冇記錯o既話...
今日係陳安輝生日...
生日快樂...!!!~~~~
昨晚不停o係網上面check電話o既資料...
平時就唔覺得呢d電話資料咁緊要...
但係有用起上黎...又的確係幾有用...
不過...直到訓覺...
數碼通都未update到最新一期帳單...
所以話...有時乜都靠哂電腦都幾幣!
到今朝一早起身就打電話去數碼通...
終於都check到d野...
實在太好啦~
跟住我返到舖頭...再打多次電話去數碼通...
今次呢個人竟然唔肯比d資料我...
於是我就發嬲叫佢叫個經理同我講...
最終...當然亦得到我要o既野...
不過呢個線索...都幫唔上咩野忙...
可以做o既野...仍然都係繼續等....
可能大家都唔明我以上所講o既野係關d咩事~?
唉....
係一樣好重要...又危險o既野...
總之係一件好麻煩o既事啦!!
唔係咁方便公開咁談論呢件事~
十一點幾十二點...tony同聖子返o左黎~
其實我真係好懷疑...
呢間舖並唔係風水佬所講...旺財唔旺丁~
平時程程黎...真係次次都做到生意...
今日聖子黎...又做到生意....
好似反而有個男丁o係度...會旺d喎~
所以...風水佬o既野...真係唔好信咁多...
老豆間舖整到七七八八~
宜家差搬埋d貨...應該就ok lu~
真係唔寫個"服"字比我老豆都唔得~
d櫃整好哂...仲要識整射燈o係櫃入面...
幾勁呀~
四點幾...tony就走lu~
佢有緊要野要做....
希望佢返黎o個時...會帶個好o既消息返黎啦~~
聽日程程去佢公司o既春茗呀~
個個星期六佢都過黎訓...
我老豆阿媽...同埋佢老豆阿媽...都已經習慣o左...
唔洗特登打電話返去講..."我唔返黎訓~~"
本來佢話星期日早d過黎o既~~
但最後...我昨晚叫佢食完過黎...夜d都唔怕...
因為我覺得...朝早第一眼就見到對方~
係件幾美好o既事~
聽日放o左工...會去銅鑼灣買野...
哈哈~ 諗起都開心...
