嘩~今朝....昨日係咁煩住我o個個人...
又打黎...
唉....
真係好鬼煩...
昨晚好慘...
阿媽同老豆行完街返黎~
覺得好熱...
阿媽就想飲菊花茶...
不過佢飲唔哂~
倒o左一本比我飲...
過o左一陣...老豆沖完涼出黎~
又係話好熱...
問雪櫃有冇雪糕食...
於是~ 又一人食o左一碗雪糕...
拿...跟住就死火啦...
肚痛又肚凍...
程程猛咁叫我食藥...
我死都唔肯食...
大隻囡囡用條尾黎幫我"初"肚...
"初"完...又好似好d咁...
今朝返工之前...
o係阿哥個書櫃搵o左本書拎落舖頭睇~
書名叫"夢的解析"~
我係因為睇到個書名而想睇~
於是就放o左落袋...
當我拎出黎一睇...
本書原來係"佛洛伊德"寫o架...
不過呢本係中文譯本...
可能太深奧...真係睇唔明...
睇唔明...就會冇咩興趣睇...
跟住對眼好自然咁...跳字黎睇...
越睇越唔明白...
最後...都係放棄唔睇...
偏偏o係呢個時候...
o係網上拍賣買返黎o個本書寄到黎...
唉..."又係張小嫻o既書黎..."~
不過...總好過睇d自己唔明o既書...
我覺得...最好睇~
應該係麵包樹系列...
我宜家正考慮緊...
好唔好將其他書賣返出去...
(除o左麵包樹系列...)
因為近來買o個d書...
d賣家都唔係幾成實...
d書唔係佢o地所講咁新...
我份人比較鐘意睇"乾淨同直"o既書...
每次拎返本書出黎...
都好似睇緊一本新書咁...
會帶比自己一種新o既感覺~新o既睇法...
下午~ 阿媽o係五姨度買o左盒咖哩雞飯比我食~
每一次都覺得好好味...胃口都好d~
仲會成盒都食哂...
即係話...我其實幾鐘意食咖哩~
但係奈何我係一個唔適合食辣o既人...
因為我係屬於熱底...
食o左辣野...個人會好燥...
下午有一點失落...
呢種感覺...
我唔知係來自icq定係來自同我傾o既人...
icq係一個程式~
亦都隨著你點樣去操控而變化萬千...
icq係一個冇感情o既工具~
但好好利用佢...會令到感情慢慢滋生~
相反...會是一件很令人傷感的程式工具...
一問一答的形式...
發生在兩個相識相知的人...
是很陌生~
那就是我為什麼選擇e-mail都唔用icq o既原因~
對著認識的人...
你會想滔滔不絕咁對佢講野...
而唔係一問一答...
今日icq見到athena~
見佢未覆e-mail~
又見佢日記好耐冇update~
所以就問佢有冇事啦...
傾o左幾句...
我已經再諗唔到再講d乜...
距離...一下子遠了...
最後我選擇了offline...
我...竟然逃避...
那個是我嗎?!
我諗...係因為我出o左黎做野~
所以先會咁...
將來athena讀完書...
出黎做o左野...
可能呢種感覺會冇o左...
又好似teresa咁...
雖然我搵返佢...真係好開心~
但佢亦都同athena一樣~
對於現在o既我黎講~
係好陌生~
我完全唔覺得我係佢o地o既一份子~
我容入唔到學校生活o既圈子...
佢o地讀o既野...亦都唔係我能夠理解得到...
意見...更輪唔到我去發表...
我只希望...當有什麼事的時候...
你需要我的話...
唔好客氣~
即管搵我...
前日同阿聰傾電話~
佢兩次咁表達o左佢對我o既掛念...
"我真係好掛住你..."~
係最直接o既表達...最真擊o既...
並唔係虛偽o既行為...
當時...我兩次o既反應都不太熱衷...
並唔係我意識唔到...
只係我唔識得點比反應佢...
我講唔出"我好掛住你"呢d說話~
就好似"我愛你"咁...唔係人人都講得出口~
反而"i love you/i miss you!"會講得出一樣~
o係遙遠o既地方...有一個人掛念自己~
係幾咁幸福o既事~
唔係一定要"愛情o既掛念"先會幸福~
朋友o既掛念...一樣都會咁幸福~
這是我深深體會到o既......
