今日feel到自己有d病~
咪又係d老毛病...傷風咁囉~
但係下午有野做...
又唔覺病...
完全冇打過"乞痴"~又冇流鼻水~~~
真奇怪~~
今日有生意~
so happy~
收o左萬幾蚊cash~
賣o左19個俑仔~
我四點左右已經包好哂lu~
宜家仲差個盒就搞掂啦...
十一點左右~
有個著住麥記制服o既女人推門入黎~
佢問我係咪x8街號...
我話係...
咁佢問我七樓點上去~
我就話由側邊樓梯行上去...
冇lift o架...
個女人都打o左個突...
跟住我就話...不如打電話比個客...
問下係咪真係呢度...
如果唔係o既話...
行o左上去先唔知錯o左咪大穫~
咁我就幫佢打電話問o個個人啦...
o個個人話冇錯...
咁個女人就猛咁唔該我...
非常有禮貌~
到個女人送o左d野上去落返黎~
佢企o係玻璃出面向我九十度鞠躬~
真係嚇一嚇...
宜家原來麥記搞埋送外賣...
生意真係難做...
而我樓上七樓o個個人就真係衰~
唔一早話比人聽要行樓梯~
冇lift搭...
真過份...
到我得閒o個陣~
我就去搵o個間麥記o既電話~
(個女人曾經提過佢係邊間~)
打電話去搵個經理...
讚下呢個女人o既服務態度啦~~^_^
程程今晚又話去踢波喎~~
我又要等佢...
買o左monday睇~
見有飛送~
我就寄去試下~
又見到對波鞋...
21號先發售~
我諗我應該會買呢一對~
除非聽日o係旺角搵唔到我想買o架啦~~
sisi冇啦啦又返黎~
我要等埋佢先收工~
佢話要返黎舖頭check e-mail喎~
因為屋企部電腦壞壞o地~
check唔到喎~
今日阿媽"咬柴"~
真係唔小心啦~
食完飯...由老豆負責洗碗~
哈哈~~
本來d野應該係我做o既~
不過...我懶得就懶...
老豆認頭...緊係比佢做啦~
聽日阿媽仲要去...
葉先生茶具博物館開幕o個度參觀~
佢會同埋阿哥一齊去~
老豆反而唔去...
但係老豆算係好比面佢~
做o左個筆架送比佢~
葉先生"恨"o左好耐有件老豆o既作品o架啦~
老豆放o左入個錦盒度...
我就幫佢綁o左個蝴蝶結絲帶~
我下午打去德國佬度~
佢個伙計話德國佬已經吩咐o左佢去銀行...
哈哈~ 咁就好啦...
希望快d收到錢啦~~
六點左右~ 運輸公司送o左個紙盒黎~
因為訂做需要d時間~
等唔切~咁去搵盒...
我又唔知邊度有...
咁我唯有打去運輸公司幫佢o地買兩個盒黎改裝~
我貼好個紙盒...
放d貨入去...
似乎岩岩好...
但因為我未有發泡膠圍邊...
咁就決定唔裝住...
留返聽日先做啦~
包完野...
手臂好累...
不過如果日日都有得比我累...
我都唔怕...
咁即係証明有生意嘛~
如果日日都咁悠閒~就死火囉~
即係食"谷種"~
唉~~ 希望歐洲o個邊放假~
會有多d人黎香港買野啦~~
