今朝又係未訓醒...比人嘈醒o個陣聽到d野~
就係屋企樓下間麵包店...終於都做唔住...
雖然d麵包唔係咁好食...
但呢間都算係我屋企最近o既一間麵包店...
執o左之後~ 可能我同阿哥o既早餐...
會變o左做超級市場o既麵包~
又或者係隔夜麵包...
(即係下午去第二d麵包店買定...留返第二朝食~)
~_~
說時遲~那是快...
我咪話對面間舖頭唔做o既~
咁快已經將d野搬走哂...
仲拆埋招牌tim~
而且...個形勢似係已經比人租埋...
又會快成咁...
昨日篇日記...唔知有冇令到大家注意到...
有d事情發生o左呢?
不過...可以話比大家聽...
宜家冇事lu...
雖然呢一次"鬧分手事件"~
令到雙方感情所受到o既打擊都幾大...
我亦都講o左好多極為令人傷心o既說話...
但係...唉...算啦...
總之唔好再提~
呢一次係佢最後o既承諾~
亦都係我最後一次比佢o既機會~
希望佢會珍惜...
唉...昨晚o係我傷心緊o既時候...
我上網睇生肖運程...
都真係好耐冇睇過呢d野...
點知唔睇由自可...一睇就覺得佢講得好應...
就係話....
"感情：女性會鼓起勇氣，與舊愛一刀兩斷，
去找尋新的對象，但新歡出現了，
自己對舊愛又難以捨棄，陷於迷惘困惑的思想狀態。"
讀完頭兩句...我就諗...
唔係o掛~咁都比佢講中....
但宜家我o地冇事...
又係咪即係話...其實佢唔準呢~?
今日冇咩野做...
同昨日一樣~ 都係睇返"流星花園"~
可能係翻版o既關係...
套碟睇過幾次...已經出現唔穩定o既畫面...
再次睇到言承旭個樣...
嘩...真係殺死人...
下午四點幾...打長途電話比阿聰...
傾o左大約半個鐘左右~
好彩冇乜陌生o既感覺...
係好事黎~~
跟住send o左封e-mail比athena~
睇下佢近來點...
因為佢好多日都冇update~
唔知係忙丫~定係有d乜野事...
又唔知apple佢點...
睇佢日記見到佢發生d咁恐怖o既野...
真係"十萬個為什麼"o係個腦度...
聽到程程家姐帶d香港一日遊o既團...
好似幾好玩咁...
最貴二百幾蚊一個人~平o既唔洗一百蚊都有...
真係想參加...去玩下...
特別係想去睇中華白海豚...
哈哈~ 諗起都得意...
