原來人類依賴電腦...
只會令自己個腦負擔o既野少o左...
唉...如果冇o左電腦...
我將會好似一個無o左記憶o既人咁...
究竟...
我係咪應該用腦去記住發生o係自己身上o既事~
而唔係靠電腦幫我記住呢?!
今日阿wing講起上年聖誕節...
我o地有冇一齊出黎玩...?
我記唔起...
於是我就諗住搵返d日記出黎睇啦...
點知...發現上年十二月十三日之後...
至到三月四日前o既日記都冇o左...
好失望...
點解會唔見o左o架?!
當時我好似壞o左電腦.....
不過就算壞o左...
我都唔會冇打日記o架喎...
o係個腦度...閃出o左一張張o既信紙~
我記得有一段時間我係將每日發生過o既事~
我會寫d key word o係張信紙度...
之後~我又記得我曾經睇住呢d信紙上面o既字...
慢慢咁組織返編日記出黎...
宜家突然發現唔見o左d日記...
我就好似冇o左記憶咁...
好驚...
有冇人話比我知...
當時我做過d乜呢?!
所謂樂極生悲...
雖然..."悲"唔係什麼"悲痛悲傷o既事...
亦都唔係發生o係我身上...
只係程程人o地昨晚玩得好開心~
猛咁飲啤酒飲到wing wing o地咁o者...
咁佢昨日下午收o左工返屋企~
到六點幾...
佢就準備出去join d同事一齊食飯~
出去之前~
佢應承o左我...同佢阿媽講d野~
點知後尾問番佢...
佢竟然話..."我冇用...我講o左d~冇講d"~
咁即係未講到main point啦...
於是我叫佢今晚一定要同佢老豆再講...
如果唔係就"宇宙禿"~-->佢最驚o既野o黎~~
佢連誓都發埋...照計佢點都會硬住頭皮講...
點知到十點幾...我睇完電視打電話比佢~
人o地已經話比我聽佢飲o左好多...
跟住又同我講~
返到去沖完涼...一定會打電話比佢老豆講~
到今朝...我問佢講o左未...
佢竟然話"未"~仲話沖完涼...
好暈...即刻訓著o左咁...
哼~ 我話...你講o左先好再搵我~
唔准打電話比我~
今晚唔講~ 你聽日唔洗出現..
我都唔明點解佢會咁冇用...
講d野...有幾難...?!
唔洗半分鐘都講完啦~
硬係要推三推四...話唔知點開口咁...
搞到我越講越嬲...
下令以後唔准再出席呢d場合...
次次比佢去玩都毫無分寸~
雖然大家會覺得我好霸道~
甚至會令到佢冇哂朋友~
但係...呢d後果...係佢自招o既...
哼~玩得咁開心丫拿...!?
呢個就係佢得到"樂極生悲"o既原因啦...
終於~我從自己o既guestbook入面搵到d線索...
當時部電腦真係壞o左...
我將28-12-2002至27-12-2002 o既日記..
upload o左去第二度~
至於再之後o既日記去o左邊...
睇黎到要返屋企搵下d碟先得lu~
仲有...我另外仲整過一個好簡單o既hp~
個名我仲改o左做"le journal intime de TOBEY"~
唉...我完全唔記得o左呢句野點解?!
咁..好明顯..應該我當時懶係野...
改個法文o既名...
我估..應該係"我的日記"咁上下o既野o掛...
我亦都記起...我曾經o係日記有提及過...
不過要搵返...又係需要一d時間...
唉...搞到我宜家都仲係好苦惱...
今朝八點半就起身lu~
因為要去金鐘拎野嘛~
先頭諗住搭van仔落去~
後尾我等唔到...咁岩有架巴士到...
雖然架巴士要兜路~
但係我都費事再等...照上車~
拎完野~我就搭返o個架車返公司附近...
哈哈~都係九點八左右~
之後~我就o係度抹玻璃~
發現櫥窗o既射燈燒o左~
我就搬開d貨...諗住叫老豆過黎幫我換燈膽...
不過佢出o左去...
咁我就繼續抹啦...
因為平時好少抹入面d玻璃o架~
亦好少特登搬開d貨走入去抹...
點知抹抹下...比我發現o左d野~
嚇到我雞皮都起哂...
嘩~~係一大堆死o左o既小強呀~~
佢o地全部死哂o係一個"兜"度...
我都未試過見到咁多小強~
老豆等極都未返黎~
我望一眼..一諗起...都起哂雞皮~
真係好恐怖~~
最後~老豆終於都返o左黎~
佢拿拿臨幫我處理好...換埋燈膽...
實在太好啦...
昨日臨收工~
d紙盒送o左黎~
我即刻裝好箱...
打電話比個客~話比佢聽可以隨時黎拎d貨~
仲有呀~佢想買本書~
我問o左好多間都冇~
老豆叫我打去一間書局問...
連o個間都話冇~最快要一個月後先有貨到~
唉~咁冇計啦...
到今朝十一點幾~
佢就叫個司機黎拎d貨~
哈哈~ 又了結一件事lu~~
蔣小姐個細妹今朝又打黎~
都實在唔怕煩o架喎~
兩萬幾蚊o者~
唔洗咁呀嘛~
佢都係問tony幾時返黎~
咁我話我今日未聯絡過tony~唔係咁清楚~
話轉頭覆返佢~
於是~我就即刻打比tony啦~
佢話佢都唔知...下晝先知道~
如果今日拎唔到...就要星期一先拎到落黎喎~
唉...
之後`我就再覆返佢...
佢好爽快咁講o左句"好丫"~就收線~
都唔知佢係咪以為我敷衍佢...
o係街度...見到dhl d人著哂新制服~
成條蕉咁周圍行~
好鬼嚇人...
程程形容到好似winnie the pooh咁~
哈哈~ 又幾似o既~
有個大肚腩丫嘛~~哈哈~
