0來呀，好開心見到李生。其實李生仲好YOUNG，哈哈! 威廉、Wylie同阿樂都0係度，連camilla都0來埋，佢兩個大人物認真夠大!!飲左杯喜力，有d想訓，加上翻工又累尋晚又唔夠訓! 今晚我又俠義幫威廉做左一件好事啦!......d妹妹仔真係天真瀾漫活潑可愛，....成晚冇停，不過啤左一聲0既係.......佢0地竟然以為我同佢0地一樣年紀!!! -_-!! 我心諗，一睇就知你0地d樣係腦x都未生埋啦，竟然咁樣諗，個樣仲要帶少少不屑!! 我呸!!我會考0個年你0地都唔知0係邊度玩梗跳大繩!!! 真係唔捨得陳生，不過見到佢個樣又好抵鬧咁，我唔想鬧大把人想月鬧....哈哈!!!! 12點左右，大家都翻歸lu.....好眼訓，on the way back home~~~
7月30日@ 唔夠訓......再一次! 今日好滿足，因為我已經收集左好多個日本手信0既盒子，別人笑我太瘋癲，我笑他人看不穿。哈哈，越0來越多客，我就越0來越多紀念品。屬於自己0既壁報版越0來越多色彩@ 今日有果子凍，..... 突然之間變左d公屋婆婆，收集左好多花紙，一張一張咁收埋左0係個抽屜度!!! 盒子亦越疊越高!!!呵呵.....
7月31日@超級超級唔夠訓。頭暈暈，轉一轉身都想跌!公司好靜，大家都出外公幹去了。
8月1日@ 好累......連發生過咩事都唔記得左!
8月2-3日@ 因為沒事忙，到內地消磨左一日，搵到[銀河鐵路999].....經常同千年女王呢個女人調亂! 又去左0個條村0既老字號招牌拉面，不過水準比以前稍為遜色了一點!!
8月4日@ 唔妥唔妥，認真唔妥，一枝果汁先生，整到我喉嚨唔多妥。今日起晒勁咁打噴嚏，又鼻塞，又頭痛，死頂，唯有死頂，心諗，第二日都係請硬病假。於是我唔理好醜，出左去玩! 我準時放工走左，去到太子搵pitti同大家姐，嘩, surprise........阿欣0係度wor.......哈哈!!!佢翻左0來。Big Surprise!! 我0地一於去盡興，唔識死，我0地去左唱K。我0地全程投入，我都懶得理自己鼻塞家頭痛，著左阿欣件褸就開始發癲啦!!呢D係例牌菜，我同Pitti仍然都係唔癲唔心熄。 最想死0既係大家姐比我0地捉到佢d手機短訊，斷正。比我0地笑左好耐! 9點45我0地就交房啦，出面仲落梗雨，Jasper0來左接大家姐走，我0地拉埋佢地去左影貼紙相。好好笑，Jasper仲一齊影埋.......最後我0地都淋住雨各自己走啦!!! 好興呀......好熱呀個身，我發燒啦.............我........天日一定要sick leave啦!!!
8 月5日@ 好熱，好興，好頭痛，好頭暈，...........我真係病左! 連把聲都冇左，\講唔到0野。打左翻公司請假之後，我又呼呼大睡。 差不多中午0既時候我去左陳禮聖度睇醫生，點知佢11點已經closed左，要4點先有得睇，我啤左一聲，去左附近一間唔知咩0既[張少清醫生]，0岩0岩睇到1點最後尾二0既病人。我初初以為佢係一個女人，不過原來佢係一個地中海0既肥佬醫生。我同醫生講左好多0野，我問佢[醫生呀，點解我個心跳得咁快?] 佢話:[因為你神經緊張]佢叫我試下最晚臨訓0既時候，0係張床度relax晒d手腳，鬆弛晒之後幫自己數下心跳，如果都仲係咁多就真係神經緊張啦。佢望住佢自己隻錶，同我數左心跳，話我108左右，[都唔算係好快je] 我問:[醫生呀，點解我0個晚飲完啖果汁先生就開始喉嚨痕，又痛，而家仲發埋燒tim。]醫生話:[ 唔關事，咁你覺得食橙會唔會令到你傷風感冒發燒? 你係病毒感染。] 醫生問我想唔想打針，快d好，唔洗咁唔舒服，我話:[ 0下?打針? 唔係嘛.......] 醫生問:[ 你驚呀? ]我話:[ 唔係，醫生，其實我唔怕打針，不過好耐都冇打過啦，痛唔痛ga? ]醫生話:[ 有少少啦，打左快d好，咁你諗下先啦。] 我諗左好耐，都係打啦，我見到醫生拎左成大枝藥水出0來注，我問:[ 醫生，唔洗咁多呀? ] 佢話:[係咁大枝架!!] 話咁快我就比左個patpat佢打，oh no......痛入骨，......唔洗5秒就打完，我仲要問醫生：[e?乜咁快呀? ] 醫生一路寫藥單(其實已經電子數碼化左，好professional, 哈!!醫生問我有冇藥物敏感同之前有冇咩特別病，我好坦白咁答醫生，[早兩個星期我有腸胃炎]，醫生睇落好似啤左一聲，佢問 : [即係d遺傳病之類] 我拐下拐下咁行出診所，好鬼死痺呀個pat pat，連隻腳都好鬼死痺!! 不過好快我0既頭痛同燒都好左好多，不過直到而家，個pat pat都仲癮癮作痛。去左好景食左個鯪魚球粥加生菜，好鬼死滿足，翻到屋企，就昏昏欲睡，0係 sofa 訓左一陣，都已經好足夠啦!!! 感覺.....好幸福!!有人照顧0既感覺，係特別幸福，不論係一條濕0既毛巾，定係一粒喉糖，一對有安全感0既手.....都可以病得安心!的確，一個病人係需要別人0既關懷同照顧! 我覺得自己係幸福0既@ thanks! 不過我仍然唔鐘意食完藥口淡淡0既感覺，一點味道都冇，不好受!!
8月6日@ 心跳得好犀利，唔知點好! 可能係神經緊張。頭長期都感到好重，心臟快要跳串身體。口淡淡，就食包山楂餅。估唔到咁就換0來左兩日休息，可以訓多一點，休息多一點。病0既時候，唔想諗0野，比平時更懶。我唔可以太悠閒，太悠閒我會自我封閉，欠缺精力，所以我不可不動。雖然病左，可我連午睡都唔想，藥力令到我睡意好強，不過我仍然堅持唔上床訓，寧可自己蹲在地上合起雙眼一陣。不是訓教0既時候我一點都唔想訓! 不過病可以係一件好事，可以靜一靜，等腦袋清一清，過一過冷河，冇咩寄託、負擔。 除左星期六、日休息，其實都好少有咁0既機會。
有d0野的而且確係吸引，佢會影響你，挑戰你，不過，不擁有反比擁有佢0來得長久。你永遠得唔到，你就會珍惜，會永遠記得，一旦擁有，有朝一日你會放棄，你不再珍惜。就好似一盒模型一件靚衫，你買唔到，你會恨，會成日諗住，細個買唔到0既玩具而家大個都會記得，細個買過d咩玩具，就未必記得晒。其實為咩要擁有0個樣0野，原因自己都未必知道，不過好多時候，擁有之後未必如想像中咁想擁有佢，於是後悔，.......最後會失去! 我寧可自己沒有受傷0既機會，不會失去，所以唔想擁有。只有唔擁有，我先會珍而重之藏0係心底。 每一樣0野都有佢0既最佳位置，佢應該放0係咩位置，只有自己最清楚。
8月7日@ 大病初癒，能夠工作，係一種福氣。喉嚨仍然好沙啞，講唔到太多說話，先感受到可以暢所欲言可不是一件易事。休息多左，'合眼訓'0既時候又少左。午飯時間特別寧靜...........好采有山楂餅，白花油，佢0地令到我冇咁悶，冇咁有壓迫感!! 有得揀，我寧可等耐一點，等到自己比較鐘意0既，就算係多3,5,7分鐘，我都寧願等，可以吹住風，咩油都可以行埋一邊。
好多，好多，連綿不絕，有抹極都抹唔完0既鼻涕，一年總有一兩次，鼻涕係青青黃黃的，好特別，我用左好多力水，精神不能集中.........唉.........!嚴重搗塞......
8月8日@ 不停咳，咳到甩肺，停唔到...........食左藥，又即刻冇事，但係事實上我唔想食，因為好大副作用，又口淡、又無力、又眼訓、又眼花、又頭暈、又作嘔、又冇胃口、又集中唔到精神。最後我都OT左一個小時，去天星碼頭等大家姐同Pitti。適逢海運大電視準備播放皇馬香港0既球賽。我建議大家去文化中心坐，因為我唔想嘆冷氣鼻塞又頭痛，不過我0地就去左買M記。........呢個一路都係我0地好ENJOY 0既晚飯形式，esp. 大家姐，呵呵!!食左兩粒八仙果，真係舒服好多! 差不多10點幾，我0地坐巴士去長沙灣食糖水，雖然對我0來講唔係因為佢d糖水真係好好食，而係.......多選擇0卦，大家姐又想去，大家姐帶左我去新0個間，好多人......正如一般人諗起食糖水就係西貢滿記，我諗其次就係長沙灣松記。之前食過幾次，都認為可以，不過今次去翻，簡直係令我失望，咩蜜瓜黑珍珠，真係蜜瓜同黑珍珠分得清清楚楚，食0係上0來淡而無味，得個名，冇實際，食到一半都唔係咁想食埋落去，好好笑0既係我見到隔離d人叫0既咩木瓜豆腐花、咩水果豆腐花，都係清清楚楚分開上，...........真係啤一聲，可能佢真係有佢個名堂0既可取之處，例如d人好鐘意叫0既"幻彩明珠"@ 不過我只係至在咬佢d 黑珍珠，好似食蝌蚪咁，睇真d又好似食細菌@....浮下浮下，............好似。
8月9日@ 一訓醒滿身是汗，好頭痛，好辛苦，姐姐都腸胃炎，竟然話係我傳染.....生病時有人照顧的確好幸福，我0係度諗。福份係咪應該好好珍惜? 不過方法係點? 我食左個面，3點左右就出左去! 出面好好陽光。見到阿Keith，成身汗，好熱，行到好累咁。去左又一城，又係時候好好坐底傾下計，買左杯熱可可，一坐就係幾粒鐘，好舒服，relax。阿keith好努力，佢好努力搵工，好積極，我可未必有佢0既耐性，........不過........佢開心了，比之前，至少係有一點點，如果我冇估錯。不過0係呢d 時勢，氣餒係必然0既事。 一個電話，影響左我0既心情，不過我可以處之泰然，我唔想影響我身邊0既人，不過我討厭誤會，討厭這樣，我費左好多唇舌，連鼻水都講到飛晒出0來，鼻塞都冇，......我胃口好好，大快朵頤，同阿keith一齊食左兩個spaghetti，好好味，又野味，又清清地......一個湯，一個撈...! 大家都唔係咁夠喉，我放肆左自己，容許自己食個M記雪糕，冇有識死。 我0地去左附近個歌和老街公園坐，可惜今晚沒有風，............keith比上次0係度坐0既那次，好了好多............
聽了很多英文歌，新新舊舊，好滿足@ 今晚，又再一次夜訓.......
8月10日@ 有誰能比我清楚
8月11日@ 三人0既龍蝦套餐無得頂，............提起往事更加係......回味無窮@ 甜品係.....芒果黑珍珠@ 隨單附加左一個佢0地認為好抵但係飽住個肚叫0既朱古力吐司!!! -_-!
8月12日@ 好開心，個個都搵到0野做見得成工，因為佢0地又會請我食飯，哈哈!! 能夠搵到工作，除左開心之餘，都想佢0地可以做得舒服，環境好，人事唔複雜，穩穩定定咁就好啦。有d人未搵到，一來又想佢0地可以揀下搵下搵份0岩自己，二來好似感覺難得有段時間可以休下息，不過相反又想佢0地快d有工開，生活過得充實一點，唔洗冇0野做叫悶。 大家姐就係成功0既其中一個啦，佢請左我去食魚翅撈飯，真係魚翅真係撈飯呀，另外又叫多個秘醬鮑菇牛柳，好好撈飯，係得我好開胃。佢0地0既茶仲係用d唔係太甘又唔係太甜0既花旗蔘沖蜜糖，好潤好清; 仲加送左一個燕窩，加左隻雞蛋，-_____-!!!有d............唔想食.......不過為左心理上靚靚，所以就食左少少。呵呵..........唔係咁夠喉，竟然去到荃灣食龜鈐膏，正，雖然個肚好飽又滯，不過我知道對身體好。為左令自己過得充實d又賴有目的，我同左大家姐去報日文班，平平地諗住公司有得貼。雖然我以前唔係咁鐘意d日文，一來一舊舊又冇興趣，二來好似冇咩用途，人人去學我又偏偏唔去學; 不過而家可能翻工有用，而且聽落又唔係咁難聽，所以就想試下，言則我都唔係抱咩認真態度去學，上堂唔釣魚就得gala!!
8月13日@ 個肚好飽..........食乜鬼0野椒鹽魷魚+蒜蒸茄子勝瓜，雖則好味..不過臨放工0既時候要去幾次toilet......不過白去!!! 擔心梗個肚唔知想點0既時候，個頭就開始劇痛，兩邊係咁yuen住晒，好鬼死辛苦。翻到屋企得我自己一個人，阿媽話佢食埋先翻，於是我就自己一個人0係屋企煮飯仔。我好健康，為自己預備左個綠田園套餐，真係想死，事關樣樣0野都係綠色。青炒左兩個青椒，加左少少蠔油，咁就一味..........好鐘意，再煮左個米粉，加左人口2節瓜落去，林林地好入口d......有一碗節瓜米粉之後再多半斤通菜清滾.......少少蠔油，完成@ 希望可以快d痾.......清清腸胃@身體好!!!!!!!!!!!
家姐話我知有個上樓0既貓地攤，我好想去，好想同d貓一齊玩，.................想睇下係咪真係有咁多貓....!!!
8月14日@ 雖然肚子仍然係唔多好，不過美食當前，我無法抗拒@ 三人又0來到越南灣食:椒鹽軟殼蟹、豬頸肉炒芥蘭、野菌炒金邊粉，仲送左個小食白雲鳳爪。大家姐唔夠飽，但係佢話1點前新公司可能打0來叫佢翻去做0野，簡直係變態.........不過我同pitti都異口同聲認為，係大家姐神經質心理作用@ 我0地落左太子'口甜舌滑'食糖水，嘩，碗芒果西米露大碗到食唔晒，打左包翻屋企。
8月15日@ 今日好忙好忙，勁多0野做，做左幾單大0野，.........勁多電話冇聽，又要頻頻沖茶比客飲，幾驚d 0野做唔晒，不過我寧願自己忙d.........
能夠放左工0係咖啡室聽下音樂傾下計，之前點忙點嗦氣都可以補翻晒數~同阿keith 滔滔不絕，好興幸佢搵到份自己鐘意又唔錯0既工作。真係有種.....大家都長大了0既感覺; 傾到經歷，是苦是甜，都係自己同大家0既一部份，睇法同感覺真係隨住時間變了，是好是壞的，都會係生活上寶貴0既一課，無論係一刻、一剎那、一個小時、一日、或者係一個月、一個年頭，都可以改變經歷同性格。變左就係變左，變左自己都未必知道@ 可能性格上0既分別，我同阿keith都會有唔同0既睇法，又會有好多共鳴0既地方，面對住一個同自己性格唔同0既人，不停問可以令我有唔同0既了解。我經常覺得自己幸福，生活上0既起起跌跌都未算得係乜0野，別人睇在眼中都唔當係咩一回事。上天0既我0既照顧都算係咁，.......就係咁樣，我先會更驚有咩差池......，不過會想自己經歷下，等自己珍惜，體會。我好感謝身邊所有人給我0既，亦興幸自己得到0既一切，我不貪心，唔係自己0既，我唔會去爭取，係我0既，要得到0既時候，佢0地就會0來到我身邊。別人有0既，可能好多我都冇，人0地有呢樣，我冇；人0地有0個d，我都冇；不過我有0既，人人都有，我知道自己有好多0野都唔識珍惜，係自己懶，定係真係唔珍惜? 我真係唔知....我懶到唔想諗...@........ ..... 可以暢所欲言係一種福份，0係商場0既中央，同一張不算大又簡簡單單0既凳上面，有兩堆互不相識0既人，不過大家都在高談闊論..... 或者大家咁0岩有著共同0既經歷，我諗........
我等左好耐，冇，..............真係冇......唔知點解，我想知道，究竟係咩問題。我想知道應該做d咩，又或者係，人0地0係度做梗d咩........。點解? 我討厭這樣....我好討厭,......失望0既滋味真係唔係咁好受...!
由它吧.....
8月17日@ 星期日，兩母子又團聚啦! 好耐未去過銀龍，食左個常餐，永遠都係我0既首選。我喜歡凍OT 多甜，有少少中獎0既感覺。我0地去左銅鑼灣，阿仔今日滔滔不絕，好憤恨、好無奈、好辛苦、好忙、好開心、好安慰、好滿足、好缺乏，全包宴乜都有。適逢有弦樂團0來到時代廣場表演，加快左我要學識吹笛0既目標，....我都想有一日，雖然年紀大左少少，有表演0既機會。我0地行左一陣，離開時代，去左世貿坐底飲左杯0野。說無聊並不無聊，我又影左幾張無聊相。今日賓賓特別多，好唔鐘意，0佢地迫晒上電車，又嘈，又冇禮貌，我0地等左好耐先有車。.....依舊去到皇后像廣場，賓賓如山，賓氣沖天。今日手船特別唔好坐，.......面上泛油多時，阿仔又嘈住要去"shushu"，我忍唔住買左包濕紙巾用。再入去文化中心，做我0地平時一頭半個月會去做0既0野，有好幾個心水。好累啦已經，我0地行到去佐敦忍唔住就住地鐵去左油麻地，阿仔帶左我去食上海菜，我0地叫左好多0野，雖然係一般0既菜式，不過好好笑，真係兩母子好溫馨咁食，一路食一路滔滔不絕，阿仔講到好到肉，我又聽得入神，都唔理自己又幾聲啦已經@ 多得個上海師傅咁服侍周到又殷勤.......... 我0地離開左向旺角進發，成功陪左阿仔去買部mp3.............離開百老匯，竟然0係街上面撞到老闆Michael同埋阿持，開心都0來唔切，我望左幾秘先認得出老闆，失敗@哈哈。我0地大夥兒去左飲0野，好耐冇見過老闆，the last time was before garduation day，老闆仍然係老闆，仍然都係老闆款。我比左大家姐同我影0既相老闆睇，老闆竟然打電話比大家姐同佢開左個超級惹笑0既玩笑。-_____-!!!佢竟然同大家姐傾左成10分鐘電話.......老闆仲要口出狂言，又對大家姐口甜舌滑.....我0地聽到都笑死左。老闆好犀利呀，手指上面0個隻閃到好勁0既介指。 坐左一陣，就翻屋企。
8月18日@ 今日老闆請飲茶
8月19日@ 今日係Vanessa生日...!!!!HappyBirthday!
8月20日@ 這個星期，雖說不上空閒，不過工作係輕鬆0既，忙裡可以經常偷閑。縱使煩惱會間唔中鼠出0來，不過我都能夠過得平安。
8月21日@ 老闆這一兩天都不在公司，感覺特別輕鬆。午飯0既時候，一共叫左6個小菜，6個人share，0係conference room裡面食，順景老闆娘好好，每次開聲佢都會送紅白湯比我0地，.....就連白飯都肯送。雖然我未見過老闆娘，唔知佢咩樣，只係日日都打電話去叫外賣，不過佢永遠都記得我把聲，[1001].................服務態度永遠都咁好。今時今日咁0既服務態度先得ga ma........!@ 6個小菜我0地都食唔晒，不過計落條數不知幾抵，仲比我0地發現今次佢收少左一個小菜0既錢，大家決定天日可以叫多一個免費小菜，每人都係23蚊左右。
放工去左西灣河搵阿強個朋友Ian，因為阿強欠左我，哈哈，同佢朋友傾左幾句拎埋我要0既0野，又要趕住走啦。我啦啦聲去銅鑼灣搵Vanessa食飯。都有一段時間冇見佢，覺得佢明顯瘦左，而且佢自己都話工作壓力大又辛苦，瘦左都可以話係中左頭獎。我0地食越南0野，叫左個幾好味0既咖哩牛腩飯、牛油雞翼同埋蝦醬炒西蘭花。一路不停講，d0野食左好耐都未食得晒，我食佢就講，佢食我就講。不過我知道佢就0來又轉工，可以學以至用，我覺得very good~ 好難得@ 坐左好耐，d0野終於食晒，心事都已經吐晒出0來，散下步逛左一陣就翻屋企啦!
係我脾氣唔好???做得唔好? 抑或係人0地0既問題?我好氣憤.......有d0真係唔講好過講。......我本來決定左會做0既0野，突然又唔想去做，就可能係因為0個幾句說話。0個一下的確係feel到幾hurt，或者係有d無奈，不過對於他方0來講，我做0既0野可能就等於冇做到。我訓教，咩都冇諗。
8月22日@ 我好善忘，訓過一覺咩都唔記得，唔係我想，本性所至。7點半未訓醒就接到一個電話，竟然係咁........無計!!! 照舊翻工，翻工搭巴士正好落大雨，車窗全部閂埋晒，......透唔到氣.....好辛苦@ 午飯仍然可以6菜share食，不過個南乳就差左少少，首選永遠都係通菜牛肉。 .......好多0野食好抵好滿足@ 又有汽水又有免費湯水......每人都只係.........$23.5。勁! 然後又再投入我0既工作@ 老闆竟然0係下午4點左右翻0來公司......六點半我準時放工，坐左巴士去TST，......我0地等左好耐巴士，上到車又勁塞車，我襯機就休息左一陣，我嘈住話超勁肚餓，今天主角雖然唔係我，不過嘈得最勁0既係我，皆因今日我唔係主角我先有權話事，.....呵呵，經過同意之後我0地去左九龍酒店。之前同大家姐佢0地已經去左過一次，今次早過上次，所以可以食dinner buffet 而唔係宵夜buffet，d0野好勁，我連續走左兩轉先停底，食左好多三文魚、八爪魚，我覺得有d熱食0既白肉魚超級霹靂勁super好味......因為佢配0既係紅汁 .....yoo! I like it~ 沙律、魚蝦蟹我食左好多，一連飲左幾碗湯，再食埋豆腐花，再由頭0來過第2轉。可能係佢生日0既好腳頭，酒店搞lucky draw佢都可以中左一樽酒店秘製0既味菜.........我..據為己有@ 我食左好多蝦同埋蟹，個嘴角唔洗一陣就有d痕痕0地。cafe' 0個邊0既一男一女為現場0既觀眾唱左好多好好聽0既歌，我都想過去afe'0個邊坐.....不過因為要趕住睇12點場戲，所以我0地10點就離開左出左去行一陣街。我0地仲買左好多0野。差不多12點我0地就飛奔過去新港，睇BR II。不經不覺.....我又訓著左,.....可能係個'墊'太舒服...不過我都睇左一大半......散場0既時候都已經係2點半。.....覺都未訓醒.......行左去佐敦搭N241，又係咕咕聲咁訓到死狗咁。最近0係葵青劇院落車再轉的的翻屋企。好精神,.......沖個涼上左一陣網，差不多凌晨5點幾我先訓。.............我仲記得個蠢材好失望咁走0個個樣，........我原本諗住唔講唔開估，不過見到佢咁0既樣，等佢走左5分鐘我就打電話話左比佢知，我諗佢0係翻歸0既車程上面應該會訓得安心。.............不過真係一個蠢材@
8月23日@ 好景不常，美好0既時光永遠都係話變就變。............好激........差d冇得翻轉頭，............係誤會定係......? 其實大家都唔明白?? 咩都可以講出口......不過好多0野話收翻又話都冇咁易就收翻。轉變真係一秒之間0既事? 邊個話事?
未訓醒，收到民政處打0來，同我講下星期搵日翻去續約。之後又比阿強嘈醒左，........傾左一陣長途，我又再訓過。.....電話一個接一個我訓下又醒下，都唔係好分得到邊個打邊個.......! 不過情緒仍然係覺得氣憤....只好食d清清啖啖0既野幫下自己。悠悠閒閒又等睇[戀愛自由式]0既大結局，走埋下場就睇埋MHK，睇到啤啤聲，阿媽講得0岩，呢d節目0既構思唔多唔少令到大家覺得d女仔冇腦兼發姣，全部對白都好似拍戲咁跟犒講，問埋d問題又毫無意義，顯得香港d女仔好似白痴咁，一d代表性都冇，行出0來對住個咪就淨係識得講佢覺得自己有幾好有幾靚有幾吸引有幾特別，仲要話鐘意自己邊度邊度....自己著住件泳衣又有幾陽光氣息幾性感。-__-!點解成日都要自己讚自己?!!聽落覺得好作嘔......
12點啦.............又係講過唔算數.......唉!
8月24日@ 訓醒教，風打得好大，好開心，.....@ Flora打電話0來，翻左0來香港幾日，佢並唔係好習慣香港咁嘈，而且又訓得唔好。佢0岩0岩0係CLU個O'camp出0來，都仲可以好精神同我傾左咁耐。不過有d擔心，因為佢竟然瘦到得翻86磅，我好worry，因為0個時讀書佢都仲有100磅多，而家?? 好可怕....! 同佢傾左好耐，差不多1點左右我就收左線啦啦聲出去搵Pitti同阿欣。我同Pitti 約埋左0係太子一齊上車，諗定遲到0既excuse，就係賴阿欣佢聽錯左約0既時間.....哈哈，誰不知佢1點就到左.............啤......呆等左大半個鐘。嘩，懲罰呀......落狗屎........屎到好似個大海咁，我0地濕晒啦..................個天賴屎呀!??!!!??去到金聲，買左我0地0既buy 1 get 1 free 戲票，除翻每人都係$25。仲係狗屎，嘩嘩聲呀落到，唔行多步，就0係隔離食上海0野，大家都叫左個擔擔面，好辣!! 2點半我0地準時入場，我仍然買左包情有獨鍾0既無花果，"妹"住咁睇晒成套"龍咁威".........真係威到震......。仍然係賴屎咁呀個天........我0地去左睇下有冇咩生日gift 可以買比大家姐。因為Ptti要翻工，所以我0地都走lu~
翻到屋企，阿媽又0岩0岩翻0來，買左好多菜，我自己又買左青椒同節瓜，再加多兩罐coca cola@ cool........阿媽拎左兩條類似秋都魚0既物體，我仲煎到loanloan0地。炒青椒我用左沙嗲醬炒.........great~ 另外用自製蒜蓉炒'林'd節瓜.....雖然一d都唔特別，又冇咩配搭，不過我就係鐘意咁樣單炒呢兩種蔬菜@ 見到成個雪櫃咁多菜唔食會變色，我又用腐乳炒左一碟菜芯。............even 差不多全部都係單一蔬菜，不過我食得好開胃................@ 清晒再飲埋阿媽煲0既魚湯.....我感到好滿足@.......因為我個胃今日好綠!!!!!!!夜晚有人做訪，比阿媽發覺佢串左耳，阿媽打都打唔切....哈哈!!! 破相破相.........!!!!!!
原本諗住比錢同阿媽一齊學太極拳，不過冇一度地方就到阿媽放工，阿媽想學太極劍，.........我就冇咩所謂.....只要有益身心，就可以了。 報唔到，算數............咁我就諗住報攀岩計劃@
* 我發現左一d0野，雖然好唔應該，不過.....發現之後先知道，原來......我低估了別人，高估了自己。原來有好多0野都唔係自己諗係就係.........事實真係難以相信，不過，anyway 雖然對我一點點影響都不再有，不過Ｉfeel pleased.....。有好多0野我都諗得太過，以為人0地一定係咁樣，一定會咁做，不過原來一d都唔係......不可以話係失望，只係會諗"竟然係咁?" @ 我興幸我睇到，因為.......我唔會再好似之前咁諗0野，因為咁都已經可以豁出去啦@@
我希望天日訓醒起身，個天仍然係打咁大咁強勁0既風，因為我鐘意比風推著走0既感覺@
8月25日@ 風繼續吹，怕縮骨遮太縮骨，所以找左家姐把遮，雖然唔係好match今日0既裝束，命係重要過靚0既! 估到d人一定起勢咁閂晒d窗，所以今日破例主動上左冷氣巴@工作又少左，人又悠閒左..........有d無所事事0既感覺，我就好似上完堂review翻d note 咁拎左d 筆記出0來睇.......收到silvia 0既email，好開心大家0既距離好似好近，悶0既時候又多一樣0野做。不過今日收到0既係一個bad news。 唔知點講，不過有d若有所失0既感覺@
話咁快又開飯，仍然係5個小菜6個人分，肉多菜少，大家都食少左。有可樂飲，特別滿足@ 下午同Yusen開左個好耐0既會，開左一陣，發現個鐘1:45p.m. ，不過以為意，只係覺得，"0下? 乜咁早咋".......再開左一陣..........望一望......e???乜又係1:45 0既?????玩咩?????????? 啤.........諗左幾秒，'哦，係wor，入0來開會0既時候都已經係2點幾啦，唉" ，唔好玩啦!!!!!!
開完會冇咩做，幫Masubuchi san 寄左少少0野就差不多放工，食左好多無花果，食到勁頸渴@ 翻到屋企，見到自己有d衫睇唔順眼，拎起枝針就改呀改呀............
8月26日@ sam sam生日快樂!!!!!!!
工作仍然係........輕鬆，沒什麼趕著要做!!!
8月27日@ 公司呢排D電話成日都要大修，茄子連日0來都奔波兩地，.....不過佢一0來，又等於我冇電腦用。......被冠以Nardo 0既茄子，就成為我0地呢幾日0既話題，事關佢言行舉止談吐表情都似足Nardo•...今日食飯大家又0係度笑佢0既時候，突然發覺成不知不覺唔知咩時候0係大家附近出現，都唔知道佢會0係lunch時間0來，我0地都忍唔住大笑，不過又心知啤左.........被發現了!!!!!!!!!!
今日放工翻左民政，延續左我一年0既工作，雖然有一點點改變，不過可以留底即係多一個使命。大筆一揮，即係我又繼續浪費政府金錢。今個月一個鐘都冇開過，翻到去都係得鄺生同catherine 0係度，簽完我就自己留左一陣入building access。不過翻左成日工，都幾頭痛，做左一個多小時，報埋鐘我就完全呢個合約年度最後一日0既工作。身痕，買麥當當。
8月28日@ 工作仍舊是這樣!!!! 工作過後約左大家姐同埋Pitti去食Pizza Hut。 行了幾個圈，大家姐發作，我0地今次選擇左去PItti介紹0既巴黎咖啡坐一會。環境不算好靜，不過熱鬧中帶點靜，靜中又帶點自我，有我0地自己小小0既天地。裝修雖不花費又奢侈，但係簡單來又特別，幾有style。叫杯普通0既飲品都係$20，味道雖一般，不過醉翁之意不在酒................我除下了鞋，好似0係屋企咁屈埋左0來坐，一陣又"棟高左0來坐.........攬住個cushion，........大家姐一路講我就一路恰眼訓!!!@ 坐左好耐，差不多11點左右，我0地就走lu!
8月29日@ 今日好多0野做，........寫左好多紙仔提自己，寫完一張又一張，.......仲要用ISL d人開會，.......好眼訓!!! 整日倒0既茶都唔知有多輪....，話咁快食飯，有人帶頭落左去德昌食燒臘飯。四寶飯又大碟又有湯送............下午茶時間，老闆帶頭食月餅，大家唔知做咩起晒勢咁食......美心食左大半盒，又開埋d咩冰皮蓮蓉、紅荳月餅.....食到有d 飽!!!! 做埋0個幾份單，7點半我就走lu~!!! 0係九龍灣地鐵站等阿布，嘩，個死仔著到鬼死咁'4正'，打晒呔拎晒工事包。我好耐好耐冇行過淘大同德福，以前細個直到初中時不時跟阿媽行下，而家行翻，感覺新左好。我0地去左茶餐廳，佢食扒，我就要焗闊條面。個死仔而家先拎翻張transcript比我，連佢自己都畢埋業啦! 佢都非常lucky呀，份工唔洗點做咩，仲供應埋mp3比個員工隨身，一路聽住mp3開工都係第一次聽。 一個星期0既工作又完結...........
8月30日@ Flora已經翻左香港，佢一早打左0來叫我起身。差不多2點半我出到去太子新世紀搵佢，佢試梗衫，我0既第一個反應係，"嘩，真係瘦左好多"，雖然事先我知道佢瘦左，不過真係瘦左好多好多。嚴重0既係，佢仲輕過我! 我陪佢買左好多0野，又衫又鞋又袋，我0地去左花園街食0野，因為成年佢都冇食過呢d地道小食，一0來就碗仔翅、燒賣、魚蛋.....食得不亦樂乎，再接再厲。Flora 仍然冇變，講0野仍然係咁好笑，咁率直.....去到邊度買0野佢都會叫人0地靚仔同靚女，不理好醜老嫩，聽到我忍唔住笑!!! 不知不覺夠鐘，我0地上去旺角火車站，等埋阿威就一齊入上水。正籍係星期60既夜晚，好多佬迫埋0係火車度等上去尋歡.......成車都係佬味....!!!! 卒之我0地3個遲到左成半個小時，會左阿keith、阿神、Raymond同阿Vicky就上去阿keith屋企啦!!! 佢阿媽一早為我0地準備晒d 打邊爐0既0野食。我0地參觀左佢間新屋，又食晒佢d薯片，又唔做0野等開飯.....哈哈!!!佢0地仲開左隻"六樓後座"0來睇..... 不過有件重要0既事我真係唔記得左，阿keith仲鬧我好唔記得買蛋糕，-__-!!! 我完全唔知道今日係Vicky正日，我以為only 慶祝佢同阿威0既生日，點知.......於是Raymond同阿威就靜靜雞落左街買蛋糕。食完飯睇埋個6樓後座，我0地就叫flora好老土咁引阿Vicky入房扮晒睇相，我0地就啦啦聲點candles同放蛋糕.....雞手鴨腳......想死.....Vicky 出0來吹左candles 就分蛋糕食.....正!!!影下相又飲下0野.....我0地入房睇Flora帶翻0來0既武漢相，睇翻以前我0地一齊去旅行0既開心日子!!睇下睇下我0地竟然0係房玩心理測驗，笑到碌地@ 我0地出左廳，坐晒0係地下，玩"話事啤"....(????)....邊個額頭上面張牌最細就要接受penalty。驚左好耐呀大家，竟然係Flora 輸左，好唔好彩，0佢地諗0既penalty 係....食生雞蛋......好嘔....Flora喊晒口咁話唔好......阿keith比定一杯水佢漱.....Flora仲嫌阿keith打埋d蛋殼落去，卡住左佢個喉嚨@ 笑死@ 之後第二輪就輪到阿神輸左，成spoon "ci油"飲落肚! 大家都唔敢玩落去，於是坐底傾下計，Raymond大講男女關係，又問Flora佢同佢男朋友d0野，傾得興高采烈.....Flora打電話比個男朋友....講0野好笑到想死@
不知不覺就凌晨5點幾6點，我0係地下訓訓下就上左去sofa度訓....醒左0既時候 (8月31日) 都只係7點幾。"典"左一陣...又訓多一陣，9點左右就一齊落去麥當當食早餐@ 食左個熱香餅餐。食完大家就各自歸家lu~中 翻到屋企都係10點幾。阿媽仲未出街，我沖埋個涼......竟然冇去訓.....(雖然0係車上面訓到啤啤聲)，我上左一陣網，執下0野，同Pitti大家姐通過電話，約左3點半.....我出到去會左PItti同阿欣，去左食PIzzahut Tea.....食完行左一陣，入左去啟德燒0野食。大家姐仲0係屋自製左我鐘意食0野包金菇、青椒同茄子@仲有d東菇....差不多8點，等埋佢同Joey，就行入去燒烤場。0個度都好大，我0地好小心咁搵左個爐位，等D人唔知道我0地自己拎左d0野食去! 個場熱，.....燒左好多大家姐0既拿手0野。我0地換左幾輪飲品，越燒越多，最正就係d咖哩魷魚@ 差不多燒到成11點，我0地先走人。上到巴士，0岩0岩要落車0既時候佢先開始落大雨，巴巴聲.............好彩大家走得快!!-__-!!!
9月1日@ 唔夠訓唔夠訓.............. 唔洗好耐就食lunch。 明珠雞翼蛋通粉係我呢期0既常客!! 雖然唔係好夠訓精神唔係太好，不過我都加左兩個鐘頭班。今晚好開心呀，約左志遠哥哥同大家姐食飯，不過好似係我0地約志遠哥哥多過似大家姐約左佢law。啤左!!! 我0地出到旺角會志遠哥哥，佢今次冇自己drive車。佢帶左我0地上去桃園食台灣0野。諗左好耐我0地3個都未諗到食咩，諗到大家姐0來左，唔洗5分鐘，佢0地兩個就叫左6個菜啦，勁呀!!!!佢地叫左鴨舌啦、耳絲啦、炸魚餅(勁好食)、玉子豆腐、炸蝦球、???，再每人叫左一個擔仔面。 一路食，大家姐都好似當左人0地係仇人咁，......真係想打佢一拳@食飽晒，嘻嘻哈哈去左果留香食糖水，不過死人大家姐又扮蟹，死人都要走先，我0地都費事理佢，兩個跟左志遠哥哥去食。食到我0地不知幾開心，不過就鬧佢好留唔住大家姐，冇鬼用!!!
行翻去屋企樓下0既時候，志遠哥哥竟然打比我，又打比Pitti 睇下我0地0既安全情況@ 呢個真係好好0既志遠哥哥呀!!
哈哈!!!今晚0既糖水係佢0既..........
9 月2日@ 上午掛左8號風球，........食完個雞翼蛋通粉，就匆匆離開公司。巴士上超多佬，超勁0既佬味，車上面冇人開窗，好采我有一個窗，就算比雨淋，我都要吹風。特別早回家，特別沒事做，特別累，上廁所竟然不小心睡著了，仲發左夢，醒了唔知咩事........哦.!!!!!原來..
又係青椒通菜!
9號打到0來，大風到好似想吹我出街!!
9月3日@ 好幸福，去幸福樓打邊爐，係非常幸福0既事。
我仍然向大家重申一句"我唔係唔食生0野，只係唔食唔熟0既0野。"
9月4日@ 今日好多人生日，由於太懶0既關係，我都唔係好記得打去祝賀人0地!! 不過對於記性越0來越差0既我0來講，係一個幾好0既奇蹟@
今日就為其中一個壽星仔慶祝。我放左約埋Flora，去會阿Sam、阿Fung同Lulu。比左個Birthday Surpirse阿峰。不過竟然係嚇親佢0地，因為大家都認為，Flora 瘦左成個碼....有少少慘不忍睹@阿死人Sam又走去留鬚.....-___-!!! 我0地上左元綠，由於有人壽星0既關係，整餐照單半價，相當超值@ 叫左好多壽司、小食。 大家一路食，Lulu就一路講生仔，佢0係實習0既時候有機會見到人0地生仔.....講到胃口都大減埋!! Flora仍然係成為大家0既講笑對象，難得仔仔一堂，影左幾張大合照。埋啤0既時候都係位位唔洗70蚊，食左好多0野，very good~~~
出去行左一陣，去左The Rock飲0野。環境黑黑地，有少少音樂。對住個menu，大家都研究左好耐究竟飲d咩，究竟係beginner、intermmediate，定係expert~ 最後我揀左一杯orange juice ，裡面加左少少酒，好似係rum。阿sam叫左一杯好似milk 0既物體; 阿Fung叫左一杯"Nothing"；Lulu就叫左Love Juice，味道同我0個杯差不多， 不過佢甜d。Flora好勁呀，叫左一杯"The Sex on the Beach"。飲到咁上下，可能環境光線問題，同埋越0來越夜，所以有好強烈0既睡意!@ 好笑在Flora一路講0野，我個腦已經消化唔到，腦海一片空白。Flora仲語無倫次@ Lulu又面紅耳赤@ 坐左好耐傾左陣計，差不多12點幾左右，就散band啦!! 臨走0既時候仲同Flora0係旺角街頭影左張相留念。送埋佢去小巴站，又唔知下年咩時候先會再見到Flora•........今次翻香港，佢都可以話係滿載而歸啦......
9月5日@ 屎忽痕，今日我0地三個齊齊去左剪頭髮。之前去左，所以今次幾遠都去翻大家姐介紹0個度，位於(魚則)魚涌，去到0既時候都已經7點半有多，佢個朋友一個人handle我0地3個，個個新奇款款唔同.......不過大家姐0既完成品係一個淫賤女教師@ 大家去左太子食飯，食左個紅汁意大行粉.....滿足@
仍然係咁，次次都係咁，我問題，定係你問題? 又係咁，我好厭..........
唔知點解，我覺得自己懶左，好多0野都唔想講，唔想諗，唔想做，唔想理。我寧願咩都由得佢，我咩都唔想理，求求其其就算，咩都草草了事，咩都事鬼但但...... 除左事但咁吃喝玩樂，我都唔知可以理d咩......咁樣吃喝玩樂，時間可能會易過d，翻到屋企就沖涼訓教。再唔係就成晚咩都唔做，對住個電腦打打打，打到累又沖涼訓教。動極就靜、靜極就動，.....咩都由得佢啦.....!!!!! 總之就，腦袋唔想轉，口唔想講，四肢唔想郁，眼唔想望，耳都唔想聽...
最好就係冥想@......... 冥想0既野一定係悠閒而開心0既!!!
9月6日@ 相約阿Keith，去左睇電影。名為BadBoy II，一共成2個多鐘頭，對於我0來講又係一個難度。食住葡撻睇，已經好滿足@ 睇完成個人呆呆地，去左食意大利餐，我請客....
雖然落完雨周圍都仲係濕濕地，不過坐左0係一邊樓梯，吹住風咁講0野，舒暢了一點。有機會遇見翻係幸運，亦都可以係無奈，不過有得揀我都寧願比我遇到!
我知道自己做得唔好，但係一撞到'力不從心'，就咩諗法咩預計都打翻晒，想做變左唔想做。縱使我腦海裡面成日都諗得幾美好，但係我仍然無心去實行。我成日都諗，我比別人遇到的好，我比別人幸福得多，我比別人可以來得平凡，來得簡單，已經係一種福份，不過我唔識得點樣去面對，去適應。我唔知我可以點睇呢樣0野。我懶所以我唔諗，我懶所以我唔想理，我唔知咩叫hurt，我未試過，有時會諗，洗唔洗要自己去作賤自己，試一次? 我唔想，我永遠都想自己幸運，直到我真係控制唔到!
唔好0既0野我唔想成日見到，不過我成日都會見住......我寧願我睇唔到冇聽過.....
個人一懶開，就好容易覺得疲倦! 好容易覺得睡眠不足!
我討厭別人唔開心，不過我更加討厭唔開心0個個係自己@
9月7日@ 好耐冇飲過茶，難得大家姐同我去撐'木台'腳。突然個腦海又飄過左一個幾好0既諗法，覺得咁樣做會幾好。不過我知道我懶........
叫左好多點心，好耐未試過。蝦餃、鳳爪、金錢肚、魷魚、菜餃、雞扎、通通都係我心頭好，不過人太少，唔可以叫太多，豆腐花好滑，不過大家姐d煙好臭@ 佢有煩惱，我做細0既，梗係侍候左右gala@ 食左佢好多二手煙都係好小兒科je@ 大家都百無了賴，0係書局逗留左一陣，睇左d書，幫大家姐搵到一本好0岩佢0既書，叫做[做人女友甚艱難].......好好笑地裡面有個[香港女子十大罪狀]，至少.....佢絕對中左其中一個，"母愛氾濫".............睇完佢自己都話好似......... 不過佢竟然話佢好想買0個本[相愛容易分手難]，認真教壞細路!!! 我始終鍾情於我0既 "面相叢書"。
Pitti竟然0係佢0既星期日主日崇拜早退，犀利@ 陪左我0地去葵芳新開0個間巴黎咖啡飲0野。我討厭上次0既薄荷咖啡，所以我唔再揀咖啡，......'攤坐'左大半個小時之後，死下死下咁就翻屋企@
仍然好懶.......連去廁所都唔想去.......
9月8日@ 唔夠訓，......天氣一般，有風，和緩! 工作仍然長做長有。不過我樂得輕鬆。客人們送0來0既果籃、月餅，堆積如山，最得人歡喜0既都莫過於別出心裁0既零食籃@ 客人0既禮物包裝盒、花球都已經比我堆滿晒成個寫字'木台"底，犀利過蓮姐，連蓮姐都笑我婆仔@ 六點半左右我就走放工，因為阿欣就0來又翻翻去美國，我0地4個又約埋去開麥當當outdoor mini-party@ 因為太肚餓，大家都異口同聲叫多一個蘋果批或者麥旋風@ 好似中秋節已經到左，四周圍都係燈籠。....我0地0既party好順利咁進行，不過仍然會發生一d大家姐好難避免)既問題，今次，只係一句說話@ 我0地拍照，拍左好多好生活0既生活照，話走時走，行多幾步，停留左0係度影夜景，影下影下，有個阿叔(professional camera man in TST海滂) 話幫我0地影，(係幫我0地用自己0既camera影)影下影下就比左20蚊做遊客影左張4R 0既大相，事關阿欣都冇幾可翻香港，影翻張齊人相都好!!! 個cameraman仲話有好多協恩妹0來搵佢影相! 不過質素就一般啦!@
9月9日@ 見到牙醫，有份好親切0既感覺，每逢睇醫生，我都有呢種感覺@ 雖然洗牙0既感覺唔係好好，不過唔會唔想洗@ 洗完個口好輕....好涼，入少少風都好痺@ 大家姐0岩0岩放工過左0來荃灣同我食飯，我陪左佢去買防水地毯，比佢阿婆wor。我0地去左南豐下面間澳門茶餐廳，食翻上次pitti食0個個羅宋湯餐肉通粉，因為咁0既原因，我買左d 材料翻屋企，再加多兩個favourite 青椒，自己做。
9月10日@ 好多0野做，好多0野做，不過難得有好多水果同月餅、零食比我消磨下，如果唔係我會做死左@ 放工難得翻屋企，休息休息@ 好累好累!!! 因為身痕，d青椒癮又發作，所以我又去買左幾舍 青椒翻屋企炒!!用左一舊腐乳炒，已經好津津樂道@ 就係因為咁，唔夠飽，差不多12點幾我又走去煮左個面食.......
9月11日@ 中秋節倍思...............@ 都係咁多0野做，4點鐘就可以放工，不過因為我要做埋d)野，所以我白做左一個鐘頭@ 可惡點解中秋OT先冇得計錢? 個個都走得七七八八。我啦啦聲做埋D0野就走lu。
阿媽佢0地去晒珍姨度燒0野食，婆婆又去埋，偏偏我又唔想去應酬親朋戚友，我情願自己留0係屋企，再炒我0既青椒@ 哈哈，今次炒左幾個，又自己整左羅宋湯通粉@ 睇GoGoGo@ 0係電話度展開左個罵戰，好大聲.......好嘈@ 咩都講晒出0來，大家0既肚裡面都好似冇晒d氣咁。真係? 0個一刻大家都係......可以好坦白係一件好事@ 我食青椒都可以食得舒服一d!!!! 10點左右，我外出，去左維園....不過，咩都完晒，優惠過左，就話咁快就冇晒@ 唔識睇時機就係咁gala@ 錯過左，就唔知做咩好......唯有去食杯雪糕，涼一涼。好累好累，好眼訓.....翻到屋企都已經係2點左右。
中秋節今年冇咩特別，大家姐買比我0既紙燈籠都用唔著，不過好開心仲有好多look柚@
9月12日@ 今日家姐生日，不過佢已經遠走高飛左，話比我知佢去3日camp.....!!
可以好好休息係一件好事，雖然認為訓得唔夠，可以再多一點，不過醒左就訓唔翻@ 今日冇青椒食，周身唔自在，不過懶得滯又唔想特登走落街買。有乜食乜啦........就手嘛!
下午，好熱，不過仍然堅持唔開冷氣，阿媽做完家務就訓教，一訓就成個下午啦@ 我自己0係屋企，就靜靜咁享受難得0既自我空間@ 我又download左好多舊歌，好聽0既舊歌，download極都唔完，越0來越多.......最正係比我發現到最正宗0既高山青....鄧麗君唱都冇左個"啦啦...."音....正宗呢個就有啦，完完全全係以前細個跳舞0個隻啦@ 佢d"郎郎聲"仲好迫真，好有親切感@ 右埋甄妮0既播音人，絕對有一種好貼身0既八十年代0既情境@ 我記得以前樂民0個度有部好舊0既黑膠碟唱機，阿爸仲有好多舊0既唱片。0個時日對夜對都唔覺得有咩咁特別，不過年代唔同左，潮流轉左，自然就覺得以前0既0野比較特別有味道@ 不過我知道阿爸到左今時今日都仲未掉....應該收埋左0係間房個櫃桶裡面@
阿媽整左湯飯，食左一大碗，唔洗一陣我又再肚餓，唔想食月餅，因為我見到自己個肚腩都有D想死。 不過成日同自己講，食得是福，食對我0來講，好重要.....最後我選擇左0係夜晚12點幾煮個面食。
同布歐傾翻計，計劃大家一齊報d course讀，目標已經有三個啦@
9月13日@ 食了整個look柚，肚子很多水，整個夜晚頻頻上廁所@ 很忙，連發夢的時間也給中斷了好幾次!我不記得夢境是怎樣，不過每次上完廁所我都好想再延續落去@ 睡醒了，腰骨很軟很不自在，起床刷過牙發現沒有青椒吃，很失落，最完美就是有一籃籃青椒長期放在家，要吃就可以隨便拿一個來炒@ 不像臘筆小新那樣討厭青椒@
難得天朗氣清，太陽最猛烈的時候我外出了。心情比較前幾天好得好多，眼見的全是sharp的。沒有什麼是討我厭的。不過髮膠永遠令我覺得頭的重量加多了，係美中不足的地方@ 平凡的人都總有挑剔的時候，就好像我見到一顆不太好看的鑽石耳環，再多一點我都受不了。 不過只是那一點點，我都不應這麼多意見。
看了大名鼎鼎的[向左走，向右走]，心中都很多疑問。如果我是女主角，可能我的觀察力比較強一點，觸角可能強一點，又會再好奇一點。緣份對於我來說，很虛無，我覺得有的時候，那偏偏又是虛驚一場，你覺得微不足道，那又是你一生之中重要的緣份了。我曾經試過"遇見"，不過並不會是想像中的有快感，縱使我一向都認為這會是一種好.....難得的經歷，不過，不像幻想中的滿足，又不是那麼容易面對。我曾幾何時很想有這麼的機會，但沒有小說那些場面，亦沒有興奮，亦沒有結果，只有想像中的那些完美@ 期望中什麼都想發生，不過現實中什麼都會逃避@ 只會一次又一次的希望再有下一次機會，希望今次做得不好，就留待下次時機來臨時做得再好一點。坐車時我總愛望坐我四周的人，在路上走我愛望擦身而過的人，快餐店內我愛望排我旁邊的人，圖書館內我愛望和我一同熱愛看書的人。不過我喜歡用200度近視的雙眼望世界，因為不清楚就不用那麼清楚，有些東西可以錯過的就不用看，我應該看到的，不用朦著眼睛都要我看到。某些距離之外的面孔，對我來說是同一個模樣，一視同仁@ 可能看清楚一點會知多一點不錯過那麼多，不過我寧可看不清，知的不多@
我感激我現在遇見的所有。
世事很奇妙，這天晚上遇見了，一些，不過，下意識驅使，一如以往，我又再逃避@ 避守一旁.....不知道上天平均隔多久會安排一次[遇見]，可能我們世人就像[向左走向右走]一樣每日都在[遇見]@ 我遇見的頻密程度很低，很少，所以我期望特別多，特別豐富@ 不過每一次我都會這樣面對我的[遇見]。相反，如果我是被遇見的，我會希望別人告訴我，他遇見了我@ 不過每一次錯過了的遇見，我都會一笑置之，暗暗想想，笑一笑@ 又再等待下一次的遇見@
睡不著，或者，這一夜，我會在床上回憶一下自己的遇見，想一想，再笑一笑@
9月14日@ 落雨，明明昨日仍是晴天，今天就大不同了@
因為看了"向左走 向右走"，所以特別去下載它的主題曲插曲來聽聽，一聽就十幾回@ 和布歐通過電話，決定大家一起去增值@
黃昏，外出和三個好朋友 - 大家姐，pitti同阿欣去食飯，阿欣好快又會回歸美國@ 特地叫兩個結他好手為阿欣彈了一首Farewell 的歌，好開心@ 雖然整日都落著雨，不過，感覺是快樂的@
9月15日@ 好耐冇見過布歐，佢個人依然係咁撩交打。我0地去左報名，開展我0地計劃0既第一步@ 我0地去左食牛什粉，正@......以前可以一齊翻屋企，不過搬到咁遠，見面0既機會少左，不過佢見親我都係咁鐘意蝦我，-___-!!!哈哈，佢都仲係咁撩打。
9月16日@ 大丈夫，一套事實上唔算係好好睇0既戲，感覺仲有d無聊，就連結局做左我都唔知原來已經完場。別人說，我未到某個年紀，所以唔會明白，不過我又唔係好覺得佢所講0既係d咩咁特別0既0野，講下心理je@
9月17日@ 工作忙碌，次次放工都鬼死咁肚餓，幸得兩位姊妹經常同我結伴，一齊去食好0野。仔仔一堂，雖然大家都好累，只顧食，冇咩說話，不過就好似一家人咁，夾菜'爬'飯。食完時間尚早，不過已各自歸巢!
9月18日@
非常精彩0既[安康演唱會]。我好欣賞現實所見葉詠詩0既一舉一動，佢指揮比蘇永康同許志安仲來得吸引@ 佢指揮0既小交響樂團聽到我耳油都差D唔夠滴。我鍾意佢指揮0既交響樂團演奏，我留意住拉小提琴我動作一致，拉大提琴的那份專注全神，後排吹長笛的吸引@ 仲有拉樹琴的不知不覺，鼓手的rock，鋼琴手的投入陶醉，號角手的不動不靜，木琴的分身有術，兩邊秋天氣味十足的紅葉樹，當然仲要有那三位主角的"在位"。大家都演繹的十二分好! 出色的指揮家， 他的吸引之處，係你放0係佢身上0既時間多於佢身旁0既兩個大主角@
人山人海.........穿穿插插@
9月19日@
大家姐生日，不過佢並冇同佢男朋友渡過，奇怪@ 不過比我係佢，我都寧願唔一齊慶祝@ 大家姐唔洗我0地同佢過生日，卻0係公司OT 渡過左佢24歲0既生辰。我竟然將我0係公司最耐0既一次OT 貢獻左比大家姐做生日靡禮物@ 我好累.......我未試過OT咁耐，不過我知道要開始習慣，同我0既習慣一樣，白天0係公司，我經常發夢唔知做咩，一份一個小時0既工作，我得花上比別人多0既時候完成，都全因為我不專心，腦未全開。食左午飯，力量就開始0來啦，越做越起勁，做下做下就停唔到，我經常樂在奇中，幸好我並唔討厭自己0既工作，敬業樂業。不過對住數字同埋日期係最費神0既東西@ 一拎住個CALENDAR，我又可以發夢發'牛豆".....
這一晚Ishiguro san留得最夜，stanley，阿寶同埋Timothy都好夜先走，令我感覺唔係做到好遲先走。9點之後，我翻我同Ishiguro sam 兩個人，佢老了，行起路腳步聲特別大，鞋好似特別重，見到佢0既樣，一臉倦容，不過仍然堅持每日最早翻公司最遲一個走。我都尊敬佢! 雖然我0地言語不通，abcde 就係我0地平時溝通0既工具!@
每一日翻到翻公司，都已經見到佢0係度睇報紙做0野，每一次我入去同佢講0野，佢都會面帶笑容，好似一個爸爸咁，我唔係見到佢對每一個人都係咁，所以我好興幸@佢好似當我係女咁@ 每次佢好嚴肅咁開會，聽電話，打梗電腦或者係眼都唔眨咁睇梗文件，我入去收佢飯錢、做文件比佢、同佢say goodbye又或者係通知佢有人客到要閞會0既時候，esp 放工同佢say goodbye，佢都笑住同我點頭、say goodbye、say thanks、say okay!!!! 每一次開general meeting，大家都會有schedule同老闆匯報，哈哈，我每次都會係 "no schedule, hahahhhahaa"......@@@@@@ 今日9月24日破例地我有多一句不同0既response，"I will go to yusen warehouse with regina, poyin and ramboo".....佢同我講，下個星期，我會開始忙那隻什麼什麼model，"you will start busy in next week"，我無有識死，好坦白咁同佢講，" this week starting busy already......" 佢仍然係用翻佢一貫0既笑容回應我@
9月20日-21日@ 終於可以好好休息一下充充電@ 到外面呼吸一下其他空氣，食一食地道0既食物@
9月22日@ 新的一天，又再重新投入工作@ 睡夠一點，冇咩打'喊露'@ 放工之後同布歐去左又一城，呢條友要去GOD買咩鬼0野香薰，仲要係指明0個隻，點知抵死去到先見到間0野已經執左笠。佢好失望，呵呵，唯有去食飯，KFC 係我0地0既不二之選，佢0個盒死人爆谷雞，食唔晒又要叫，係咁迫我食，配埋0個D味道不倫不類0既芝士粉，簡直係要命呀@ 佢仲請我食左個葡撻@ GREAT!
0係香港唱片裡面行左好多個圈子，我決定買兩隻"小雙俠" 1-6 集睇，價廉物美，重拾童真，$50就有3隻，我搵唔到千年女王，亦都冇銀河鐵路999，因為我根本就唔識分有咩分別，只係見到有好多卡通片0既COVER有好多類似千年女王0既樣0係度， 所以到最後我都只係買左3隻小雙俠@ 布歐買左好多我唔識0既0野，japaneses.........，唔知有咩特別，佢一隻呢d japanese已經可以等於我20隻小雙俠啦@ 我寧願買晒所有小雙俠都唔會買一隻咁貴@ 好滿足，滿載而歸，去Log-on睇下"雜物"，講拜拜0既時候已經係10點幾啦!!
RELAX@.......
9月23日@ 工作堆積如山，持續有大半個月了。壓力無形之中產生了。是好是壞我唔知道，不過對於我0來講，是一種鍛鍊@ 鋇0既0野多左，有責任感0既說話每一日都要講，有憑有據0既0野每一日都要做，只說一次0既事情只應該聽一次，不過我仍然希望我享有無限做錯事0既機會。要做0既事情越多，我0既腦就越轉得慢，時間越早個天越白越光，我就越諗得慢做得慢。好多大大小小一東二西左三右四0既事情都來來回回，源源不絕@ 人0地周期性地話比我知 [你個樣殘左呀又]，呢個周期又翻0來啦。雖然唔係唔夠訓，亦都唔係唔想做，(相反有D越做越興奮)，亦唔係好難做做唔掂，不過呢兩期自己都懶左，特別係工作以外0既時候，懶左講說話，懶左食0野，懶左睇電視，懶左打電話，甚至懶左聽電話，懶左去諗0野，去決定0野，懶左去問，懶左去答，對手懶左去拎0野，懶左去行多幾步...........一句講晒，個人懶左，唔係訓坐0係度咩都唔做，亦都唔係訓0係床咩都唔理，只係，整個人好似放慢左節奏，喘多左幾口氣@ 有時，就連耳仔都想休息，mp3都唔聽!!!
不過我知道自己正處於挑戰期及改進期@
雖然懶，不過我積極咁去搵自己想學0既0野，今日，係我第一堂日文班，比我想像中有趣，好似小學生學寫ABC咁， 不過亦比想像中複雜得多@ 我冇睏眼訓，精神奕奕咁上完左呢堂@
9月24日@ 多勞多得，接過糧單，再接再厲@ 可以留耐一點，不過偏偏我冇key，同事們又認為對我0來講危險，所以我做左最後走0既兩個@
9月26日@ 今晚我又做左最後走0個兩個，明仔同我一樣，做到沒完沒了。我最鐘意就係夜馬馬得翻自己一個0係公司做0野，好靜，好free....當然總會有一個人同我一樣留底鎖埋個大閘。越夜越有精力，所以我白天，都唔係做左d咩。老闆0佢地呢排好似身子唔係咁好，所以我留底佢0地都唔0係度。Regina比左一大袋零食我，一路做一路食。雖然到最後都係做唔晒，不過總算鬆左一口氣@ 同明仔雙雙十點走人@佢做到個樣都已經......啤左@
多勞多得，近期我仍然係少說話多做事@
入到惠康，買左好多菜，雖然我記得仲有一包青椒。買左一罐茄汁吞拿魚，好耐冇食過，真係好耐好耐，我買翻以前食過0既同一個牌照子，沒什麼，只因見到它，突然好想食翻，又記得佢好味。味道一樣@ 不過我會想起一個人。 等於有好多0野，我見到，都會諗起唔同0既人，一條街，一種香水味道，一間餐廳，一齣戲，一個巴士號碼.......甚至乎一種小食。
雖然我已經工作左13個小時，11點幾先食晚飯，不過我並唔覺得累，我仲好精神，差不多3點我先訓教@ 計落由起身0個刻， 我足足活動左接近 20 小時@
9月28日@
3點前，我趕緊吃埋最後一啖飽。
我為自己準備左一條顏色有d土0既大毛巾@ 嘻嘻哈哈同南慧欣開始了......
腳掌對腳掌....兩邊上下搖動鬆弛@
左腳伸直(對我0來講，係其一難度)，右腳屈曲放於左腳膝蓋上，一手放於右腳下端，一手接下膝蓋，重複@一手放於右腳上端，一手拿著腳掌上下搖動再左右搖動@再打圈....vice versa@
-_- 由於骨頭太硬，我不適宜放0係腳上，只放0係地面@
蓮花坐@ 單邊 @一邊膝蓋貼地 @雙邊@ (我做不來) 兩邊貼地@ 只有交叉最舒服@
腳屈膝，腳指尖貼地，屁股坐腳爭，腳爭貼合@再放平腳掌，腳爭貼合@
有d腰痛，還頂得了....
盤膝而坐，放鬆頸以下0既地方，姆指同食指接觸，垂下放在膝上，relax...下巴向下貼往心口@ 下巴向天花板拉伸@ repeat 上下伸張@
面向左右移，停留片刻@下巴貼心口，耳向肩膀左右貼近，keeping 下巴貼著心口@
下巴向天花板，keeping向上伸，向左右兩邊轉，feeling stress.....
將所有動作combine，大轉圈，keeping slow...左兩次右兩次(sugegst 朝朝早起身做一次，整日工作精神奕奕)
@拍打頸背......
@雙手輪流拍打小腿，relax muscles
@屈曲膝蓋，雙在上掃圈
@伸直雙腳，吸氣，手向上伸，呼氣，往腳上放，relax on legs，膝蓋keeping 貼地and直，腳踝向天，來回做幾次。
@ 站立，腳分開與肩寬齊，膝蓋微曲，腰部以上隨意轉動，手隨意垂下，腿不動@
維持一向作風，我同南慧欣仍然係最嘈，笑到癲左@ 我覺得好輕鬆，好舒服，雖然我條腰骨好痛，不過我一d都唔覺得累，我覺得好free, 個半小時感覺好充實@
最好笑係，南慧欣帶左自己張臭被去@
感覺好似游左一整個下午0既水，肚子餓到非常交關@ 數清楚係半小時，就安心了@
有一包海鹽，好天然好放心@ 好"la".......仲唔小心跌左落粒飛滋度，阿媽救命，出血啦@先苦後甜，殺菌消炎.....臨時做左panadol@
大家姐送左條溫暖牌面巾比小妹@
############################################################################################################
It's late in the evening; she's wondering what clothes to wear. She puts on her make-up and brushes her long blonde hair. And then she asks me, "Do I look all right?" And I say, "Yes, you look wonderful tonight."
We go to a party and everyone turns to see This beautiful lady that's walking around with me. And then she asks me, "Do you feel all right?" And I say, "Yes, I feel wonderful tonight." I feel wonderful because I see The love light in your eyes. And the wonder of it all Is that you just don't realize how much I love you.
It's time to go home now and I've got an aching head, So I give her the car keys and she helps me to bed. And then I tell her, as I turn out the light, I say, "My darling, you were wonderful tonight. Oh my darling, you were wonderful tonight."
~ eRic clapToN~
############################################################################################################
9月30日@
成日個都有d呆，唔係沒精打采，只係總係欠d咩咁，自己都講唔出係d咩。雖然係只係一個鐘頭，不過開一個會，比我感覺好充實，氣氛有少少緊張，又有少少....又close又輕鬆@ 不過我好怕d0野唔夠時間做，好容易好冇耐性，一遇到呢d情況，我就會靜，好靜好靜咁，等自己慢慢0來，.............. 時間一過左，感覺0野工作一路一路咁減少梗，心情又會變翻正常@ Jenny講得0岩，我應該襯下午0既0個兩個小時等自己透一透氣，鬆一鬆@
我0地幾個被欽點0既，坐左Yusen 個經理架車去荃灣，嘩，佢呢架係Benz 0來ga，好舒服，經理真係經理，服務週到，井井有條。雖然我0地只係參觀，同睇下0佢地幫我0地整0既system，不過個過程都幾serious@ 裡面好大，好大，比我0地同個倉，就已經有我0地成間公司咁大，佢服務0既客當然唔止我0地一個@ 我好鐘意同我0地做0野0個個經理,佢好鬼man，雖然佢個樣係一個正常0既本地人樣，口齒伶俐，有口才又有說服力，說話同問題永遠都係又到point又一針見血，challenge 人0地得0來又有威嚴，不過佢擁有0既係一個日本人名稱@ 佢講0既廣東話比我0地還要字正腔圓。橫睇掂睇都唔似係一個日本人。我記得佢第一次0來我0地公司，著得好整齊，好smart，講0野客氣得0來好能夠令我全神灌注@ 佢仲讚我沖0既茶好清好難得飲得好舒服@ 今日見到佢，著得好causal，有d似保安員0既uniform，不過睇落去佢都仲係最smart 0既一個@
0係小房裡面開左個小會之後，我0地就去左睇佢地工作0既地方，為我0地公司服務0個一個小角落@ 好認真，好細心0既分析@ 睇得好滿足@ 兩個半鐘頭之後，我0地幾個就坐翻taxi 翻公司，一見到0個d堆積如山0既工作，我又開始頭痛。Luckily幾個都諗起OT 到10點，所以我又可以順理成章有得留底。
越夜越精神，本著呢個精神同習慣，工作到夜晚0既10點其實唔係太有難度，不過相反，每一日0既上午要我集中同detail mind，我都唔係好易做到@ 7點半，我0地準時叫左M記外賣，一路食一路做又一路講0野，時間好快就過@ 今日太古個Nardo又0來左幫我0地整機，我竟然好唔小心咁有d大聲問Jenny [Nardo去左邊呀?]講完擰完頭已經見佢企左0來度，希望佢唔知自己叫Nardo啦@
經過老闆0既確認之後，我0地全部女仔都坐的士翻屋企，架車開得好快,奇快，esp. 0係龍翔道，我仲驚自己翻唔到屋企。落車0個下記得問司機叔叔拎翻張receipt，多謝$108.8@
10月1日@
國慶，都唔知有咩好慶祝，都唔知有咩咁開心!? 新年開心d，聖誕節開多d，國慶都唔知有咩咁特別，煙花都唔知有咩咁好睇，你估d人睇煙花真係因為國慶所以開心咩，個個至在有得"嘩嘩聲"之嘛，你估d人真係咁愛國咩，理都理下自己先啦@ 國慶有假放係人都開心啦@ 冇事冇地放煙花d人都鐘意嘩嘩聲啦!
夜晚我選擇睇戲，<無間道II>，第一集唔錯，今日訓醒聽到收音機D人話佢幾好睇，就係咁，我就決定呢套，何況，我對其他任何一套中西日韓都冇興趣@ 我好鐘意黃秋生，好man，好有我心目中0個種男子氣概@ 粱朝偉0個d叫灑洒，劉德華0個d叫型，余文樂0個d叫"靚"仔，陳冠希叫style，曾志偉叫有料，吳鎮宇叫正，不過黃秋生真係好man好豪氣好男子氣概，再加埋佢0地咁多個0個d優點@ 劉嘉玲真係好有女人味.....
睇完套戲，好夜，翻到屋企，家姐同佢男朋友都0係度，不過佢0地兩個竟然同阿媽討論梗d男男女女情情愛愛既問題，我都加入左呢個論壇.........最後0既結論係我0地成家都係癲0既@.........
10月3日@ 大家姐又失戀啦，唉，唔係我冷血，係我感情唔夠佢豐富，而且我唔係當事人，...好難感受到大家姐0既遭遇@ 不過大家姐好認真，未來姐夫今次可謂衰多口，飲多酒。大家姐唔易做，毅力又特別驚人，仲嚇死人@ 我有想像過如果我係大家姐我會點，一係呼天搶地，一係一走了之@ 不過談何容易，世事有咁容易解決就好啦
.............
############################################################################################################
彷彿似是歡樂 彷彿也是冷漠 誰愛你 誰惡你 似是明白
誰可將明天的一切預告 是苦是甜是真驟然是假 始終多幻變
一切如何辨證怎對認 世事何曾是絕對
彷彿似是真實 彷彿也是美夢 沉醉你 迷惘你 多少惴猜
旁觀的誰可解心裡妙態 是雨是晴幻想 無形沒終止 夢境多別緻
一切如何辨證怎樣認 世事何曾是絕對
彷彿似是醜陋 可知也是美麗 時間已培養了親切感
傳統的成長中早已烙印 是美或然是醜 如何定分界
多麼古怪 世間內甜辣酸苦完全是心態 是最奇妙古怪
@ 7-Oct-03
...............................................................................................................................................
10月11日@
雖然過程係一個享受，不過半邊身體竟然係酸痛得要死。我唔明白點解會咁，是真是假其實都已經唔係咁重要，唔想聽0既都聽左，唔想講0既都講埋，點解?
可以撐到幾時，大家都唔知，付出過被視為乜都冇做過，偉唔偉大，人人睇法唔同。計時炸彈就誇張左d，似汽球一樣唔知幾時會爆@ 後唔後悔都唔需要諗，改變係一d可能都冇@ 是苦是甜是真驟然是假始終多幻變， 一切如何辨證怎對認，世事何曾是絕對 @
原來10次有10次都係我0既問題。同任何一個人相比，你都會認為我冇可能係偉大0既0個一個@ 我都曾經懷疑過自己點解好似蝦咁冷血，我唔識答自己，因為我覺得自己唔係@ 我成日都覺得自己做左d0野，點解相對人0地會視而無物，可能對於我呢個平凡0既人，做左好微細0既動輒可能係大件事，少少0野都可以當左自己付出好多@ 可惜我是一個自私0既水瓶座@不是嗎?
...............................................................................................................................................
10月16日@
又一個星期，算忙唔算忙，亦唔講得上清閒，只係在家的時間少了，訓0既時間又少左@ 不過充實得0來身心都覺得比早一陣子健康了點@星期二晚去上日文班，疲倦得我成堂都在釣魚，釣左成個幾鐘，生字詞語又學少幾個.......我決定下次帶個mp3去錄音，抵好多@ 呵呵.......落左堂精神奕奕，搵左Pitti去shopping。傾起大家姐就成肚火，不禁破口大罵，咩公仔面........簡直係不知所謂@ 正如我0地認為，浸豬籠都便宜左佢@ 完全係啤晒!!!!!!!!水性陽花@
今個晚上，我滿心歡喜咁做晒我手頭上0既0野，同阿keith傾左陣電話，6點半就準時閃人，近期0來講叫做比較早放工@ 我0地去左銅鑼灣食飯行街，時間大約有個半小時，去左時代附近0既橫街食米線，服務周到，環境簡單舒服，食品質素良好，抵食兼平靚正，對於0係銅鑼灣0既心臟地帶0來講，超級抵食@ 之後，我興緻勃勃去時代上堂，今日係第一堂，我終於開始左我0既第一堂。 我帶左自己枝flute上去。等左5分鐘，我老師出0來wellcome我@ 我一路都諗我老師係一個咩樣0既人， 音樂家同藝術家個樣就最難估，不過我老師比我0既第一個感覺係，好音樂家感覺@ 佢唔係一個純種中國人，係mixed，高高大大，大肚腩，光頭，一對外國人0既眼睛，講好純正0既廣東話。學flute比我想像中0來得疲倦，不過我一d都唔想浪費一個星期難得0既一個小時，幾疲倦都要跟足@ 阿sir話d牙生得唔齊好難吹得準d音，加上d牙又突突0地，就會有少少漏風@ 阿sir要成日幫我搵準個入風位。心理上，當我吹得出個音又準又正又冇走音0既時候，心裡面都會感到好興奮好開心，雖然報名比錢再買笛呢d steps一d都唔難，要做0既一日之內都做得晒，不過自己安排計劃可以慢慢實行，有滿足感@ 一小時話咁快就過左，我買埋本exercuse book 就 走人@ 我知道自己要放好多時間落去練習@
希望後生都仲剩翻幾年十八廿二0既時候，多d學新0野，如果唔係等到骨頭硬晒個腦實晒先學就太遲@ 雖然周身刀冇張利，我寧願多幾張刀好。三分鐘熱度有好處@ 忙0既時候，想再做多d0野，用盡d時間，休閒0既時候，想再休閒一點@ 不鐘意訓教，騰出多一點時間，又可以做多一樣@ 我冇做狀元舉人0既心態，天生與獎學金、first hon、提名、推薦無緣，呢d命運隨小學畢業已經唔再屬於我@ 可能一路以0來都比好多機會自己試好多0野，希望搵到一個真正屬於自己0既專長，我唔要做醫生律師，專材多多的是，多我一個唔多，少一個又唔少；細個想做一個賢妻良母，想過做社工、地理學家'、想做收銀員、清道夫、巴士司機、圖書館工作者、社會工作者，而家想做一個劍者，收藏唔同長短大小重輕金銀銅鐵；我冇目標，任何工作對於我0來講冇咩所謂，作用就係一個後盾。細細個阿媽就比我0地學好多0野，@_@睇佢煮飯洗衫洗碗打掃抹地車衫織頸巾，巡例有翻少少打償，比人0地交學費仲要抵@ 二年級阿媽車左兩件跳舞衣比我0地去學跳土風舞，粉黃色的，0個時我唔鍾意，因為冇花邊唔似人0地d芭蕾舞衫，著住對技巧鞋，落左堂著住套衫跟阿媽去街市買菜@ -___-!! 小學能文能武，畫畫唱歌吹笛跑步年年名列前茅，印象中考試冇讀書@ 記得大個左之後學古箏，唔可以增加自己0既優雅，仲因為懶惰同頑皮，我0地0既老師唔想做我0地0既老師!!!! 個古箏就咁放左0係度十一年，....之後阿爸買左個電子琴比我0地，自己買左本琴書自學，就咁識左海鷗呢首歌@ 學素描好難，一枝鉛筆就可以畫出好多真實0既0野，我仲記得自己畫面包好似一舊三文魚壽司、茄子似青瓜。學急救考試唔pass...上堂一仆一碌笑料百出，上興趣班我唔鍾意考試，要考試我唔會讀書@ 早年毅然去左考醫療輔助隊，第一關已經難到我0既高度，鬼叫生得矮小@ 憢幸過到.....最後0個關竟然名落孫山@ 試過先知道考呢d專業人員0既要求，原來考警察消防救傷一d都唔易!! 陸地唔得走左去學獨木舟，唔熟水性，沈入海中心係一個要挑戰自己心理0既關口，整個過程都唔係好驚，只係慨嘆自己個子小，力氣唔夠大，血壓唔夠高欠缺爆炸力，不過感覺係暢快的，只係幾日就可以連過三關，我對李麗珊那一門冇興趣，對揚帆乘風卻感興趣，一心多用，都唔知幾時先記得去做@ 就係行過一個小車子檔，引起我學陶瓷0既興趣，咁多年來0既製成品，其實都唔係咁滿意，雖然實用，不過冇咩滿足感@ 雖然我唔係因為'人鬼情未了'，不過坐落做落，feel唔到有電影0個種romantic，唔想咁作嘔；只係..同d泥磨擦，有一種好軟綿綿、好滋潤0既感覺，佢唔似一舊泥，好舒服，任意控制，真真正正屬於自己0既泥@ 做得唔好可以再0來過，你可以改變最後0既結果@ 全部都係自己一手創造@ 人大左，骨頭硬左欠缺定時活動，所以想做多d 令四肢靈活0既運動@ 我去左學瑜珈，打好一個基礎前奏，我就可以去玩太極同功夫@ 再進一步可以嘗試跆拳@ 對於我呢d長年累月0既老化，筋骨唔等洗，小小動作都唔能夠維持長時間，仲要叫生叫死呼天搶地，所以就利用瑜珈令自己部機器keep 住running~ 身心舒泰，又後生多幾年啦@哈哈@ 時間用唔晒，所以我去左學日文，giligulu唔知想點，希望可以有耐性有毅力keep到次次上堂@ 最近我開始實行一個目標，終於去左學長笛，並唔係'原振俠' 0既關係，係情有獨鍾@ 牙齒生得唔齊係一個大忌，個口漏風，頭昏昏就的確有，不過吹到出0來，好大滿足感@ 下一站準備攀岩，別人說驚，更大膽0既都跟我說好驚，驚得無法形容@ 0係真正0既戶外做咁高難道0既動作，我諗比起攀石，攀岩來得十倍驚心@
10月18日@ 一個人活左接近50個年頭，副機器開始唔聽洗，要入廠大修。醫院裡面人流同商場0既人流拍得住。不過我極唔鍾意坐服務台0個個人，冇耐性不特止，比面色人睇先係致病傷。我心諗，咩事咁巴閉要咁唔耐煩呀，問我地址改左去邊，幾多樓都有中英文分啦，自己唔識問要勞煩我講多幾次我都未出聲佢竟然夠膽死比面色我睇，我已經大大聲同佢講中文就咁英文就咁，洗唔洗問佢想揀邊個，鍾意邊個? 個樣就已經唔係好gala，有咩資格我0來睇病要睇埋你面色? 呸!!! 好似拍戲咁，偶而有d警察0係處理案件，擔架上面訓左d隻手血淋淋0既後生仔，睇落似打完架咁@ 大部份護士阿嬸阿叔都唔係好有耐性，可能星期六仲要翻工心情唔好啦@ 我見阿媽肩膀痛到坐唔直，我行左埋去個護士度問左一個問題：「可唔可以幫我阿媽打止痛針?」或者我冇咩常識，個護士同我講：「我同佢打我要坐監0架!!!」-_-! 突然之間覺得自己好"law"...好唔make sense!!!! 搞左成朝，行去東又行去西，卒之搵到個方案，雖然冇咩解決左0既感覺，不過叫做好過冇@
我同自己講我知道做女0既我跟住落0來要做d咩....
黃昏，我寫左隻字比阿媽就出左門啦@ 同阿keith0係沙田行左陣，食飯飲0野坐左好耐，心花怒放，見到佢咁開心，我都因為佢咁開心而開心@
我發覺身邊0既人，或多或少開心了，又樂觀了，變積極了，亦變可愛了@ 亦都老了....
老了，就要多動手腳，今日，10月19日，上第四堂了，我同布歐0既聲浪擾人，Miiss就好似d阿媽教仔咁成日叫我0地專心同集中，仲話：「後面0個兩個成日都學得咁開心，加埋前面呢3個就真係不得了。」
次次落堂都肚餓到死，唔理3-7-21，唔理咩半個小時內建議不進食，就叫左個大餐@ 翻到屋企，欣賞四葉草。
@ 佢0既那隻狗，我希望佢會過到呢關，希望佢可以翻翻去佢身邊過埋佢最後呢段時間，同個主人分開咁耐，跟左個冇良心0既主人，浪落街頭，好彩得漁農處執到，可惜得知佢患左cancer，最應該就係快d翻屋企，做埋個手術，健健康康咁生活落去@
見到lan妹咁健康，我又要好珍惜咁同自己講：「我要對呢隻死0野好d。」
********************************************************************************************************
10月20日@
其實大閘蟹都唔係真係咁好食，我都係比較鍾意食最普通0個隻@ 食完個肚有少少唔自唔在。臨訓前我練左十五分鐘笛，發覺要吹得順，運氣運得好，風位吹得正，聲音清，仲有一段幾長0既時間。我唔想一開始就同自己講，係因為自己0既缺陷所以有excuse等自己吹得唔好，我要try try try my very best@ 我唔可以辜負左我辛辛苦苦搵翻0來0既錢，同埋每次見阿sir時0個唯一0既一個小時@
個肚囉囉luen 唔知點咁~ 唔會係大閘蟹0卦~~~??!!!
Lulu話比我知佢對眼有事，可能要做手術，希望唔會係咩大問題啦，後生女咩都捱到0既，最緊要唔好有事@ 平平安安~~~ 身體健康@幾多錢都好，可以換翻自己對眼翻0來，就咩都唔重要啦，幾千蚊重要定係對眼重要呀???
多左一日休息，發覺可以好悶，都係充實d好，唔想坐0係度睇住d時間就咁就過左..... 不過見到阿媽做物理治療有用
佢隻狗終於可以翻翻去個主人身邊，仲好似咸魚翻生咁，我諗隻狗都開心到唔記得自己有cancer，個主人好開心，隻狗事隔咁多年都仲認得自己，雖然佢唔知道佢可以陪住隻狗過多幾耐，不過就算佢要離開，都唔會係孤苦伶無親無故@ 見到隻狗翻到屋企表現出0來0個種興奮，個主人都應該暫時放底佢內心0個種憂慮，開開心心陪隻狗生活落去@ 冇人知道佢之前流落街頭0個種辛酸，又唔知道點解佢會得左cancer，唔知道佢0係出面點樣過日子，點樣冇0野食，不過至少佢而家見翻佢主人，佢識得搖尾，佢識紮紮跳，已經証明佢已經將之拋諸腦後，開開心心@
這一夜，知道主人0係佢身邊，呢隻狗好早就訓左教，仲訓得好好tim，相信好耐好耐佢都未試過訓得咁好!~~
10月23日@
真係好恐怖，0係快餐店裡面，我睇住一對痴纏0既情侶，男的漸漸靠近女的身邊，用手圍著佢0既頸，狀甚親暱@ 突然伸出一把剪刀，就咁使勁插左落去個女0既頸上面，女方極力掙扎，我眼白白睇住把剪刀就咁插左落去，女的當場死亡@ 倒臥0係快餐店0既地上，冇一個人肯理佢，肯望佢一眼~過左好耐都冇人理佢，突然之間佢竟然醒左仲起翻身，有架救護車0來左，...........架車車左我0地去(唔知點解我會0係架車度) ..唔知邊度~?!! 過左一陣..................我就醒左，醒0個下真係有發惡夢0既感覺。
好忙好忙，又係好忙0既一日。留0係公司食晚飯，食McDonald's@ 3個餐竟然有兩個人送外賣!
總係有做唔完0既工作@
10月25日@
今日訓得好足，一起身就幫阿媽搽跌打酒，又整0野比阿媽食，好悠閒咁過左一個下午@ 黃昏0既時候出門@ 今日心情有點愉快，亦比平時0既假日輕鬆及開心。
清涼0既一個星期六，過得頗舒服，亦暢快.......好耐都未試過!!!! *v*
小狗看過醫生，決定星期二要做手術了，生死未卜，不過牠仍然生命力頑強@ 祝佢一切安好及順利@
10月26日@
早一日，布歐打比我，話佢收到Air Cadet封信，接受左佢申請，安排面試同briefing。佢唔講我都唔記得左有呢件事，翻到屋企，果然見到呢封信，真係唔記得幾時寄過申請表啦，不過日期竟然同星期日0既活動0岩0岩撞左期，撞到正@ ...... 不過如果0個邊可以早少少走，都可以趕得切去個briefing~...唔知呢個team好唔好玩gala? 殺到埋身有少少怕會太認真@ 點都好，一試無妨~~
訓醒左，0岩0岩大廈停電3粒鐘•悶左一輪之後就去上堂啦~ 0個個咁0既布歐，竟然可以呢個時候都未訓醒，唔知醒上堂，好彩都叫做趕得切! 今日上堂0既人數少左，難度又高左，出0既汗又多左，不過發覺做0既耐力改善左。呵呵!! 上完堂仍然都係咁肚餓，我0地又去翻平時0個間茶餐廳@
10月28日@
今日公司少人得很，唔係去左公幹，就請左假，靜靜地做0野，唔錯唔錯@ 今日冇OT，五點半就走左，不過個死人布歐學人遲大到，真係想一拳鍋落佢度......0係黃大仙行左好鬼死多路，先去到個centre 附近。0係附近茶餐廳食左個牛腩河，好好味，不過布歐d 粗面吸引d # 老闆娘又好招呼，真係想瑜珈都搬埋0來呢度學，咁次次都可以有平靚正牛腩面食@ 我0地大搖大擺遲到左15分鐘先上去，都唔係好多人到左je!@ 個阿sir睇落好smart，雖然係一個阿叔，不過係一個好老練0既阿sir@ 佢好瘦，不過好實....好結實0既muscles......@ 我0地每人都要填一張"生死狀"，証明自己肯接受呢d高危0既活動。阿sir 好後生0既時候，聽佢講，7x年開始接觸攀岩攀石，已經熱愛攀山活動，一路都影左好多相作為留念@ 佢放左d 幻燈片比大家睇，等大家有個心理準備係咩一回事。佢d相影得好靚，而且影相0既位置都幾高難度。聽阿sir講左好多佢咁多年以0來攀岩攀石0既故事@記得佢話佢成日都會拋低工作去玩，試過有一大清早佢拎晒d工具去左獅子山準備攀上獅子頭，有個晨0既阿婆見到，竟然諷刺阿sir無聊，獅子山本應就有一條路比行山者直通上山頂獅子頭，佢諷刺阿sir明明有條路可以比你咁走，何解要花上一日時間帶咁多工具只為爬上山頂? 所為何事??? 一點目舷都沒有@ 係咪有d冇0野搵0來做，自己拎0來衰? 阿sir認為阿婆呢d說話比左好大0既啟發佢，令佢知道自己0既要求，更清楚每個人對自己0既要求各有不同，雖然人0地會覺得冇咩特別目的，不過佢就係熱愛呢個運動@ 後半段時間阿sir教我0地紮繩索，可以0係出field當日 應用到，講埋所有裝備同埋當日要帶0既0野，走0既時候已經差不多10點@ 好累好累，半天吊0既地點搞到我要坐巴士出土瓜灣再坐奪命小巴!!!!!
10月29日@ 媽媽生日，我同佢0係屋企食牛什粉慶祝@
11月1日@ 今日下午翻左去poly同阿Fung、Lulu同阿Sam影畢業相! 淨係舞佢件畢業袍都舞左好耐。影相0既景點同我0地上年差不多，不過見到校園裡面有好多0野都翻新過@ 又比我撞到Vanessa同佢男朋友、屋企人一齊影相! 影影下阿Sam 衰衰0地走左去搵人，好鬼死耐都唔翻0來，搞到阿Fung不知幾嬲! 影到差不多天黑，我0地就走lu。我0地陪左阿Fung落去尖咀買白色恤衫，之後我就走啦!0佢地兩個就自己呵呵呵!!
頂.............要我講幾多次呀??? 真係好想一拳鍋落去.....
11月2日@ 今日高高興興出發去參加攀岩訓練班。不過總係美中不足........點解....
上次上briefing 0個個何老師，帶左4,5個教練同助教0來，同埋我0地一行20幾人，浩浩蕩蕩0係彩虹出發。我滿心歡喜0係小巴度咬三文治，咬唔夠3分鐘，竟然話咁快去到飛娥山0既營地(依我印象係Good Hope School 0既附近)。一落車有要行山路，行足十幾分鐘，又多沙石又斜又窄，我0個舊食左一半0既三文治就咁含左0係個口度行足全程@ 上到山，已經有d 熱愛親近大自然0既人0係度擺爐煮0野食@ 我0地0係個帳蓬下面休息一陣，就移步去隔離0既山頭.....0既其中一塊大概有十呎高0既大石，阿sir要求我0地徒手爬落去，雖然只係一舊唔係好大0既石，不過都足以考起我地@事關佢又大又直又滑，十個有八個都叫晒救命咁，包括我自己@ 每一步都有阿sir, miss 0係旁邊教住，阿sir出埋手成日打人0地隻腳叫人快d......又托住人0地d鞋跟整到d女仔呱呱叫@ 睇就易做就難@ 一路做，旁邊0既人都會幫你打氣，為你鼓掌@條氣都未透順，大家就移屍去左另一邊山底，當d教練同其他助0係幫大家準備道具set point，何老師就帶我地做 熱身，講下步驟@ 教埋同partner做belate要注意0既事情@ 打好d8字結， 保護好自己，做belate人0地時候應該要做0既動作、方法；做比人belate0既又要識得自保護好自己@ 我0地學習叫口號，學習點樣配合@ 肚餓0既有肚餓0既食，夠勇0既已經一枝箭咁向著0個座三十呎高0既山邁進@ 我仍然希望熟集一下繩結同埋爬山0既technique，所以我同有歐坐0係下面睇左好耐，見到人0地差錯腳半天吊，叫晒救命，見到有人筋疲力盡冇晒心機，叫個belate幫佢一把拉佢上去，見到有人努力不懈，我一一睇晒入眼，有點擔心自己，不過我知道體力不勝別人，所以我只想自己盡全力，完成目標。我見到有人potential十足，勢要克服大自然0既態度@ 見到人0地落翻0來個個都笑晒口，知道大家一定得到一定0既滿足感。雖然有人擦損晒對腳，不過都笑得好自豪!!! 唯有阿sir，著住對好似白飯魚0既爬山鞋，連安全帶都唔戴，唔洗一分鐘，就好似隻蜘蛛咁爬左上去山頂@ 阿sir好似d野人咁，又瘦又黑，不過四肢肌肉及7達，戴住d滕帽，包住條毛巾，就好似d深山野人咁@ 睇住都有一半人上左去山頂又做埋belate落埋0來，點都輪到自己。睇人做同自己親身上場係兩回事@ 我好小心翼翼咁綁好我自己0既安全帶，比助教檢查過我就"上路"啦@ 我第一次同d山0既表現有咁close 0既接觸，我望住d石繨之間0既空隙，既要配合手又要利用腳，布歐0係上面同我做belate，雖然我見唔到佢，不過我對佢100% 信任佢belate到我。行唔夠兩步，我已經發覺有d難度，一來山0既表面好滑，二來佢同地面成一直角@ 我心跳開始加速@ 不小心就溝腳向下跣左兩次@ 下意識我用手拉著條繩索，不過教練叫我唔好......辛辛苦苦爬翻起身又再繼續向上爬......頭尾跌過3,4 次，我終於爬上30呎高0既山頂@ .....我氣喘......但又興奮得莫名....我向下望過自己爬0既地方，很高....@ 我拆了自己0既繩索，叫埋belate off 口號，我就坐0係呢個頂部，為下一位做保護.....雖然輕鬆得多，不過一定要打醒十二分精神@ 爬上0來0既係一個高手，她好有膽量，樣子好勇敢@ 落了山，我發覺自己)既手睜受左傷，擦傷了@ 我連忙吃過三文治，補充體力，飲了很多冰水....
休息了一會，我0地向更高難度進發。去到另一邊山頭，見到阿sir 佢0地準備游繩下降@ 因為我同布歐要早走0既關係.，我0地同何教練講....佢0地允許並叫我0地先做頭兩個犧牲品@ 一步一驚心。我一直都叫自己唔好望落去，不過一不小心就會見到向下幾十呎0既高度.....我頓時腳仔都軟埋，手一直都牽著繩不叫自己放開...我又好驚自己個身體側埋一邊半天吊，我望住前面幅牆目不轉睛@ 續少續少向下落，最緊要係保持平衡@ 落度去見到有好多人0係下面'侍候'自己，安全感又翻晒0來啦@何教練仲同小萍教練講"佢隻腳做得幾好，個平衡拎得幾好"....何教練帶翻我上去山上面，繼續睇其他人玩。我0地同何教練吹左一陣水，話比佢知我0地不久0既將來會再捲土重來@ 一張証書，比左50蚊。時間太少，我0地要先行走先，有個學員very nice，佢幫我影左d相，比左個email佢，講左聲thank you，就同何sir講拜拜@ 何sir好好人，好講得笑，笑0係上0來好似一個老版劉德華@
唔行唔覺，我0地由飛蛾山行翻落去彩虹巴士站，對腳好酸軟，腳踝又好似扭扭0地咁@ 啦啦聲我0地就趕去啟德，時間0岩0岩好，仲有好多時間洗個面執翻正個人。呢個HKACC 0既 briefing都幾多人0來，仲撞到我以前lsgi 個同學Anthony，大家坐埋一齊聽呢個briefing。可能我0地兩個都太疲倦0既關係，一齊Fishing，Q&A 時間好鬼多人問0野，有D阿SIR級0既人0來左join，有d好似我0地呢d二打碌，有d 師奶又有d 行軍咁0既樣@ Briefing之後去左個board睇下編排左0既interview 時間，係一個星期後左右@ 襯有時間，都同0個度d instructors同officer傾下計問下資料@大家都好nice，傾到我0地兩個又係做最遲走0個個@ 哈哈!
肚餓至極，我同布歐就行翻去土瓜灣，食左個飯就翻歸!! 好彩阿媽有枝冬青油，如果唔係我全身天日都唔洗郁!!!!
11月7日@ 唔覺唔覺一個星期，今日我0地就去air cadet個面試@ 7點半左右我等埋布歐(個八婆又遲到)，去左茶餐廳食飯，就去啟德。嘩，好多人，報到完換翻套運動衫，見到Anthony，佢已經做完fitness test。我0地坐左一陣等叫名，有個成個消防0既阿sir帶我0地落去outdoor做fitmess test!4女3男一齊做，做左少少warm up就跑100m啦@ 我同布歐都一樣，跑到過晒龍唔識停，樣衰! 男女各跑完之後就再做push up，阿sir話做到冇力為止，做到30下，阿sir就叫停左我同布歐。great ~阿sir仲讚我0地test都做得好好。有個學員仲同我0地講，佢見咁多個人test，我0地兩個都算係做得好好0既女仔，仲叫我0地加油!! 不過佢呢兩句說話令我0地有少少喜出望外@ 翻去換翻套衫我0地就等ind. interview。0來叫我0既係一個叫Ocean Wong 0既阿sir，聽講佢0既來頭都唔少0野，好似係咩PU，有d以前又係軍人差佬，聽講有d仲係以前英軍0來tim!!!!阿sir個樣幾有威嚴，又cool cool 地，同我傾左一陣計，問左我d工作家庭同興趣0既問題@ 叫我介紹下自己，再有Q&A @ 前後大概15分鐘左右@ 出0來同d現屆學員傾下計，有講有笑，好開心@ 到最後我0地仍然係做最後走0個兩個。-_-!
行翻出土瓜灣搭小巴，都已經成12點!
11月10日@
天氣乾乾涼涼，早訓了仍然覺得唔夠訓。唔係太夠訓，可能因為發了惡夢，力氣用多左!
拿著都市日報都冇咩精神睇，睇左d 大頭就掉左。翻到公司竟然肚子痛，煎熬左十分鐘....都仲有時間諗下會唔會有可能乘機請病假!!!-___-!!
忙極唔算忙，閒極亦唔算閒@
雞絲粉皮、點甜甜辣辣醬油0既抄手、酸辣湯黑金剛面、仲有菜肉飽@ 什麼時候都認為，食為先!!!
醫肚大過天!!!!!!!!!!!!!
11月11日@
聽過那個傳說嗎？耳朵癢的時候，是有人在想你。
但是，有時候，你很想念一個人，你不會打電話給他。因為，打電話給他，不知道說甚麼好，還是不打比較好。
記得嗎？你很想念爸爸和媽媽，所以打電話給他們。心中所要的，只是單純的聽聽他們的聲音，單純的想跟他們聊天。 可是，每一次，總是有太多的爭執，太多的意見不合，激動與憤怒勝過了理智，失去了那一份單純，你們以吵架收場。下一次，當你再拿起話筒，又很想打電話給他們的時候，你會猶豫，然後放下話筒。
不是嗎？你打電話給一個許久不見面的朋友。 過去，你們無所不言，言無不盡； 現在，話題卻一直在原地打轉，還是那些無謂的噓寒問暖，那些無關緊要的事，那種感覺並不好受。
從此以後，當你想念他，你不會打電話給他。
想念一個人，不一定要看見他的模樣，不一定要聽到他的聲音。因為真實接觸後，也許就是另一回事。 不要說我太愛夢想，但想像中的一切，往往比現實再美好一些﹔想念中的那個人，也比真的他再溫暖一點。或許思念好像非常遙遠，但是卻偏偏比現實更親近一點。 思念很近，電話線的那一頭，卻好像很遠，還是不打電話比較好。
耳朵好癢，你在想我嗎？我很想你，卻如何也鼓不起勇氣。 想念你，不找你……。
有沒有一雙手，握住了便不輕易放手？有沒有一個肩膀，可以倚靠一輩子都有安全感？ 有沒有一場擁抱，緊緊的讓兩個人再也不分開 ？有沒有一種約定，是相約每一個來生都要和你相遇？ 有沒有一段感情，深深刻在心裡一輩子不會忘記？ 有沒有一個人，是你用盡了一生力氣還捨不得將他遺忘？ 天長地久，有多久，能給個時間嗎？
- 節錄 -
********************************************************************************************************
11月13日@
好耐冇搵我，'老闆'Michael打電話比我。聽佢講，佢有一點點煩惱! 以前認識0既"老闆"係唔似會為呢d問題傷腦筋0既人，不過成晚佢都好苦惱@不斷食煙，又唉聲嘆氣。整晚滔滔不絕，我感覺到老闆今次都幾認真@ 做聆聽者0既同時我都會諗下自己，真係男有男0既習慣女有女0既脾性。最好笑係，老闆0個一手字。同佢傾完計，我都可以得出一個結論，老闆係一個好男人.......
11月15日@ 有了收穫，份外高興!!
碰見二舅父，老了，很多白頭髮@
11月16日@ 回暖!
吃飽了上瑜珈，感覺不太舒服@ 之前發左個八婆脾氣，無計，好想一拳鍋落佢度! 累我0係條制度行左成個鐘! 一路行我心裡面一路都用粗口詛咒佢! 食左包薯條，心情先好翻d!!!
和爸爸一起感覺真好，好親近，呢種感覺係由細到大都未試過。長大左，先覺得，大家0既相處係另一個方式。爸爸多了白頭髮，頭頂卻少了頭髮@ 爸爸由細到大都唔會咁樣同我0地相處，他真的變了，佢為左大家0既改變而改變@ 我，就好似多左個朋友! 有一樣0野冇變0既係，咁多年0來，佢0既眼神，都仍然存在0個份遺憾同無奈@
每一次食飯，佢都係由我0地話事，就算自己唔太新潮，唔食火鍋唔食生冷0野唔去0個d地方，佢而家通通都去，通通都食，為左我0地@ 我知道爸爸鐘意食魚，我點了魚，爸爸知道我鐘意食蝦，佢點了蝦。 雖然我喜歡現在0既爸爸，不過我喜歡以前0係同一個家的日子。爸爸好關心我0地訓得夠唔夠，夜晚有冇飯食，翻工開唔開心，佢知道一切安好，佢就會放心@ 每一次佢問我阿媽有冇煮飯同煲湯比我0地，我都會話有，雖然事實係媽媽唔會有好多時間做呢d 0野，我都唔會講個事實比佢知@ 因為爸爸會唔鐘意@ 一路食阿爸一路叫侍應裝湯比我0地，飲完又再裝飲完又再裝。
好耐未咁樣同阿爸同一張飯桌食飯，今次0既感覺特別近，特別溫暖。唔食火鍋就係因為，真係好難得先'爬'住飯挾菜。
阿爸話佢仲有兩個月就六十大壽，我好早之前已經嚷著要同佢搞左大壽宴宴請親朋戚友。我答應阿爸，我一定同佢搞大壽。唔覺唔覺，阿爸話比我0地知，佢比身份証上0凡年齡還要大兩年，害得我0地仲笑佢擺大壽擺唔切。阿爸越講越興奮，我知道如果真係搞得成，佢會好開心，我好認真咁promise佢，我一定會! 阿妹冇有識死，問叫咩人0來，阿爸話叫阿邊個邊個同邊個law....咩親戚朋友都叫，阿妹問：[咁叫埋阿媽0來啦]，阿爸聽完，好平和咁話，[你阿媽唔鐘意我呀，佢梗唔會0來啦，佢都唔鍾意我.....] 好無奈!!!!!!!!!!睇到阿爸雙眼有一剎那0既傷感，係每一次見阿爸最唔想見到，最想扮睇唔到0既一樣0野!!! 我見到佢咁，我會覺得自己好衰，因為我冇好好為這件事做翻d0野。
這一個晚上，我好幾次轉移話題，......阿爸一路講佢後生出香港做事0既來龍去脈，我先發現原來自己0既爸爸有好多令我佩服0既地方@我覺得佢好勇敢，而且好有上進心，好努力......鄉下0既那條運河，原來爸爸都有份起ga，佢0既經歷，有部份我都係第一次聽。以前咁多年0係屋企，因為我年少，又有代溝，我唔識同阿爸溝通，懂得了，已經不在一起，內心，有一陣陣0既刺痛!@
雖然爸爸帶比我0既係一個小康之家，平平靜靜，不過我知道佢為呢個家付出左好多，唔想聽到又講左出0來，爸爸說：[做0野好辛苦，做左屋企，做呀做呀，而家到頭來等翻自己一個....唉,你阿媽唔明白......﹞聽完之後我好想喊，不過我一直叫自己唔可以，我忍........同時，我都見到爸爸在忍著......我可能呢一世都唔會明白佢0既感受，不過，我好怪責自己，好怪自己咁耐以0來做左咁少0野，從來都冇好深入了解翻爸爸，冇take care過佢d咩。我知道自己唔應該咁樣，我唯一做0既`，就竟然係迴避@
最開心，係見到爸爸見到我0既開心0既樣。我不只有一個爸爸，我亦多了一個朋友@ 爸爸說佢0係屋企換了部新電腦，佢懂得上網，我同爸爸提議安婊視像會議，不過佢反對，因為佢覺得，見面食飯少一點都會比那個有意義@
臨走0既時候我拿點錢給爸爸，爸爸摟住我，說：[乖，你留翻自己用，阿爸仲有錢洗，阿爸知道你乖，你快d袋好去。] 爸爸更說：[唔怕，阿爸冇錢自然會問你拎。﹞他捉著了我的手，拍了拍， 個感覺......好warm，好想再留0係爸爸身邊多一點時間@
如果事情遲一點先發生，或是，我那個時候快一點長大，我想，我有東西可以做.........
11月18日@ 今晚約左樂仁哥哥，好幾年沒有見面，樂仁哥哥長大了，細個0既時候成日蝦我，大個同我講好多人生道理!! 唔覺唔覺，0係茶餐廳內逗留左好耐，直到凌晨兩點幾.......
11月20日@ 這天晚上，我約翻郭毓俊，出0來聚一聚聊一聊.....有時真的不太相信，這個老朋友，已經相識17了。
11月22日@ 重臨校園，感覺親切，不過像是很久以前0既事一樣!! 見到vanessa同佢0既舊同學、男朋友，大家hehe haha一番。
夜晚去了尖東睇波.......
11月23日@ 0係時代廣場，突然聽到boom一聲，好多行梗街睇梗衫0既人潮好有默契咁湧出鋪頭，圍住個欄杆向下望，我乜都睇唔到，唔知咩事，以為個show stage 倒塌左，見到d人指手畫腳，先知道有人跳樓，倒臥左0係個satge 旁邊0既圍板內，見到血花四濺......面向下......唔知發生咩。
第二日睇報紙，知道左件事之後，覺得好婉惜!!!!
11月28日@ 今日係理工大學第九屆畢業典禮，我沒有參加，只係放工之後，去左佢同佢同班同學搞0既buffet。之後那日@11月29日@就翻左去同佢0既朋友仔同母親大人影相，唔知點解，我搞到自己心情唔係咁好，個氣氛都唔係咁好，我同自己講唔係自己0既問題，亦都冇咩影響力，總之整個過程我都唔enjoy!!
夜晚過左去青衣食飯，婆婆生日，好人齊，氣氛好好，心情都好翻好多，之前0個d0野都唔想諗。
12月13日@ 雖然schedule 裡面每一日都有事情寫下要做有地方要去，不過打開這個日記簿，冇乜事我想寫低，可能天氣開始凍，腦袋凍僵了一大半，失憶，......
最討厭鼻塞，透唔到氣，鼻水又長流，眼內火紅紅的感覺，頭重重，話比自己知，又係作病0既時候啦!!! 無論著幾多衫，著埋羊毛衫褲，都冰冰冷冷咁!!
去旅行0既事，終於解決了，雖然唔係原本預料0既解決方式，不過起碼我0地冇因為咁而去唔成，只係，我0地唔會就咁算數。哼.....我0地一定要向關鍵問個清楚@
不過最緊要係.....去得成!!
10點幾，去左睇終極無間道，抱住好大0既期望，並唔係話唔好睇，只係覺得夠晒cass不過欠缺內容，又前又後唔知想點，黃秋生瘦左冇咁好睇，劉德華咁奸竟然死唔去冇天理又唔合情理@ 不過只係睇0佢地班人0既演技都值回票價ga la!!
12月15日@ 喉嚨好乾，呼吸又有困難，頭又重，於是打個電話翻公司，說了午飯前回去。
到張醫生處看，我話比佢知我鼻塞得好嚴重，佢教我一個我未曾試過0既方法，亦都作左我以前傷風感冒都未有醫生同我講過0既解釋@ 這個地中海胖胖又帶點和藹可親0既 張醫生，好!!佢教我一呼吸唔到鼻塞，就入去廁所開大個花灑，整到成個浴室都係蒸氣，0係裡面嗅到你呼吸暢通為止。佢又解釋比我聽鼻塞0既道理@
睇埋未夠十點半，見有時間走盞，我行去左葵芳郵政局，事關無情情收一封掛號，內心都會有種莫名其妙，我幻想過有人寄了一份聖誕禮物比我，或者係一個炸彈@ 郵差拎出0來0既，竟然係一個So_net 0既信封。我晃然大悟，原來係咁@ 好，第一份聖誕禮物，竟然就係呢$200 Citysuper Coupons!!!!我滿心歡喜，去左搭巴士翻工。
一踏入門口，就聽到有人講，"就講就翻"，個個手上拎住個大信封，我記得啦，今日大日子@人人有份，未不落空。我見到信封裡面0既數字，內心想，咁快又收到呢年第二份聖誕禮物啦@
食過藥，唔洗一陣，眼花撩亂，口淡作悶，步覆不穩，睡意正濃。好不容易工作到7點多，上到巴士已經呼呼大睡，情形就好似......食左安眠藥咁@
12月19日@ 今日公司搞聖誕Annual Dinner，雖然工作做極都做唔完，都要準時放工準備@ 女同事都叮囑我要扮得靚d，我依然都係一貫作風。去到會場，佢0地拉我入去廁所大修，搽這搽那，我覺得塊而唔係咁舒服，不過佢0地覺得好好笑，同0佢地講呢次係我咁大個女以0來第一次咁認真化妝，個個都眼碌碌，覺得好大件事，不得了!!!哈哈!
場面都唔係想像中咁隆重，氣氛好熱鬧幾舒服@ 美食加熱鬧0既抽獎節目，好緊張興奮@ 都冇諗過自己有咁0既收穫，surprise!!!
12月22日@訓左幾粒鐘，執晒行李，未訓醒已經要去機場啦。好開心今年聖誕節可以去韓國渡過@ 而且今次對我0來講係一個特別@ 短短三個小時0既空中旅程都幾漫長，花左大半時間去欣賞窗外0既美麗景色@ 於是就由白天.......睇到天黑!!拍了很多照，因為地球上0既太空，實在係好奇妙尋常。望耐d，仲以前自己0係度坐梗船!!!見到白天藍海，地平線一目了然。過左唔係好多時間，見到太陽徐徐下降，浩瀚大海唔見左，四周漆黑一片，"地平線"上的一條好光，很特別@
韓國機場，不比香港0既好看!!
好肚餓，飛機餐只吃了一半，而家有胃口食地道菜。韓國人以Kimchi為首，無kimchi不歡，導遊教我0地要入鄉隨俗，平日0係自己地方唔會點多食，更加冇興趣，不過，而家食落，分外有味道@
唔係好習慣當地咁寒冷0既天氣，好彩室內0既地方有暖氣，但係，忽冷忽熱0既感覺，五日裡面都唔係好習慣到!最討厭就係遇上車上冇窗開，一d空氣都冇，吸0既全部都係暖氣，不時都會有頂唔順0既感覺@
東大門，係女士們要去0既地方，我簡單逛了一個圈，已經急不及待走翻出0來。見到街上面有一群青年人在比試跳舞，聽導遊講什麼什麼天王巨星都係由此而生。看得出0佢地熱愛跳舞，自信心爆棚。
很有趣，香港賣0既香噴噴魷魚很貴，0係韓國，行過，隨手一堆就塞落你手比你試食。周街都係d香噴噴0既魷魚味，有即燒、有晒乾了的。買了兩款，就成為0係酒店0既宵夜了。
每一次到外面住酒店，我都很怕自己進浴室，很怕沖涼0既時間太耐，很怕照鏡，很怕房間出面冇聲，越係怕越係鐘意諗埋d 恐怖片劇情@
12月23日@ 去旅行不好0既地方就係被威迫超級早起身，四日裡面，我0地都係準時過一次，每一次都食唔到早餐! -_-!!
戰爭博物館，陳列了韓戰時期南北韓雙方用過0既美蘇、中共製造0既大型武器。導遊講左好多0個個時代0既歷史比我0地聽，有d仲可歌可泣!!! 好多飛機大炮，好凍好凍.....見到地下d水結左冰...!!
明洞、南大門，好新潮0既地方，好多時尚名牌匯聚，有種置身日本0既感覺。沒有買0野0既衝動，window shopping 非常好!!!好多街頭小吃同特色0既韓式食肆，這個旅程都沒有被安排。正值準備午飯時候，我0地0係街頭買左一籠kimchi餃，都係1000寰!好美味，有爭食0既情況出現@
go
to 2002