|
新片《薰衣草》因男主角金城武來去匆匆未能配合宣傳，要陳慧琳獨力撐場，相比其他同期上映的猛片積極力谷宣傳，氣勢受挫，幸而前晚舉行的首映禮，二人齊齊出席，才挽回不少聲勢。
今年聖誕檔期大片雖多，但浪漫愛情片卻只得《薰衣草》一套，令該片成為聖誕檔期的票房黑馬，但在其他四部電影《雷霆戰警》、《特警新人類2》、《Bad
Boy特攻》及《阿虎》的強勁宣傳攻勢下，《薰衣草》遲遲未開始宣傳，氣勢明顯比人失色。前晚首映禮上，男、女主角因此大吐苦水。
作為男主角的金城武只給一晚時間為《薰衣草》做首映宣傳，原來不是擺架明星子，而是為了替日本NHK電視台拍特輯而被迫停留在南極，金城武說：「拍完《薰衣草》之後我都未有時間睇過，今晚首映先第一次睇，因為我之前去冲南極，雖然�衛銕Y夏天，但都只得零度，仲要二十四小時都係白晝，曬到我黑晒，仲好辛苦添！」
做完首映禮，在昨日下午三時，金城武在助手陪同下離開香港，回日本繼續拍特輯，剩下的宣傳工作只得陳慧琳獨力應付。
叫金城武同企鵝宣傳 陳慧琳表示，獨力支撐宣傳攻勢雖然辛苦，但都別無他法，Kelly（陳之洋名）還感慨自己和《阿虎》的劉德華同病相憐，因為大家都缺少另一主角配合宣傳：「我好似華仔，要獨力支撐，一直撐到落尾，梗係辛苦啦！（有冇投訴？）由得金生（金城武）同隻企鵝宣傳啦！」
記者問到Kelly如此辛苦會否叫金城武請食飯陪罪，Kelly笑笑口說：「唔使啦！拍戲�蔑}佢都成日請食飯，當係食冲啦！」
|