今日阿mon生日~
生日快樂~~~ ^_^
程程昨晚成十一點幾先黎~
陪我睇o左陣ally~
就訓覺lu~
佢幾衰呀~
佢訓訓下~
"蚊"o左我張被落去come~
都傻傻o地o架~
跟住我又大力咁蚊返上去~
再幫佢come返佢自己張被~
d鼻鼾又嘈喎~
佢仲話唔知自己咁嘈tim~
今朝未正式起身~
一邊聽住josh grobon隻新碟~
不過好似冇上次咁好聽咁~
可能未正式聽啦~
起身搞掂好哂...
就出去新藍糖食早餐+lunch~~
不過去新藍糖之前~
走o左去麥記叫o左個開心樂園餐...
換o左個qoo~
今次有四款~
個樣勁抵死~
其中另一款簡直嚇死人~
qoo o係度扮女人~~
夠哂搞笑~~
程程今日行步路都行得大步d~
點解?!
有返d信心囉...
絕對係好事黎~
今朝睇報紙勁恐怖~~~
我拿拿臨拎返個佛牌出黎戴~
真係好驚...
o係馬莎發現o左樣新o既化妝品~~
我直頭覺得好似發現新大陸咁~~
覺得好利害~
可能...其實市面已經有d咁o既設計~
只係我唔知道~
不過~ 我真係覺得好正~
80蚊...好抵買..
買個design都抵啦...
原本諗住搭車去灣仔會展~
不過諗下諗下...
都唔知去睇個show做乜~
so~ 最後...我o地都係搭車去銅鑼灣就算~
由於上星期有人跳過樓o既關係~
我o地冇去time square~
行宜家傢俬~
見到鄧健泓同佢女友~
又見到戚美珍喎~
程程好似未見過咁...
行得好快~跟住鄧健泓尾...
哈哈~~
行hmv~
買o左3隻ally 第一輯o既vcd~
呢排勁買碟睇~
因為我發現o係舖頭好悶...
聽收音機已經無辦法消磨時間啦...
要睇下野~時間先會過得快d~~
原本諗住買patrick cox袋or porter袋...
比程程做聖誕禮物~
不過程程好生性...
要porter袋就算~因為平d丫嘛~
點知...o係agnes b睇到另一個袋...
程程覺得如果同porter比~
佢會鐘意agnes b o個個多d~
so~ 最後我就買o左比佢啦~~~
價錢亦都比想像中平~
真係好啦...^_^
其實~ 我都好鐘意佢咩呢d款o既袋~
而且個sales仲話係限量~
日本o個邊都已經冇哂~
嘩~講到咁~ 更加心郁郁啦~
哈哈~~
o係sogo~
買o左兩樣bb o既野~
好靚~好得意~~
兩樣野~我都係貪佢個盒靚而買~
女仔o既錢~
真係易賺啦~~
仲有~ bb 張被仔...
都係百幾蚊咋~~
好靚~好想買~
但係...我怕我唔捨得用呢...
另外~ 我買o左兩份小禮物~
宜家d包裝...真係好正~
甚至入面係d乜已經唔重要~
個盒靚就得啦~
我自己都買o左份比自已~
so happy~~
夜晚~去o左食麵~
食完~返到屋企都係七點左右~
今日唔算係好累...
聽晚會出去慶祝阿mon生日~~
好期待呢~
我o地一班人都好耐冇見lu~~
所謂一場歡喜一場空...
唉~昨晚先好開心咁...
見到隻眼冇事~
點知~今朝起身~隻眼又有事啦...
激鬼死我~~
到下午~又冇啦啦好返~
我都唔明點解會咁~
唔通天氣乾燥得滯?
昨晚收工...買o左本蘇民蜂黎睇~
基本上~ 以平常心黎睇~
唔洗咁認真o既!!
程程話比我聽~
佢昨日已經買o左個playboy袋比我啦~
我仲傻下傻下咁...
因為佢五點幾收工...話搭緊車~
六點半收工~又係搭緊車~
我仲唔發現有破掟tim...
不過~x'mas禮物黎o架嘛~
o個日先收...會開心d o既~~^_^
本來諗住今晚去整頭髮~
不過都係唔好啦~
下星期先啦...
悶o左成日~
勁煲返kiss個mv~
仲有search埋首歌黎聽~
有時d野~ 係冇野可以代替o既~...
香港...睇黎有排先拍到咁有水準o既mv lu~
今日比舖頭o個兩級樓梯kick親~
唉~真係唔小心啦~~~v_v
sisi打返黎~
叫我同tony講~
話佢想返黎補好d英文~
返去考好個試喎~~
唉~聽住先啦~
學英文~
乜唔係o係o個邊應該學得好好o架咩~
如果返黎香港學到~
咁你阿媽就唔洗洗咁多錢比你去讀書啦~~
老豆臨收工做o左生意~~
於是佢去o左買燒鵝加料~
呢排老豆真係勁~
成日都有生意~
我呢邊就成日都拍烏蠅...
雖然都有做生意~
不過連租都唔夠錢比...
真係唔知維持得幾耐呢...?!
收到ally o既dvd~
返到屋企睇~
原來冇中文字幕o架~
激死~
不過好彩都睇得明~
因為有好清楚o既英文字幕~
哈哈~可以學多d英文~->安慰自己中~~
老豆阿媽夜晚去中環睇聖誕樹~
拎o左幾張許願卡返黎~
叫我幫佢o地寫~~
跟住佢o地簽名...
佢o地d願望勁好笑~
如果有最具創意願望獎o既話~
我諗佢o地分分鐘拎到呢個獎呢~~
今日凍o左好多~
我仲以為唔係好凍~
著唔夠衫tim~~~
落到街先知出事...
too bad~~
昨晚我發夢...
睇返解夢個網~
佢話我個夢反映o左我身心疲累...
都真係幾準喎...
龍哥帶o左d相黎舖頭~
閒聊o左一陣~
我都冇乜野同佢講~
搞到好無癮咁...
打電話比張牧師~
話最多比兩萬佢...
佢就嫌少...
不過都冇辦法~
而且~ 冇咁快比到佢tim呀~
希望佢搞得掂對方個律師啦...
今日個法國客黎o左~
佢睇o左好耐~
上年佢第一次黎o係舖頭買野~
今次佢再黎~好有親切感~
因為上次同佢傾o左好耐~
本來~我老闆娘話下次佢再黎~
會帶佢上大陸買野~
宜家買鬼買馬咩~
後尾...我介紹佢去對面舖頭~
等andy帶佢去睇傢俬...
另外~ 佢帶o左好多工具黎~
佢仲好好人咁...比我試用...
令到我學識o左好多野~
he is so nice~~~
佢將佢睇中o左o既野貼哂貼紙~
佢去完大陸返黎香港~
會決定買邊件....
哈哈~有生意做~
so happy~~~
佢走o左之後~佢去o左對面間舖~
我驚andy唔o係度~
so~ 我就鎖門過去了解下情況~
哈哈~ 如我所料...
個伙計真係唔多明~
幫佢搞掂哂...六點半左右~
岩岩好...收工走人...
無驚無險又一day~~
今日~程程話佢公司包o左兩三場...
莫斯科馬戲團比佢o地睇~
員工就免費~ 可以帶3個家屬去~
而家屬就要收30蚊一個人~
點計...都抵啦...
咁緊係去啦...
之前~我都同程程提過話去睇~
好彩之後未去訂飛咋~
如果唔係...就蝕囉~
今朝起身~feel到又涼o左~
唉...搞到唔想起身tim~~
我一照鏡...
見到隻左眼仍然keep住三眼皮o既狀態~
真係心酸...
冇得救o架啦... 認命啦...
昨晚~ 為o左搵個刷衫o既刷~
差d反轉間屋咁滯...
最後...阿媽搵o左第二樣野代替~
點知...刷完件衫...同未刷之前冇乜分別~
於是就諗住隔住塊布熨下佢啦...
唉~ 結果仲衰過之前...
激到我死~
絲絨o既衫真係麻煩啦... v_v
阿媽久唔久就會口痕~
想食薑醋...
佢前日就煲o左一煲...
哈哈~ 我最鐘意食蛋~
豬腳都會食少少...
不過就唔鐘意食塊皮囉~
至於薑...就免問~
死都唔會食...
講起食野~我諗起苦瓜~
人o地話苦瓜係半生瓜~
上半世唔食~下半世一定會食~
哈哈~ 真係好想知...
係咪真o既呢?!
呢幾日...
文件上要處理o既野比較多~
我開始...覺得處理呢d野好無謂...
tony呢個人...
唔係我仲有利用價值...
佢根本唔會客客氣氣對我~
仲出糧比我咩...
雖然~ 咁樣証明我有d能力~
不過我唔多希罕囉...
有時~我為佢著急~佢就懶懶行咁...
緊本佢都唔識分輕重...
唉~ 過埋年~
我要好好考慮我o既去向...
今日好搞笑~
有個女人入黎睇野~
問完價...就問我收唔收卡~
我話收~ 佢話收唔收ae~
我話收~ 佢話...咁ae卡有咩優惠...
我心知佢係ae o既人~
因為我之前收到通知~
話佢o地會隨時派人黎check...
當然~我成功過o左關...
聽講佢好似會比返50蚊百佳coupon做獎賞~
哈哈~ 都幾好丫~
最搞笑~ 佢走o左冇幾耐~
又入黎~ 又o係度扮睇野~
跟住我同佢講~你頭先咪入過黎囉~
佢先醒起...之後就尷尷尬尬咁出返去~
再入去老豆舖頭~
哈哈~ 因為佢第一次入完黎~
我即刻過去老豆度爆料~
所以~ 阿哥就識答~成功過埋關~~哈哈~
程程昨晚去踢波~
佢踢完~同同事去食野~
去到先打電話黎比我~
哼~先斬後奏...
緊係比我鬧啦...
仲有呀~佢明明應承幫我入錢比人~
我以300蚊o既價錢~
買o左一輯ally mcbeal o既dvd~
我應承o左人o地下午入錢o架嘛~...
我問佢入o左未~
佢話未~ 話下午唔得閒~
唔得閒又唔話比我聽~
後尾佢食完野~先去幫我入錢~
激到我死~
昨晚~衝上雲霄o既zoe同阿sam終於都一齊啦~
佢o地襯唔襯係一回事~
不過呢個配搭幾新鮮感丫~
睇得人幾開心...
程程肚痛o左幾日~~
佢今日放o左工~
去睇醫生~
原來...係腸胃炎呀...
d風入o左肚...
哈~我一早已經話佢個肚有風o架啦~~
幾利害~~
我o係網上買o左隻冷門碟...
碟名叫做"大紅燈籠高高掛"~
我記得明珠台以前做過o架~
我亦都睇過下~
但係次次都睇唔到結局...
所以...特登買o左黎睇~~
哈哈~
我真係估唔到自己會睇d咁悶o既野~
不過呢套野拎o左d唔知咩咩獎...
以藝術角度黎睇...
都幾有文學價值o架...
最估唔到就係...編劇係倪震~
我差d以為自己睇錯...
點知真係佢喎...
老闆娘香港o個單野~
對方律師fax o左封信黎~
總之就係麻煩野黎啦...
唉~~
阿哥睇完~ 傾o左一陣~
佢分析得幾岩...
我以後要更加小心先得...
今日有個老老o地既鬼佬入黎~
佢戴住頂hat~
好紳士feel呢~~~~
lunch買麥香雞包食~
阿媽買o左三個~送o左三個~
我食一個~阿媽食一個~ 老豆食一個~
阿哥食o左三個~
夠哂誇張...
另外我仲食o左一個茶果~
好鬼死"漏""~~
食o左大半...都係決定掉o左佢~~
aia保險d野~~原來搞錯o左~
等阿媽仲激氣o左成晚~~
亦都好彩吳生快一步黎舖頭搵老豆解釋~
同埋~好彩阿媽欠一個簽名~
如果唔係~
一早我已經將張單fax去aia cut o左啦...
今日公事上都有幾多野處理~~
成檯都係信....
都唔知入唔入file好...
因為全部都要處理~~
收埋o左...唔記得處理咪死~~
終於都傾掂o左~
300蚊達成交易...
買o左套ally mcbeal o既dvd~~
so happy~~
發現同tony真係好難溝通~~
真係唔明佢個腦諗d乜~~
唉~~
今日又飲多劑涼茶...
情況~都依然係咁~
冇咩進展~
令到我好心急....
今朝去o左買士多啤梨食~
15蚊一盒~
成盒都好靚...冇爛~
好好味呢~~~^_^
昨晚~我收o左工~
都係忍唔住去買薯片食~
好似有隻魔鬼o係心咁...
明知唔應該食~都要去買黎食`
食完~亦都好有罪惡感...
唉~食埋先減啦...
昨晚敷mask~ 勁正~
滑哂~~
真係唔係講笑...
得閒敷下mask~ 個人真係會精神d~~
昨晚同程程o係度傾買咩禮物~
不過~當然唔會有結論啦...
要保持神秘感丫嘛~~~
昨晚訓得幾好~~ 真係好啦~
今日冇咩野做~
最緊要...都係買tvb周刊黎睇~~
哈哈~~
今日又轉返去orange~
成日轉黎轉去~真麻煩~~
唉~ 本來好好o地~
講講下~我同程程又鬧交~
其實~好多時都係一時之氣~~
過一陣~就冇事...
程程公司d經理幾衰呀~
話以後唔比搭順風車返屋企~
too bad~
要自己搭車返屋企o既話...
程程要成粒鐘先返到去~
搭順風車唔洗半粒鐘就返到去~
麻煩~~
今日~ 叫阿媽幫我去第二度執多劑黎飲~
嘩~ 78蚊咋~
o個間北京同仁行~成百幾蚊一劑~
佢一劑~等於人o地兩劑...
又會貴成咁o既~~~
不過~ 阿媽去o個間..難飲d...
因為佢煲埋一碗~
而北京同仁行係煲兩碗...
杰d...咪難飲d囉~~~
終於都搵到tony~
原來佢部機冇電~
嚇得我丫~~
張牧師又打黎~~
我敷衍佢幾句就算~
講黎講去~咪又係要錢~~
收到稅單...老闆娘要交勁多稅~
都唔知點算~~
宜家同會計師商量...
睇下上訴得唔得...
sisi死都要返黎~
話比5000蚊o係o個邊用`
都唔肯~~
唉~我都唔知點...
tony話...叫佢等到星期五...
到時律師見到老闆娘~
再問下佢點喎~~
個客o既司機終於都黎拎o左d書~
原來係佢老闆唔記得o左...
唔怪得之啦...
臨收工~我去o左買紅豆沙食~
總之~咩方法都要試...
昨晚簡直係折磨...
半夜又醒o左...
"鐘b"嘈到死~
"滴滴達達"聲咁...
跟住阿哥d鼻鼾又勁...
如果形容程程o個d鼻鼾係怪獸o既話...
咁阿哥o個d應該係恐龍o既叫聲...哈哈~
最後~ 我決定起身拎"鐘b"落黎~
拆o左佢粒電~ 算啦...
佢係時間退役啦...
我間房本身已經有兩個鐘~
平時訓覺枕頭底仲放埋手提電話~
要睇鐘...真係話咁易...
橫掂當時買"鐘b"返黎~
都只係貪佢得意同埋靚...
宜家...當佢係裝飾品掛o係度...
我諗咁樣會對我好d囉...
之後~碌黎碌去~ 都係訓唔著~
連門都關埋...都係咁~~
跟住手痕..."meet"手指甲邊d皮...
"meet meet"下~ "meet"到好入肉~
唔剪o左佢...又會好自然咁...
我於是又起身~
摸黑搵"鉗b"出黎~
剪完...舒服哂~哈哈~~
到最後...唔知碌o左幾耐...
先訓返...
講起"bb"~
昨日行街見到好多"bb"o既野~
好可愛~
報佳音o既look好乖好得意~
不過天使look亦都唔錯...
哈哈~~ 唔知點算好呢~~^^
今朝未夠九點起身...
問阿媽知唔知邊個當選~
佢話報紙印唔切...唔知喎...
咁我返到公司~就上網check啦...
唉~ 我選o個個落敗o左~
too bad~~~
比班死人民主黨贏哂...
真係冇眼睇囉...
另外~ time square昨日又有人跳樓呀~~
又係o係8樓跳落黎~
好彩昨日冇去銅鑼灣咋~
如果唔係~
o個段時間我o地勁大機會o係time square...
比我見到...我諗有排驚都似...
昨晚...心入面有o左個決定~
就係要去睇西醫...
(我訓得唔好... 都係因為呢樣野~~ )
今朝...等阿媽走o左~
我就拿拿臨出門口...
走去睇醫生~
人就唔係好多~
不過就係小朋友黎~
所以等o既時間耐o左好多~
個個都喊住出返黎~
見到都覺得佢o地慘~~~
其中一個老豆帶個仔睇醫生~
出到黎~ 個仔成面都係眼淚...
我就遞o左張紙巾比個老豆~
叫佢幫佢個仔抹o左d眼淚先...
哈哈~ 個老豆o個時先發現個仔成面眼淚...
真搞笑...
正如我所料~
我睇呢次醫生絕對係浪費金錢...
但都係只求一個安心o者~
醫生幫我檢查...
都話冇乜問題~
唉~好彩百六蚊...唔係好貴~
醫生求其比o左包藥我~
我都唔知佢比我做乜~
我諗...佢見收o左我錢~
點都要比包藥我o掛...
其實~我去睇醫生~
只係擔心自己係咪有d乜病~
所謂女人大忌--->婦科病...
同埋...我擔心我阿媽點諗囉~~
佢比我o既心理壓力好大~~
就算明知唔關事都好~
我都要去驗去睇醫生~
必要時~可以比d証據佢証明我o既清白~
到十二點左右~
我就去北京同仁行飲涼茶...
嘩...我坐o係度望住碗涼茶好耐~
好難飲呢...v_v
飲完~ 仲有一碗要帶走~
我特登帶o左個暖壺去裝...
今日收到隻ally mcbeal碟~
消磨o左個幾鐘~
so happy~~
下午陳太入過黎~
話有個客打比佢個伙計~
叫佢問下隔離(即係指我o地)件貨做好個架未?!
下~咁奇...?!
都冇聽過個客名...
仲有~ d客幫我o地買野~
買完都拎走哂啦...
我諗佢搞錯o掛...
阿偉今次出奇地好快整起d架~
不幸地...整爛o左個頭~
四個架...夾埋1000蚊~
明知比佢呃都要搵佢做~
真係無奈...
個客o既司機冇黎拎書~~
唔知搞乜鬼呢?!
我好唔好打電話去提下佢呢?!
今日搵極都搵唔到tony~~
打比佢細妹danny~連佢都搵唔到~
danny話佢昨晚好似返o左黎香港喎~~
咁我唯有繼續搵...
希望tony冇乜野事啦...
下午四點左右~我飲埋第二杯涼茶..~
嘩~ 勁難飲呢~~
好彩熱o者...如果凍o左~
我諗仲難飲...
唔知點解...突然好想食薯片~~
好想食~~好想食~~~
可能好耐冇食啦~~~~~
sisi打黎~
叫我send fax比校長~
叫佢比住100鎊佢先喎~
因為十二月頭會有個london trip~
到時要用錢喎~~
另外~ 仲有講機票d野~~
唉~ 我話聽日再覆佢...
等搵到tony先再算啦...
昨晚玩r6~
竟然過到一關~
太耐冇玩過啦...
好多掣都唔記得點用...
不過當我過o左一關o既時候~
部機自動熄o左~
唉~ 跟住我就冇再玩lu~
咩mood都冇哂啦~~
昨晚~ 程程睇完"全職殺手"先訓~
訓落床~唔夠一分鐘...
佢就開始扯鼻鼾聲...
我真係想殺死佢...
起身之後~連早餐都冇食~~
好快就搞掂出門口lu~
今日11月23~ 緊係第一時間去投票啦...
投完票~去o左老豆舖頭得o左一得就去食野~
行黎行去~
行o左好耐~
終於決定去飲茶...
旋風式食o左好多野~
埋單都係一百蚊~
好抵食~~
不過我o地宜家冇以前咁變態o架啦~
我o地食得好規矩o架..岩岩好..
冇話過量咁食法~
哈哈~
咁我o地都唔想破壞我o地o既減肥計劃o既~
食完野~ 行去碼頭o個陣~
見到d賓妹o係度跳辣身舞~
真係嚇到一額汗...-_-"
今年d燈飾都幾靚~~
海運o個個...以熊仔做主題...
d熊仔仲好似o係sogo細細盒...
d人猛咁搵黎搵去o既生日熊黎...
算係有d新鮮感啦...
遲d拎相機去影相先~~哈哈~~^_^
丫~原來一山還有一山高...
嘩~ 我以為我屋企附近o個d議員個樣搞笑o者~
原來尖咀o個個仲勁~
烏蠅舊款眼鏡~
真係笑死人~~
o係cd舖~ 試聽josh groban隻新碟~
超正~~~
下星期一定買佢返屋企~~~~
其實計落自己~ 真係冇乜花錢o係買cd上面~
因為我覺得值得收藏o既碟唔係咁多~~
但josh o既碟~ 唔買就絕對唔得~~
信心極力推介呢~~~
行到冇野好行~
去o左睇一元拍賣...
哈哈~ 好搞笑~~
一部原價九百幾o既cd+vcd機~
d人死都只係肯出四百幾~
個拍賣官仲要猛咁拖時間...
等人o地競投~
但投黎投去~都係得o個兩個人~
個情形都幾搞笑~~
我覺得個拍賣官會好鬼無癮囉~~
行lcx~ 再次見到我鐘意個playboy袋~~
宜家仲有八折tim~
程程都話買比我~
我都真係好鐘意~好想擁有~
不過...我一諗起阿媽...
買o左返去~實比佢鬧啦~~
呢一年~都買o左幾個袋...
佢唔係傻~都知道d袋o既價錢...
佢會覺得好貴囉~~
所以~到最後~我都係決定唔買.....住...
哈哈~ 遲d買~有藉口話係聖誕禮物嘛~
哈哈~~~~~
夜晚~
走o左去"張堅庭"開o個間表哥茶餐廳食野~
為o左行邊條路快d近d~
我同程程又鬧起交上黎~~~
唉~~
食完野~就搭巴士返屋企~
塞車呀...搞到我o地都好眼訓tim~~
返到去~程程就走lu~
因為佢都趕住返屋企投票嘛~~~
今日~其實我好唔開心~
唔知點解~
我隻左眼眼蓋本身條摺痕...上面多o左一條~
即係...本身雙眼皮~
宜家變o左三眼皮咁...~~
搞到大細眼...好唔開心~~
我朝早敷o左eyes mask~
再用eye cream...都係咁...
激死我啦.....~~~~v_v
呢兩日~我同程程夾埋又洗o左成千蚊啦...
好肉痛~
今個月大洗o左~
下個月要慳d先得啦...
我成日都講~
男人同女人o既分別...
在於大家分手o既態度~
男人會好決絕...就算當時你失業~
死人"林"樓都好...都唔理~
會照講分手~
但女人會念情...
會比藉口自己...
自己如果o係呢d時候離開佢...
會好不負責任~
都係等佢好返d...先再分手啦...
無論我係幾憎你~ 你對我幾差都好~
我直到最後~都係為緊你設想...
希望你明白我o既苦心啦...
雖然~ 宜家我o地冇分手~
分手亦都唔係我希望o既結局...
但係...我明白~
過o左呢一關...我o地應該會幾好囉...
終於都比我逼佢講o左個pw比我知~
哼~原來幾個月tim~~
乜你唔覺呃人好辛苦o架咩~~
下!!!
今朝~一返到公司~
收到pratley 個e-mail~
佢叫我幫佢買書~
我見老豆出o左街~
我就打電話比佢~睇下佢o係邊~
諗住叫佢順便幫我買埋書返黎~
點知...佢未答我o係邊度~
我已經叫佢買書~
哈哈~~~ 真係大吉利是囉~~~
我老豆比我激死~
佢去o左買馬...
買書買輸...
唔輸就奇囉...
今次真係夠哂搞笑~~~
之後我打比pratley個friend~
叫佢叫個司機星期一黎拎書...
買o左返黎~
我老豆話...其實賺佢錢都唔過份~
我就覺得~ 費事啦...
又唔係做d乜~ 買書o者...
何況唔洗我行去tim~~哈哈~~
本來~ tony話今日見到老闆娘o架~
但係後尾又話星期一先見到~~
正如我所料...
sisi差唔多時間就打黎問情況~~
我就同佢講星期一先見到~
叫佢到時再打返黎...
今日程程收七點半~
我見未夠鐘~就o係中環周圍行啦~
後尾見橫掂有時間~
就去睇中醫啦...
去第一間...個醫師走o左~
要等成半個鐘先返~
咁我咪冇等...走人囉~
去到第二間~ 北京同仁行~
我都醒o架啦~
問下佢大約幾多錢~
佢話診金70~ 藥就另計~
咁我諗唔會好貴~
咁就入去登記囉~~
登記完入去房睇...
嘩~ 原來係大陸醫生黎~
唔識講廣東話...
我都唔明佢講乜~~
我亦都唔覺佢幫我把脈把到d乜出黎~
有d呃錢咁...
後尾...拎埋張藥單出黎執藥先知大獲~
計哂所有野~
要成四百幾蚊~~ 咁貴?!!!!
我就講~咁貴~ 可唔可以執住一劑先呀...
o個個女人就黑哂口面咁...
唔多想啋我~話唔得~~
又話飲一劑冇用~
(當時o個度d人已經開始執緊藥~)
最後~ 有個男人話...算啦...
咁就計返一劑藥o既錢~
唉~ 夾埋都二百四~~
好鬼肉痛呢~~v_v
星期一中午要去飲...
唉~ 如果唔係咁貴~
我真係唔想再去o個間野呀~~~
睇完~ 都七點三左右~
我拿拿臨去深水土步等程程~
之後去o左食麵~
一邊食~一邊話"肉痛"~
程程話..."算啦~ 睇得好咪得囉..."~
唉~~ 呢d野~
冇話好明顯睇得好唔好o架喎~~
可能飲o左都係一樣呢...
食完野~經過數碼通~
多口問下佢o地有gx22舊電賣未?!
心諗都應該冇o架啦~不過都試下啦~
點知竟然有喎~~
咁就買o左一舊...
要成二百五蚊左右~~
不過...都值o既~
好過成日都冇電~
搵唔到程程啦...
搭地鐵返中環~
再行返屋企~~
宜家d天氣好清涼...
行返屋企都幾好丫~
咪當食完野~散步囉~~哈哈~
今日有貨落...
只係其中一件斷o左隻手...
其他都完好無缺...
真係好啦...
比o左800蚊運費~
都幾貴下...
之後~ 叫o左阿偉拎d飛馬去做架~
佢黎到...見到有幾隻...
後尾...就叫o左佢d同事開架車黎拎~
我為o左安全起見~
將d馬放返入箱先交比佢o地...
希望佢o地唔會整爛啦...
呢一刻~ 我決定唔放棄~
我要同你鬥長命~
既然係你欠我~ 我要拎返我應得o既野~
我願意用我一世o既幸福~ 換你一世o既倒楣~
我絕對唔會比你有好日子過...
其實真實o既我...係點樣諗呢?!
我自己都唔知...
我開始覺得自己有d恐怖tim...
既然係咁...咪算囉~
唔知幾時開始...我o地鬧交...
次次都係我打電話比你~
你完全冇話打返比我先~
可想而知...你係幾咁"著緊"我o地o既感情丫~
哈哈~ 忘記同放棄係幾咁易~
o係埋一齊先至係最難呀...
昨晚我冇喊~
可能之前已經喊得太多~
喊...已經起唔到乜野作用~
我唔會再為你傷心...
我決定放棄~
大家應該為我o既自由而高興~ 哈哈~
今朝九點幾就有人打黎~
當時我刷緊牙~洗緊面~
出到黎阿媽先同我講好似聽到有電話聲~
咁有來電顯示...我就打返去啦~
又打唔通喎~~
搞到我苦惱o左一陣~
因為我將公司條線飛o左落手提~
我怕係d客黎~...
後尾我返到公司無幾耐...
fedex打黎~
我問佢有冇打過黎啦~
証實o左~ 原來係佢打黎~
唉~咁都好d~~~
佢係覆返我...
昨日幫阿德寄o個箱貨o既價錢~
講完之後~
我就再幫阿德打電話去日本個客度~
好好彩~ 個客接聽~
我同佢講d運費幾多錢...
話阿德會幫佢比錢先~
到時佢再黎香港~ 阿德再同佢計~
同埋...返件貨大約幾時到左右~
唉~ 幫人做野...真係好大壓力~
宜家完成任務~
總算安樂哂~~~
之後~ 我去o左郵局寄野~
一上一落...
嘩~ 原來好鬼死熱...
今日我著錯o左衫tim~~
不過~...如果我o係舖頭~
基本上出面點熱都好...
o係舖頭都成個雪櫃咁...
著得多~總好過著得少o既~~
昨晚無線台慶~
搞到冇得做"衝上雲宵"~
反而有得播"西關大少"~
有冇搞錯呀!!~~
做"衝上雲宵"好過啦~~
見到吳鎮宇拎到獎木無表情咁...
好似怪怪o地咁...
阿旺大熱拎最受歡迎男藝員...
實至名歸丫~ 佢都挨o左好多年...
係時候拎個咁o既獎...
不過最受歡迎女藝員係張可頤拎...
我就覺得佢o既表現好得戚~
唔係咁鐘意佢囉~
自從佢做o左陳妙英間公司o既代言人之後~
我就覺得佢變哂咁...
以前都ok o既~
宜家好似好豪放咁...
too bad~
當兩個人有開問題...
d問題就好似沒完沒了咁...
第二次...
昨晚你第二次用d咁o既態度鬧我~
呢個幾星期以黎`
我都盡力去改...
我覺得好o左好多好多~
但係你乜野都冇做過...
一樣只係顧住自己o既感受~
只係顧住訓覺~
你明知我有野擔心...
你連關心一句都冇~
你以前激嬲我會即刻打返比我~
你以前得閒就會打比我~
宜家你得閒寧願休息都唔打比我~
以前你聽到我喊...
你會好心急~ 好著緊~
宜家...我無論點喊都好...
你都無動於衷囉~
你成日話我成日問你好多問題~好煩~
但我想你知道...
我有咁多問題...係因為我唔再覺得你愛我~
我想証明~
但你唔明白...
仲覺得自己根本冇問題~
我好失望囉...
今日幫阿德寄野~
佢個衰野~ 竟然咁細箱野~
咁錢生釘完箱...仲要送埋過黎比我~
搞到我幾唔好意思呀...
洗人唔洗本咩~~~!!
搞佢填好哂d資料~
打去fedex落order~
運費大約二千蚊左右~
佢又話貴~ 真係麻煩...
跟住又要幫佢打電話比個客~~
佢叫我幫佢同個客講d運費要二千蚊~
下次佢再黎再同佢計咁...
不過打極都冇人聽~
到六點半左右~
我先打得通~
個客o既屋企人話佢冇咁早返~
叫我聽晚再打黎~~
之後我打返比阿德~
同佢交代一聲...
唉~~~ 我真係唔想幫佢~
我又唔係幫佢打工~
佢搞到好似吩咐我做野咁~
完全冇問我可唔可以幫佢...
好似奉旨咁...
下午兩點幾打比sisi~
佢應該未起身~ 應該係嘈醒o左佢~
幾驚佢發脾氣呀~~
我叫佢打比tony~
之後~ 到三點幾~
我再打比sisi~
點知搵極都搵唔到佢~~
後尾我打比tony~
問sisi有冇打比佢~
佢話已經同sisi講o左...
22號見到佢阿媽o個陣~
到時會問佢比唔比sisi返黎...
如果比~就即刻幫佢訂機票喎~~
唉~ 其實洗乜問丫~
佢唔返黎~ 可以去邊丫~~
呢張來回機票...真係訂硬都得啦...
昨晚sisi打黎比我~不過我沖緊涼~
接唔到佢電話~
我本來想打電話比佢~
不過我又搵唔返抄低佢個電話張紙仔~
so..打唔返比佢~
我今日終於的起心肝..
將d電話入哂落電話簿度~
第時唔洗左搵右搵啦~~
另外~ 我又將我個手提電話...
加o左入公司打idd o既服務度~
咁我第時用手提~就可以直接打idd~
由公司比錢啦~哈哈~~
咁當然~ 我只係會用黎打公司o既電話啦...
絕對唔會用黎打私人電話o既...
今晚~程程冇去跑步~
因為我唔准佢去跑~
日日咁跑法~
我唔想佢跑傷個"膝頭哥"囉~~
另外~ 佢又因為要解決一件事~
而擾攘o左好耐~
好彩~ 佢終於都肯開口...
算佢啦~~
雖然~ 唔知道順唔順利~
但係...都係一個好開始~~
今日~我帶o左本"harry potter"o係舖頭睇~
開頭o個度~ 隔幾頁就會有空白頁~
有d無癮...
不過~ 志在有d文字睇下...
可以消磨下時間咁...
老豆收工~ 阿哥要出去食飯~
過o左黎我呢邊坐...等佢個friend收工~
嘩~ 原來佢宜家打緊o個隻star war game~
係好利害o架~
簡直係非一般o既game~
唔怪得之佢日打夜打啦...
今日阿媽買o左幾舊乜乜糕~乜乜糕返黎~
一pack有三舊~ 都好大舊o架`
阿媽話$2.5~ 我以為一舊兩個半~
原來係一pack兩個半~~
下!! 有冇搞錯~平成咁...
平時o係街買~ 細細舊~ 都三蚊一舊啦...
宜家成pack先兩個半~
咁o係出面買...咪賺死佢o地~~??!
昨晚程程決心走o左去跑步...
好鬼瘋狂...
由佢屋企跑去旺角..
癲o架~~
咁跑法...真係減唔到肥就有鬼囉~
睇下一個月後~
我o地o既成績點...?!
程程跑返屋企o個陣...
經過輝輝做part-time o個度~
傾o左幾句...
比輝輝笑佢跑步減肥...哈哈~
今朝落街拿拿臨買本tvb周刊睇~
今期勁厚...仲有野送tim~
不過本周刊其他野並唔重要~
最重要係"衝上雲宵"o既劇情~~~
返到舖頭冇幾耐~
個客"pratley"o既friend打黎~
佢話我整o個張証書咁簡單~
唔同其他舖頭o個d...
我就同佢講~ 之前我都係咁樣整~
pratley都接受...
唉...真係麻煩~
基本上...張証書根本就冇乜意義~
只係懶係影o左張相~ 寫o左件貨o既年份~
幾時買...吸o左個公司印上去咁...
唉~ 件貨都係千幾蚊~
就算係假~ 賠返錢比你~都係千幾蚊~
都唔知咁緊張做乜~~
四點幾~阿德打黎~
叫我幫佢寄野~
唉~我好無奈囉~
完全冇徵求我o既同意~
好似指令我做野咁...
基本上~我好怕幫佢寄野~
因為佢d野好危險~
加上~ 係用我公司o既名義寄~
有咩事...咁點算...?!
之後~我打電話比tony~
同佢講...
tony話比我聽~
阿德欠人o地好多街數~
叫我睇情形先幫佢寄~
唉~ 睇黎~ 我都冇得推佢o架啦...
昨晚~ 我阿媽好搞笑~
佢諗住一個月之前先去整頭髮過新年~
所以~宜家d頭髮好長... 佢都忍住~
點知...佢昨晚竟然用較剪剪前面d頭髮~
剪o左出黎好搞笑~
古古怪怪咁~ 真滴汗囉~~
昨晚~ 程程又比我發現o左d野~
第一時間想打比佢...揭發佢~
但打極都唔通~ 好心急~好激氣...
後尾...佢打返比我~
我問佢...佢都一一否認...
唉~ 既然佢都唔認...
咁我都冇野好講~
有時...係真係要呃自己...
麻木咁去相信...
十一點左右就訓覺~
好快就訓得著...
今晚都要繼續早d訓先得...
今日開始要忍肚餓啦~
其實都幾難頂~
因為宜家d天氣凍凍o地嘛~~v_v
不過冇計啦...
鬼叫自己想瘦咩...
無意之中發現盤蘭花不知不覺之下..
佢終於都長d新根新枝幹啦..
好開心~~...
不枉我照顧o左佢咁耐~
冇離棄佢...
希望佢會開花啦...
銀行寄o左張月結單黎~
咁我打電話比tony~
同佢講d數有幾多~
其中一條4000蚊o既透支卡數...
tony話佢冇透支過...
咁tony冇必要呃我丫~
所以佢話佢冇透支過...
我係相信佢o架~
同一日...亦都透支o左15000蚊~
呢條佢就肯定冇錯...
咁究竟4000蚊邊個透支o既呢?!
咁就可能係聖子都未定啦...
不過我都唔理得咁多~
張卡o係佢度~
佢自己唔小心...
我都冇辦法...
今日落毛毛雨~
天亦都好快黑...
宜家五點幾... 就好似平時七點咁lu~
我著o左昨日新買o個件褸~
個個都話我誇張...
咁我真係凍丫嘛~
宜家我隻手好似雪條咁凍呀...v_v
benny頭先入過黎~
傾o左一陣~
嘩~ 佢有聞味~ 好鬼臭~
真係好難頂...
絕對唔係香水味囉~
都唔知係咪冇沖涼冇洗衫~
佢走o左之後~
搞到我要打開門...等d空氣流通d...
期間...有本上海雜誌o既人想影幾張相~
佢話佢本雜誌想介紹香港...
我心軟比佢影...
佢拎o左我張卡片~同埋留低本雜誌比我~
我諗應該冇乜問題o掛~
不過後尾都有d擔心~~
我即刻打開本雜誌黎睇~
搵佢o地雜誌社o既電話~
我即刻打去上海~
問佢係咪真係派人黎影相...
佢話係~ 亦都好明白古董係比較敏感~
話只係比會for雜誌o既用途...
咁我都放心d...
但當時~ 我即刻聯想到...
我唔好去大陸o既地方~
因為拎o左我張卡片~
我驚會比人拉呀~~
哈哈~
仲有~ 我打去上海o個陣~
因為我唔多識講國語...
所以我講英文~
後尾o個個人叫我講廣東話~
佢聽得明喎~...
哈哈~早講丫~ ...
今朝一早個客已經叫o左個司機黎拎貨~
實在太好啦~
又收o左千幾蚊~
另外~ 蔣小姐打黎~
我即刻射o左個波比tony~
叫佢打比tony同佢傾~
後尾tony同我講返...
嘩~ 佢o地d對話...
真係tony先搞得佢掂~
講到好串咁~
我就實講唔出囉~
始終係我o地理虧嘛~~
幫sisi check機票...
嘩~ 來回要成萬一蚊左右~
咁鬼死貴o架...
唉...
平又好~貴又好..都一樣要買...
宜家問緊第二間旅行社~
希望佢o地會平d啦...
昨晚~ 我又猛咁折磨程程~
因為我沖完涼出黎~
o個時只係八點幾咋~
佢已經訓o左上床~
我就覺得"有冇搞錯囉"~~
後尾~佢無奈起身陪我睇電視~
睇完o個套什麼"雪地狂奔"~之後~
我就叫佢再陪我睇vcd~
佢又唔多願意咁...
我真係覺得佢咁樣好有問題囉~
累還累丫~
我係怪佢冇哂陪我做任何野o既心~
冇哂以前o個股熱情...
做乜野都冇興趣咁~
只係掛住訓~
我明佢返工好累...
不過都應該休息時休息丫~
從而~ 我令我覺得佢唔愛我囉~
如果佢愛我~
佢會好願意陪我做任何野~
尤其係經過上個星期o既事~
我呢幾日...更加想佢証明佢對我o既感情囉...
唉~~
後尾... 問題冇解決都訓o左~
算啦...
或者...佢真係太累...
或者...佢真係愛我~ 只係佢唔識表達...
希望...一切都如我希望咁啦...
今朝訓到好晏...
食o左個"龍島"蛋糕...
不過都唔好食o既~
都係"沙利"蛋糕好味好多~
點幾鐘...我o地先落到中環搭巴士去銅鑼灣~
我o地首先去o左黃金間k2行...
因為vip有減價嘛~
咁咪睇下有乜衫買囉~
但係冇乜收穫~
鐘意o個件褸得返s碼~
鬼岩著咩~~
跟住再去sogo行~
行完再去柏寧間k2睇~
搵唔到原本鐘意o個件褸~
不過我睇睇下~就鐘意o左第二件~
咁件褸有幾種顏色~
個sales比o左件灰色我試...
哈哈~ 件褸竟然係s碼黎~
估唔到我都著得落~
搞到我鬼死咁開心~
即刻想買o左佢~
(雖然明知件褸係鬆身款~
所以s碼都著得落...)
不過~ 諗諗下~
都係買返m碼穩陣~
遲d凍d...入面可能要著件厚d o既衫~
到時s碼就真係會窄囉...
點知想叫佢拎件m碼比我o個陣~
佢竟然冇哂m碼~
最後~ 我o地又行返去黃金o個邊買...
有就有m碼~但係就唔係新o架囉~
唉~好過冇啦~
難得自己一睇就鐘意~
平時買衫~成日揀黎揀去...
都揀唔到...
又或者揀到~ 又唔岩著咁...
哈哈~
件衫折實o左都成三百幾蚊~
都有d肉痛~
呢幾日...我都洗o左二千幾蚊啦~~
下半個月...要慳d先得啦...
o係sogo~ 我見到好多bb o既野~
原來"張利b"都未算係利害~
又出o左隻大隻d...識得面紅~
又識得郁耳仔~
又識得唱歌o既bb~
我已經幫佢改定名~叫jerry啦~~
哈哈~
另外~ 仲有好多為聖誕而出o既產品~
好想擁有哂呢~~~ ^_^
睇黎...程程o既荷包又要大出血啦...
行time square o個陣~~阿yan打黎~
佢話下星期去行山喎~
嘩~ 咁體力勞動o既運動~
睇怕我都唔多適合...
行完一次...真係要休息幾日...
so~ 都係推o左...
三點幾...去o左食車仔麵~
到六點幾~我o地就去o左食壽司~
食o左唔夠一百蚊~
嘩~ 諗起以前...我同程程幾誇張啦~
兩個人食成二百幾蚊野~
都唔明點解o個時食得落o架...
食完野~ 就搭車返屋企lu~
等o左幾耐先有車呀~~
今日好頭痛...
同埋...又有d不尋常...
睇黎真係要早d訓先得...
昨晚~ 終於十點三左右tony打黎~
我拿拿臨搭的士落去上環地鐵站join佢~
交o左d野比我就走lu~
夜"麻麻"~我話哂袋住一萬蚊o係身~
為o左搭的士唔洗兜咁遠~
於是我行返上兩條街先截的士搭...
都幾驚o架~條街好靜嘛~
不過~ 當我行到去截的士o個條街~
有幾間食野o既地方仲未關門...
望入去...竟然爆哂咁滯...
估唔到會咁旺喎~~~
我先頭經過ok便利店~
諗住入去買雪糕食~
因為老豆昨晚幾霸道呀...
雪櫃得一杯細雪糕~
佢等阿媽沖涼o個陣拎黎食~
我即刻行出去~叫佢比啖我食啦~
佢死都唔肯~
仲出埋絕招...
用"利""lam"哂個雪糕面~
哈哈~ 佢連絕招都出埋...
咁冇辦法啦...
最討厭o既係...佢食完之後話唔好食~~
真係激死人~~
所以~ 挑起o左我食雪糕o既癮...
入到去...諗住買一杯雪糕食~
後尾...都係決定唔買~
都十點幾咯...
聽日先食啦...
返到屋企~ 我唔知點解...
個心"蟻住蟻住"咁...
好唔舒服~
唔知係咪搭的士o個陣~
d車味勁得滯~搞成咁呢?!
最後...我決定搵d野食~
本來又諗住拎包芒果乾出黎食~
不過始終係甜野~
咁夜食...實會好肥~
於是~ 我拎返包韓國紫菜出黎食~
哈哈~ 都擺o左成幾月~
雖然有封返實... 不過都"林"o左~
但我都照食...
應該食唔死o既~
食完~ 的確係好d~
之後再飲多包維他奶~
冇咁唔舒服lu~ 哈哈~~~
當我返到屋企o個陣~
tony打電話比我~
佢話澳門冇哂房...去唔到~
激到佢死~ 準備搭車返屋企啦喎~
叫我有乜事就打電話比佢~
聽日佢都唔返黎啦喎~`~
程程果然出現o係電視上面~
佢話影到佢好肥~
仲話放工要去跑步~
決心減肥喎~~~
又睇下點?!
等我星期日睇下肥成點...?哈哈~
呢兩日朝早都"申"出鼻血~
唔知搞乜鬼...
我又唔覺得個鼻好乾...
阿媽話我燥底...
飲d雪梨水就冇事啦喎~~
佢昨日買o左個野黎整雪梨水~
好似好方便咁~
佢仲話以後唔洗哂柴火煲雪梨水喎~
咁都好o既~~
我呢個星期皮膚差o左好多~
塊面猛咁生粒粒~
令到我好苦惱~
可能敷少o左mask啦~
同埋...夜o左訓--->呢個先係至命傷~
真係要早d訓先得lu~~
今朝~ 返到公司執返好d野~
吸好塵...鋪返好tony昨日交比我塊布~
mark返好d數~ 就做好公司d野lu~
上個月遲o左交租...
我特登主動打比業主...
叫佢黎收租...
下午~ 阿媽買o左炒麵同"炸倆"比我食~
嘩~ d炒麵勁油~
"益"住d油...
好鬼死辛苦~
要猛咁飲水同飲茶先好d咋...
睇黎~下星期開始...
呢d野都唔洗旨意食...
起碼一個月後先可以再食~
哈哈~ 我一定要忍口...
要食...都只係可以食埋呢兩日...
下午~ 程程收早~
可以返屋企放低d野先過黎~
到五點左右先過到黎~
夜晚收o左工~
我o地就返屋企食飯lu~
老豆今日做o左生意~
去o左鏞記買o左d燒鵝~鵝頭鵝翼黎食~
正~~~ ^_^好味道~~
食完飯~ 我負責洗碗~
十年唔馮一潤呢...
基本上~ 我唔怕洗碗~
我只係怕洗d好多"跡"又"lone"哂o個d野o者...
不過唔係成日做家務o既我...
洗完碗...覺得好累啦~
哈哈~~ 真係唔掂....
今朝...我一返到公司開電腦...
就收到個客o既e-mail~
我都奇怪佢呢兩日冇打黎比我o架啦...
好彩宜家收到佢封e-mail~
安落哂~~
佢決定買其中一個俑~
咁我處理好公司d例行公事之後~
就開始包件貨lu~~
包包下...
個客o既香港朋友(都係外國人黎~~)打比我~
confirm 件貨o既價錢同埋叫我做証書等...
佢先頭想今日叫司機黎拎~
但係公司部printer print唔到張証書~
d墨o既顏色好差...
print o左出黎會古古怪怪咁~
所以~ 我要返屋企print先得~
諗住叫佢聽日先黎拎~
但佢話司機聽日唔得~
so~ 就決定星期一先黎拎啦...
當我包完o個陣~ 都已經成十二點幾lu~
食完吉野家o既牛肉飯...
我就吸塵執返好d野啦...
點知兩點幾...有三個德國佬入黎~
佢o地睇o左一陣~
諗住買兩隻飛馬..
猛咁同我講價~
由原本14000蚊~講到13000~
佢係比歐元o既~
大約係1450歐元左右先夠hk$13000~
但佢死都只係肯比1400歐元比我~
佢話一係碌卡喎~
碌卡雖然名義上係可以收足見13000蚊~
不過實際上...扣o左比信用卡公司d佣金~
只係得返12700左右~
而佢比千四蚊歐元~都係12700左右~
咁我都決定唔到點樣~
我就打比tony啦...
佢話收歐元...
收o左可以即刻兌換到現金丫嘛~
收o左錢之後~
拿拿臨叫阿哥幫我去東亞兌現返港紙~
如我所料~有一萬二千七百幾蚊~
另外~ 又叫老豆過黎幫我整好個紙箱...
跟住...我就埋頭苦幹咁包野啦...
因為個客要六點黎拎...
時間上都好趕o架...
終於~ 五點半左右包好哂~
個客又要証書...
我話聽日先比到佢~
但佢話佢要走啦喎~
咁佢就提議我遲d寄過去比佢~
不過到我包完野~
我就嘗試用公司部機print張証書~
出到黎o既效果好差~ ...
點知佢都接受~
咁我就拿拿臨print埋第二張比佢~
哈哈~宜家唔洗寄比佢...冇咁麻煩lu~~
唉~ 知道唔好咁快手吸塵啦...
包完d飛馬~又七國咁亂~
最後~我都係決定唔吸住~
等聽日返黎先吸~
好累呢~~~!!
tony同我講~
佢今晚會去澳門~
叫我夜d去碼頭or油麻地join佢~
因為佢要比d錢同埋其他"立雜"野比我~
不過佢又唔肯定幾時先得~
佢叫我收工返屋企食o左飯先喎~
後尾~ 我臨收工~佢再打黎~
佢叫我等佢電話~
夜d佢打比我~先即刻搭車落去搵佢~
八點又唔定~九點又唔定~十點又唔定喎~
佢知我冇車返屋企~
叫我搭的士來回...出公數喎~
哈哈~~
阿哥六點左右黎o左舖頭~
佢放低o左部notebook同件褸o係度~
叫我如果返屋企就幫佢拎返去~
出街就等佢聽日自己拎~
因為佢要出街~唔方便拎咁多野~
咁所以~ 我就咩住自己個袋~
又咩住佢部notebook~
又拎住佢件大褸行返屋企~
嘩~~重到死下死下...
咩到我膊頭都痛埋~~v_v
返到屋企~拿拿臨食完飯~
就沖涼lu~
平時我唔係即刻吹頭...
今日一出到黎~就即刻吹頭~
畫返條眉~換好哂衫...
等tony一打黎就可以出門口~~
宜家已經九點...佢都仲未打黎~
希望佢一係夜d...十點半後先打黎啦~
哈哈~ 因為要睇電視嘛...
今日程程放假...
佢又將我o地o既電話轉返去orange啦...
成日都轉黎轉去...
先頭因為orange佢公司收得唔好...
所以轉去新世界~
宜家又話轉返去orange~
係收得好先好~~~
今晚做"香港名牌之dhl"~
應該就會睇到程程o架~
但係成十一點先做~
平時已經熄o左電視~
費事無啦啦出去開返啦...
實比阿媽鬧都似...
so~ 我就諗住錄低佢~
錄返o係上次程程拍公司教材餅帶後面~
點知...唔知點解...set唔到機~
都唔知係餅帶o既問題~
定係阿哥上次幫我錄野o個陣~
佢太耐冇錄...set錯d野~搞到d程序錯o左呢?!
後尾~我入o左第二盒帶落去~
又似乎set到...
希望可以錄到啦~
不過穩陣起見~我叫程程錄埋~
唔單只用帶錄~ 仲用電腦錄埋...
有咩閃失...都仲有後備嘛...哈哈~~
sisi打返黎~
講定訂機票d日期比我聽~
叫我去問下幾多錢喎~
唉~ 12/12返黎~1/8號返去...
好心就唔好返啦...
一個月都唔夠...
連埋機票...
最少都洗成萬幾兩萬先走...
佢阿媽冇事就話o者~
但係宜家咁o既情形~
年尾應該都未出得返黎~
佢又唔可以去探佢媽咪喎~
返到黎都係去玩...
有乜野用呢...?
其實...心靈上o既創傷...
係要慢慢咁去醫返好...
希望我o地大家都會去努力啦~~~
昨晚...我用好平淡o既態度同你傾~
搞到你好唔習慣~
咁我就話...我唔鬧你...你都要習慣下o架~
我用呢種態度講野~包我o地實唔會鬧交啦...
我仲話...我唔會鬧你o架啦...
但係我第時講野可能有"骨"~
到時你唔好話我陰毒啦...
今朝...一切如常...
態度變返平時咁...
希望呢一個新o既開始...
真係一個好o既開始啦...
我上網check下你同我o既通話時間~
你就真係爆o左~
我就仲未~
不過我都叫你去出另一張卡先~
你於是就去o左數碼通出o左個新號碼啦~
昨日~ 我睇到報紙~
見到d野~
今日我就打電話去買~
下午就有人送黎lu~
成千幾蚊...好肉痛o架~
不過最邪係...
呢樣野o既價錢~
同我銀行存款o既尾數竟然岩岩一樣~
唉~係天意黎...
一生人~點都要豪一次o既...
講講下~
今日已經星期四...
tony一直都未返黎~
佢昨日o係香港打比我~
話遲d上大陸~ o個度收唔到電話~
叫我有咩事就call佢~
到今日~佢打比我~
話佢已經落o左黎香港~
但係就唔返黎啦~
仲話聽日又要上去~
咁我同佢講星期六要交租~
佢話星期六會返黎啦喎~
哈~ 我又聽下先啦~~
基本上~我呢幾日都冇乜開icq~
今朝開o個陣~
收到apple個offline message~
好感動~ 多謝你o地o既關心~~
跟住亦都send o左個message比阿yan~
話比佢知我冇事~
真係好感激大家!! ^-^
唉...昨晚~你只係掛住訓~
話好累~好頭痛~
我就覺得你係逃避緊囉...
我喊得好辛苦~
所以知道你訓o左~我都再打比你~
不過我冇諗住你會聽~
我只係想留言比你~
點知你又聽~
咁我就講我想講o既野~
點知你用好差o既態度話我好煩~
呢一次~係你第一次話我~
我呢一世都記得...
昨晚...我喊o左好耐好耐~
我都未試過一直係咁喊~
d眼淚不停不停咁流出黎~
喊到眼又腫~又痛...
好傷心...好傷心...
喊到累先訓著...
之前我特登較定鐘~
諗住七點起身~
o個陣你應該返緊工~
我諗住打電話比你再傾~
不過最後都冇打到~
因為你昨晚話你其實冇諗我o地o既問題...
我想比呢段時間你好好咁諗一下...
到今朝~
我問返你昨晚你記唔記得自己對我講d乜~
你話你唔記得...
哈! 唔記得?!
講d咁hurt我o既說話竟然話唔記得~!
我好無奈囉...
今日...我o地斷斷都傾o左好耐~
講黎講去...
似乎你一d都唔緊張我o地o既感情~
我完全唔知你諗乜...
問你...你又唔答...
唉... 我真係唔知你想點...
我知o個日我發脾氣~只係一個導火線...
問題已經積積埋埋好耐~
只係我估唔到平時你唔聲唔聲~
一發...就不可收拾先得o架...
我朝早出o左去一陣~
出去買o左d紙~買o左枝筆...
諗住好好咁將我諗o既野寫低~
因為我發現一聽到你把聲~
聽到你o個d態度~
我就好唔滿意~
原本諗住想同你講o既野~
都會變o左講d相反o既野黎計對你~
我希望你睇完之後...
會明白我係真係有反省過...
我會盡力去改變囉...
不過寫o左一張紙~
我就冇再寫...
問題唔拎出黎傾~
似乎都唔係辦法~....
下午~ 得我同老豆食lunch~
阿媽同佢d friend食~
阿哥唔舒服~好似係感冒菌入腸之類o既野~
希望佢快d好返啦~~
咁老豆見我今日出o左糧比佢~
就買多d野比我食啦~
嘩~ 有一碗粥~一包炒麵~一包腸粉~
我食o左一半炒麵~三啖粥~一條腸粉...
已經飽到想死~
結果~ 我樣樣食多少少就掉o左~
唉~我都知會哂野o架啦~
但真係食唔落丫嘛~~
下午~ 收到阿yan o既sms~
好感動...
多謝你~
我知就算我真係同佢分開~
我一定會挨得過~
平時勸得人多~
我仲記得自己點樣同人o地分析...
我一定會冇事喎~
放心啦~~
終於~ 下午算係大家妥協o左...
不過大家o既態度都係有d怪~
兩日o既時間...竟然可以變到咁陌生...
其實都幾得人驚...
好出奇地...平時你部電話好快冇電~
今日傾o左咁耐都仲有電~
但係...傾得落o既後果...
就係d通話時間已經爆o左~
宜家先12號~ 今期o既帳單就"溶"囉~
放o左工~你去o左踢波...
心情...的確好返d...
想你快d踢完波返屋企打比我~
繼續傾...
希望...會有結果啦...
今朝~o係我返舖頭o既途中...
我期待你會為我做一d野~
但係返到去~我好失望...
因為你冇為我做任何事~
我期望打開舖頭門~
會有一封你寫比我o既信...
但什麼都沒有~
我期望我開icq...
你會留一個offline message比我~
(因為我昨晚冇online~~
所以如果你send o左比我~
我一開icq就會睇到...)
但係...你冇~
我期望你icq info會寫一d說話...
但係你冇~
我期望你會send e-mail比我~
但係...你冇~
什麼...都沒有...
跟住...我開返昨晚o既絕情谷黎聽...
聽o左d野~令到我有d啟示...
我o係度諗...究竟係咪我打返比你先~
即係代表我認輸?~!
我又o係度諗...
如果你經過一晚之後...
態度仍然冇軟化~冇打算和解~
冇打算去挽救...
咁我打呢個電話...有乜野意義呢?!
不過~ 到最後~我都決定打比你~
因為就算係要結束...
我都想清清楚楚~比自己一個了結~
同埋~我亦都認為...
因為咁小事而分開~ 會好可惜~
認低威能夠挽救一段差唔多三年o既感情...
似乎...都值得.
但係...你態度依然冷淡~
你問我覺唔覺得自己有錯...
我見你咁o既態度~
我打消o左認低威o既念頭~
我話...我唔覺得有錯~
你無非想我認錯先肯妥協~
但我偏偏唔認錯...
因為我覺得...
你口口聲聲話愛我~
我認唔認錯...有咩問題?!
就算我認錯...咁代表d咩o者?!
根本真係好小好小o既事~
我先頭第二朝已經冇事~
只係你自己執著要我道歉~
我o地先搞成咁咋嘛~
靜靜咁過o左一晚...
沒有什麼特別o既感覺...
只係好安靜...好安靜...
安靜到一切如常~
宜家五點左右...
tony如我所講~ 冇返到黎~
連電話都冇打返黎~
咁我就打電話比佢啦~
佢原來o係香港~冇上到大陸~
同緊阿智佢o地一齊~
話今日唔返黎啦喎~~
哈! 唔通宜家你返黎咩?!
亦都好好彩佢冇返黎~
因為我唔洗咁假...扮開心扮無事...
基本上~我今日冇咩野諗~
只係朝早心情低落o左一陣~
有d忐忑o既感覺咁...
都唔係我想像中咁差o者...
lunch o個陣~
阿媽買o左飯比我o地食之後~
就去o左同鐘太飲茶~
又係食牛肉飯...
先頭以為自己冇咩胃口食~
但我覺得...點解要難為自己...
點解要特登唔食野黎令自己覺得sad o者?
所以...食食下...我都成o左大半盒咁滯...
只係真係覺得飽...冇食哂成盒o者~
過o左陣~ 阿媽似飲茶~
比o左個臘腸卷我食~
格硬都食埋...
好飽...真係好飽...
工作上~ 冇咩野做~
好悶...玩mini game玩o左成日~
但玩埋一d冇乜變化o既game...
越玩越悶...
唉~~
今日天氣涼o左好多~
著o左件短袖tee~ 外套加頸巾...
出面o既氣溫...仲涼過舖頭~
因為我較到個冷氣好細~ 仲有d焗tim...
不過...總好過凍到死...
令到個病繼續漫延落去...
其實...我冇乜精神...
病...係其中一個小原因...
而大原因...係我真係好累...
身同心都累...
原來你唔了解...半個鐘o既時間...
對於我黎講...係有咁大o既意義...
人生入面...有太多時間花在"等候"上...
我唔想浪費呢d時間...
如果"等候"o既時間...用黎休息...
我覺得會比較值得囉...
何況...我係一個病人?! !
這幾天的心情跟身體...同樣的差.
原來你已慢慢走遠...
在你身上, 已經看不到你從前關心我的身影.
我不害怕, 只感到可惜.
差不多三年前, 我再三選擇下...
再次選擇跟你認真的在一起.
到了今時今日, 我知道我選擇錯誤.
愛...真的不會一生一世.
我曾經相信你對我的忠誠和愛.
原來...所有男人都一樣.
沒有了忠誠, 也沒有了愛的存在.
我不需要什麼安慰.
不論怎樣, 我都不希望大家問候我...
問候我的心情...
因為我的感覺不會好到那裡.
請讓我靜下來...
我希望我很快便會好起來!
昨晚十點幾...
程程就話累...要訓覺~
唉~我作為一個病人...都未話訓覺~
你好人好者...咁早就話訓~
真係比佢激死~
不過~ 昨晚叫做訓得幾好~
兩個人食o左一包餃子...
之後換衫出門口...
走o左去意粉屋食lunch啦...
咁因為怕去到先買飛會遲o左~
所以就叫程程打電話去訂飛啦~
佢話中間第四行~
我話聽埋左邊同右邊有冇位先決定~
但佢好似聽唔到我講野咁~
一意孤行...
照買第四行~
我就諗...第四行~咁前~點睇呀?!
我話我唔會去睇之餘~
結果又比我鬧一大餐...
食都食得唔開心~~
食完~我o地行去ifc~
拎完飛~
去o左city super行o左陣~
到咁上下~
就入得場lu~
原來...一間影院~有六七個house~
一個house有八十幾個位左右~
第四行~ 係適中o既位...
比程程講中...
話我亂咁鬧佢~
程程自己走去買o左野飲同爆谷~
佢自己一個人食哂~
所以佢之後都好飽...
d位...都幾好坐~
好闊落...60蚊~ 都幾抵丫~
不過可能岩岩開啦...
所以d"裝修味"都幾勁下~
套22世紀幾精彩~
畫面上視覺上幾好囉~
至於話好唔好睇~...
我就唔知算唔算好睇~
因為我一直都唔係好明套戲講d乜~
既然程程想睇~
咁咪陪佢去睇囉~
睇完出黎~我o地搭船去尖咀~
行o左冇幾耐~
我覺得有d肚餓~
於是o係惠康買o左個腸仔包食~
之後就去紅磡join佢daddy mummy食飯~
唉~ 早知咁早就食野`
我就唔買個包食啦~~啦隊
食完飯~都係七點左右~
仲有成個鐘頭~
於是o係個商場入面無聊咁行~
仲走入去osim度試下d機咁~
都幾好玩o架~~
入場坐低...
個位都唔係想像中咁差~
個台o既設計係三面台~
簡簡單單咁...
次次睇親show~都有d搞笑野~
今次都唔例外~
就係坐o係我o地前面o個行有個女人~
佢一坐低~我就見佢o係個膠袋度拎枝水出黎飲~
我仲見到有個飯盒o既物體~
我同程程講~話o個盒可能係燒肉黎~
點知話口未完~佢打開o左個盒~
原來係盒油雞飯黎o架~~
笑到我o地死~
真係未見過人睇演唱會食盒飯咁搞笑~
我仲偷偷o地影o左張相~~
呢個世界~真係咩野人都有~~~
之後~ 又有個老婆婆坐o係前面~
原本佢個位應該係o係中間o架~
好彩d人見佢老~
特登讓位比佢~
等佢唔洗行到咁入~
跟住...就慘囉~
聞到藥油味...
拿拿臨食香口膠`頂住陣味...
唔係...實聞到我頭暈呢...
再之後~ 阿梅唱到咁上下~
到d嘉賓出場~
有陶吉吉啦~ 張學友啦~
gigi啦~ 克勤啦~
何韻詩~梁漢文~蘇永康~草蜢等~
唱到張學友o個陣~
後面有三個學友o既fans勁嘈~
大叫不單只~拍手又拍到鬼死咁大聲~
好似瘋o左咁~~
整體黎講~
呢個演唱會都ok o既~
d歌~ 雖然十首有八首都唔識~
不過阿梅真係誠意同勇氣搭夠~
而佢唱歌都冇以前把聲咁響~
但唱o左幾首之後...把聲都叫做開返d~
d衫...我就覺得麻麻~
太"累聚"~
d衫雖然貴~ 但著o左出黎唔覺得"高貴"囉~
有件東瀛味較重o既衫~
又似乎太"靚妹"~唔襯佢囉~~
仲有~ 件婚莎好普通o者~
塊拖地o既莎長~唔代表靚o架喎~~
哈哈~ 不過...都有d值得一看o既地方~
就係有兩個sexy dancer~
嘩~ 真係好sexy~
睇得我好開心~~~
鬼佬係唔同d o既~~~~哈哈~~
仲有~ 今晚個演唱會~
其實係同唔知上海乜乜演奏團合作~
有兩首音樂佢o地自己獨立演奏...
其中一首...對於我黎講~
係一首意外o既收穫~
雖然唔係好震撼~不過都尚算不錯啦...
呢首~就係somewhere in time o既音樂~
好正呀~~~
如果呢個演唱會冇o左呢首樂曲~
我會覺得呢個show好普通~
冇咩感覺~
但係出o左呢首曲之後~
我覺得成晚咁悶...都係值得o既~
呢一首曲~已經值回票價囉~~
本來到最後一首歌~"夕陽之歌"~
我就諗住走先~
但程程話唔好~
咁結果正式完o左...開哂燈先走~
我o地去到車站~架車岩岩走o左~
咁我咪話佢囉~
聽日要返工o架嘛~
話o左早d走o架啦~
宜家要等多成半個鐘先有車~
差唔多十二點..
先有車~
原來唔洗佢送埋我返屋企~
但佢比我鬧完~唔忿氣~
咁跟埋我上車~
坐低都一直冇講過野~
佢送到我上樓~
黑哂口面咁話我遲半個鐘返到去有咩問題~
佢叫住我~ 我都費事理佢~
開門入屋...
我真係唔知佢做乜囉~
簡單d黎講~
我只係好似平時咁發脾氣咋嘛~
根本係小事黎~
係佢今次自己發神經~咁執著咋嘛~
今朝我去o左睇醫生...
九點鐘老豆幫我去掛號...
我食完早餐...搞掂哂落去...
等o左兩三個字...就到我入去睇lu~
醫生比o左4種藥我食~
今次d藥唔同o左~
之前次次睇醫生....
個醫生次次都係比埋一樣o既藥我~
希望我好快會好返啦~~
昨晚...同程程傾到點幾...
好認真咁傾我o地o既問題~
本來...可以開開心心咁...
當冇事發生...
不過唔知講起d乜...
跟住就引發我去講出一d已經發生o左...
但又冇特登拎出黎講o既問題~
唉...呢幾日...
係我o地拍拖以黎...
最難過o既日子...
係純屬關於感情上o既問題...
唔知點解會搞成咁...
可能...大家一直冇提起~
冇拎出黎講~
積積埋埋...所以搞成咁...
傾完之後...
我知我需要休息...
不過我訓唔著...
一直到三點左右~
我先訓得著...
今朝打比程程~
傾o左兩次...
個感覺都好好o地...
但當佢同輝輝一家搭車去沙田飲茶o個陣~
我再打電話比佢...
佢o既態度好"大男人"~
我覺得好唔舒服...
點解唔可以好d態度~
輝輝又唔係d乜野人~
佢又唔會笑你...
我唔明白點解要咁囉...
收o左線之後~
我心入面真係好唔開心~
好辛苦...
跟住喊起上黎~~
我本來冇諗住再打電話比佢~
後尾我都係打o左~~
我喊住咁打比佢...
佢敷衍咁安慰我幾句...
仲死口話冇態度差~ 唔覺得有問題...
而且仲話即刻過黎...
我話唔洗...
點知...佢真係冇過黎~
後尾~ 我再打比佢~
佢仲未飲完茶...
我話...你又話過黎~
跟住又好唔開心咁收o左線~
之後又再打~
佢話佢同緊輝輝一家去冒險樂園玩~
哈哈~ 我真係覺得好好笑囉~
佢竟然陪人o地...
都唔黎舖頭陪我~
我真係冇幾何會喊哂咁打電話比佢~
佢完全冇諗過我病...
過黎睇我~關心我~陪我囉...
我好失望....
五點幾...你先過到黎~
你話你過到黎會悶~
悶就會想訓覺咁...
費事比我鬧~ 所以唔想咁早過黎~
我就話...你過黎~
係因為係想陪我~關心我~
如果你愛我~ 應該唔會覺得悶~
唉~我真係冇野好講啦...
仲有...你應承o左我做o既野~
你都冇去食~
我話你咁快搵到d糖比我都冇用`
我都唔食得~
咁樣...唔代表你唔可以早d去搵呀嘛?!
宜家你做所有野~
都要我提~都要我講出口...
你先識做~
以前o既你...究竟去o左邊?!
阿哥個朋友...小芬搬o左黎上環~
阿哥今日幫佢手搬野~
三千九蚊~
有四百幾尺~
雖然係唐樓...
但係都幾好丫~~~~
昨日同apple o係icq度傾阿yan做手術d野~
傾傾下~ 見到阿yan online~
就覺得好奇怪啦...
因為o個陣阿yan應該已經去到做手術o個度~
唔會on到line...
咁我就icq問阿wing啦~
原來...係個同事要用阿yan部電腦做野~
唔小心開埋個icq o者~~
跟住阿wing話阿mon生日...
12月1日出黎食飯~~
o個日係星期一黎~~
唔知o個日可唔可以早d走呢?!...
到差唔多六點~
apple icq話阿yan打o左電話比佢~
咁我就跟住打比阿yan啦!~
傾o左幾句咁啦~~~
佢話"感覺很好~~"好似楊利偉咁~~
本來...仲想問下o個個人有冇搵佢~
不過...佢之前日記話要放低o既野~
唔知係咪就係指"佢"~
如果係o既話...我就更加費事提起...~
總之希望佢得償所願啦~~
昨晚~同程程傾o左好耐~
o係度傾我o地o既問題~作出分析...
心情...叫做好返好多~
我諗...程程真係好sad~
連肥佬阿堅都睇得出唔開心~問佢做乜事...
都可想而知啦...
至於我...o係舖頸o個陣~
一邊聽to where you are...一邊喊...
雖然首歌o既歌詞唔係好關事~
只係首歌o既音樂好配合sad o既心情~
所以...引到我喊起上黎~
同埋...加埋病~
咁咪特別淒涼咁囉~~
我昨日咪話朝早返工o個陣~
見到好多人向住同一個方向望o既~
今日我上網睇返新聞~
原來係有個中三o既女仔跳樓~
咁當然...到最後個女仔冇跳到啦~
警察搵到兩執信...
話佢跳樓o既原因...
係因為佢網上素未謀面o既男朋友死o左~
所以佢就唔開心想跳樓囉~~
唉~~有時...人真係好唔理智~
對一個未見過面o既人都可以用情咁深~
我諗...如果個女仔大個o左~
諗返起自己曾經咁樣~
一定會覺得自己好傻o者~~
但另一方面~
阿媽就話係考試壓力~
而學校就話前排有個老師都係跳樓死o左~
個女仔心情未能平伏喎~~
哈哈~ 都真係唔知信邊個講好?!
最有趣o既係...
個女仔係讀我阿哥以前間學校o架~~
希望佢唔好再咁傻啦...
今日lunch...程程又去食麥記...
星期三先食完~
今日又食~ 肥死你呀!!
不過~今日去食麥記係有原因o既~
因為輝輝個女要開心樂園餐個玩具~
so~佢o地兩個大男人就去買開心樂園餐食啦~
哈哈~ 見到輝輝宜家好似個住家男人咁~
真係好搞笑~ 亦都好幸福呢~~
咁因為佢冇換到上一款...
要夾埋今次呢d玩具~ 先可組成條火車軌~
咁我就上網幫佢搵啦~
搵就搵到~ 仲幫佢bid tim~
點知由25蚊~ 叫到宜家成四十蚊~
件玩具得我同另一個人bid~
o個個人傻o架~ 猛咁同我爭~
四十蚊~ 食到兩個餐啦...
寧願出去碰下運氣~
可能仲有麥記有得賣呢~~
哈哈~咁呢個任務~緊係留比程程啦~~
佢聽日放假丫嘛~
大把野等住佢做呀~~
就係要幫我搵橙糖啦~
同輝輝去找婚莎相o個d數啦~
仲有去ifc買飛睇戲等...
今日中午~克林頓黎o左中環~
o係舖頭附近一帶出現~
不過就冇入黎~~
而我亦都見唔到佢~
費事咁八卦走出去望啦~~
唉~我今次真係病啦...
但係我冇去睇醫生呀~
唔想自己咁快好返~
想病下...
(有d自虐傾向...)
程程猛叫我睇醫生~
我死都唔去~
過多兩日先啦...
真係唔掂先睇醫生啦~~
成藥同沖劑我都有食~
不過冇效咁解咋嘛~
哈哈~~
兩點幾~tony打返黎~
話佢o係大陸趕緊落黎~
嘩~佢都幾利害o架喎~
昨日先打比我~話佢已經落o左黎~
點知佢昨晚又上返去~
比佢激死~~~
佢先頭唔想落黎住tim呀~
因為聽日有條數要由公司戶口過數~
而公司戶口又唔夠錢~
所以tony點都要落黎~
將老闆娘開比佢個戶口d錢轉入公司戶口...
如果今日入唔切~就要收成千幾蚊手續費~
銀行話就話聽日過數~
但係凌晨o個陣~ 銀行已set o左auto pay~
聽日入o既話...已經趕唔切~
於是~佢咪拿拿臨落黎囉~~
另外~佢又叫我即刻影舖頭d相~~
即刻拎去哂喎~
嘩~佢同老闆娘一樣~
要做o既野~一定要即刻做比佢~
咁我都冇計~
咪照做囉~~
影完~ 即刻拎去哂~
要相舖盡快比我~
之後~ 我就o係銀行度等tony黎啦~
黎到~過好數~
拎o左兩萬留o係公司用~
跟住...過去相舖~
岩岩哂好~
我o地就一齊返舖頭lu~~
返到去~tony話今日成日都冇食過野~
只係飲o左盒檸檬茶~
於是我就去糖水舖買o左碗西米露比佢食~
點知佢食o左幾啖就冇食~
哂哂d野~~~
佢坐o左一陣~ 到五點半左右~
佢就走lu~~
佢話...星期一或者搬返黎老闆娘屋企住~
唔洗成日都掛住舖頭喎~~
我就諗...下!唔係o掛~~
佢搬返黎~ 我仲煩仲悶~~
希望佢只係講下啦~~~
sisi學校寄o左信黎~
仲有成績單~
嘩~除o左sport有a~
其他多數都係d~
死火囉~
點讀f.6呀?!
下午~ 收到張萬四蚊o既支票~
係個客之前黎買o左野~
講到明兩個月後先找數...
我見未到期~ 都冇去追數~
估唔到~今日自動自覺拎錢黎~
哈哈~ 當佢寫支票比我o個陣~
問我14係咪forteen~
我成日都搞錯~諗住應該冇錯~
咪話"係囉"~
後尾諗諗下~費事錯o左拎唔到錢~
我就即刻走入去電腦度check~
哈哈~果然錯o左~
係fourteen先岩~
於是叫個客改返~ 再簽多次個名就ok~
~~我宜家諗到方法記住...
十四同四十o既分別~
下次應該唔會再搞錯~~~
好彩個客黎o個陣~
tony唔o係度咋~~
因為佢提都冇提過我出糧o既事~
所以個客比o左錢...我都冇話佢聽~
我又唔係呃佢~
d數~ 都係老闆娘出黎o個陣同佢交代~
唔係同tony交代~...
我出糧係應該o架喎~
唔出糧比我~ 唔通我幫你白做呀?~
我o係銀行等tony o個陣~
我將張支票入o左落自己個戶口度~
個客都醒目~ 冇寫到抬頭~
由得我自己寫~
(因為佢知我老闆娘出o左事~
d錢如果寫o左公司抬頭~會冇錢周轉~
佢真係好人~~~
同埋~ 最重要係佢都信得過我~~)
萬四蚊~ 扣o左一個月o既糧~
仲有錢淨...
o個d錢~我會留住...
等到下個月出糧o個陣~
再另外o係公司d流動資金補d錢~
再出埋下個月糧囉~~
唉...我咁做...會唔會好衰呢?!
但係~我都應該為自己著想下o架嘛...-_-"
另外~ 我亦都匯埋錢比sisi~
唉~雖然我成日口口聲聲話佢唔生性~
成個敗家女咁...
但係...佢話哂一個女仔o係出面~
點都要d錢旁下身o既~~
今朝~發生o左件事~
令到我好鬼火滾~
就係今日收到aia~mpf封信~
佢話我公司過期未供款~
但十月尾o個陣~
我已經收到什麼強積金管理局封信通知~
我即時已經fax返張供款書比aia~
佢都仲出信黎...
我覺得次序上好有問題~
應該aia通知我公司~
跟住我公司再冇回應~
先叫強積金管理局出信警告丫嘛~~
程程上年做什麼個人表現評估o既野~
拎到b~ 出o左成六千蚊~
今次冇上年咁傑出~拎c..
um...都有二千幾三千蚊...
哈哈~好過冇啦......
昨晚...冇啦啦諗起生日o既問題~
不其然又o係度埋怨程程...
上年點樣令到我過o左個"開心"o既生日~
唉...
我希望我廿二歲o既生日~
收到一份唔係咁物質又充滿回憶o既禮物~
等我第時拎返份禮物出黎...
都可以即刻諗起一個美麗o既回憶~
唔會好似之前咁樣...
邊份係生日禮物~邊份係情人節禮物都搞錯...
我想我每一次拎返d禮物出黎o既時間~
我第一次時間...
就講得出係邊一年o既乜野日子o既禮物囉...
其實咁樣...會唔會好過份呢?!
雖然...要搵一份有心思o既禮物係比較難~
但如果你愛我~你應該會做得到...係咪?!
我比你去踢波...
次次踢完你都話累...
咁下次咪唔好去踢囉~
你又要踢喎~
咁你以後都唔好再同我講你累~
講親以後唔准去踢!
呢一次係最後o既警告!!!
跟住...我又o係度講錢銀上o既問題~
你又覺得煩...發我脾氣~
我即刻起火啦...
你話你即刻打比阿泉~
話你聽日(即今晚)唔去~
我就cut你線~ 費事理你~
到今朝~我都未嬲完~
我連打都冇打比你~
睇下你幾時知衰打返比我~~!!
昨晚~ 我feel到開始作感冒...
食o左3粒藥先訓~
到半夜...已經有d鼻塞...
唉~~ 真係中o左招啦~~v_v
阿媽做源頭~ 跟住散播比老豆~
之後就到我啦~~~
阿哥話都有少少作感冒o既徵兆~
too bad~~~
所以今朝起身~
我食完早餐...食完白鳳丸~
諗住再食埋傷風藥...
但食白鳳丸o個陣飲得太多水...已經好飽..
於是帶o左d藥落舖頭先食~
仲帶o左包傷風感冒熱飲沖劑...
以備不時之需~~
落街...
見到有好幾個人向上望住一d野~
我咪八卦都望下啦...
但又見唔到d乜~
跟住落斜路~ 又有一堆人向上望...
我又望...又係望唔到...
之後~我見到有幾架報紙記者車停o左o係度~
究竟咩事呢?!
如果自己能夠解決問題~唔洗人幫...
咁當然係最好啦~
但係自己又解決唔到~又唔洗人o地幫...
都唔知想點?!
問你有咩方法幫自己~
又話自己會搞掂~ 唔洗人o地理~
咁問你點樣搞掂...
你又講埋d冇建設性...
而又令問題循環惡化o既野出黎~
真係激到死死下...
十一點幾~你打黎~
不過我冇聽到~
後尾我打返比你~
都係傾得唔開心~我又扯哂火...
哼! 先頭你激嬲我~
你會打黎"tum"返我~
宜家...就算講分手...
你都唔打黎~
我唔明呢d係乜野態度囉...
唉~ 心淡...
下午三點幾~我send o左封e-mail比你~
希望你反省完會比返個答案我啦...
四點左右~
有幾件貨落o左~
運費1000蚊~
拆好之後~打比龍哥同tony~
問清楚d貨係咪本身有爛...
因為我驚係我拆o個時整爛嘛~~
好彩~ 本身就係爛~
咁即係唔關我事啦~~
另外~ tony已經落o左黎香港~
但係佢又唔返黎~
真係奇怪...?!
就算返黎o係度看舖...都係佢份內事o者...
都唔明佢諗乜?!
點都好~佢話聽日實返黎喎~
望就咁望啦~~
搞掂哂~
我就自己拎d垃圾去垃圾站掉啦...
丫~ 今日個客明明話黎拎貨~
宜家都成五點半啦~
咁耐都未黎o既~
唔會唔記得o左呀嘛~~
如果今日冇黎~
聽日我要打比個客o既friend先得lu~
阿yan宜家應該準備做手術~
加油呀~~
你一定掂o既~~ ^-^
希望手術成功之餘~
仲放低你想放低o既"人"同"事"啦~
今朝老豆同阿媽臨時決定去澳門~
下午我就去買粥食~
仲買埋阿哥o個份tim~~
但係食粥o既後果..就係好易肚餓囉~~
哈哈~~
話口未完~
個客就黎o左~
呢個客真係好~
佢個樣好似er入面o既carrie咁~
好平易近人~ 好親切~~
我今日真係有d sad~
希望自己快d返好~
等心情都好返啦...
今朝好早比老豆嘈醒~
佢猛o係度"申"鼻涕~
冇計啦...病丫嘛~~-_-"
自己起身靜靜咁關埋門就算lu~...
唔通仲發脾氣咩~~~`
昨晚我記得聽完"嘩嘩嘩~打到o黎"...
未聽到絕情谷就訓著o左lu~
即係播新聞o個陣訓著o左啦...
當時...冇熄到機...
到半夜...冇啦啦醒o左...
跟住聽到收音機一個廣告定唔知係d乜...
我記得係好恐怖o架...
我即刻熄o左個收音機~
好驚咁縮埋一邊訓...
講起恐怖野~
我阿哥前晚睇"午夜凶靈"~
佢未睇到第二隻碟...已經覺得好恐怖~
唔敢再睇落去lu~~
佢話個氣氛好恐怖喎~~
我記得電視做過一次~
當時我睇o左30分鐘左右~
已經唔敢再睇`~
唉~ 真係冇用啦~~v_v`
但係好多人同我講~
一d都唔恐怖~ 仲睇到笑tim~~
返到公司~ 繼續包埋件貨~
因為個客聽日黎拎~
所以我都趕唔切訂個紙盒比佢~
佢話唔怕...就咁包好比佢就得~
但係我就唔放心囉~
於是我就用發泡膠切o左個盒~
將件貨放入去...
哈哈~~ 宜家好穩陣~
上次四件貨~ 其中一件斷o左腳~
希望今次安安全全啦~~
包完野~ 緊係要順便吸埋塵啦~~
d發泡膠碎飛到周圍都係...
吸完塵之後~
我就諗起老闆娘個朋友...
佢上次黎o個陣~睇到件貨~
叫我影幾張相比佢~
影好度埋尺寸之後就打電話比佢喎~~
先頭應承o左過幾日比佢~
點知...宜家過o左成兩個幾星期~
我費事比人話我唔識做生意啦...
所以...遲到都好過冇到~
我打電話比佢...
話要萬八蚊~
不過上次我同佢講1萬至萬2左右~
佢話貴o左咁多...好難做喎~
唉~咁我都知~
但係大家都知我老闆娘o既性格啦...
佢一時一樣o既~
咁緊係賣貴好過賣平o左...
返黎比佢鬧啦...
so~ 佢叫我問清楚d先算...
話佢都唔想累我~ 知我o係度打工咁...
食lunch~ 今日阿媽買o左百佳d飯比我食~
d"飯"就ok~不過d雞就好"鞋"囉~
其實...我唔介意只係食"飯"~
有d豉油就得o架啦~~
食完~ 打電話比tony~
佢話有人聽日可以帶佢去見老闆娘喎~
咁所以未落得黎住...
之後~ 我就去中環交ae卡數同call台費~
順便...我去返以前成日哂相o個間舖頭...
睇下canon a80部dc~
大約3050蚊左右~
哈哈~ 近來同程程都心癢癢~
好想買部dc...方便d嘛~~ ^_^
3050~ 都尚可接受~
考慮下tim啦...
又順便~行o左幾間boutique~
睇到兩件衫都幾靚~
不過...就冇諗住咁快買~
哈哈~或者遲d大減價呢...
唉~我都試過好多次...
買完冇幾耐就crazy sales~
激鬼死~
昨晚~老豆冇啦啦衝入黎~
話吳君如同阿潭做o個個節目好好笑~
哈哈~我老豆好少會聽903...
佢應該係轉台o個陣唔覺意聽到~
而通常...佢應該會話呢d節目無聊~
唔知有乜好笑~
不過~佢昨日o既反應真係好搞笑囉~~
老豆笑得幾開心呀~~
程程話...
輝輝想借佢張匯豐卡黎做分期喎~
基本上~都冇問題...
但係究竟做乜要分期呢?!
因為輝輝影婚莎相影o左成萬蚊...
人o地可以比佢分期~
但就要用匯豐卡~
而輝輝又冇匯豐卡喎~
so~就要程程幫手啦...
我諗...
嘩! 乜影婚莎要成萬蚊咁費o架?!
就算整大大張油畫相連埋框~
都冇可能貴成咁呀嘛~
d婚莎公司緊會sell對新人...
話一個套餐包哂所有野~好抵o架~
又睇中d新人怕麻煩喎~
哈哈~~ 咁樣~ 就有好多人中招lu~
為o左追尋兒時的回憶...
我希望我可以食到一種糖果...
呢一種糖果, 係新奇士出o架~
細個o個陣...記得o係惠康有得賣~
由一個q版橙盒裝住獨立包裝o既軟糖~
好想食返...
究竟會唔會搵得到呢?!
阿yan聽日做手術~
希望順順利利啦~~ ^_^
今朝食埋東海堂d西餅做早餐...
食o左兩件...
個感覺好辛苦~...
自從星期日晚打完邊爐...
到今日為止~
我個感覺都好飽...
唉~ 都唔知點算...v_v
尤其今朝o個兩件西餅...
嘩! 真係極為恐怖~
我本身唔係太好cheese cake~
但又唔可以用討厭黎形容囉...
雖然星期日朝早我都食o左件~
不過我係一開始就食o左cheese cake~
後尾先食第二種味o既蛋糕~
到今朝~我係食o左第二種味...
先至食cheese cake~
所以個感覺好heavy~
下次都係咪搞我lu~~
去買西餅...都係自己親自去揀好d~~
(今次係阿媽去買o架~~)
哈哈~一出門口~就拎定錢買tvb周刊~
想快d睇下"衝上雲霄"o既戲情嘛~~
我諗呢套劇應該幾好收視~
好多朋友都鐘意睇~~
至於o個套"西關大少"~
亞視又好似買o左套差唔多o既劇黎播~
不過人o地d慣性收視...
一樣o既野~ 人o地通常都會睇無線~
根本鬥唔贏~~
冇野做...
又係上sina玩下mini game咁~
之後執下自己個袋~
見到星期日o係街拎返黎o個張表格~
係申請visa mini o個張渣打卡o既表格黎o既~...
於是填好佢...就拎d資料去影印lu...
哈哈~
簽o左千八蚊~就可以揀city super300蚊禮券~
or 雪櫃仔一個~
咁我知老豆想要個雪櫃仔...
放o係舖頭...可以放生果~
等d生果唔會咁快爛...
咁我就揀o左雪櫃仔做禮物~
至於千八蚊...買d乜野好呢?!
老豆話...如果到時冇乜野買~
就o係佢舖頭碌喎~~當我o係舖頭買野咋嘛~~~
...即係話...
到時要交卡數...都係老豆比返...
我o地根本冇損失~
比幾廿蚊佣比卡公司就可以換個雪櫃仔返黎~
何樂而不為呢~~哈哈~~
我拎完d野去影印~
經過對面舖頭"美寶軒"~~
我就入去坐下啦~~
佢沖埋茶比我飲~
都傾o左幾個字先走~~
唉~唔知呢~~
我硬係覺得自己唔多識同d前輩溝通~
可能心入面有d防人之心啦...
因為做呢行...好少冇心計o既人~~
講每一句說話~都驚比人變做是非~
唉~~
tony本來話今日返黎~
結果都係冇返到~
差唔多六點打比佢~
佢話今晚或者聽日先返喎~~
打完比佢~
就有個客入o左黎~
佢係上個月唯一一個...
幫我公司買o左o野o既人~
哈哈~ 佢今次黎再買多一個裸俑~
so happy~
不過我口快快...話1500蚊~
上次佢幫我買...
係計佢1800蚊一個o架~~
但係鬼叫我口快快咩~
好彩~ 講得掂佢比現金~
咁樣好好多~~
佢話星期四黎拎~
落o左500蚊訂...
走o左之後~
我就即刻影o左張相~
因為佢要我整張証帕比佢...
跟住就o係度包...包到收工為止~
大至上~都包好o架啦~
只係未包氣珠膠上面o者...
聽日返黎先繼續啦...
返到屋企食完飯~
就整埋張証書...
唉~ 連d相紙都蝕埋比公司~
真可憐~
公司部printer又唔掂喎~
d顏色古古怪怪咁...
麻鬼煩~~
睇電視...什麼新丁實務科~
個"戴夢夢"都幾搞笑o架喎~
雖然~我一集四葉草都未睇過~
不過...佢都幾活潑丫~
另外~套"西關大少"有d離譜喎~~
又o係度抄"流星花園"~
有冇新意呀?!
昨晚tony打比我~
話佢今日返唔到黎~
叫我講個戶口號碼比佢知~
佢聽日叫聖子落黎存錢比我~
到今朝~我都未出門口~
聖子就打比我~
話已經入o左錢比我啦喎~
於是~我就去銀行拎埋d錢~
返舖頭拎埋張稅單...
就走去郵局交錢...
交完之後~我就走去對面永吉街...
行o左一陣~ (我都唔敢行咁耐~~)
都冇收穫...
有間舖頭幾衰呀~~
我入去睇...個sales問我...
有乜幫到你呀?!
我話我自己睇下得啦...
點知佢就話...我o地不設零售~
本來都冇乜野~
不過佢就做o左個阻住我行入o既動作~
我就覺得好有問題囉~
睇下都唔得咩~
唔比我係買批發o架?!
昨晚諗諗下...
我好怕"張利b"會黑...
所以...我想放返佢入盒度~~
不過...同佢玩o個時...
咁咪要拎出黎~又放返埋佢...
好似好麻煩咁...
究竟點好呢?!
喂~~你o地做乜唔留言比我呀~~
留句到此一遊都好過冇丫~~
丫~唔知邊d人係我忠實fans呢...?!
宜家就係顯示你o地對我忠心o既時候啦~~
由十一月開始~
我都係決定將日記一日一頁...
轉返好似以前咁...一個月一頁~
咁樣大家睇o個陣會方便d~~
另外~短期內~
如果我有時間~
我亦都會轉下個版面~
希望大家繼續支持啦...
tony宜家可以落黎香港~
就算公司有錢~
我都唔好意思自己拎錢出糧啦...
如果等佢記得...
咁睇黎要等好耐先有得出糧lu~
程程昨日同我講~
佢星期三有波踢~
跟住星期四阿泉生日...
叫埋佢去唱k喎~...
咁我究竟比唔比佢去好呢?!
sisi打黎~
佢當然無事不登三寶殿啦...
佢話佢用哂d錢啦喎~~
宜家十一月頭~
佢九月頭返去~
前後都係兩個月o既時間~
咁快就洗哂500鎊~佢冇病呀嘛~~~?!
500鎊成6400蚊港幣~
佢平時o係學校都唔洗用錢~
淨係星期六日要用錢~
食野~搭車~ 買煙...
都冇可能用咁多呀嘛~~
不過~~~佢都講到明冇錢~
tony照計都會寄錢比佢用~
哈哈~ 敗啦~即管洗多d錢啦~
睇下你幾時要返黎香港讀書...
o係舖頭幾個月~
開始覺得舖頭o既前途有限~
宜家好似冇乜人買野~
就算有~ 都賺唔到錢o既...
d人得個睇字~都冇意慾買野o既~
希望tony遲d搵d新貨返黎~
會好d啦...
昨日行旺角~
好多賣"冷"o既舖頭都塞滿哂人~
d女仔...都係時間織野比男朋友lu~
我就醒呢~
一早織好~唔洗趕頭趕命~~
哈哈~~
今日睇楊利偉o既訪問...
講佢同屋企人o既事...
都幾令人感動~
比人一種好真摰o既感覺...
今朝一早打比程程~
佢就同我講細傑屋企附近有鱷魚...
都幾恐怖喎...
唉~唔好話鱷魚啦~
四腳蛇都足以令我驚餐飽~...
又如果...見到條蛇~
我諗我實會大叫大嚷~
無鞋挽"劇"走o者...
香港竟然成功申辦2009東亞運動會~
唔係呀嘛...
香港o既運動...近年雖然好好多~
但好多都未達到國際水平~
而香港又咁細...
又要整d設施去配合...
又要洗一大筆錢~~
仲話09年可以滅財赤...
又睇下點...?!
昨晚冇開冷氣訓~
不過到半夜...真係頂唔順~
程程d鼻鼾聲勁嘈~
所以我就起身開冷氣~
開o左之後~果然d鼻鼾聲細o左~
唉~ 咁我先有覺好訓咋~~
今朝十點幾醒過下~
之後再訓過...
到十一點幾~
起身食西餅做早餐~
食完...又再訓多陣...
"me me more more"...
到一點左右~
我就同程程落舖頭...
特登比本書佢睇~
同埋睇下老豆新買返黎o個隻瓷青蛙~
坐o左一陣就走lu~~
諗住行落去中環...
有好多頭飾賣o個條永吉街度行~
點知...星期日原來唔開o架~
too bad~
走o左去聖安娜買o左個包食~
嘩...今日都幾熱...
同埋d空氣好差~
周圍都好似沙塵滾滾咁...
跟住就搭104去旺角...
o係車上面~
我拆開程程家姐買返黎o既芒果乾食~
個牌子叫7D~
好似o係city super見過有得賣~
不過好似要成三十幾四十蚊一包~
一包得o個 200g~ 好少o者...
哈哈~ 未入到紅隧...已經食o左大半包lu~
比程程批中o左...
佢一早已經話我...落車o個陣~
分分鐘食哂...
到最後...我都冇食哂~ 食淨d~
因為好飽呀~~
竟然食芒果乾食到飽~ 我都係第一次~
但係...呢隻芒果乾真係幾正~
又唔係太乾...不錯呀下~~
另外~ 我o地前面坐o左個男人~
佢起身落車o個陣~
竟然"撞"親頭~
程程見到即刻笑~
我就忍住...
等個男人落o左去先笑~~
哎呀~費事比人聽到啦...
程程...你真係冇禮貌啦...!!
去潮流特區行~
見到好多bb o既野~
買o左兩排bb o既朱古力~
d包裝紙...好靚o架~ ^_^
今朝猛o係度玩bb~
上o左鏈...
佢就o係度播d"暗"人訓覺o既音樂~
我真係聽到訓著o左~
哈哈~ 如果唔係~
都唔會一朝起幾次身之後又訓得返啦~
仲有~ 音樂bb宜家改o左名叫"張利b"~
呢期"楊利偉"咁hit~
緊係要改返個咁o既名啦~
而且~ 佢印住係made in china~
咁即係中國人黎啦~...
冇行旺角一排~
好多地方都改變o左...
例如旺角中心入面~ 多o左一邊...
先達附近又多o左間電器舖~
仲有~ 多o左間雪糕店~
見到有新野~緊係唔執輸...試下啦~
28蚊~就可以揀三種味...
嘩...青檸雪芭同芒果雪芭...
竟然酸都暈...
連程程唔怕酸...佢都酸到變哂樣~
好彩...最底o個隻係雲尼拿雪糕o者~
最正常...亦都最好味~~
哈哈~今日食o左好多野~
之後又走o左去人和食豆腐花~
想唔肥都幾難~~
行到累..去o左宜家傢俬行~
可以成機坐下嘛~~
我o地見到個阿婆好搞笑~
佢竟然除o左對鞋...
訓o左o係張單人sofa...
仲訓得好舒服tim~~
丫~究竟d工作人員...
會唔會走去叫醒佢呢?!
不過我o地都唔好得好多~
入去坐下呢張~坐下o個張~
都坐o左成九個字~~
坐完之後~ 對腳先冇咁累咋~~
到六點左右~
就諗住去打邊爐...
點知去開o個間竟然"暫停營業"~
咁唯有去德興啦~
我諗...我同程程都唔似以前咁lu~
以前可以食好多野o架~
宜家食o左三個round已經飽到死~
程程對住d丸...好似誓願咁...
食得佢幾辛苦呀...
我諗...我o地唔適宜去打邊爐~
食d正常o既野會好d~~
食完...周圍行o左陣~
因為太飽...太辛苦~
行o左陣~ 個肚都舒服d~~
跟住搭車返屋企~搭到去中環...
再行返屋企~~
九點左右~ 程程就走lu~
我沖完涼...吹完頭~
o係度睇電視~
睇亞視o個個影響世界的中國人節目~
原來做第一單斷肢再植手術係中國人黎...
中國人...其實好叻~
d外國人唔應該再歧視我o地~
定係佢o地唔抵得我o地叻~
特登歧視我o地~踩底我o地呢?!
昨晚發o左個夢...
夢到個舊同事...
好似因為玩電腦玩到漏電死o左~
個夢入面仲見到舊老闆同舊同事~
冇啦啦發個咁o既夢~
真奇怪~~
今日tony唔返黎~ so happy~
返到舖頭~我又冇野做~
悶鬼死我lu~
收到阿yan d資料...
咁我又改下d code~
send d file去佢e-mail度啦...
唉~~~ 夜晚成日都夾唔到時間online~
搞到遲遲都未搞掂...
突然諗起...
以前摺飲管星星~ 摺o左好多~
但好耐都冇摺過啦...
竟然唔記得o左點摺...
激死我啦...
程程以為今日放早~
放工返屋企拎埋d野先黎都仲得~
點知突然要返埋下午~
於是~
佢三點幾o個陣就返屋企拎o左野先啦...
六點左右`我過o左對面舖~
諗住問下佢o地肯唔肯帶我個客去大陸買傢俬~
因為先頭我老闆娘應承o左帶佢去o架~
但宜家去鬼咩~
於是咪睇下佢做唔做囉~
如果做~我就介紹個客比佢~
佢話都可以...咁我就問一d資料~
覆返e-mail比個客~
等佢決定搵唔搵對面幫手...
定係另外搵人.....
我覺得對面d人幾好~
所以先介紹比佢o地咋~~
同埋佢o地d價錢都好合理~
希望佢o地如果真係合作o既話...
會合作愉快啦~~
夜晚~ 我同老豆阿媽食飯先~
阿哥出o左去同朋友食飯~
程程八點幾黎到~
又比我鬧佢~~
因為叫o左佢搭地鐵黎o架嘛~
佢又搭巴士~
搞到塞車...
程程帶o左"音樂bb"比我~
佢真係好乖好靚好得意~
嘩~ 一拎佢同埋大隻囡園相比~
大隻囡囡明顯係又黃又灰囉...
哈哈~~
由於宜家地位有所改變~
原本比大隻囡囡訓o個個枕頭~
宜家已經轉o左比"音樂bb"訓lu~~
夜晚~ 我o地睇"龍咁威"~
套戲最搞笑應該係鄧梓蜂d紙牌...
d造型勁搞笑~~
程程另外仲帶o左佢家姐買返黎o既...
芒果糖同芒果乾~
我只係拎o左袋芒果糖出去比阿媽食~
d芒果乾就留返比自己拎落舖頭慢慢食~
我諗...唔洗幾日...我就已經食哂lu~~
哈哈~~
