昨晚聽阿媽講~
有個o係"太興燒味"做o既朋友~
叫阿媽幫佢買張"月餅券"~
一百零幾蚊一張...
咁因為我o地屋企真係唔太"好"月餅呢家野~
所以阿媽冇買到~
我就諗...如果係我...
我就會幫佢買一張~
因為我仲負責得起~
當係幫下人囉~
o個個人好慘o架~
佢公司要佢賣100張券呀~
而佢o既下屬...都每人要賣10張~
如果賣唔哂...就要自己"吞"埋...
講真..."太興"賣燒味~
學咩人出月餅丫~
真係無良商人o黎o架~...
同埋...宜家d人...
仲邊會買咁多月餅黎送禮丫~
如果佢同d親戚朋友sell~
人o地心諗...
"你送比我差唔多~仲要我幫你買~有冇搞錯!"
唉...咁當然~我希望佢賣得哂啦~
佢同我阿媽講~賣o左咁耐~
佢先賣出o左10盒咋...
又如果...真係咁唔好彩~
賣剩一半...即係要拎(105x50=)$5250出黎~
一個月計到你盡...搵到一萬蚊左右~
都要拎一半人工出黎"芹"o左佢...
仲有~唔通日日o係屋企食月餅咩...
真係世界難撈...v_v
昨日嬲得滯...
都唔記得講返一件事~
就係程程就快可以脫離皇爺啦...
o係九月佢終於重生啦~
佢開心到...不停不停咁同我講~
比我話佢煩~~
我今日返工o個陣~
突然諗起細個食o既一種糖...
以前小學學校附近有間士多~
佢用一個好大o既玻璃樽...
放o左好多獨立包裝o既糖o係入面~
好似一蚊有幾粒o架啦~
我最懷念..
就係一個外形好似軟雪糕筒形狀o既硬糖~
雖然我唔係咁鐘意食硬糖~
不過...我記得係好好味o架...
好想食返...
唔知邊度有得賣呢...?!
原來...
程程家姐o係澳門買比我o既紫菜肉鬆鳳凰卷....
係好好食o架~
昨晚食食下飯~
阿哥話好好食~叫我好快d食~
如果唔係聽日返到黎就冇哂...
於是我食完飯~
就食o左一舊~~
真係好正喎~
到o左今朝~我臨出門口~
都忍唔住...食o左兩舊先出門口~
我怕真係今日放工返到屋企...
已經冇哂呢~~~...
其實...我食野都唔算好揀擇~
我亦都唔係一個食貴o野o既人`
cheap野唔食o既人...
就好似昨晚阿媽煲咸蛋火腿冬瓜湯咁...
我開飯前~已經講定好想食"咸蛋"~
我o係d"渣"度...發現到有一邊咸蛋~
老豆就話...我叫o左阿媽分開兩邊...唔洗爭...
結果...阿媽一個唔該...
夾o左o個半邊咸蛋比阿哥~
跟住我就搵另一邊啦...
搵極都搵唔到...
阿媽就話...可能溶o左~
咁我就即刻諗住叫阿哥夾返d出黎比我~
點知...佢已經第一時間放哂入口...
真係激到我死~
我即刻話阿媽"大細超"~
阿哥就話下次最多唔食...留返比我食~
真係唔知好嬲定好笑~~~
一隻咸蛋...價值最多都係一蚊左右~
但係...我就真係幾鐘意食~
昨晚食唔到...令到我覺得有少少遺憾~
食到o既話...可能我會好滿足咁...
覺得好開心...好飽...
不過算啦...等下次啦~~ ^_^
send o左e-mail比friend~
最開心...莫過於得到回覆~
我每次都好開心...
互相關心o既感覺...真好!!
今朝收到其中一本o係網上買o既書~
而我呢排買o既書...
全部都係"張妙如"o既出品~
我好鐘意呢個創作人...
(佢寫作方面好好...漫畫亦不錯~
我唔知點叫呢種人...
叫作家又唔夠貼切~叫"創作人"似乎岩d~)
佢諗d野好抵死~
佢會將日常所遇到o既事~
幻想好多野出黎~
我同佢好有共嗚...
尤其佢出o左好多集o既"fax diaries"~
我暫時只係擁有兩本...
好想一次過買哂~
不過...又覺得一次過買哂...
我唔會咁比心機去睇~
有種"渴望"想去睇而買黎睇~
o個種感覺會好d!~
昨日同apple傾o左陣icq~
我好慨嘆wrong timing呢樣野~
當一個人好愛你o既時候~
你連踏出一步o既勇氣都冇..
到決定放棄o既時候...
你先作出行動...
點解要咁呢?!
實在好令人思緒混亂~
如果人類唔係由人類生出黎~
而真係石頭爆出黎...你o地話幾好...
如果你o地係屬於彼此~
對方係你要搵o既人...
咁一齊由石頭爆出黎~
咁就唔洗尋覓對方...
浪費咁多時間啦...
昨晚部電腦好有問題~
差唔多每十五分鐘左右~
就會彈個表出黎~
話要關機...倒數o左一分鐘...
就會自動熄機再開返~
咁頭一次~我諗住冇咩問題啦~
點知...開返機...我上返網~開返icq~
跟住就出o左去睇電視~
睇完一集...做廣告入房睇~
見到部電腦落o左網~熄o左icq~
我以為drop o左線o者~
之後~ 我又上返網~又走出去~
我返入去...見到部機又自動開緊...
唉...咁阿哥出o左去~
我就抄低o左彈出黎個表d野~
諗住比阿哥睇下有咩問題~
到o左今日~
我聽到收音機新聞講電腦中毒o既野~
我先頭都唔維意`
直到佢訪問個女仔...
佢講佢o既情況出黎~
我就諗...乜同我昨晚o既情況咁似o既~
咁就打比阿哥啦~
佢話...咁即係中o左招囉..
隻新型電腦蠕蟲叫「Blaster」~
windows 2000同xp都有事...
唉...
好彩我部機冇咩重要野o者...
但係都有少少資料我要留返~
我叫阿哥如果真係救唔返~
要剷機o既話...
等我返去save o左先搞...
昨日聽森美小儀個節目~
剪輯返一班暗戀o既人入camp o既片段出黎~
好感人呀~
其中有個環節...係當住咁多人面...
打電話比暗戀o個個人同佢表白~
我都聽到眼濕濕...
佢o地多數...都只係想話比佢聽鐘意佢~
唔係要佢接受佢...
好偉大呀...
另外~ 今日係屬於我呢d左手人o既節日~
原來用左手o既人...
意外死亡率係比用右手o既人高出六倍...
有冇咁誇呀?
我就覺得冇咩唔方便~
"交剪、筷子"我咪一樣咁用~
除o左真係食飯阻到人之外~
真係唔覺有咩問題~
森美小餓話左手o既人...
好多國家o既人都會歧視~
覺得係"不詳"~
哈哈~ 我反而因為自己係左手~
引以為榮...
程程前晚比我折磨完~
佢病o左~
仲發燒咁...
睇黎...佢唔訓覺...真係會死o架喎~
咁好啦~
下次我諗過另一個方法懲罰佢啦~
今日我好充實~
我去o左一個可以搵到舊同學o既網度~
search返我d舊同學~
我用icq search...睇佢o地o既info~
有網址o既...我就去睇~
d同學都唔係變o左好多o者~
最主要都係變得成熟...
...我又開始進入回憶o既狀態啦....
