原來...睇返日子...
今日已經係九號...
時間真係過得快~~
我以為我仲會記得~
點知...我竟然唔記得...
哈哈~~~
昨日o係舖頭...
都差唔多睇哂第一輯還珠格格~
不過...有幾隻都read唔到~
激死我啦~
咁我臨尾唯有織野啦~
諗住試下阿yan織冷帽o既方法~
結果~ 我織就織到~
但係...對蛇針好難控制`
唔多就手...
最後..我返到屋企就拆返d冷~
求其織下頸巾...過下手癮就算...
老豆昨日臨收舖~
個法國行家竟然o係佢度買o左d垃圾泥頭~
個法國行家~
已經入過我舖頭幾次~
次次都睇好耐~
冇理由一件野都唔買...
返而幫老豆買咁搞笑~~
原來...個法國行家應該係專買垃圾野~
唔怪得之啦...
昨晚我o係度試程程...
我扮累...傾傾下訓著o左~
過o左一陣~我出返聲~
我話我累得滯...訓著o左~
跟住佢話佢都係~~
哈哈~ 緊係比我話佢啦...
佢即刻話""你線我!!!""~~
不過...我的確係有d累...
十一點半都未夠...已經訓著...
昨日pccw黃頁廣告搵人拎o左張月餅卡黎~
比o左阿媽...
等佢換盒月餅返黎...
哈哈~ 呢一年...我屋企都有幾多月餅食~~
不過多數都係老豆d五仁月餅黎~~
昨晚睇天上人間...嘩~一集cut開兩集...
完全冇哂癮...
算啦...都係唔錄啦...
買vcd算吧啦...
下午~~陳小春o係老豆間舖側邊條斜路拍野~~
不過我完全冇興趣睇~~
而且唔係阿媽講~
我都唔覺出面有人拍野~~
兩點左右~有幾個鬼佬睇完一輪...
又搬哂d飛馬落黎~
但係又覺得貴~冇賣到~~
搞到我要搬返d飛馬上去...
幾鬼危險呀!!!
點知...到五點左右~
佢o地返轉頭~
又再搬哂d飛馬落黎~
講o左好耐價...
最後...三萬三成交~
唉~~蝕大本o架~~
不過....佢就係比現金...
公司需要現金嘛~~
所以...蝕都要賣~~
到六點左右~先搞掂d野~
我即刻fax去訂紙箱...
聽日仲要幫佢check運費d野~
有排忙lu~~
得返幾個字...都費事拎野出黎包~
聽日最多早d返舖頭包囉...
