昨晚睇明珠台...
有一個講大白鯊o既節目~
好恐怖呀....=.=
好殘忍...
好刺激~好緊張~
估唔到D鯊魚會跳上水面捕食~
最高仲可以跳成三米高~
好利害呀~~
今日返工~
都冇咩野做...
買o左本新monday黎睇~
好悶呀....!~~
冇幾耐~業主打黎問我準備好d錢未~
佢黎收租喎~
哈哈~ 我差d都唔記得tim~~
基本上~ 我諗住拖住佢先~
等佢驚下...
肯減租比我o地`
不過~...又好似好衰咁~
結果~ 我都係交o左租~
但係就同佢講~
叫佢返去諗下減租o既問題~
上個星期岩岩買o左一盒沖涼瘦~
會員價160蚊~
今日睇報紙~
一百三十幾蚊咋~
激鬼死我`
上次就係我自己比錢買~
咁阿媽見到報紙~
話咁平~問我買唔買~
我就話...唔買啦~
佢就話...我買比你啦~
平咁多都唔買...
哈哈~~ 咁佢比錢~
緊係買啦~~~哈哈~
上次一次過買哂門口d公仔o個個客~frech~
佢入黎問我...
可唔可以介紹間平d o既運輸公司比佢~
因為佢買o左d野~ 佢本身寄開o個間運輸公司~
收得佢好貴...
於是~
我就介紹o左幫德國佬寄o個間運輸公司比佢啦~
佢猛咁唔該我~唔係幾好意思咁...
因為佢今次冇幫我o地買野嘛~~
我就覺得幫下人無所謂~
幫到佢, 我都好開心~~
今日程程個病好o左好多~
實在太好啦~~ ^_^
聽日程程返夜~
佢十點幾放工先過黎~
我本來諗住星期日同佢去美食博覽會~
點知阿媽又想去~
我就提議同阿媽聽晚去啦...
橫掂實有好多人行~
程程都唔鐘意行d咁多人o既地方o既...
張牧師上o左庭...
法官雖然係接受我o地o既求情~
但係...
佢主要都係叫張牧師同對方律師私下傾掂佢..
咁張牧師講o左個情形比我聽~
有d問題要解決`
咁我就同tony講啦...
當然...張牧師亦都有提及錢o既問題~
唉~岩岩先比o左5000佢~
又想拎錢~
邊度嘔比佢呀?!!
同tony講~tony講起就火滾...
我都知道tony唔想同張牧師直接對話~
所以我呢排~
都係張牧師將佢要問tony o既野講比我聽~
我再問tony先再覆返佢...
今日都有好幾個人入黎~
我都好好咁招呼佢o地...
不過始終都係冇買野~
希望聽日星期六~
會有生意啦~~
少爺占o個個廣播劇~i love you boyz~
嘩~ 真係笑到我死~
勁搞笑~
尤其係昨日o個集~
程程o係巴士上面聽~
都唔敢笑得咁大聲...好怪o架嘛~
就好似以前我同阿哥咁~
聽"軟硬天師"~o個時~
猛咁o係度笑~
阿媽就好奇怪咁問...做咩訓覺都笑成咁~
哈哈~ 好似傻o左咁~~
tony 睇o左d貨...
十幾件細俑仔...
要差唔多成十萬蚊~
我就諗...阿德昨日先同我講完泥頭唔得~
咁我究竟係咪應該叫佢唔好買呢...
一陣賣唔出~ 咁又"潭"o左一筆錢o係度~
咁咪慘~
不過佢話佢有相~ 會叫聖子拎落黎~
睇下有冇客鐘意...先打落黎~
咁都好o既~
如果冇人鐘意...就唔買...
我o地又唔洗"澤"住d錢o係度啦...
另外~ 仲要好快咁決定~
因為d貨好特別~
唔要大把人要喎~~
我就o係度諗...
究竟去邊度搵客呢...!?
唉~ 到時先算啦~
