昨晚睇完神鵰俠侶...
程程就猛打電話去聽下賽事結果~
唉...咪又係"窩可"哂~
猛比我串佢..."又話睇波好準o既..."~
哈哈~~
今朝...哈哈~
利害呀~!!!!
我十一點幾起身~
食完麵...我就開始整牛油蛋糕啦~
阿媽o係側邊猛咁嘈~
話幫我發蛋呀~呢樣o個樣~
我就叫佢落舖頭~趕佢走啦...
整到十二點左右~我就叫程程起身~
佢食完麵...我個蛋糕亦都放入焗爐~
要焗成四十分鐘o架~~
期間我都好緊張~
因為話哂第一次整嘛~
而呢個已經係最簡單~
最容易成功整到出黎o既蛋糕~
如果咁都唔掂o既話...
我就真係好失敗囉~~v_v
焗爐"叮"一聲~ 焗好個蛋糕~
拎出黎...砌開...
程程話好好食~~~
跟住我自己食~都覺得唔錯~
d味道岩岩好~ 又唔太甜~
之後~我就打電話落舖頭~
同老豆講...好成功~ 你o地食唔食呀~
老豆就話...既然咁成功~就試下啦~
跟住我就拿拿臨換衫化妝...
同程程拎個蛋糕落去舖頭啦~
砌開o左四件...
阿爸一件~阿媽一件~
阿哥食完一件...再食另一件~
哈哈~ 佢o地都話幾好味~
實在太好啦~^_^
阿媽仲叫我教佢整tim~
好開心~~ 我成功o左....
下次整d難少少o既蛋糕~
希望都會成功啦~~
搭船去尖咀~
周圍行...
期間~ 見到程程daddy同佢細佬~
不過我o地冇叫佢呀~
好多人嘛...
行到累...坐底食o左d野~
又食o左d街邊小食~
行到五點幾...行到冇野好行...
唔知去邊好...
結果~就去o左neway唱k啦~
唱o左兩個鐘...
唔多夠喉...
都好耐冇唱過k啦...
有d歌...程程竟然冇乜聽過~
乜咁out o架~
冇聽收音機一排o者`
唔洗out成咁嘛~~
勁比我笑佢..
到八點左右...
就搭mtr去金鐘再轉巴士返屋企啦~
今日真係好熱呀~
本來諗住今日去行山o既...
好彩冇去o者...
但係...如果去o左~
可能會勁出汗~
咁就可能會瘦~
又睇下下個星期有冇衝動去...?!
程程話佢媽咪去學拉丁舞~
咁得意o既....真係估唔到喎~~
好想睇下呢...哈哈~~
