昨晚訓得一d都唔好~~
擔心o左成晚...
我拍醒程程...話比佢聽我好驚...
佢就只係掛住訓...
激到我死...
臨天光...我feel到d肚痛同肚餓~
直到朝早差唔多九點...
我就起身lu~
老豆買o左麵包啦嘛~~
我咪起身起麵包囉~
食完就再訓~
哈哈~~
到十一點幾...先再起身~
臨搞掂好哂出門口...
竟然因為食蛋卷呢樣野...
又搞到我同程程鬧交~
唉...
今日繼續著o個對就黎爛~
但係又未爛o既波鞋...
原本打算買對新波鞋...
但係太熱啦...
根本唔想去旺角...
咁就冇買到啦~~
又原本...隻左腳有d想爛o既跡象~
經過今日行完街...
隻右腳又有d想爛o既跡象~
唉...
不過好彩...其實唔細心留意...
根本就睇唔出有爛...
我o地見咁曬...
就搭van仔落中環天星碼頭!~
點知唔o係天星碼頭停~
而係港外線碼頭停...
搞到我o地要行好大段路程先去到大會堂~
又曬又熱...too bad~
好心改o左唔o係天星碼頭停...
就唔好大大隻寫住"天星碼頭"啦~~
呃人...
去到大會堂美心...
勁多人等緊位...
其中仲有好多係鬼佬tim呀~~
等o左一陣就有位...
美心有度好...就係唔洗搭檯...
兩個人坐五個人o既檯...
真係好啦...
依然都係o個句...一分錢一分貨~
真係好有水準...
炸o個d完全冇咩好油膩o既感覺~
好好味...
今次比上次仲食得多野~
我都真係唔敢講比大家知...
我o地兩個人食o左幾多錢~
費事嚇親你o地啦...
食到成三點左右就埋單...
其間...我o地見到上次黎o個時~
坐我o地對面o個對母女...
即係大家如果仲記得o既話...
我上次去飲茶...(非典型期間)
提過有對母女好誇張...
飲茶用自己帶去o既膠杯~
消哂毒咁...
佢o地又會咁岩黎飲茶o既...
世界真細小...
跟住我去toilet...
見到入面有包煙~
仲要係我以前食o個隻牌子...
我打開黎睇~
仲有好多枝...
我先頭想執o左佢...
不過...既然我宜家都唔食~
執黎都冇用~
我放返o係原位就算lu~~
之後~我o地就搭船去尖咀~
雖然趕到船尾...
但係...只係得船頭有開冷氣~
咁熱...d人緊係坐哂o係船頭啦~
我o地真係o係船頭o既"船頭"搵到兩個位~
落o左船...拿拿臨行去海運...
行行下...見到有個男人...
佢"烏"低身~諗住直接吐舊香口膠入垃圾筒~
點知吐唔中...吐o左落地下...
咁個男人就用手執返起...
再掉入垃圾筒...
點知"痴"住隻手...
整極都整唔甩...
哈哈~~ 好搞笑...
我又去o左disney間舖頭...
走入去抱下winnie the pooh~
哈哈~~
見到好多熊公仔...
我就諗起我上次去小熊王國買o個隻小熊...
佢宜家一d都唔得寵~
因為我越黎越覺得佢肉酸...
已經比我冷落o左...
而且...仲降為肥仔o既跟班tim...
肥仔終於都成為真係o既大佬...
有"o靚""磅"住~
哈哈~~
豐澤宜家推出廿四個月分期...
即刻多o左好多人行...
咁的確D價錢好吸引~~
搞到我都想買返部LCD電視返去...
哈哈~~
我o地o係玩具反斗城見到枝bb出o既飲品~
不過係最後一枝...有d唔完美...
咁我就決定唔買...
心諗...其他地方一定仲有o既...
唉...到後尾...緊係買唔到啦...
程程話佢再下星期放假o個陣~
一定會搵到比我喎~~
o係city super又買到樣新奇又好玩o既野~
哈哈~ 好得意o架~
係一個有好多細細粒o既洗面清除黑頭o既野~
返到屋企...仲即刻叫程程試下...
效果都幾好...程程個鼻好滑呢...
七點左右~ 去o左張堅庭開o個間野度食~
ok好味啦...
可能我o地今日keep住好飽o既感覺~
所以只係想搵間野食"晚飯"~
唔食又好似怪怪o地咁...
咁咪去食囉...
叫o左兩碗麵...好彩唔係好大碗o者...
d麵好爽~
一件招牌厚多士...唔係咁好食...
上面有花生醬之外~仲有沙律醬~
怪怪o地咁...
好辛苦先食哂~~
仲有...諗住叫豬大腸食...
點知佢落錯單...變o左做雞翼...
咁費事再等...就是但啦...
雞翼都照食...
但係...好搞笑囉~
d雞翼...唔知點解...
竟然有豬腸o既味...
唔知係咪知我想食豬腸...
所以特登整d豬腸味落d雞翼度~~
下次到我叫雞翼...
佢落錯單...比o左豬腸我...
咁會唔會變o左有雞翼味o既豬腸呢~
哈哈~~
食完~就行去紅磡搭103返屋企~~
好累...
