昨晚我十一點左右就訓~
我訓o個時~ 我老豆阿媽佢o地都未返~
又會影咁耐o既~~
其間阿媽返過黎一次~
因為部相機好食電~
佢返黎屋企拎o左d電落去用啦...
今朝唔係咁願起身~
真係好想訓多陣~
橫掂咁早返到去...
都冇人黎o架啦~
而且tony都唔打電話返黎check我啦~
所以...真係好想晏d先開舖~~
不過我始終有份責任心...
我敵不過佢...
結果~ 咪又係死死氣起身返工~~
呢排d髮質差o左好多~
見到d頭髮都唔開胃...
不過我又唔想哂錢去搞下佢...
等o左一兩個月先整啦~
大拿拿拎成千蚊出黎...
宜家真係唔捨得呢~~
你話新年就話o者~
今日真係悶得好緊要~
我帶o左第二本書落黎睇~
但係冇咩心機睇呀~
幾乎訓著o左咁滯~
唔知我真係病~
定係真係唔夠訓...
呢排都好眼訓咁...
而且...皮膚差o左好多~
唔知點算好!! v_v
不經不覺...又到交租o既日子...
今日個業主打黎...
平時...不嬲都係我主動打電話叫佢黎收租o既~
個業主緊係知呢排生意淡薄啦~
驚冇租收...
本來...我都諗住晏d打電話比佢~
點知比佢快o左一步~
公司可用資金...唔夠交租...
雖然公司戶口有錢~
不過拎唔到出黎用~
要老闆娘簽名先得~
但宜家老闆娘唔o係度~
咪即係有錢都用唔到囉~~
咁我打電話比tony...
話唔夠錢交...欠幾千蚊~
跟住tony就問都唔問我自己有冇錢...
就同我講...你交住先啦...
喂! 我唔係一定要交o架喎~
呢個唔係我o既責任~
如果佢問o左我有冇錢先...我條氣都順d~
我唔係奉旨要拎自己d錢出黎貼公司o架~
程程家姐~ 終於都有團出~
去韓國~
so good~ ^_^
今日我真係o係舖頭訓著o左幾次~
我差d仲想鎖門訓一陣咁滯~
猛咁叫自己唔好訓著...
始終都訓著o左一陣~
唉~~
我仲無聊到...帶d野落舖頭"挫"甲~
之後搽指甲油~
當我"挫"甲o個陣~
唔小心...磨到d皮爛o左~
勁痛~~
我終於都明白...點解次次幫程程整親...
又係磨爛佢d皮o個陣~ 佢會話好痛~
原來...真係咁鬼死痛o架~~v_v
六點半~二話不說...拿拿臨收工~
今晚真係要早d訓...
如果仲係咁弱o既話...
d細菌好易侵入...
到時就手尾長lu~~~
