Teresa今日生日...
生日快樂呀!!
今日~勞工署派人黎公司~
check下d商業證記呀~
有幾多人受雇咁...
佢仲check公司有冇買勞工保險...
真係好彩有買到o者...
如果唔係就麻煩lu~
仲有呀~原來要將份保單貼o係當眼地方...
佢今次當係口頭警告我o地...
叫我即刻貼返就ok~
另外~佢仲叫我做份雇員紀錄表...
我之後就即刻做o左份print出黎...
連埋份保單放入個file..
跟住貼o係牆度...
除此之外~
我亦都請教o左一d勞工假期同合約o既問題`
佢比o左幾份小冊子比我睇`
呢個職員都幾好人丫~~ ^_^
tony打電話落黎~
叫我搵一個人o既電話...
但係唔confirm d電話會搵到佢...
所以我兩點幾o個陣~
特登走去前面間舖頭度望下...
不過o個個人唔o係度~
但入面有個人...
同佢傾o左幾句...
知道佢返o左大陸...
仲講o左個電話比我聽~
個電話同我本身紀錄個電話係一樣~
返到舖頭~
我再打比tony話比佢聽個情況...
另外~ tony仲未落得黎呀~~
佢話o個個人話17號一定會比到個證佢~
唉...
希望今次會落實...唔係吹水啦...
今日凍o左好多~
我已經醒目o架啦~
著o左件中袖恤衫再著埋件冷背心~
點知o係舖頭仲係好凍~
好彩仲有件外套o者...
昨晚未聽到"絕情谷"就訓著o左~
但係記得自己後尾好似醒o左一醒~
聽到張燊悅把聲咁~
哈哈~都唔知係發夢定真係聽到~
跟住再熄埋收音機就訓覺lu`...
到今朝上網聽返重播...
結果...真係張燊悅同倪震主持~
原來...前晚係阿mark同周慧敏...
係只此一次咋...
當係做宣傳咁...
講返個節目啦...
講真~都幾激咁~
後半段...即係凌晨一點後o個節...
會講d比較敏感o既話題~
最搞笑...張達明同黃毓民冇啦啦黎探班~
佢o地o係度分享返佢o地第一次o既性經驗~
真係笑到死...
神舟五號順利升空...
第時歷史問題又會多一條...
就係...邊個係第一個上太空o既中國人呀?
哈哈~ 到時大家都識答啦...
係楊利偉呀~~!
程程公司幾好呀~
每人最多可以有200蚊去食飯~
目的係想d員工多d溝通咁...
真係開心啦~
蔣小姐又打黎~
唉...成日打黎都冇用...
tony真係未返黎呀嘛...
講起蔣小姐...
我諗起昨晚發夢...
個夢見到蔣小姐要我學英文...
跟住仲要去澤生度學野~
蔣小姐又冇啦啦要我學埋fashion design咁~
夠哂奇怪...
小田和正就黎開演唱會~
當年o個首東京愛的故事o既歌...
令我諗返起套日劇...
o個時真係勁鐘意"玲木保奈美"~
覺得佢好靚...
丫~講起"玲木保奈美"~
我又諗起一個人...
就係宜家還珠格格o個個黃奕...
佢都好似"玲木保奈美"~
所以...其實佢做小燕子o個陣~
我都對佢幾有好感...
起碼...唔會覺得佢討厭囉~
跟住...我又諗起...
The Phantom of the Opera~
上網去官方網頁度睇...
原來一直都仲做緊o架...
希望...我有生之年...
都仲有機會去睇多一次啦~
朝早有幾個客黎過...
冇買到野就走o左~
點知下午佢o地再返黎~
買o左三個俑同一個陶杯~
剩係講o左二百蚊價...
算係幾好o架啦...
不過佢就係碌卡...
冇得收現金tim~~ v_v
今日都好多人入黎~
當我做緊生意o個陣~
有兩公婆走入黎左睇右睇~
我都唔得閒招乎佢o地..
後尾個客走o左...佢o地再入黎~
我先頭以為佢o地係大陸人~
但後來老豆話比我知...
佢o地係台灣人黎~
我勁唔妥佢o地囉...
因為佢o地竟然話我公司d貨係假~
有冇搞錯呀!!
就算真係假~
都冇理由大大聲聲咁講出黎o架~
我以為佢o地係買野啦...
點知...佢o地後尾問我收唔收貨~
哼~ 收...都唔幫你o地買啦~
咁串!
佢o地走o左之後~
我就收返埋d野∼
處理好d單~訂拷貝紙同埋訂紙箱咁...
當我放返d公仔o係櫥窗個台o既時候...
我見到個膠架放o係側邊...唔方便我擺野~
於是我就拎o左落黎啦...
點知...我向後退...行返落個台o個陣~
唔小心踩爛o左個膠架~~
激鬼死我~
好彩我冇跌親~又冇整爛d貨o咋~
唉...公司宜家又冇哂錢...
比埋訂拷貝紙d錢~
公司已經負資產lu~
d紙箱同膠架錢...
睇黎我都要自己比住先lu~
個膠架...上次阿偉幫我o地做...
要成180蚊左右~
老豆話阿偉個師父唔會收佢咁貴~
於是我就叫老豆幫我打去訂個膠架~
慳番d錢咋~~
開始包野之前~
我幫d貨影相...
因為個客要我做張公司o既証書比佢...
同埋要貼落張相o係個盒度~
等佢知道入面係邊個打邊個...
可能...我唔係好識word o既操作啦~
插入張相之後...d文字好難控制...
於是~我搵齊d資料...
張d野帶返屋企度做~
用corel draw做~
一陣就搞掂lu~
不過...就哂o左我d相紙囉...
仲有呀~部printer太耐冇用~
黑色出唔到~
又要洗下個墨頭先得...
有個男人入黎...想我捐錢~
呢一個團體...
上次我o係舊舖都捐過50蚊比佢~
不過o個次佢比o左份資料我睇~
佢o地並唔係一間好慈善o既慈善團體囉~
所以我冇再捐比佢...
老豆亦都特登打過黎叫我唔好理佢~~
哈哈~~
我老闆娘個電話號碼~
因為我一時錯手...mark錯日子...
搞到cut o左...
我前排已經查詢過一輪...
我今日再上網查詢...
留o左message比佢o地~
之後~佢o地覆返我~
提供o左一個重要資料比我~
話個號碼一星期之後~
會放返去csl~
咁我跟住打去csl度問~
佢話冇我幫我hold~
叫我過幾日再打黎問...
希望拎得返個電話號碼啦~~
阿哥又病o左...
夜晚我o地食通心粉~
哈哈~阿媽整o個d...
真係好食過老豆整o個d好多呢~~~~
